Luka 7
7
i Yēsu paka'inava kana ma'izang na Roma hitay kanantu pakarunan
(Matay 8.5-13)
1i Yēsu piya lra marengay kana zinekalranan kananni na ngay, zi mukuwa i Kabēnum. 2i kazu ulra a sasa na ma'izang kana Roma hitay, nantu pinazangal menau' na pakarunan kuwaleng pakirev, uri kiyanatray lra. 3na ma'izang kana hitay kinger tu lremak ni Yēsu mu, zi pakarun papida i Yodaya na ciyoro mukuwa kiyamiya kani Yēsu za paka'inava kanantu pakarunan. 4meredek lra nazu kani Yēsu i kazu mu, kemaira kilraman kiyami marengay kantaw: <<ini na trau tena' kirepa'uwa kipuwalrang kannu; 5lraman kaniyam i Yodaya na trau i intaw, aziyu ziyan tu parahananay mi lra za waazukan ruma'.>>
6kemazu zi i Yēsu salrangan kanazu mukuwa. a adalrep lra meredek i kazu i intaw mu, na ma'izang kana hitay pakarun papida za 'ali'an mukuwa marengaya kani Yēsu: <<Luzu a, 'alrazi amanan maulep mavangavang. zuwa u kaniyam i ruma', 'azi ku kirepa'uwa; 7kemazu 'azi ku kirepa'uwa kirepana'u kannu. nu temuru u ziya saya za ngay mu, ka'iyanava nanku pakarunan. 8kamawan i makatras kaninku ulra na pakarun kaninku na ma'izang, i makalusu ulra na kipakarun kaninku na hitay; semeratr ku kanini na trau mukuwa mu, zi mukuwa i intaw, semeratr ku kanizu na trau pazuwa, zi zuwa i intaw; marengay kananku kuli <kikarunu i ini> zi mukuwa kikaruna i intaw.>>
9a kinger i Yēsu kanini na ngay mu, salaw pakumelri, marepiles tremepa kana kurelrang kantaw na zinekalranan marengay: <<marengaya ku kanmu, na kamawan kana kemani na pakutatena'an mu, nu maw kazu i Iseraēl na trau i savakan mu, 'azi ku ziyan mena'u!>>
10nazu na pinakarun na trau mareveliyas muruma' kana ruma' na ma'izang kana hitay, mena'u kana pakarunan na ma'izang kana hitay 'inava lra.
parevaaw kana alrak na inavangulr
11melavat lra za 'azi sawariyan#7.11 <<melavat lra za 'azi sawariyan>> ulra pakazuma na awatranan lulun vinavalray za <<'emanan>>., i Yēsu mukuwa kana kazekalran i Nain; tu temakesi zi na mulepun na trau kurelrang kantaw mukuwa. 12a meredek i salikiz kana kazekalran i intaw mu, penauwa muwapana saturik a makuwa tremevelra. izu na minatray mu tu alrak a saverasan kana inavangulr; ulra kazuwan a trau kemay kazekalran mupana, puwalrang kana inavangulr mukuwa tremevelra. 13mena'u i Luzu kanizu na inavangulr mu, matemuy za lramanan i anger, zi marengay kantaw: <<itratrangis!>> 14zi mungawayan demikes kana tangka, na 'ema'alu na trau mu maziyazi. marengay i Yēsu: <<vangesaran, patalru ku kannu karahan!>> 15izu na minatray mu kemayan, pawnung kemirakaz marengay. i Yēsu tu verayanay kani tainataw i intaw.
16salaw pakanumelri mapapiya; semenay pulihu kana Viruwa i itras marengay nazu: <<ulra a ayawayawan na patralritralri kazu kanta i savakan lra!>> marengay ziyan: <<zuwa lra venaawa kanantu zinekalranan na Viruwa i itras!>>
17na kireeman kani Yēsu ini na lremak na vati mu mu'ivat lra i Yodaya zi makadalrep kana pinidare'an.
tu temakesi na semasuwap i Yohanē zuwa kirepana'uwa kani Yēsu
(Matay 11.2-19)
18na temakesi ni Yohanē marengay kani Yohanē kanini na lremak peniya. i Yohanē venina pazuwa kana temakesi za zazuwa, 19pakarun kanazu mukuwa kirepana'uwa kani Luzu, pakiyumalraw nazu kantaw: <<maw u izu na sasa tu niyarengay ni Yohanē na uri zazuwa, nu 'azi mu ngangara mi ziyan za zuma a sasa nay?>>
20nazu a meredek kani Yēsu i kazu, zi marengay: <<na semasuwap i Yohanē pakarun kaniyam zuwa kiyumalra kannu: <maw u tu niyarengay na uri zazuwa izu na sasa, nu 'azi mu ngangara mi ziyan za zuma a sasa nay?> >>
21penauwa a azu i Yēsu paka'inava lra kana kazuwan na kuwaaleng, na muelep kana alung, zi na pinalrar na trau, pawnung paka'inava kana kazuwan na mavutri' mareveliyas mena'u. 22kemazu zi temuvang i intaw kana temakesi ni Yohanē marengay: <<uveruk uruma' i inmu, nanmu nina'uwan, kiningeran rengayu pakalrazami i Yohanē, mawna mena'u na mavutri', kemakawang na matripu', mukirungetr na malripay, kinger na matrule', marevaaw na minatray, na kalramalraman na trau kinger kana fukuing. 23izu na 'azi malrivak kaninku na trau mu kemudakuda kana mika'inavayan a!>>
24a muveruk lra tu pinakarun ni Yohanē mu, i Yēsu venavati kana zinekalranan kani Yohanē, marengay: <<a aziyu ziyan mukuwa mu i alalas miya'a kani Yohanē mu, maranger mena'u za eman nay? maw na mena'u kana ka'ilayan tu valiyay zi mahuwahu ziyamaw? 25kemudakuda zi nana'u mu za eman ziyamaw? maw na menana'u kana mikavang za vavulayan na trau ziyamaw? na penazangal mianger za kakavang, na meraranak i wayway na trau maw na kaazu kana ruma' na hongti i savak! 26kemazu mu, mupatraran mu mukuwa mena'uwa za eman ziyamaw? maw na menana'u kana patralritralri ziyamaw? ai, mawmu marengaya ku kanmu, marama'izang ziya kana patralritralri i intaw. 27i intaw maw na nirengayan i Sēsiyo izu na sasa; marengay na Viruwa i itras: <na'uwi a, pakarun ku kananku pakarunan kazu i ngawayan kannu; muramawan pudalan kannu i intaw.> >> 28marengay ziyan i Yēsu: <<marengaya ku kanmu, na trau i punapunan iniyan za maraayawayawan lra kani Yohanē; mawmu kazu kana kanatal na Viruwa i itras, na maramakitekiteng na sasa mu maraayawayawan ziya kani Yohanē ziyanay!>>
29na zinekalranan, muravak kana kisasata na trau, a kinger kanantu ngay ni Yēsu mu, miturus lra kanantu patezelran na seratr kana Viruwa i itras, 'alrana kituluz lra kanantu sasuwap ni Yohanē nazu. 30mawmu na Palisay na trau zi na sinsi kana kuret 'emazi kituluz kana Viruwa i itras tu niranganger kinakuda kanazu, 'alrana 'azi kituluz kanantu sasuwap ni Yohanē nazu.
