1 کٛرِنْتُعٜنْ 12
12
دٛکّٜ رُوحُ اَللَّه
1کٛ لَارَنِ حَالَ دٛکّٜ طٜ رُوحُ شٜنِيطٛ حٛکَّتَ، دٜىٰرْطِرَاࢡٜ عَمْ، مِيِطَا عٛنْ نغٛنَ ندٜرْ کُمْݠَ؞ 2يَاکٜ عٛنْ تَمْݠَ-دِينَعٜنْ، عَلْعَادَ مٛوطٛنْ يٜرْࢡِ عٛنْ حَا لَبِّ مُوکَاجِ؞ 3نغَمْ مَاجُمْ مِيِطِ عٛنْ ݠَامَ طُعُمْ: وَلَا مٛ رُوحُ اَللَّه طٛوَتَ طُمْ ندٜنْ وِعَ: «عِيسَى عٛ نَالَاطٛ!» بَنَ نٛنْ بٛو مٛ رُوحُ طٛوَايْ طُمْ وَاوَتَا وِعْغٛ: «عِيسَى وٛنِ جَوْمِرَاوٛ»؞
4وٛودِ دٛکّٜ ڢٜىٰرٜ ڢٜىٰرٜىٰجٜ، عَمَّا رُوحُ غٛوتٛ تَنْ حٛکَّتَ طٜ ڢُو؞ 5وٛودِ کُوطٜ ڢٜىٰرٜ ڢٜىٰرٜىٰجٜ، عَمَّا جَوْمِرَاوٛ غٛوتٛ عٜنْ کُووَنْتَ؞ 6وٛودِ بٛو بَاوْطٜ ڢٜىٰرٜ ڢٜىٰرٜىٰجٜ نغَمْ حُووُغٛ، عَمَّا اَللَّه غٛوتٛ تَنْ وَطَتَ طُمْ ڢُو ندٜرْ يِمْࢡٜ ڢُو؞ 7دٛکَّلْ رُوحُ اَللَّه طٛنْ وَنغَ ندٜرْ کٛو مٛيْ مٜىٰطٜنْ نغَمْ حَا نغَلْ نَڢَ جَمَعَارٜ ڢُو؞ 8غٛطّٛ ڢٜىٰرٜ رُوحُ طٛنْ حٛکَّ طُمْ دٛکَّلْ وٛلْوُغٛ بٜى حِکْمَ، غٛطّٛ بٛو طٛنْ حٜࢡَ دِغَ رُوحُ مَنْ دٛکَّلْ وٛلْوُغٛ بٜى عَنْدَلْ؞ 9غٛطّٛ ڢٜىٰرٜ رُوحُ مَنْ طٛنْ حٛکَّ مٛ نُطِّنْکِ شٜمْبِطْکِ، غٛطّٛ بٛو طٛنْ حٜࢡَ دِغَ رُوحُ مَنْ بَاوَلْ يَمْطِتِنْغٛ؞ 10رُوحُ طٛنْ حٛکَّ عٛو بَاوَلْ وَطُغٛ کَايٜىٰڢِيجِ، عٛيَ بٛو دٛکَّلْ وَطُغٛ عَنَّبَاکُ؞ عٛطٛنْ حٛکَّ غٛطّٛ ڢٜىٰرٜ دٛکَّلْ سٜنْدِندِرْغٛ حَکُّندٜ کٛ عِوَتَ دِغَ رُوحُ اَللَّه بٜى کٛ عِوَتَ دِغَ رُوحُوجِ غٛطِّ؞ عٛطٛنْ حٛکَّ عٛو دٛکَّلْ وٛلْوُغٛ بٜى طٜمْطٜ طٜ عَنْدَاکَ، عٛيَ بٛو دٛکَّلْ ڢَسِّتِرْغٛ طٜ؞ 11عَمَّا طُمْ ڢُو، رُوحُ غٛوتٛ تَنْ وَطَتَ طُمْ ڢٜىٰرٜ مُمْ؞ عٛطٛنْ يٜطَ کٛو مٛيْ بَاوَلْ مُمْ ڢٛدّٜ مُويٛ مَاکٛ#رٛمَعٜنْ 12:6-8؞؞
طُوطٜىٰنغَ تٜرْطٜ حَا ࢡَنْدُ وٛورُ
12ࢡَنْدُ وٛورُ مَرِ تٜرْطٜ ڢٜىٰرٜ ڢٜىٰرٜىٰجٜ طُوطّٜ؞ تٜرْطٜ طٜعٜ ڢُو طٛنْ کَوْتِ حَا ࢡَنْدُ وٛورُ مَنْ؞ نٛنْ اَلْمَسِيحُ لَاتٛرِ بٛو#رٛمَعٜنْ 12:4-5؞؞ 13نغَمْ عٜنٜنْ ڢُو، کٛو يَحُودُعٜنْ، کٛو عِوْࢡٜ حَا عُمَّاتٛوجٜ غٛطّٜ، کٛو مَشُّࢡٜ، کٛو رِمْࢡٜ، عٜنْ کٜࢡِ بَݠْتِسْمَ ندٜرْ رُوحُ غٛوتٛ نغَمْ حَوْتَنْغٛ ࢡَنْدُ وٛورُ؞ عٜنْ ڢُو عٜنْ لَاتِ يَرْنَاࢡٜ رُوحُ غٛوتٛ عٛو؞
14ࢡَنْدُ کَمْ مَرَايْ تٜرْغَلْ غٛوتَلْ تَنْ، عَمَّا تٜرْطٜ طُوطّٜ؞ 15تٛ کٛسْنغَلْ وِعَنّٛ: «مِلَاتَاکِ جُنغٛ، نغَمْ مَنْ مِحَوْتَنَايْ ࢡَنْدُ؞» بٜى نٛنْ ڢُو طُمْ حَطَتَا نغَلْ لَاتَاغٛ تٜرْغَلْ حَا ࢡَنْدُ؞ 16مَلَّ نٛڢْرُ تٛ وِعَنّٛ: «نَا مِ يِيتٜرٜ، نغَمْ مَاجُمْ مِحَوْتَنَايْ ࢡَنْدُ؞» ڢَکَتْ، طُمْ حَطَتَا ندُ لَاتَاغٛ تٜرْغَلْ حَا ࢡَنْدُ؞ 17تٛ ࢡَنْدُ ڢُو لَاتَکٜنٛ يِيتٜرٜ، نٛيْ ندُ نَنِرْتَ؟ تٛ ندُ لَاتَکٜ نٛڢْرُ تَنْ، نٛيْ ندُ لُوࢡْنِرْتَ؟ 18ڢَکَتْ، اَللَّه وَطِ تٜرْغَلْ کٛو نغَلٜ حَا ࢡَنْدُ ڢٛدّٜ مُويٛ مُمْ؞ 19تٛ تٜرْطٜ ڢُو لَاتَکٜنٛ تٜرْغَلْ غٛوتَلْ، ندٜنْ کَمْ نَا طُمْ ࢡَنْدُ ڢَحِنْ؞ 20نغَمْ مَاجُمْ کَدِ وٛودِ تٜرْطٜ طُوطّٜ، عَمَّا ࢡَنْدُ کَمْ وٛورُ تَنْ؞
21يِيتٜرٜ ڢٛتَايْ وِعْغٛ جُنغٛ: «مِوَلَا حَاجٜ مَ؞» حٛورٜ بٛو ڢٛتَايْ وِعْغٛ کٛسْطٜ: «مِوَلَا حَاجٜ مٛنْ؞» 22کٛ ࢡُرِ نٛنْ ڢَحِنْ، تٜرْطٜ ࢡَنْدُ طٜ ندَارٜتٜنْ بَنَ تَمْݠُطٜ، کَنْجٜ ࢡُرِ نَڢُودَ؞ 23تٜرْطٜ طٜ سَمَنْ مَاجٜ طُوطَايْ، کَنْجٜ ࢡُرْطٜنْ حَکِّلَنْغٛ؞ تٜرْطٜ طٜ شٜمْتِرْتٜنْ، کَنْجٜ ࢡُرْطٜنْ سُکْلَنَاغٛ مَسِنْ؞ 24تٜرْطٜ ࢡُرَنْطٜ ڢٛتَّنْغٛ عٜنْ، نغَلَا حَاجٜ سُکْلَنٜىٰغٛ؞ اَللَّه وَطِ ࢡَنْدُ حَا کٛ وٛنِ لٜىٰسْطُمْ حَا مَارُ ڢُو حٜࢡَ سَمْطِنٜىٰغٛ کٛ ࢡُرَ؞ 25ندٜنْ کَدِ وَلَا شٜنْدٛلْ حَکُّندٜ تٜرْطٜ حَا ࢡَنْدُ، عَمَّا سٜيْ تٜرْطٜ ڢُو نجِنغِندِرَ حَکُّندٜ مُوطُمْعٜنْ؞ 26تٛ تٜرْغَلْ غٛوتَلْ طٛنْ نَاوَ، تٜرْطٜ ڢُو مَاتَنْ نَاوْرٜىٰنغَ بٜى مَاغَلْ؞ تٛ غٛوتَلْ تٜدِّنَامَ، غٛطّٜ ڢُو شٜيٛدٛتٛ بٜى مَاغَلْ بٛو؞
27عٛنْ ڢُو عٛنْ لَاتِ ࢡَنْدُ اَلْمَسِيحُ، کٛو مٛيْ مٛوطٛنْ لَاتِ تٜرْغَلْ حَا مَارُ؞ 28اَللَّه حٛکِّ کٛو مٛيْ جٛوندٜ مُمْ ندٜرْ جَمَعَارٜ: عَرَنْ نٜلَاࢡٜ، طِطَوْرٜ اَلنَّبِعٜنْ عٜ تَتَࢡْرٜ بٛو عٜکِّتِنٛوࢡٜ؞ ࢡَاوٛ مَاجُمْ بٛو وَطٛوࢡٜ کَايٜىٰڢِيجِ عٜ وَاوْࢡٜ يَمْطِتِنْغٛ عٜ وَلّٛوࢡٜ عٜ طٛوٛوࢡٜ عٜ وٛلْوٛوࢡٜ بٜى طٜمْطٜ طٜ عَنْدَاکَ#عٜڢٜسُعٜنْ 4:11؞؞ 29ࢡٜ ڢُو ࢡٜ نٜلَاࢡٜ نَ؟ ࢡٜ ڢُو ࢡٜعَنَّبِعٜنْ نَ؟ ࢡٜ ڢُو ࢡٜ عٜکِّتِنٛوࢡٜ نَ؟ ࢡٜ ڢُو ࢡٜ وَطٛوࢡٜ کَايٜىٰڢِيجِ نَ؟ 30ࢡٜ ڢُو ࢡٜ يَمْطِتِنٛوࢡٜ نَ؟ ࢡٜ ڢُو ࢡٜ وٛلْوٛوࢡٜ بٜى طٜمْطٜ طٜ عَنْدَاکَ نَ؟ ࢡٜ ڢُو ࢡٜ ڢَسِّتِرٛوࢡٜ طٜمْطٜ نَ؟ عَاعَ! 31نغٜلٜ دٛکّٜ ࢡُرَنْطٜ سَمَنْ؞
جٛنْتَ مِسَݠِّنَنْ عٛنْ کٛ ࢡُرَتَ دٛکّٜ طٜعٜ ڢُو وٛوطُغٛ؞
Právě zvoleno:
1 کٛرِنْتُعٜنْ 12: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.