Sea Island Creole English: De Nyew Testament

De Nyew Testament

<div class="version vid585 iso6393gul" data-vid="585" data-iso6393="gul">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="m"> 1All de crowd ob people wa beena jedge een de Jew Council grab hole ta Jedus an tek um way ta Gobna Pilate. 2Den dey staat fa cuse Jedus, tell Pilate say, &#8220;We done find dis man da pit wod een we people yea fa mek um riot ginst de tority. E tell um say we ain spose fa pay tax ta Caesar. An e say e de Messiah. Dat mean e a king.&#8221;</div><div class="p"> 3Pilate aks Jedus say, &#8220;Ya de king ob de Jew people?&#8221; Jedus ansa um say, &#8220;Dat wa ya say. Dat so e stan.&#8221;</div><div class="p"> 4Pilate tell de leada dem ob de priest dem an de heapa people wa done geda dey say, &#8220;A ain see nottin bad wa dis man done.&#8221;</div><div class="p"> 5Bot de people dem ob de Council keep on da cuse um mo an mo. Dey tell Pilate say, &#8220;Jedus beena stir op de people wid de ting wa e da laan um all oba Judea. E staat een Galilee, an now e done come all de way yah ta Jerusalem.&#8221;</div><div class="s">Dey Tek Jedus ta Herod</div><div class="p"> 6Wen Pilate yeh wa dem people say, e aks um ef Jedus been fom Galilee. 7Soon as Pilate find out dat Jedus been fom Galilee, de arie weh Herod da rule, e sen Jedus ta Herod fa jedge um. An dat same time Herod been dey een Jerusalem too.</div><div class="p"> 8Herod been too glad wen e see Jedus, cause e done yeh bout um an been wahn fa shim fa a long time. E been wahn fa shim do some miracle. 9Herod quizzit Jedus tommuch, bot Jedus neba ansa um eben a wod. 10De leada dem ob dey priest dem an de Law teacha dem come stan fo Herod, da cuse Jedus still mo an mo. 11An Herod an e sodja dem hole Jedus cheap. Dey laugh an suck dey teet, shrow insult pon um. An dey mek um weah a fine robe, like a king weah. Den Herod sen Jedus back ta Pilate.</div><div class="p"> 12Now Pilate an Herod dem done beena fight each oda, bot dat same day, dey come fa be fren.</div><div class="s">Dey Say Jedus Mus Dead pon de Cross</div><div class="r"> Matthew 27:15-26; Mark 15:6-15; John 18:39&#8212;19:16</div><div class="p"> 13Pilate sen fa de leada dem ob de Jew priest dem, an e call fa de tority dem wa da rule, an fa de people. E call um all fa come togeda. 14E tell um say, &#8220;Oona done bring dis man yah ta me, tell me dat e da stir op de people, pit wod een dey yea. Bot wen A quizzit um fo oona, A see dat e ain done none ob dem ting wa oona say e done. 15An Herod ain see nottin bad wa Jedus done needa, so e sen um back ta we yah. Oona kin see dat Jedus ain done nottin fa mek me hab dem kill um. 16Cause ob dat, A gwine jes hab dem whip um an den leh um go.&#8221; [ 17Cause ebry yeah wen dey hab de Passoba feas, Pilate haffa free one man wa de Jew people wahn.] 18Bot wen Pilate say e wahn fa free Jedus fa um, all de people holla say, &#8220;No. Kill dis man an free Barabbas fa we!&#8221; 19(Barabbas de man wa dey been pit een de jailhouse cause e been a leada wen de people been riot een de city an one poson been git kill.)</div><div class="p"> 20Pilate been wahn fa free Jedus, so e taak ta de people gin.</div><div class="p"> 21Bot de people holla, tell Pilate say, &#8220;Nail um ta de cross! Nail um ta de cross!&#8221;</div><div class="p"> 22Pilate tell de people gin. Dat mek shree time. E aks um say, &#8220;Wa fa? A ain see nottin dat e done fa mek me hab dem kill um! Cause ob dat, A gwine hab dem whip um an den leh um go.&#8221;</div><div class="p"> 23Bot de people beena holla mo an mo, say Pilate oughta hab e sodja dem kill Jedus pon de cross. An cause de people holla sommuch an cause ob de leada dem ob de priest dem, e change e mind. 24So Pilate done wa de people been wahn um fa do. 25E free Barabbas, de man dey aks fa, wa been een de jailhouse fa de riot an fa kill somebody. Den Pilate tell e sodja dem fa tek Jedus an do wa de people been wahn um fa do.</div><div class="s">Dey Nail Jedus ta de Cross</div><div class="r"> Matthew 27:32-44; Mark 15:21-32; John 19:17-27</div><div class="p"> 26De Roman sodja dem tek Jedus an gone. Wiles dey beena gwine, dey meet one man name Simon, wa been bon een Cyrene. E beena come fom out een de country, da gwine ta Jerusalem. De sodja dem grab hole ta um an pit Jedus cross pon um. Dey mek um folla Jedus, da tote de cross.</div><div class="p"> 27A whole heapa people beena folla Jedus. Some dem ooman wa beena folla um beena weep an wail fa um. 28Jedus ton roun ta dem an say, &#8220;Oona daughta ob Jerusalem, mus dohn cry fa me! Mus cry fa oonasef an fa oona chullun. 29Cause de time gwine come wen people gwine say, &#8216;Bless fa true dem ooman wa ain neba hab no chullun, dem wa ain neba bon no baby an wa ain neba nuss none!&#8217; 30Een dat time, people gwine tell de mountain say, &#8216;Faddown pon we!&#8217; An dey gwine tell de hill say, &#8216;Kiba we op!&#8217; 31Cause ef dey da do dis ting ta de green wood, fa sho dey gwine do wossa ting ta de dry wood, ainty?&#8221;</div><div class="p"> 32Wen de sodja dem tek Jedus an go fa kill um, dey tek two oda bad man fa kill wid Jedus too. 33Wen dey git ta de place dey call &#8220;De place wa look like a man head,&#8221; de sodja dem nail Jedus ta e cross. An dey nail de two bad man too, each pon e own cross. Dey pit one man pon de right han side ob Jedus an de oda man pon e lef han side. 34Jedus say, &#8220;Fada, paadon dem, cause dey ain ondastan wa dey da do.&#8221;</div><div class="p">An de sodja dem shrow dice fa wide op Jedus cloes mongst um. 35De people beena stanop dey da look, an de Jew leada dem been dey, da hole Jedus cheap. Dey say, &#8220;E sabe oda people. So den, leh um sabe esef, ef e de Messiah wa God done pick fa true!&#8221;</div><div class="p"> 36De sodja dem hole Jedus cheap too. Dey come op ta um an try fa gim wine winega fa drink. 37Dey tell um say, &#8220;Ef ya de king ob de Jew people, sabe yasef!&#8221;</div><div class="p"> 38Dey write de chaage ginst Jedus fa de people fa read, an dey nail um oba Jedus head. De chaage say, DIS MAN YAH DE KING OB DE JEW PEOPLE.</div><div class="p"> 39One dem two bad man wa beena hang dey pon e cross, e shrow slam at Jedus. E say, &#8220;Ya de Messiah, ainty? Well den, sabe yasef an sabe we too!&#8221;</div><div class="p"> 40Bot de oda bad man wa beena hang dey, e buke dat man say, &#8220;Ya ain scaid ob God? Dey done condemn ya fa dead jes like dis man yah. 41Dey condemn we fa wa we done, an we da git we pay fa all de bad ting dem we done. Bot dis man yah ain done nottin bad.&#8221; 42Den e beg Jedus say, &#8220;Jedus, please do, memba me wen ya come fa be King!&#8221;</div><div class="p"> 43Jedus ansa um say, &#8220;A da tell ya fa true, taday ya gwine be wid me een heaben.&#8221;</div><div class="s">Jedus Dead</div><div class="r"> Matthew 27:45-56; Mark 15:33-41; John 19:28-30</div><div class="p"> 44E been bout tweb o'clock wen all dat lan ton pitch daak til shree o'clock. 45De sun stop fa shine, an de big tick curtain wa beena hang eenside God House split down de middle. 46Jedus holla say, &#8220;Fada, A gii oba me sperit ta ya fa tek cyah ob me!&#8221; Wen e done say dat, e dead.</div><div class="p"> 47Wen de offisa fa de sodja dem see wa happen, e praise God. E say, &#8220;Fa true, dis man yah ain done nottin bad.&#8221;</div><div class="p"> 48All de people wa beena geda dey fa look, wen dey see wa happen, dey lef an gone home. Wiles dey beena gwine, dey beat pon dey chest. 49An all de people wa been know Jedus, an de ooman dem wa come wid um outta Galilee, beena stanop way off fom de cross, da look pon all wa happen.</div><div class="s">Joseph Bury Jedus Body</div><div class="r"> Matthew 27:57-61; Mark 15:42-47; John 19:38-42</div><div class="p"> 50One man been dey name Joseph, a memba ob de Jew Council. E been a good man an e beena waak scraight. 51E ain been gree wid de Council wen dey cide fa condemn Jedus an han um oba ta de Roman tority dem. Joseph come fom de town name Arimathea een Judea. E beena wait fa de time wen God gwine rule oba dis wol. 52Joseph gone ta Pilate an aks um fa leh um hab Jedus body, an Pilate leh um hab um. 53So den, Joseph tek Jedus body down fom de cross an wrop um op een a linen closs. E pit um eenside a tomb wa done been cut outta a big rock. Nobody ain neba been pit een dat tomb fo dat. 54An dat day been de Preparation Day, wen dey git ready fa de Jew Woshup Day. An de Woshup Day been jes bout fa staat.</div><div class="p"> 55De ooman dem dat been come outta Galilee wid Jedus, dey folla Joseph an see de tomb an how Joseph pit Jedus body een um. 56Den dey lef an gone home an git spice an pafume ready fa rub pon Jedus body.</div><div class="p">Wen de Woshup Day come, dey ain do no wok, jes like de Jew Law say.</div><div class="s">Jedus da Lib Gin</div><div class="r"> Matthew 28:1-10; Mark 16:1-8; John 20:1-10</div>
 </div>
 </div>
</div>

All de crowd ob people wa beena jedge een de Jew Council grab hole ta Jedus an tek um way ta Gobna Pilate. Den dey staat fa cuse Jedus, tell Pilate say, “We done find dis man da pit wod een we people yea fa mek um riot ginst de tority. E tell um say we ain spose fa pay tax ta Caesar. An e say e de Messiah. Dat mean e a king.”
Pilate aks Jedus say, “Ya de king ob de Jew people?” Jedus ansa um say, “Dat wa ya say. Dat so e stan.”
Pilate tell de leada dem ob de priest dem an de heapa people wa done geda dey say, “A ain see nottin bad wa dis man done.”
Bot de people dem ob de Council keep on da cuse um mo an mo. Dey tell Pilate say, “Jedus beena stir op de people wid de ting wa e da laan um all oba Judea. E staat een Galilee, an now e done come all de way yah ta Jerusalem.”

Wen Pilate yeh wa dem people say, e aks um ef Jedus been fom Galilee. Soon as Pilate find out dat Jedus been fom Galilee, de arie weh Herod da rule, e sen Jedus ta Herod fa jedge um. An dat same time Herod been dey een Jerusalem too.
Herod been too glad wen e see Jedus, cause e done yeh bout um an been wahn fa shim fa a long time. E been wahn fa shim do some miracle. Herod quizzit Jedus tommuch, bot Jedus neba ansa um eben a wod. De leada dem ob dey priest dem an de Law teacha dem come stan fo Herod, da cuse Jedus still mo an mo. An Herod an e sodja dem hole Jedus cheap. Dey laugh an suck dey teet, shrow insult pon um. An dey mek um weah a fine robe, like a king weah. Den Herod sen Jedus back ta Pilate.
Now Pilate an Herod dem done beena fight each oda, bot dat same day, dey come fa be fren.


Pilate sen fa de leada dem ob de Jew priest dem, an e call fa de tority dem wa da rule, an fa de people. E call um all fa come togeda. E tell um say, “Oona done bring dis man yah ta me, tell me dat e da stir op de people, pit wod een dey yea. Bot wen A quizzit um fo oona, A see dat e ain done none ob dem ting wa oona say e done. An Herod ain see nottin bad wa Jedus done needa, so e sen um back ta we yah. Oona kin see dat Jedus ain done nottin fa mek me hab dem kill um. Cause ob dat, A gwine jes hab dem whip um an den leh um go.” [ Cause ebry yeah wen dey hab de Passoba feas, Pilate haffa free one man wa de Jew people wahn.] Bot wen Pilate say e wahn fa free Jedus fa um, all de people holla say, “No. Kill dis man an free Barabbas fa we!” (Barabbas de man wa dey been pit een de jailhouse cause e been a leada wen de people been riot een de city an one poson been git kill.)
Pilate been wahn fa free Jedus, so e taak ta de people gin.
Bot de people holla, tell Pilate say, “Nail um ta de cross! Nail um ta de cross!”
Pilate tell de people gin. Dat mek shree time. E aks um say, “Wa fa? A ain see nottin dat e done fa mek me hab dem kill um! Cause ob dat, A gwine hab dem whip um an den leh um go.”
Bot de people beena holla mo an mo, say Pilate oughta hab e sodja dem kill Jedus pon de cross. An cause de people holla sommuch an cause ob de leada dem ob de priest dem, e change e mind. So Pilate done wa de people been wahn um fa do. E free Barabbas, de man dey aks fa, wa been een de jailhouse fa de riot an fa kill somebody. Den Pilate tell e sodja dem fa tek Jedus an do wa de people been wahn um fa do.


De Roman sodja dem tek Jedus an gone. Wiles dey beena gwine, dey meet one man name Simon, wa been bon een Cyrene. E beena come fom out een de country, da gwine ta Jerusalem. De sodja dem grab hole ta um an pit Jedus cross pon um. Dey mek um folla Jedus, da tote de cross.
A whole heapa people beena folla Jedus. Some dem ooman wa beena folla um beena weep an wail fa um. Jedus ton roun ta dem an say, “Oona daughta ob Jerusalem, mus dohn cry fa me! Mus cry fa oonasef an fa oona chullun. Cause de time gwine come wen people gwine say, ‘Bless fa true dem ooman wa ain neba hab no chullun, dem wa ain neba bon no baby an wa ain neba nuss none!’ Een dat time, people gwine tell de mountain say, ‘Faddown pon we!’ An dey gwine tell de hill say, ‘Kiba we op!’ Cause ef dey da do dis ting ta de green wood, fa sho dey gwine do wossa ting ta de dry wood, ainty?”
Wen de sodja dem tek Jedus an go fa kill um, dey tek two oda bad man fa kill wid Jedus too. Wen dey git ta de place dey call “De place wa look like a man head,” de sodja dem nail Jedus ta e cross. An dey nail de two bad man too, each pon e own cross. Dey pit one man pon de right han side ob Jedus an de oda man pon e lef han side. Jedus say, “Fada, paadon dem, cause dey ain ondastan wa dey da do.”
An de sodja dem shrow dice fa wide op Jedus cloes mongst um. De people beena stanop dey da look, an de Jew leada dem been dey, da hole Jedus cheap. Dey say, “E sabe oda people. So den, leh um sabe esef, ef e de Messiah wa God done pick fa true!”
De sodja dem hole Jedus cheap too. Dey come op ta um an try fa gim wine winega fa drink. Dey tell um say, “Ef ya de king ob de Jew people, sabe yasef!”
Dey write de chaage ginst Jedus fa de people fa read, an dey nail um oba Jedus head. De chaage say, DIS MAN YAH DE KING OB DE JEW PEOPLE.
One dem two bad man wa beena hang dey pon e cross, e shrow slam at Jedus. E say, “Ya de Messiah, ainty? Well den, sabe yasef an sabe we too!”
Bot de oda bad man wa beena hang dey, e buke dat man say, “Ya ain scaid ob God? Dey done condemn ya fa dead jes like dis man yah. Dey condemn we fa wa we done, an we da git we pay fa all de bad ting dem we done. Bot dis man yah ain done nottin bad.” Den e beg Jedus say, “Jedus, please do, memba me wen ya come fa be King!”
Jedus ansa um say, “A da tell ya fa true, taday ya gwine be wid me een heaben.”


E been bout tweb o'clock wen all dat lan ton pitch daak til shree o'clock. De sun stop fa shine, an de big tick curtain wa beena hang eenside God House split down de middle. Jedus holla say, “Fada, A gii oba me sperit ta ya fa tek cyah ob me!” Wen e done say dat, e dead.
Wen de offisa fa de sodja dem see wa happen, e praise God. E say, “Fa true, dis man yah ain done nottin bad.”
All de people wa beena geda dey fa look, wen dey see wa happen, dey lef an gone home. Wiles dey beena gwine, dey beat pon dey chest. An all de people wa been know Jedus, an de ooman dem wa come wid um outta Galilee, beena stanop way off fom de cross, da look pon all wa happen.


One man been dey name Joseph, a memba ob de Jew Council. E been a good man an e beena waak scraight. E ain been gree wid de Council wen dey cide fa condemn Jedus an han um oba ta de Roman tority dem. Joseph come fom de town name Arimathea een Judea. E beena wait fa de time wen God gwine rule oba dis wol. Joseph gone ta Pilate an aks um fa leh um hab Jedus body, an Pilate leh um hab um. So den, Joseph tek Jedus body down fom de cross an wrop um op een a linen closs. E pit um eenside a tomb wa done been cut outta a big rock. Nobody ain neba been pit een dat tomb fo dat. An dat day been de Preparation Day, wen dey git ready fa de Jew Woshup Day. An de Woshup Day been jes bout fa staat.
De ooman dem dat been come outta Galilee wid Jedus, dey folla Joseph an see de tomb an how Joseph pit Jedus body een um. Den dey lef an gone home an git spice an pafume ready fa rub pon Jedus body.
Wen de Woshup Day come, dey ain do no wok, jes like de Jew Law say.

Poslouchat Luke 23