Israelfɔ Ɩlʋ 70
70
Bulu, Gyi Mɩ Bʋalɛ Ogyipʋ Pʋ́ Mɩ Ɔlɛpʋ
Dawid ɩlʋ ha ɩlʋ osunapʋ. Ɩkaɩn-afɔdɩɛ ɩlʋ.
1Oo Bulu, bɔhɔ mɩ.
Nana Bulu, wa ɔsa begyi mɩ bʋalɛ!
2Ha pɛlɩ ɩkɩta aha ánɩ́ bʋdɛ mɩ lowu kle,
amʋ́ nwun ikotsoli.
Ha aha ánɩ́ bʋdekleá bɔ́pʋ lalahɛ gyi mɩ
abʋpʋ nsʋpa yinki.
3Ha ansɩ iwu aha ánɩ́ bʋdɛ mɩ ɩwɩ asʋn blɩ bɛɛ,
“Ɛhɛɛn, ɛhɛɛn, anɩlanya mʋ!”
4Tamɛ ha ɩwɩ ɩsankɩ aha ánɩ́ bʋtodunka fʋ fɛ́ɛ́,
abʋnya fʋ ɩwɩ ansigyi.
Aha ánɩ́ fʋ nkpahɔ bʋ amʋ́ ɔdwɛ,
bʋkplʋn blɩ lablɩ bɛɛ, “Bulu lomoni!”
5Mɩ mʋ́ a, ohiani ngyi, mma tɔtɔ.
Oo Bulu, ha mʋ́ ɩwa ɔsa ha mɩ.
Oo Nana Bulu, fʋgyi mɩ bʋalɛ ogyipʋ pʋ́ mɩ ɔlɛpʋ.
Mási tsia mʋ́sʋ!
Právě zvoleno:
Israelfɔ Ɩlʋ 70: nko
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation