Oblíbené biblické verše z Susuuon 11

Sdílet

Om kosomungai nopo dii di Banabas i Soul om angataijono dii muli soi Ontukia. Sontoun linaid diolo mirurunggum di tongotulun saralom do poiuuntunan di tongotulun do aparsaya di Yisus soi Ontukia, om monuduk iolo di kinoguuan di tongotulun siri. Timpuunno dii i tongotulun soi Ontukia do momungaran diri tongotulun di Yisus do tulun Koristian.

Isido nopo nga tulun do aandai, om noponu i ginavojo do kuasa di Tatod Tolidang om aparsaya isido marong. Korikot nopo dii i Banabas soi Ontukia, om naantanganjo do agajo barakat do Kinoringan di tongotulun siri om asanang dii i ginavojo. Om monosiat i Banabas do pogirot di ginavo diolo do misti rumalan maja di Tuhan do aavi-avi i ginavo diolo. Korongou nopo dii i tongotulun om oguu dii i naparsaya di Tuhan.

Atarang marong do nitaak di Kinoringan i TatodJo Tolidang di tulun di okonko bansa Joudi, irad nogi dino do nitaak Disido i TatodJo Tolidang daton ontok do aparsaya tokou di Tuhan Yisus Koristus. Jadi sombo buli potingkodonku i Kinoringan,” kadi Pitrus. Nokorongou nopo dii iolo di tinangar di Pitrus do irad diri om otosno dii iolo, om auno dii pakasala iolo kavagu. Nga mangarajouno dii iolo do Kinoringan do kadiolo, “Nitaak do Kinoringan iso kosivatan supaya i tongotulun di okonko bansa Joudi nogi nga obuli rumorogo di duso doisido om kaanu kovijaan do auso koovion,” ka.