Israelfɔ Ɩlʋ 75
75
Bulu Tegyi Asʋn
Asaf kanfʋ-ɩlʋá bɔ́pʋha ɩlʋ osunapʋ. Bɔ́pʋ “Máyinta” ɔmɛ wa mʋ́.
1Oo Bulu, anɩdɛ fʋ ɩpan da.
Anɩdɛ fʋ ɩpan da, fʋma ɩfɔ.
Aha bʋdɛ atɔ akpɔnkpɔntɩá fʋdɛbwɛ blɩ.
2Bulu ɔbɛɛ, “Nɩ mɩ brɛá nahɩɛ ɩfʋn a,
négyi asʋn ɔnɔkwalɩsʋ.
3Brɛá ɔsʋlʋ mʋ́a mʋ́sʋ atsiapʋ fɛ́ɛ́ bʋdɛkpɩnkɩ a,
mɩtɛkɩta mʋ́ nkpabi lɩɩ kinkiinkin.” Ɩya.
4“Ɩwɩ otsupʋ, ndɛ fʋ bla mbɛɛ, ‘Mátsu ɩwɩ.>
Ɔha lalahɛ, ndɛ fʋ ɛ bla mbɛɛ, ‘Mákanfʋ ɩwɩ.
5Mákanfʋ ɩwɩ Bulu ansɩtɔ,
ntɛ ka ɔnɔtɔ.> ”
6Tsufɛ megyi owi ɔdalɩkpa, owi ɔkplɩwiekpa,
gyɔpɩsʋ ntɛ bɩnasʋ ɔha tsufʋa totsu.
7Mboun Bulu tegyi asʋn.
Mʋtɛha ɔkʋ ɩpɔn, ɔtɛha ɔkʋ asʋ.
8Nana Bulu dɛ ɛwɛ,
nta ánɩ́ bafra mʋ́tɔ, idefu pɔpɔpɔ bʋ mʋ́tɔ.
Ɔbɛ́tsɛɩ mʋ ha ɔyɩtɔ lalahɛ abwɛpʋ fɛ́ɛ́
bónun mʋ́ kplɔkplɔkplɔ, tu mʋ́ opo.
9Tamɛ mɩ mʋ́ nɛ́da tɔá Bulu labwɛ ɔkan brɛ fɛ́ɛ́,
wa ɩlʋ kanfʋ Yakob Bulu.
10Ɔbɛ́da aha lalahɛ ɩbɩ bia,
wa aha yile ɔwʋnlɩn.
Právě zvoleno:
Israelfɔ Ɩlʋ 75: nko
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation