Oblíbené biblické verše z Mataayo 2

Mbe, bhaghasöha mo‑nyumba, bhakamorighi omoona haghirohamu na Mariyamu nyina waache, bhakiihiinya mbagha haase, bhakamusëngëra omoona uyo. Bhaghasaasura emerigho gheebho, bhakamoruuseri chaatuho che sahaabhu, ne ebheneeso na manemane.

Yesu ꞉niibhwiru mo‑moghya o Bheserehemu mo‑mukööwa o Yuteya, eriibhagha re bhukangati bho mutëmi Herote Omokoro. Mbe, hano amariri kwibhoru, abhamënyi bha chanchöta bhano bharweriire roghoro bhakahika mo‑moghya o Yerusareemu. Bhakabhoori, “Hayi anyi uno ibhwiru Omutëmi o Bhayahuuti? Ntoyerooche anchöta yaache erarwera roghoro, gho ghayo, ntwichiri komusëngëra.”

Hano bharooche anchöta yiire, bhaghachömëru chwee.

Rekamara, Eryobha rekabhashaangʼi mo‑riröötö kubha bhatagharuka wiiki o‑Herote. Gho ghayo, bhaghagharuka bhowaabho gho kohetera anchëra ayende. Hano bhamariri ghutanura abhamënyi bha chanchöta, mööhi, marayika o Mutëmi akamorwera Yusubhu mo‑riröötö, akamobhoorera akabhugha, “Bhooka! Wimoki omoona na nyina waache, mungʼösërë mo‑se e Miisiri. Mwikare iyo iyo mbagha eriibhagha rino nekuucha kobhabhoorera, gho kubha Herote nakuucha komutabhara omoona uyo kubha amwite.”