1 کٛرِنْتُعٜنْ 10
10
تَا طَکّٛتِرٜ بٜى لَبِّ
1دٜىٰرْطِرَاࢡٜ عَمْ، مِيِطِ عٛنْ شِڢْتٛرَ کٛ لَاتَنِ کَاکِرَاࢡٜ مٜىٰطٜنْ؞ ࢡٜ ڢُو مَࢡّٜ طٛوْدِ رُولْدٜرٜ ڢَدِّ ࢡٜ؞ ࢡٜ ڢُو ࢡٜعٜىٰرِ مَايٛ مَالِيَ#غُرْتَاکِ 13:21-22؛ 14:22-29؞؞ 2ندٜرْ کَوْتَلْ مَࢡّٜ بٜى مُوسَى، ࢡٜمبَطَنَامَ بَݠْتِسْمَ ندٜرْ رُولْدٜرٜ عٜ ندٜرْ مَايٛ؞ 3ࢡٜ ڢُو ࢡٜࢩَامِ ࢩَامْدُ وٛورُ عِوْندُ حَا اَللَّه#غُرْتَاکِ 16:35؞؞ 4ࢡٜ ڢُو ࢡٜنجَرِ نجَرَمْ نغٛوتَمْ عِوْطَمْ حَا اَللَّه؞ ࢡٜنجَرِ حَا تَݠَارٜ عِوْندٜ حَا اَللَّه، يَحْدُنٛوندٜ بٜى مَࢡّٜ؞ کَيْرٜ وٛنِ اَلْمَسِيحُ#غُرْتَاکِ 17:6؛ لِمْلٜ 20:11؞؞ 5بٜى نٛنْ ڢُو، اَللَّه يٜرْدَاکِ ࢡُرْنَ مَࢡّٜ؞ عٛمَايْنِ ࢡٜ ندٜرْ لَدّٜ#لِمْلٜ 14:29-30؞؞
6کُوجٜ طٜعٜ طٛنْ کٛلَّ عٜنْ مِسَالُ، نغَمْ تَا عٜنْ تٛکّٛ سُونٛوجِ کَلُّطِ بَنَ ࢡٜتٛکّٛرِ#لِمْلٜ 11:4؞؞ 7تَا ندٜوٜ لَبِّ بَنَ وٛطْࢡٜ مَࢡّٜ؞ دٜڢْتٜرٜ وِعِ: «يِمْࢡٜ نجٛوطِ نغَمْ ࢩَامُغٛ عٜ يَرُغٛ؞ ندٜنْ ࢡٜعُمِّ حَا ࢡٜݠِجَ#غُرْتَاکِ 32:6؞؞» 8تَا مبَطٜنْ دَاکَارٜىٰکُ بَنَ وٛطْࢡٜ مَࢡّٜ مبَطْنٛ، ندٜنْ عُجِنٜ نٛوغَسْ عٜ تَتٛ (23,000) مَايِ ندٜرْ ࢩَلَادٜ وٛورٜ#لِمْلٜ 25:1-18؞؞ 9تَا ݠٛونْدٜنْ اَلْمَسِيحُ بَنَ وٛطْࢡٜ مَࢡّٜ، کَمْࢡٜ ࢡٜمَايِ نغَمْ بٛطّٜ نغَتِ ࢡٜ#لِمْلٜ 21:5-6؞؞ 10تَا نغُرْنغُرْتٜ بَنَ وٛطْࢡٜ مَࢡّٜ، ندٜنْ مَلَاعِکَاجٛ مَايْدٜ حَلْکِدِ ࢡٜ#لِمْلٜ 17:6-14؞؞
11مَسِيبٛوجِ طِعِ ڢُو نغَرَنِ ࢡٜ نغَمْ ڢَامْتِنْغٛ وٛطْࢡٜ؞ طِ مبِنْدَامَ نغَمْ رٜىٰنْتِنْغٛ عٜنْ عٜنٜنْ يٜىٰطَنْࢡٜ حَا تِمّٛودٜ زَمَنُوجِ؞ 12نغَمْ مَاجُمْ، تَمِّيطٛ عٛطٛنْ دَرِ ڢُو، سٜيْ عٛحَکِّلَ نغَمْ تَا عٛدٛعّٛ؞ 13جَرِّبٛوجٜ کٜࢡْطٜ عٛنْ ڢُو، کَنْجٜ کٜࢡَتَ وٛطْࢡٜ؞ عَمَّا اَللَّه عٛ کٛولْنِيطٛ، عٛعَشَّتَا عٛنْ نجَرِّبٜ حَا ࢡُرَ سٜمْبٜ مٛوطٛنْ؞ يَاکٜ جَرِّبٜىٰکِ وَرَنِ عٛنْ، عٛحٛکَّنْ عٛنْ دَبَرٜ حِسُغٛ، نغَمْ حَا عٛنْ کٜࢡَ سٜمْبٜ مُࢩَنْغٛ طُمْ؞
