Oblíbené biblické verše z मा़र 5

Sdílet

आदो जिसु उनिये मेतादेया, बाञचावेनाम, ए मा़इ आमाक् बिसवा़सगेये बोगे आकात्‌मेया, सुलुकते सेन जोङमे आर आमाक् रुवा़ खोन बोगे आकानगे ताहेनमे।

आर गेलबार बोछोर खोन माँयाँम जोरोक्‌ रोगान मित्‌टेन मायजिवे ताहेंकाना। उनि दो आ़डि उता़र रारानको ठेन आ़डि दुके जोम आकात् ताहेंकाना। आयाक्‌ जोतोवाक् खोरोचकाते चेत् पोरहो हों बाय ञामलेदा, बिचकोम आरतेत् ए बा़ड़िच् इदि आकान ताहेंकाना।

खान उनि मायजिउ दो जिसुवाक् किचिरिच्‌ ए जोटेत्‌केदा आर इना़ घा़ड़िच्‌तेगे उनियाक् माँयाँम ओडोकोक् दो बोंदेना आर आयाक्‌ होड़मोरेये आ़इका़उकेदा आयाक्‌ रुवा़ खोने बोगेयेना मेनते।

आर गिदरा़वाक् ति साप्‌कातेये मेतादेया, “तालिथा कुमि,” ओना दो तोरजोमाते, “ए मा़इ, मेतामकाना़ञ बेरेत्‌मे।”

जिसुये रोरोड़कान ताहेंकानरेगे सुना़गोगरेन मुखिया़वाक्‌ ओड़ाक् खोन थोड़ा होड़ हेच्‌कातेको मेतादेया, होपोनेराम दोए बेनडाव एना, चेदाक् आदो गुरुम हारोनेया? मेनखान जिसु दो ओना रोड़लेनाक् काथा बाय हेतावादा आर सुना़गोगरेन मुखिया़इ मेतादेया, “आलोम बोतोरोक्‌आ एकेन पा़तिया़उक्‌मे।”

एनते जिसु दो उनिये मेतादे ताहेंकाना, “ए बेसाफा जिउ नुय होड़ खोन ओडोक चालाक्‌मे।” खान जिसुइ कुलिकेदेया, “आमाक् ञुतुम दो चेत् काना?” रोड़रुवा़ड़केदाए, इञाक् ञुतुम दो “फा़द काना, एनते आ़डि ओकोच् मेनाक्‌लेया।”