Oblíbené biblické verše z Iyoni 1

Sdílet

Go avatauwa neta Tauyana siuyaone o tadigo kada, ‘Tauyana sinumise’, e Yaubada itagonedi bei kidi Tauyana natunao.

Aba vatowo goi Livala bogina ikaaiyaka. Livalayana moe Yeisu. Ikaaiyaka Yaubada taiyao go, Tauyana Yaubada.

Mavadayana mamaníwana goi ininínima go, mamaniwanayana geya itoboineyeta bei mavada ikigawuwuli.

Livalayana imalasakava, e yaima goi ikaaiyaka. Tauyana yaina goi Yaubada ina togaga ana káeyana kagite. Ina togaga ana kaeyanayana itoboine ikaaiyaka Tauyana yaina unana iya Yaubada Natuna kaakesaina; Tamana goi ima be nakae Yaubada ina kanuwóiya be ana Nanamsa Mooitamoina sivakayaodei.

Dogoi liliudi iya goi sisowóduwo. Go neta Tauyana geya, geya tayaamo kaga isowóduwo. Tauyana yawana vau unana. Yawanayana tomota ada mavada.

Vanuwo itomo Iyoni ikandobala, Yeisu igite imamaima, tuwo tomota ilatuwokoidi idigo kana, ‘Gwa! Yaubada ina Lami! Tauyana kita da poyapoya liliuda ida goyo ikabidi ikalavedi.

Bogina ima poyapoya ame goi ikaaiyaka be nakae poyapoyayana nimana goi isowóduwo go, kidi da poyapoya geya sikinaneyeta. Tauyana ima toinina ina kasa Yudiya goi go, toinina ina bodao, moe kidi Diyuu, geya siuyaoneyeta, go sem sikatae.

Tauyana Mavada mooitamoina imamaima poyapoya ame goi tomota liliuda nukotoda itapasigidi.

Ame nakae: Anuwoiyayana Mosese goi ivatowo; tauyana Yaubada ina Katukeda ivinida. E imalatomota dókana Yeisu Guyau yaina goi. Tauyana goi Yaubada ina kanuwóiya be ana Nanamsa Mooitamoina ivagitakoedi yaida.