31marengay ziya i Yēsu: <<nu kemazu mu, aelak ku za eman paruwalru kanini na ziday na trau awa? kemuda zi kamawan za eman nazu awa? 32nazu penauwa kamawan kana kazu kemayan i dadalan kivangavang na lralrak, i savakan kanazu na salepun 'emuy'uy marengay kana zuma na salepun: <muramawan mi kanmu zi paruni kana senay na pakaetim, 'azi mu malikasaw! nu semenay mi kana senay na inulid mu, zi 'azi mu trematrangis!> 33zuwa lra i Yohanē na semasuwap, 'azi maekan zi 'azi matrekel, marengay mu: <mupalrar i intaw!> 34zuwa lra tu Alrak na trau, kemazu mekan zi tremekel, mawmu marengay mu za: <maw a parekutra paretrinumu na trau i intaw, mi'ali'an kana kisasata zi na kuwaatrengan na trau!> 35mawmu, tu sayhuwan na Viruwa i itras maw kemay kana kituluz ziya za sayhuwan na trau mupana kurena'u.>>
tu uwaasalr pakavukal na mipinamelriyan na vavayan
36ulra a sasa Palisay na trau demaulr paekan kani Yēsu, zi i Yēsu mukuwa kantaw i ruma' kipalrang. 37i kazu ulra sasa a vavayan, tu kemazuwan kazu kana wayway na mipinamelriyan. a kinger i intaw za ulra kazu i Yēsu kana ruma' na Palisay na trau maekan, zi murung za saya giyok na dalilr pinatemuyan kana ulringulr na lrawlraw zuwa. 38kazu i likuzan kani Yēsu i intaw, mudalrep kanantu kuy trematrangis. tu ule' matu'etu' semapene' lra kanantu kuy ni Yēsu, zi tu itrulay kanantu 'arevu i intaw pakatrarangtrang, pawnung mimanay kanantu udung muma kanantu kuy, likuzan mu tu itrulanay na ulringulr na lrawlraw. 39izu na demaulr paekan kani Yēsu na Palisay na trau mena'u lra mu, kemianganger: <<ini na trau nu maw tatena' a patralritralri mu, pauwayanay mu kalralrazam kanintaw za maw na kemudakuda na vavayan; maw mipinamelriyan na trau i intaw!>>
40zi marengay i Yēsu kantaw: <<Simon, ulra a sasaya ku ngay rarengay kannu.>>
temuvang i Simon: <<sinsi 'alrazi rengay.>>
41marengay i Yēsu: <<ulra zazuwa a trau mikiyam kana mararesan za sasa na tawki, na sasa mu mikiyam za lruwatra leman paisu, na sasa mu mikiyam za makalruwatr paisu. 42na zazuwa iniyan za kezang za parevelaliyas kanantu kiyam, na tawki tu puelakaw lra nantu kiyam nazu. kiyangangeru, maw na i iyan na marakasahar kantaw nazu nay?>>
43temuvang i Simon: <<nu kemianger ku mu maw izu na marasazu kipuelak kanantu kiyam.>>
marengay i Yēsu: <<pamaw nannu iyarengay.>> 44kemazu zi marepiles tremepa kanizu na vavayan, marengay kani Simon: <<mena'u u kanini na vavayan ziyamaw? zuwa ku kanannu ruma', 'azi u veray za zanum kaninku pauras za kuy, mawmu tu urasay ku kuy kanantu ule', pawnung itrulay kanantu 'arevu pakatrarangetrang. 45'azi u manay za kakuwayanan emuma kiyatrevung kaninku, mawmu kemay musavak ku mu 'azi maziyazi emuma kananku kuy i intaw. 46'azi u dema'us kananku tranguru' kana lrawlraw, mawmu tu da'usaw ku kuy kana ulringulr na lrawlraw. 47marengaya ku kannu, temara pasavak za saharan i intaw mu wasay lra za kilapus lra nantu pinamelriyan na sazu. izu na saema nantu kinilapus mu, tu i kasahar mu kemazu kurekalrazam za saema.>>