14نغَمْ مَاجُمْ، سٛوبِرَاࢡٜ عَمْ، ندَايٜ شُجِدَنْکِ لَبِّ؞ 15مِطٛنْ وٛلْوَنَ عٛنْ بَنَ مَرْࢡٜ حَکِّيلٛ، نُمٜ کٛ مبِعَنْمِ؞ 16شِڢْتٛرٜ جَرْدُغٜلْ کِيرْتَارِ نغٜلْ نغٜتّٜتٜنْ اَللَّه نغَمْ مُوطُمْ؞ نَا نغٜلْ طٛنْ حَوْتَ عٜنْ بٜى ࢨِيࢨَمْ اَلْمَسِيحُ يَاکٜ نجَرٜتٜنْ نَ؟ شِڢْتٛرٜ تَمْسٜىٰرٜ ندٜ شٜنْدٜتٜنْ بٛو؞ نَا ندٜ طٛنْ حَوْتَ عٜنْ بٜى ࢡَنْدُ اَلْمَسِيحُ يَاکٜ ࢩَامٜتٜنْ نَ#مَتَّ 26:26-28؛ مَرْکُسْ 14:22-24؛ لُکَ 22:19-20؞؟ 17وٛودِ تَمْسٜىٰرٜ وٛورٜ تَنْ؞ نغَمْ مَاجُمْ، کٛو تٛ عٜنْ طُوطْࢡٜ، عٜنْ لَاتِ ࢡَنْدُ وٛورُ، نغَمْ عٜنْ ڢُو عٜنْ طٛنْ کَوْتَ ࢩَامُغٛ تَمْسٜىٰرٜ وٛورٜ؞
18ندَارٜ إِسْرَاءِيلَعٜنْ: ࢩَامَنْࢡٜ کُسٜلْ دَبَّاجِ کِرْسَاطِ دٛوْ حِرْسِرْدٜ نغٛودِ کَوْتَلْ بٜى اَللَّه#ڢَرِلَّاجِ لٜوِعٜنْ 7:6؞؞ 19مِيِطِ وِعْغٛ کُسٜلْ ندَبَّاوَ کِرْسَنَانغَ لَوْرُ وٛودِ سَمَنْ نَ؟ مَلَّ لَوْرُ وٛودِ سَمَنْ؟ نَا نٛنْ سَمْ! 20عَمَّا مِيِطِ وِعْغٛ کٛ رٜوٛوࢡٜ لَبِّ کِرْسَتَ، ࢡٜطٛنْ لِيعَنٛ غِنَّاجِ، نَا حَا اَللَّه؞ مِيِطَا بٛو عٛنْ مَرَ کَوْتَلْ بٜى غِنَّاجِ#تٛوکْتَاکِ تَوْرٜىٰتَ 32:17؞؞ 21عٛنْ مبَاوَتَا يَرُغٛ ندٜرْ جَرْدُغٜلْ جَوْمِرَاوٛ عٜ ندٜرْ جَرْدُغٜلْ غِنَّاجِ بٛو؞ عٛنْ مبَاوَتَا ࢩَامُغٛ حَا کِيرْتَارِ جَوْمِرَاوٛ، ندٜنْ عٛنْ ࢩَامَ حَا تَابَلْ غِنَّاجِ بٛو؞ 22مَلَّ عٜنْ نغِطِ عُمِّنْغٛ کَاجَلْ جَوْمِرَاوٛ نَ؟ عٜنْ ࢡُرَنْ مٛ سٜمْبٜ نَ#تٛوکْتَاکِ تَوْرٜىٰتَ 32:21؞؟
حَکِّلَنْغٛ دٜىٰرْطِرَاࢡٜ
23وٛطْࢡٜ مٛوطٛنْ طٛنْ مبِعَ: «کٛو طُمٜ ڢُو دَغَکٜ؞» عٛوحٛ، عَمَّا نَا کُوجٜ ڢُو نَڢَتَ عٛنْ؞ کٛو طُمٜ ڢُو دَغَکٜ، عَمَّا نَا طُمٜ ڢُو مَوْنِنْتَ نُطِّنْکِ غٛطّٛ#1 کٛرِنْتُعٜنْ 6:12؞؞ 24تَا غٛطّٛ سُکْلَنٛ کٛ نَڢَتَ حٛورٜ مُمْ تَنْ، عَمَّا کٛ نَڢَتَ يِمْࢡٜ وٛطْࢡٜ؞ 25کٛ سٛورّٜتٜ حَا لُومٛ ڢُو، ࢩَامٜ بٜى نُمٛ ࢡٜرْندٜ لَاࢡْنغٛ، وَلَا حَاجٜ ࢨَمْغٛ حَا تٛيْ طُمْ عِوِ؞ 26نغَمْ دٜڢْتٜرٜ وِعِ: «جَوْمِرَاوٛ مَرِ لٜسْدِ عٜ کٛ حٜبِّنِ ندِ ڢُو#جَبُورَ 24:1؞؞»
27تٛ غٛطّٛ مٛ نُطِّنَايْ عٜوْنَکٜ عٛنْ نغَمْ ࢩَامْدُ حَا سَارٜ مُمْ، تٛ عٛنْ نجَࢡِ عٜوْنَاندُ مَاکٛ، ندٜنْ کَمْ ࢩَامٜ بٜى نُمٛ ࢡٜرْندٜ لَاࢡْنغٛ کٛ عٛجٛعِّنَنْتَ عٛنْ ڢُو وَلَا حَاجٜ ࢨَمْغٛ حَا تٛيْ طُمْ عِوِ؞ 28عَمَّا تٛ غٛطّٛ وِعِ عٛنْ: «کُسٜلْ نغٜعٜلْ عِوِ حَا ندَبَّاوَ کِرْسَنَانغَ لَبِّ»، ندٜنْ کَمْ تَا ࢩَامٜ نغٜلْ، نغَمْ دَلِيلَ عَنْدِنْطٛ عٛنْ طُمْ، نٛنْ بٛو نغَمْ دَلِيلَ نُمٛ ࢡٜرْندٜ؞ 29مِوِعَايْ دٛوْ نُمٛوجِ ࢡٜرْطٜ مٛوطٛنْ، عَمَّا دٛوْ نُمٛ ࢡٜرْندٜ عٛيَ مَنْ؞
ڢَکَتْ، نُمٛ ࢡٜرْندٜ غٛطّٛ ڢٛتَايْ حِيتَاغٛ ندِمُ عَمْ؞ 30تٛ مِيٜتِّ اَللَّه نغَمْ ࢩَامْدُ عَمْ، کٛنِ غٛطّٛ حَلِّنْتَمِّ نغَمْ دَلِيلَ ࢩَامْدُ ندُ نغٜتُّمِ اَللَّه دٛوْ مُمْ؟
31نغَمْ مَاجُمْ، تٛ عٛنْ طٛنْ ࢩَامَ مَلَّ تٛ عٛنْ طٛنْ نجَرَ مَلَّ کٛو طُمٜ کٛ مبَطٛتٛنْ، مبَطٜ طُمْ ڢُو نغَمْ تٜدُّنغَلْ اَللَّه؞ 32تَا لَاتٜ دَلِيلَ ڢٜرْغٜرٜ کٛو مٛيْ ندٜرْ حَکّٜ، کٛو يَحُودُعٜنْ، کٛو يُنَنِنغْکٜعٜنْ#10:32 يُنَنِنغْکٜعٜنْ مَلَّ غِرٜکْعٜنْ؞، کٛو جَمَعَارٜ يِمْࢡٜ اَللَّه؞ 33مبَطٜ بَنَ مبَطَنْمِ؞ مِطٛنْ تِينٛ حَا کٛو مٛيْ يٜرْدَمِّ ندٜرْ کٛو طُمٜ ڢُو؞ مِطَࢡِّتِتَّا کٛ نَڢَتَمِّ، مِطٛنْ طَࢡَّ کٛ نَڢَتَ يِمْࢡٜ طُوطْࢡٜ، نغَمْ حَا ࢡٜکِسَ؞
Právě zvoleno:
1 کٛرِنْتُعٜنْ 10: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.