1 کٛرِنْتُعٜنْ 11
11
1تٛکّٜ مِسَالُ عَمْ، بَنَ مِنْ مِتٛکّٛرِ مِسَالُ اَلْمَسِيحُ#1 کٛرِنْتُعٜنْ 4:16؛ ڢِلِݠِّعٜنْ 3:17؞؞
شُدّٜىٰکِ حٛورٜ دٜبّٛ
2مِطٛنْ مَنَ عٛنْ نغَمْ عٛنْ طٛنْ شِڢْتٛرَمِّ ڢٛرٛيْ، عٛنْ طٛنْ تٛکّٛ عٜکِّتِنٛلْ نغٛلْ مِعٜکِّتِنِ عٛنْ بٛو؞ 3عَمَّا وٛودِ کٛ نغِطْمِ ڢَامْتِنْغٛ عٛنْ: اَلْمَسِيحُ وٛنِ حٛورٜىٰجٛ غٛرْکٛ ڢُو، غٛرْکٛ وٛنِ حٛورٜىٰجٛ دٜبّٛ مُمْ، اَللَّه بٛو وٛنِ حٛورٜىٰجٛ اَلْمَسِيحُ؞ 4ندٜنْ کَدِ تٛ ندٜرْ مٛوࢡْتٛرْدٜ غٛرْکٛ طٛنْ وَطَ دٛعَ مَلَّ طٛنْ وَطَ عَنَّبَاکُ بٜى حٛورٜ مُمْ طٛنْ سُدِّ، ندٜنْ کَمْ عٛتٜدِّنَايْ حٛورٜىٰجٛ مَاکٛ، وَاتٛ اَلْمَسِيحُ؞ 5عَمَّا تٛ ندٜرْ مٛوࢡْتٛرْدٜ دٜبّٛ طٛنْ وَطَ دٛعَ مَلَّ طٛنْ وَازٛ سُدَّايْ حٛورٜ مُمْ، ندٜنْ کَمْ عٛتٜدِّنَايْ حٛورٜىٰجٛ مَاکٛ، وَاتٛ غٛرِيکٛ؞ عٛلَاتِ بَنَ لَࢡْطٛ حٛورٜ مُمْ؞ 6تٛ دٜبّٛ سُدَّتَا حٛورٜ مُوطُمْ، کٛنِ عٛلَࢡَتَا حٛورٜ مَاکٛ؟ عَمَّا تٛ تَعُغٛ غَاسَ مَلَّ لَࢡُغٛ حٛورٜ دٜبّٛ طُمْ شٜمْتُطُمْ، ندٜنْ کَمْ سٜيْ عٛسُدَّ حٛورٜ؞ 7غٛرْکٛ سُدَّتَا حٛورٜ مُمْ، نغَمْ عٛطٛنْ وَنغِنَ جَاتِ عٜ تٜدُّنغَلْ اَللَّه؞ عَمَّا دٜبّٛ طٛنْ وَنغِنَ تٜدُّنغَلْ غٛرْکٛ#لَاتَانٛوجِ 1:26-27؞؞ 8غٛرْکٛ تَغَاکَ دِغَ دٜبّٛ، عَمَّا دٜبّٛ تَغَامَ دِغَ غٛرْکٛ؞ 9غٛرْکٛ تَغَاکَ نغَمْ دٜبّٛ، عَمَّا دٜبّٛ تَغَامَ نغَمْ غٛرْکٛ#لَاتَانٛوجِ 2:18-23؞؞ 10نغَمْ دَلِيلَ مَلَاعِکَعٜنْ، دٜبّٛ مَرَ سُدَّارٜ دٛوْ حٛورٜ مُمْ؞ کَنْجُمْ وَنغِنْتَ بَاوْطٜ غٛرِيکٛ؞ 11عَمَّا حَا جَوْمِرَاوٛ کَمْ، غٛرْکٛ جٛوطَتَاکٛ بِلَا دٜبّٛ، دٜبّٛ بٛو جٛوطَتَاکٛ بِلَا غٛرْکٛ؞ 12بَنَ دٜبّٛ تَغَامَ دِغَ غٛرْکٛ، بَنَ نٛنْ بٛو غٛرْکٛ دَࢩَامَ دِغَ دٜبّٛ؞ تَغْلٜ ڢُو بٛو حَا اَللَّه عِوِ؞
13نُمٜ بٜى کٛعٜ مٛوطٛنْ: تٛ دٜبّٛ ندٜرْ مٛوࢡْتٛرْدٜ طٛنْ تٛرٛ اَللَّه سُدَّايْ حٛورٜ مُمْ، طُمْ ݠٛتُّطُمْ نَ؟ 14کٛو طَبِيَ يِمْࢡٜ بٛو طٛنْ عَنْدِنَ عٛنْ، تٛ غٛرْکٛ يٛوڢْتِ غَاسَ حٛورٜ مُمْ جُوتِ، طُمْ شٜمْتُطُمْ؞ 15عَمَّا طُمْ دَرَجَ نغَمْ دٜبّٛ تٛ يٛوڢْتِ غَاسَ حٛورٜ مُمْ؞ نغَمْ غَاسَ نجُوتْکَ حٛکَّامَ حَا دٜبّٛ بَنَ سُدَّارٜ؞ 16تٛ غٛطّٛ يِطِ وَابَاغٛ دٛوْ حَالَ کَعَ، سٜيْ عٛعَنْدَ: غِکُّ نغُعُ وَلَا حَا عَمِنْ، وَلَا بٛو حَا جَمَعَاجٜ يِمْࢡٜ اَللَّه؞
کِيرْتَارِ شٜنِيندِ
(مَتَّ 26:26-29؛ مَرْکُسْ 14:22-25؛ لُکَ 22:14-20)
17وٛودِ حَالَ ڢٜىٰرٜ بٛو؞ نغَمْ دَلِيلَ مَاکَ مِمَنَتَا عٛنْ؞ تٛ عٛنْ طٛنْ مٛوࢡْتٛ، طُمْ لَاتَتَاکٛ نغَمْ حَيْرُ مٛنْ، عَمَّا نغَمْ سَرُّ مٛنْ؞ 18عَرَنْ، مِنَنِ عٛنْ شٜنْدَامَ غٜࢡٜ ڢٜىٰرٜ ڢٜىٰرٜ ندٜرْ کَوْتَلْ مٛنْ؞ غٛطُّمْ حَالَ کَعَ مِتَمِّ طُمْ غٛونغَ؞ 19حَانِ شٜنْدٛلْ لَاتٛ شَکَ مٛوطٛنْ نغَمْ حَا يٜرْدَاࢡٜ مبَنغَ؞ 20يَاکٜ مٛوࢡْتٛتٛوطٛنْ، نَا کِيرْتَارِ جَوْمِرَاوٛ ࢩَامٛتٛنْ؞ 21نغَمْ کٛو مٛيْ مٛوطٛنْ طٛنْ يَاوَنَ ࢩَامُغٛ ࢩَامْدُ مُوطُمْ؞ بَنَ نِي غٛطّٛ ڢٜىٰرٜ لُتِّ بٜى دٛلٛ، غٛطّٛ بٛو طٛنْ وُيْکِ؞ 22کَدِ، عٛنْ نغَلَا شِعٜ نغَمْ ࢩَامُغٛ عٜ يَرُغٛ نَ؟ مَلَّ عٛنْ طٛنْ نجَوَ جَمَعَارٜ يِمْࢡٜ اَللَّه؟ عٛنْ نغِطِ سٜمْتِنْغٛ ࢡٜنغَلَا کٛو طُمٜ نَ؟ کٛ نغِطّٛنْ مِوِعَ عٛنْ؟ مِمَنَ عٛنْ نَ؟ عَاعَ، مِمَنَتَا عٛنْ دٛوْ حَالَ کَعَ؞
23ندَا کٛ مِحٜࢡِ دِغَ جَوْمِرَاوٛ، کَنْجُمْ عَنْدِنْمِ عٛنْ بٛو: جَوْمِرَاوٛ عِيسَى، ندٜرْ جٜمَّارٜ ندٜ عٛحٛکَّنٛ حَا جُوطٜ کٛنّٜعٜنْ مَاکٛ، عٛحٛوعِ تَمْسٜىٰرٜ، 24عٛيٜتِّ اَللَّه نغَمْ مَارٜ، عٛيٜوِ ندٜ، عٛوِعِ: «طٛ طُمْ ࢡَنْدُ عَمْ، حٛکَّاندُ نغَمْ مٛوطٛنْ؞ مبَطٜ طُمْ نغَمْ حَا عٛنْ شِڢْتٛرَمِّ؞» 25ࢡَاوٛ ࢩَامُغٛ مَࢡّٜ، عٛحٛوعِ جَرْدُغٜلْ بٛو، عٛوِعِ: «جَرْدُغٜلْ نغٜعٜلْ وٛنِ عَلْکَوَلْ کٜسَلْ نغَلْ اَللَّه تَبِتِنِرِ بٜى ࢨِيࢨَمْ عَمْ؞ کٛو ندٜيْ نجَرٛتٛنْ ندٜرْ مَاغٜلْ ڢُو، مبَطٜ طُمْ نغَمْ حَا عٛنْ شِڢْتٛرَمِّ#غُرْتَاکِ 24:6-8؛ يٜرٜمِيَ 31:31-34؞؞» 26کٛو ندٜيْ ࢩَامٛتٛنْ تَمْسٜىٰرٜ ندٜعٜ عٜ نجَرٛتٛنْ ندٜرْ جَرْدُغٜلْ نغٜعٜلْ بٛو، عٛنْ طٛنْ نغَازِنَ کُبَرْ مَايْدٜ جَوْمِرَاوٛ حَا يٛتّٛ لٛرَاکِ مَاکٛ؞
27نغَمْ مَاجُمْ مٛ ࢩَامِ تَمْسٜىٰرٜ عٜ مٛ يَرِ ندٜرْ جَرْدُغٜلْ جَوْمِرَاوٛ بِلَا سَمْطِنْغٛ طُمْ، عٛوَطِ عَيْبٜ دٛوْ ࢡَنْدُ عٜ ࢨِيࢨَمْ جَوْمِرَاوٛ؞ 28ندٜنْ کَمْ، سٜيْ کٛو مٛيْ لِࢩَ حٛورٜ مُمْ حِدّٜکٛ عٛࢩَامَ تَمْسٜىٰرٜ عٜ عٛيَرَ ندٜرْ جَرْدُغٜلْ بٛو؞ 29نغَمْ تٛ غٛطّٛ ࢩَامِ تَمْسٜىٰرٜ، يَرِ ندٜرْ جَرْدُغٜلْ بِلَا سٜنْدِندِرْغٛ ࢡَنْدُ جَوْمِرَاوٛ بٜى ࢩَامْدُوجِ غٛطِّ، عٛڢٛوطَنِ حٛورٜ مَاکٛ کِيتَ؞ 30نغَمْ دَلِيلَ مَاجُمْ طُوطْࢡٜ شَکَ مٛوطٛنْ تَمْݠِ، طُوطْࢡٜ بٛو ࢩَوِ عٜ وٛطْࢡٜ طُوطْࢡٜ بٛو مَايِ؞ 31تٛ عٜنْ لِࢩِ کٛعٜ مٜىٰطٜنْ، اَللَّه حِيتَتَاکٛ عٜنْ؞ 32عَمَّا جَوْمِرَاوٛ طٛنْ عٜلْتَ عٜنْ بٜى کِيتَ مُمْ، نغَمْ تَا عٛدٛعَّ عٜنْ کِيتَ حَوْتَادٜ بٜى دُنِيَارُ؞
33نغَمْ مَاجُمْ، دٜىٰرْطِرَاࢡٜ عَمْ، تٛ عٛنْ طٛنْ مٛوࢡْتٛ نغَمْ ࢩَامُغٛ کِيرْتَارِ جَوْمِرَاوٛ، مُࢩٜ حَا تٛ عٛنْ ڢُو عٛنْ کَوْتِ؞ 34تٛ غٛطّٛ مَاتِ دٛلٛ، سٜيْ عٛعَارْتَ عٛࢩَامَ دِغَ سَارٜ مَاکٛ، نغَمْ تَا ݠٛوطَنٛنْ کٛعٜ مٛوطٛنْ کِيتَ اَللَّه ندٜرْ مٛوࢡْتٛرْدٜ مٛوطٛنْ؞ کٛ لَارَنِ حَالَاجِ غٛطِّ کَمْ، مِتَعَنْ طِ تٛ مِيٛتَّکٜ حَا مٛوطٛنْ؞
Právě zvoleno:
1 کٛرِنْتُعٜنْ 11: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.