48zi i Yēsu marengay kanizu na vavayan: <<nannu pinamelriyan mulapus lra peniya.>>
49kemazu zi na kurekasa mekan na trau kemianger za: <<i eman ini na trau? maruwaruwa melapus tu pinamelriyan za trau!>>
50i Yēsu marengay kanizu na vavayan: <<vaawaw u lra kanannu pakutatena'an; ping-an uruma' mu!>>
Právě zvoleno:
Luka 7: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 7
7
i Yēsu paka'inava kana ma'izang na Roma hitay kanantu pakarunan
(Matay 8.5-13)
1i Yēsu piya lra marengay kana zinekalranan kananni na ngay, zi mukuwa i Kabēnum. 2i kazu ulra a sasa na ma'izang kana Roma hitay, nantu pinazangal menau' na pakarunan kuwaleng pakirev, uri kiyanatray lra. 3na ma'izang kana hitay kinger tu lremak ni Yēsu mu, zi pakarun papida i Yodaya na ciyoro mukuwa kiyamiya kani Yēsu za paka'inava kanantu pakarunan. 4meredek lra nazu kani Yēsu i kazu mu, kemaira kilraman kiyami marengay kantaw: <<ini na trau tena' kirepa'uwa kipuwalrang kannu; 5lraman kaniyam i Yodaya na trau i intaw, aziyu ziyan tu parahananay mi lra za waazukan ruma'.>>
6kemazu zi i Yēsu salrangan kanazu mukuwa. a adalrep lra meredek i kazu i intaw mu, na ma'izang kana hitay pakarun papida za 'ali'an mukuwa marengaya kani Yēsu: <<Luzu a, 'alrazi amanan maulep mavangavang. zuwa u kaniyam i ruma', 'azi ku kirepa'uwa; 7kemazu 'azi ku kirepa'uwa kirepana'u kannu. nu temuru u ziya saya za ngay mu, ka'iyanava nanku pakarunan. 8kamawan i makatras kaninku ulra na pakarun kaninku na ma'izang, i makalusu ulra na kipakarun kaninku na hitay; semeratr ku kanini na trau mukuwa mu, zi mukuwa i intaw, semeratr ku kanizu na trau pazuwa, zi zuwa i intaw; marengay kananku kuli <kikarunu i ini> zi mukuwa kikaruna i intaw.>>
9a kinger i Yēsu kanini na ngay mu, salaw pakumelri, marepiles tremepa kana kurelrang kantaw na zinekalranan marengay: <<marengaya ku kanmu, na kamawan kana kemani na pakutatena'an mu, nu maw kazu i Iseraēl na trau i savakan mu, 'azi ku ziyan mena'u!>>
10nazu na pinakarun na trau mareveliyas muruma' kana ruma' na ma'izang kana hitay, mena'u kana pakarunan na ma'izang kana hitay 'inava lra.
parevaaw kana alrak na inavangulr
11melavat lra za 'azi sawariyan#7.11 <<melavat lra za 'azi sawariyan>> ulra pakazuma na awatranan lulun vinavalray za <<'emanan>>., i Yēsu mukuwa kana kazekalran i Nain; tu temakesi zi na mulepun na trau kurelrang kantaw mukuwa. 12a meredek i salikiz kana kazekalran i intaw mu, penauwa muwapana saturik a makuwa tremevelra. izu na minatray mu tu alrak a saverasan kana inavangulr; ulra kazuwan a trau kemay kazekalran mupana, puwalrang kana inavangulr mukuwa tremevelra. 13mena'u i Luzu kanizu na inavangulr mu, matemuy za lramanan i anger, zi marengay kantaw: <<itratrangis!>> 14zi mungawayan demikes kana tangka, na 'ema'alu na trau mu maziyazi. marengay i Yēsu: <<vangesaran, patalru ku kannu karahan!>> 15izu na minatray mu kemayan, pawnung kemirakaz marengay. i Yēsu tu verayanay kani tainataw i intaw.
16salaw pakanumelri mapapiya; semenay pulihu kana Viruwa i itras marengay nazu: <<ulra a ayawayawan na patralritralri kazu kanta i savakan lra!>> marengay ziyan: <<zuwa lra venaawa kanantu zinekalranan na Viruwa i itras!>>
17na kireeman kani Yēsu ini na lremak na vati mu mu'ivat lra i Yodaya zi makadalrep kana pinidare'an.
tu temakesi na semasuwap i Yohanē zuwa kirepana'uwa kani Yēsu
(Matay 11.2-19)
18na temakesi ni Yohanē marengay kani Yohanē kanini na lremak peniya. i Yohanē venina pazuwa kana temakesi za zazuwa, 19pakarun kanazu mukuwa kirepana'uwa kani Luzu, pakiyumalraw nazu kantaw: <<maw u izu na sasa tu niyarengay ni Yohanē na uri zazuwa, nu 'azi mu ngangara mi ziyan za zuma a sasa nay?>>
20nazu a meredek kani Yēsu i kazu, zi marengay: <<na semasuwap i Yohanē pakarun kaniyam zuwa kiyumalra kannu: <maw u tu niyarengay na uri zazuwa izu na sasa, nu 'azi mu ngangara mi ziyan za zuma a sasa nay?> >>
21penauwa a azu i Yēsu paka'inava lra kana kazuwan na kuwaaleng, na muelep kana alung, zi na pinalrar na trau, pawnung paka'inava kana kazuwan na mavutri' mareveliyas mena'u. 22kemazu zi temuvang i intaw kana temakesi ni Yohanē marengay: <<uveruk uruma' i inmu, nanmu nina'uwan, kiningeran rengayu pakalrazami i Yohanē, mawna mena'u na mavutri', kemakawang na matripu', mukirungetr na malripay, kinger na matrule', marevaaw na minatray, na kalramalraman na trau kinger kana fukuing. 23izu na 'azi malrivak kaninku na trau mu kemudakuda kana mika'inavayan a!>>
24a muveruk lra tu pinakarun ni Yohanē mu, i Yēsu venavati kana zinekalranan kani Yohanē, marengay: <<a aziyu ziyan mukuwa mu i alalas miya'a kani Yohanē mu, maranger mena'u za eman nay? maw na mena'u kana ka'ilayan tu valiyay zi mahuwahu ziyamaw? 25kemudakuda zi nana'u mu za eman ziyamaw? maw na menana'u kana mikavang za vavulayan na trau ziyamaw? na penazangal mianger za kakavang, na meraranak i wayway na trau maw na kaazu kana ruma' na hongti i savak! 26kemazu mu, mupatraran mu mukuwa mena'uwa za eman ziyamaw? maw na menana'u kana patralritralri ziyamaw? ai, mawmu marengaya ku kanmu, marama'izang ziya kana patralritralri i intaw. 27i intaw maw na nirengayan i Sēsiyo izu na sasa; marengay na Viruwa i itras: <na'uwi a, pakarun ku kananku pakarunan kazu i ngawayan kannu; muramawan pudalan kannu i intaw.> >> 28marengay ziyan i Yēsu: <<marengaya ku kanmu, na trau i punapunan iniyan za maraayawayawan lra kani Yohanē; mawmu kazu kana kanatal na Viruwa i itras, na maramakitekiteng na sasa mu maraayawayawan ziya kani Yohanē ziyanay!>>
29na zinekalranan, muravak kana kisasata na trau, a kinger kanantu ngay ni Yēsu mu, miturus lra kanantu patezelran na seratr kana Viruwa i itras, 'alrana kituluz lra kanantu sasuwap ni Yohanē nazu. 30mawmu na Palisay na trau zi na sinsi kana kuret 'emazi kituluz kana Viruwa i itras tu niranganger kinakuda kanazu, 'alrana 'azi kituluz kanantu sasuwap ni Yohanē nazu.
