YOONAASI 3
3
YOONAASI NENNEWE HA'RI
1Kaaliiqi layinkimeeshsho Yoonaasira, 2«Ka'e hakkonne jawa katama Nennewe marte, ani kuloommohe coye lallabbe kuli» yiisi.
3Yoonaasino Kaaliiqira hajajame kae Nennewe ha'ri. Nennewe Katami lowo geeshsha hala'lado ikkino daafira, qaccetenni qaccete geeshsha iillate 3 barra adhanno. 4Yoonaasi mitto wo'ma barra ha're mare katama iille, «Nennewe 40 barri#3:4 40 barri yaannohu, lamalawu fullahooti borreessitinohura 3 barri giddo yinoonni. Ibiraawootu afiinni borreessinoonnihu kayinni 40 barri giddo yaanno. giddo ba"anno» yii.
5Nennewe mannino Maganu yiino coye ammani. Ita agano agure, cubbinsara gaabbinota egensiisate aja akkala yinikkinni baalunku xiddu uddano uddi'ri.
6Nennewe moote konne coye macciishshe, ayirradu barcimisi aaninni dirre, mootimmate uddanosi fushshe xiddu uddano uddi're buluulu aana ofolli. 7Nennewe mannirano, «Mootenna gashshaano yitino garinni, mannuno ikko saada, laluno ge'reewuno mittoreno itoonke; agoonke. 8Mannuno saadano baalunku xiddite, Maganunniwa higge raarto. Mannu baalunku bunshesinna xagarrosi aguro. 9Baotenni ganteemmo gede, miteekke Maganu marare waajjishannoha hanqosi agurannoha ikkanno» yii.
10Maganu, Nennewe manni assinorenna bunshe agure higinota lai; kunnira, marare abbara hedino bao aguri.
Právě zvoleno:
YOONAASI 3: QulMax
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society of Ethiopia; Sidama Holy Bible BSE-UBS 262 P 2014