ᐧᕌᒥᓐ ᑖᓐ ᐋ ᐄᔑ ᐋᔨᒨᑖᒡ ᐅᑎᐦ ᐆ ᒥᓯᓂᐦᐄᑭᓐ
ᑖᓐ ᐋ ᐄᔑ ᐋᔨᒨᑖᒡ ᐅᑎᐦ ᐆ ᒥᓯᓂᐦᐄᑭᓐ
ᐄᔥᐱᐦ ᑳ ᒌᔑᐦᑖᑦ ᐊᓂᔮᔨᐤ ᓂᔥᑣᐤ ᐋ ᒌ ᒋᔅᑐᐦᑖᑦ ᑆᓪ ᒥᔻᒋᒧᐎᓂᔨᐤ ᐋ ᐱᐹᒧᐦᑖᑦ ᐋᑯᑖᐦ ᒀᔣᓐ ᒌ ᒥᓯᓂᐦᐋᒧᒑ ᐅᔮᔨᐤ᙮ ᐊᓂᔮᔨᐤ ᒫᒃ ᕎᒻ ᑳᐦ ᐄᑎᔅᑳᓈᓰᔨᒡ ᑳ ᑖᑆᐦᑎᒥᔨᒡ ᒥᔻᒋᒧᐎᓂᔨᐤ ᐋᔪᐎᒄ ᐋᓐ ᐊᓂᔮᔨᐤ ᑳ ᒥᓯᓂᐦᐋᒧᐙᑦ᙮ ᑳᐤ ᐊᓂᑖᐦ ᒋᕉᓯᓕᒥᐦᒡ ᒌ ᐄᑐᐦᑖᐤ᙮ ᐋᒄ ᑳ ᐄᑖᔨᐦᑎᐦᒃ ᒦᓐ ᒑ ᒌ ᐄᑐᐦᑖᑦ ᕎᒥᐦᒡ᙮ ᒑᒃ ᐊᓂᔮᔨᐤ ᐊᔅᒌᔨᐤ ᔅᐯᐃᓐ ᑳ ᐃᔑᓂᐦᑳᑖᔨᒡ ᐋᑯᑖᐦ ᑳ ᐐᐦ ᐄᑐᐦᑖᑦ᙮ ᒥᔥᑏᐦ ᑎᑯᓐ ᑯᐃᔅᑯᑖᑎᓰᐎᓐ ᐋᐦ ᐋᔨᒨᑖᒡ ᐅᑎᐦ ᐆ ᒥᓯᓂᐦᐄᑭᓐ ᓈᐤ ᒑᒀᔨᐤ ᒋᐦᒋᐙ ᒌ ᐋᔨᒨᐦᐄᑰ ᑆᓪ᙮ 1᙮ ᓂᒧᐃ ᒥᑐᓐ ᑖᐤ ᐊᐙᓐ ᐋ ᑯᐃᔅᑯᑖᑎᓰᑦ᙮ ᓂᒧᐃ ᐙᐙᒡ ᐹᔨᒄ ᐊᐙᓐ᙮ 2᙮ ᒌᓴᔅ ᙭ ᐋᐅᒄ ᒥᑐᓐ ᑯᐃᔅᑯᑖᑎᓰᑦ᙮ 3᙮ ᒥᔔ ᑖᑆᔮᔨᒥᐦᒀ ᒌᓴᔅ ᒥᑐᓐ ᒋᑭ ᐱᑯᐦᐄᑯᓂᐤ ᑖᓐ ᐋ ᐄᔑ ᑎᐹᔨᒥᑯᐦᒄ ᒥᒋᐦᑣᐎᓂᔨᐤ᙮ ᒋᑭ ᒥᔨᑯᓈᓂᐤ ᐋ ᐅᔅᑳᒡ ᐱᒫᑎᓰᐎᓐ ᑭᔮᐦ ᒦᓐ ᑳᐤ ᒑ ᒌ ᒥᔪᐐᒑᐅᐦᒄ ᒋᔖᒥᓂᑑ᙮ 4᙮ ᐱᔮᐦᒋᓰᐎᓂᐦᒡ ᒋᐱᐦ ᐄᔑ ᐱᒫᑎᓰᓈᓂᐤ ᑭᔮᐦ ᒋᐱᐦ ᐐᐦ ᓂᐦᐋᔨᐦᑎᒥᐦᐋᓂᐤ ᒋᔖᒥᓂᑑ ᑖᓐ ᐋ ᐄᔑ ᐱᒫᑎᓰᔨᐦᒄ ᐋ ᒀᔅᑳᑎᓰᐦᔨᒄ᙮
Právě zvoleno:
ᐧᕌᒥᓐ ᑖᓐ ᐋ ᐄᔑ ᐋᔨᒨᑖᒡ ᐅᑎᐦ ᐆ ᒥᓯᓂᐦᐄᑭᓐ: crls
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2016, Wycliffe Bible Translators, Inc. All rights reserved.