ܡܙܡܘܪ̈ܐ 129 (ܩܟܛ)
129 (ܩܟܛ)
ܙܡܵܪܬܵܐ ܕܐ݇ܣܵܩܬܵܐ.
1”ܪܵܒܵܐ ܩܲܡ ܡܲܠܝܸܨܝܼ ܠܝܼ ܡ̣ܢ ܙܥܘܿܪܘܼܬܝܼ،“
ܫܒ݂ܘܿܩ ܐܵܡܹܪ ܝܼܣܪܵܝܹܠ.
2”ܪܵܒܵܐ ܩܲܡ ܡܲܠܝܸܨܝܼ ܠܝܼ ܡ̣ܢ ܙܥܘܿܪܘܼܬܝܼ،
ܐܝܼܢܵܐ ܠܵܐ ܡܨܹܐ ܠܗܘܿܢ ܒܝܼܝܼ.
3ܡܵܚܝܵܢܹ̈ܐ ܕܟܪܝܼܒ݂ܵܐ ܡܚܹܐ ܠܗܘܿܢ ܟܪܝܼܒ݂ܵܐ ܥܲܠ ܚܲܨܝܼ؛
ܡܘܼܪܝܸܟ݂ ܠܗܘܿܢ ܟܪ̈ܝܼܒܲܝܗܝ.“
4ܐܝܼܢܵܐ ܡܵܪܝܵܐ ܙܲܕܝܼܩܵܐ ܝܠܹܗ،
ܩܛܝܼܥ ܠܹܗ ܚܲܒ݂ܠܹ̈ܐ ܕܒܝܼܫܹ̈ܐ.
5ܢܵܟ݂ܦܝܼ ܘܕܵܝܪܝܼ ܠܒܵܬ݇ܪܵܐ ܟܠܲܝܗܝ ܣܵܢܝܵܢܹ̈ܐ ܕܨܸܗܝܘܿܢ.
6ܗܵܘܝܼ ܐܲܝܟ݂ ܓܸܠܵܐ ܕܐ݇ܓܵܪ̈ܵܘܵܬܹܐ،
ܗ̇ܘ ܕܟܹܐ ܒܵܪܹܙ ܡ̣ܢ ܩܵܕ݇ܡ ܕܦܵܐܹܫ ܢܟ̰ܝܼܠܵܐ.
7ܕܠܹܐ ܡܵܠܝܵܐ ܡܸܢܹܗ ܐܝܼܕܵܐ ܕܚܲܨܵܕܵܐ،
ܘܠܵܐ ܚܦܵܩܵܐ ܕܐܵܣܪܵܢܵܐ ܕܕܲܪ̈ܙܹܐ.
8ܘܠܹܐ ܐܵܡܪܝܼ ܥܵܒ݂ܪ̈ܵܢܹܐ،
”ܒܘܼܪܟܬܵܐ ܕܡܵܪܝܵܐ ܥܲܠܵܘܟ݂ܘܿܢ،
ܒܲܪܘܼܟܹܐ ܝܘܲܚ ܐܸܠܵܘܟ݂ܘܿܢ ܒܫܸܡܵܐ ܕܡܵܪܝܵܐ.“
Právě zvoleno:
ܡܙܡܘܪ̈ܐ 129 (ܩܟܛ): ABTAB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation