Oblíbené biblické verše z Baloma 4

Sdílet

Nikuba boobo taakazumbauzya naaceya. Pele wakali kusyoma cisyomezyo ca Leza anguzu akumulumbaizya. Wakazumina ncobeni kuti Leza ulakonzya kucita nzyaakasyomezya.

Mbubonya mbuli mbokulembedwe kuti, “Ndakucita kuti ube wisi wamisyobo yoonse.” Leza mwini nguwakaambila Abulahamu cisyomezyo eeci, Leza mwini ngwaakasyoma. Ngu Leza uubusya bafu, waamba zyazintu zitanacitika mbuli kuti zyacitika kale.

Jesu ooyo wakajaigwa akaambo kazinyonyoono zyesu, nkabela wakabusigwa kuzwa kubafu kuti Leza atwaambe kuti tuliluleme.

Leza wakati, “Lunyungu lwako luyooba lunji.” Eelyo Abulahamu wakasyoma, nikuba kuti cakali kulangika aanga tacikacitiki pe, pele wakacili kusyoma.

Ncenciceeco lusyomo ndolupati mukuti bantu batambule nzyasyomezya Leza mbuli cipego buyo. Balunyungu lwa Abulahamu boonse balatambula ncobeni, teensi buyo baabo babamba Mulawo pe, pele abaabo basyoma bwakali kusyoma Abulahamu. Kayi ngotaata swebo notusyoma toonse.

Ulati, “Balilelekedwe aabo balekelelwa milandu yabo, aabo bali aazinyonyoono zyavumbwa. Ulilelekedwe muntu ooyo Leza ngwatabalili zinyonyoono.”

Ino Malembe aamba buti? Aamba kuti, “Abulahamu wakasyoma Leza, aboobo Leza wakamwaamba kuti mululami.”