31marengay ziya i Yēsu: <<nu kemazu mu, aelak ku za eman paruwalru kanini na ziday na trau awa? kemuda zi kamawan za eman nazu awa? 32nazu penauwa kamawan kana kazu kemayan i dadalan kivangavang na lralrak, i savakan kanazu na salepun 'emuy'uy marengay kana zuma na salepun: <muramawan mi kanmu zi paruni kana senay na pakaetim, 'azi mu malikasaw! nu semenay mi kana senay na inulid mu, zi 'azi mu trematrangis!> 33zuwa lra i Yohanē na semasuwap, 'azi maekan zi 'azi matrekel, marengay mu: <mupalrar i intaw!> 34zuwa lra tu Alrak na trau, kemazu mekan zi tremekel, mawmu marengay mu za: <maw a parekutra paretrinumu na trau i intaw, mi'ali'an kana kisasata zi na kuwaatrengan na trau!> 35mawmu, tu sayhuwan na Viruwa i itras maw kemay kana kituluz ziya za sayhuwan na trau mupana kurena'u.>>
tu uwaasalr pakavukal na mipinamelriyan na vavayan
36ulra a sasa Palisay na trau demaulr paekan kani Yēsu, zi i Yēsu mukuwa kantaw i ruma' kipalrang. 37i kazu ulra sasa a vavayan, tu kemazuwan kazu kana wayway na mipinamelriyan. a kinger i intaw za ulra kazu i Yēsu kana ruma' na Palisay na trau maekan, zi murung za saya giyok na dalilr pinatemuyan kana ulringulr na lrawlraw zuwa. 38kazu i likuzan kani Yēsu i intaw, mudalrep kanantu kuy trematrangis. tu ule' matu'etu' semapene' lra kanantu kuy ni Yēsu, zi tu itrulay kanantu 'arevu i intaw pakatrarangtrang, pawnung mimanay kanantu udung muma kanantu kuy, likuzan mu tu itrulanay na ulringulr na lrawlraw. 39izu na demaulr paekan kani Yēsu na Palisay na trau mena'u lra mu, kemianganger: <<ini na trau nu maw tatena' a patralritralri mu, pauwayanay mu kalralrazam kanintaw za maw na kemudakuda na vavayan; maw mipinamelriyan na trau i intaw!>>
40zi marengay i Yēsu kantaw: <<Simon, ulra a sasaya ku ngay rarengay kannu.>>
temuvang i Simon: <<sinsi 'alrazi rengay.>>
41marengay i Yēsu: <<ulra zazuwa a trau mikiyam kana mararesan za sasa na tawki, na sasa mu mikiyam za lruwatra leman paisu, na sasa mu mikiyam za makalruwatr paisu. 42na zazuwa iniyan za kezang za parevelaliyas kanantu kiyam, na tawki tu puelakaw lra nantu kiyam nazu. kiyangangeru, maw na i iyan na marakasahar kantaw nazu nay?>>
43temuvang i Simon: <<nu kemianger ku mu maw izu na marasazu kipuelak kanantu kiyam.>>
marengay i Yēsu: <<pamaw nannu iyarengay.>> 44kemazu zi marepiles tremepa kanizu na vavayan, marengay kani Simon: <<mena'u u kanini na vavayan ziyamaw? zuwa ku kanannu ruma', 'azi u veray za zanum kaninku pauras za kuy, mawmu tu urasay ku kuy kanantu ule', pawnung itrulay kanantu 'arevu pakatrarangetrang. 45'azi u manay za kakuwayanan emuma kiyatrevung kaninku, mawmu kemay musavak ku mu 'azi maziyazi emuma kananku kuy i intaw. 46'azi u dema'us kananku tranguru' kana lrawlraw, mawmu tu da'usaw ku kuy kana ulringulr na lrawlraw. 47marengaya ku kannu, temara pasavak za saharan i intaw mu wasay lra za kilapus lra nantu pinamelriyan na sazu. izu na saema nantu kinilapus mu, tu i kasahar mu kemazu kurekalrazam za saema.>>
48zi i Yēsu marengay kanizu na vavayan: <<nannu pinamelriyan mulapus lra peniya.>>
49kemazu zi na kurekasa mekan na trau kemianger za: <<i eman ini na trau? maruwaruwa melapus tu pinamelriyan za trau!>>
50i Yēsu marengay kanizu na vavayan: <<vaawaw u lra kanannu pakutatena'an; ping-an uruma' mu!>>
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023