Yawa - 2011 Edition (NT) Drama

<div class="version vid475 iso6393yva" data-vid="475" data-iso6393="yva">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Yesus te no Pilatus amun</div><div class="r">(Matius 27:1-2, 11-14; Markus 15:1-5; Yohanes 18:28-38)</div><div class="p"> 1Anugano Akari Akokoe Yahudi umawe usea usayai, umba wo Yesus augaveta no Gubernur Pilatus amun. 2Umba naije wo Yesus angkivan ware, &#8220;Reamo Vatane so aenamo Po vatano Yahudi wanuije manuga raugabe indamu umarovave pemerinta Roma ai, muno Po mansopi inda vemo wo pajak ravae nanto Akarijo Titi Roma ai nora. Muno Po raura pare Opamo Mesias, vatano Yahudi reama Akarijo Titi pije.&#8221;</div><div class="p"> 3Umba Pilatus po Yesus anajo pare, &#8220;Winyirati Akarijo Titi Yahudije pi Win dako?&#8221;</div><div class="p">Umba Yesus po raura akananto ai pare, &#8220;Risy ivae, mamaisyo nya ana ndaura wato rai.&#8221;</div><div class="p"> 4Umba Pilatus po raura nanto syeno akokoe muno vatano wanuije mansai pare, &#8220;Rinanto ayao kakai inta rai Vatane so ai ramu.&#8221;</div><div class="p"> 5Weramu akarijo Yahudi umawe wo antitidi jakato ware, &#8220;Vatane sopamo Apa ayao nsiso irati vatano wanui mansai no Yudea so raita tenambe. Manasyimbe pananyaube no Galilea rai umba de no naiso, Po vatane manuga raugabe indamu ube marovave vatano Roma wasai.&#8221;</div><div class="p"> 6Arono Pilatus po awa ayao umaso ranaun, naije po manajo pare, &#8220;Sopamo vatano Galilea pa e?&#8221;</div><div class="p"> 7Akarijo Yahudi wo raura akananto ai ware, &#8220;Tugae, Opamo vatano Galilea pa.&#8221;</div><div class="p">Weti Pilatus po apa naite matutir indamu wo Yesus augaveta no Herodesa nui, weye Herodes opirati be akarive propinsijo Galilea rai. Muno arono naije Herodes opamo de no Yerusalem rai to.</div><div class="s">Yesus te no Herodes amun</div><div class="p"> 8Herodes anayanambe rave po Yesus aen, weye nugoenta rave to po Yesus apa ana dave muno Apa ananyaowe ranaun, weramu po aen dainy. Muno beke dave pare po Apa anapaporainye inta raen. 9Weti Herodes po Yesus anajobe manui, weramu Yesus po ana inta raura nakatoe ramu. 10Syeno akokoe nawe, kuruno makari mbaro Ananyao Musa raije nawe usai no naije, wo Yesus aura tantunawi rave. 11Umba Herodesa pe apa naite nawe wanaikebe Yesus ai muno wo akaajian. Wo ansuno manawadi ngko dave inta raugasyo Ai ra po rave, mamaisyo ansuno akarijo titi po rave ramaisy, indamu wo ambaon. Umba Herodes apa naite wo auga ti wakare no Pilatusa nui. 12Masyoto naije Herodesa pe Pilatusa pe ibe arakobe. Wusyinoe ibe marovave irati yai.</div><div class="s">Pilatus po mangke raunanto Yesus ai indamu kakai</div><div class="r">(Matius 27:15-26; Markus 15:6-15; Yohanes 18:38-19:16)</div><div class="p"> 13Pilatus po syeno akokoe nawe, akarijo Yahudije nawe, vatano wanuije nawe mawainde. 14Umba po raura nanto mai pare, &#8220;Wapo Vatane so augavere rinai, wapare Opamo po vatano Yahudi wanuije manuga raugabe indamu ube marovave pemerinta Roma ai. Syo anajobe no wasamune rai to, weramu wapa ana wapo rangkivano Ai umaso mamo mamaisye ramu. Inanto ayao kakaije inta raijo Aije ramu. 15Maisyare omai tavon, Herodes nanto ana ngkakai inta rai no Vatane so ai tavone ramu, weye po auga ti pakare irati rinai yara po mangke raugaje Aije ramu. Vatane sopamo po ana ngkakai inta rave ramu, weti mangke raugaje Ai indamu kakai weamo mamaisye ramu. 16Weti syare syo naite inta matutir indamu wo anepati umba syo apaya vayave.&#8221; 17Pilatus po raura tai maisy weye arono Ono Paska ndea mamaisy, po vatano Yahudi tuna no tanoano makova raije intabo apaya irati apa mangke rai, mamaisyo Yahudi awa koano Ono Paska raive rai.</div><div class="p"> 18Weramu soamo vatano Yahudi wanugan no naije ugwain tenambe ware, &#8220;Weinya! Reamare nyo Yesus aubaisy, yara nyo Barabas apaya irati reansai.&#8221; 19Barabas umaso pamo makova no tanoano makova rai weye tavondijo vatano wo marova rave pemerinta Roma aije mai no Yerusalem, ti po vatane inta maubaibeve to.</div><div class="p"> 20Pilatus pare po Yesus apaya, weti po ayao inta raura vatano wanuije mansai jakato. 21Weramu vatano wanuije umawe ugwain akato ware, &#8220;Auseo sawa inyo kapite rai! Auseo sawa inyo kapite rai!&#8221;</div><div class="p"> 22Pilatus po raura maive mandei jakato pare, &#8220;Weramu ayao kakaije rui mirati Vatane so po raveti ngkakai Ai? Inanto inta raije ramu, weti syare syo mangke raugaje Ai indamu kakai omamo mamaisye ramu. Indati syo naite inta matutir indamu wo anepati umba syo apaya vayave.&#8221;</div><div class="p"> 23Weramu vatano wanuije umaso ugwain akoeve akato indamu Yesus auseo sawa inyo kapite rai. Ugwain kekebe tutir, weti wo Pilatus antitidi tavondi awa bekere rai. 24Weti Pilatus po mangke rapatimugo Yesus ai indamu kakai, mamaisyo vatano wanuije umaso awa bekere rai. 25Muno po Barabas apaya mansai, mamaisyo awa ana wo ranajoe rai. Wepirati tuna no tanoano makova rai weye tavondijo vatano wo marova rave pemerinta Roma aije mai muno opamo po vatane inta maubaibeve to. Umba Pilatus po Yesus aunanta irati vatano wanuije mansai indamu wo aveare awa bekere omaisy.</div><div class="s">Yesus auseo sawa inyo kapite rai</div><div class="r">(Matius 27:32-44; Markus 15:21-32; Yohanes 19:17-27)</div><div class="p"> 26Umba wo Yesus auga ti wusya indamu wo auseo sawa inyo kapite rai. Wanyana unanuije ama yasyin umba unanta irati vatano Kirene inta ai, apa tame mi Simon. Vatane umaso pamo to no unat umba pakare no munijo Yerusalem. Wo Yesus apa inyo kapite raunanto Simon ai ti po ranawan ti dija no Yesus akiri.</div><div class="p"> 27Vatano wanuije wo Yesus arijat no akiri, muno wanya inta woyov wo arijat muno manimaumbe Ai. 28Yesus sarirae, umba Po raura nanto mai pare, &#8220;Wanya Yerusalem weap, vemo wapoyovo Rinai nora, yara syare wapoyovo taune wasai muno wapa arikainye mansai tavon. 29Weye masyoto makareye umba siurijo manakoe nande vatano Yerusalem wasai. Arono naije vatane wo raura ware, &#8216;Wanya wo arikainye inta mavaki ramu muno wo ukame raunanto arikainye inta mai ramu indati awaura kove rai weye awa arikainye meweno mai.&#8217; 30Masyoto naije vatane inta wo raura nanto pukame inta rai ware, &#8216;Pukame! Ngkipu ra nde ra nyo reansatatuv, indamu vemo reananta irati siurije so rai jinya.&#8217;# Hosea 10:8 31Risyamo ayao kakaije meweno Rinai weramu wo siurijo manakoe so raunande Rinai, weti tugae rave wapa siurije indati miridi nseowa manakoe kobe weye weapirati wapa ayao kakaije ntapekano wasai.&#8221;#23:31 Aneme somamo Yesus po raura ananeneabe pare Opamo aurata irati inyo njayaisy inta rai weye ayao kakai meweno Ai, yara vatane wato maurata irati inyo ngkanen to rai weye onawamo vatano awa ayao kakaije no mai.</div><div class="p"> 32Naito Roma wo vatano mamune jiruma yauga tavon indamu wo yaubaisyo Yesus atavon. 33Umba unanta no pukame inta rai, ama tame mirati Akari Pae. Umba wo Yesus auseo sawa inyo kapite rai, muno wo vatano mamune jirume umawe yauseo syawa atavon, inta sawa no anem ngkov muno inta sawa no anem ngkakai. 34Umba Yesus be sambayambe pare, &#8220;Injae, syare nyo vatane so awa ayao kakaije so rapaya mansai, weye wantatukambe awa ana udave so rai.&#8221;</div><div class="p">Naite umawe wo aikarae rapatin indamu wo Apa ansune ratodijo taune mansai. 35Vatano wanuije usai no naije wo aen, muno akarijo Yahudi wanaikebe Ai ware, &#8220;Opamo po vatano kaijinta mapaya kakaije rai. Ranivara Opamo Mesias Amisye po apatimuge pije, veanimaibe Po taune anasine rapaya kakaije so raije jewen?&#8221;</div><div class="p"> 36Naito Roma umawe wanaikebe Yesus ai tavon, muno wo anggurijo nsaisyine raunanto Ai indamu po ramanam. 37Umba wo raura ware, &#8220;Ranivara Winyirati Akarijo Titi Yahudije pi Winy, weamo Nyo taune nanasine wato rapaya kakaije rai.&#8221;</div><div class="p"> 38Ayao wo ratoe no Apa inyo kapite ama von no taiso: Sopamo Akarijo Titi Yahudi.</div><div class="p"> 39Umba vatano mamune inta sawa atavone po akaajian pare, &#8220;Winyamo Mesiasa pi Winy e? Wea indati Nyo taune nanasine rapaya kakaije rai, muno Nyo irinsapaya tavon!&#8221;</div><div class="p"> 40Weramu vatano mamuno kaijinta po raura apa arakove umawe ai pare, &#8220;Mbeanimaibe nyo Amisye asyanive jewen? Weye winyamo mangke raugaje nai indamu ngkakai, maisyare muno Vatane so apa mangke ramaisy. 41Winye risye rima mangke mamo mamaisy irati rima ana ngkakai rindave rai. Yara Vatane sopamo apa ayao kakaije meweno Ai.&#8221; 42Umba po raura nanto Yesus ai pare, &#8220;Yesus, syare naemeno rinai arono Winy naijaseo wimbe akarive.&#8221;</div><div class="p"> 43Umba Yesus po raura nakananto ai pare, &#8220;Tugae, masyoto unumeso wintavondijo Rinai no munijo ntiti.&#8221;#23:43 Ayao Yunani naiso mare Firdaus, ama ine mare &#8220;munijo ntiti.&#8221;</div><div class="s">Yesus kakai</div><div class="r">(Matius 27:45-46; Markus 15:33-41; Yohanes 19:28-30)</div><div class="p"> 44Masyote yasyin, uma ami abusyinara eane jirum, ananamane nande ntamijo munijo we rai tenambe yava uma amije mandei, 45weye uma kaumudi ti bare ramu. Kavuratawe kaene nsawa unsanda Yavaro Amisye rai nsaram no warae maje ti mbe rurumbe. 46Naije umba Yesus gwain akoeve pare, &#8220;Injae, Syo inanawayoe augore no naneme uga rai.&#8221; Umba anawayo karimu, kakai kobe.</div><div class="p"> 47Nait akari Roma po ana umaso raen, umba po Amisye ararimbe pare, &#8220;Tugae rave, Vatane sopamo ayao kakaije meweno Ai.&#8221;</div><div class="p"> 48Arono vatano wanuijo wanugan no naije wo Yesus apa kakaije umaso raen, naije manimaumbe rave umba unajiv. 49Muno Yesus apa arakove nawe, wanya utavondijo Ai no arono puje no Galilea nawe, usaiyo gwaravaimbe muno wo ana umaso raen tavon.</div><div class="s">Yesus antuna</div><div class="r">(Matius 27:57-61; Markus 15:42-47; Yohanes 19:38-42)</div><div class="p"> 50-51Umba vatane inta de, apa tame mi Yusup, vatano munijo Arimatea no no Yudea. Opamo vatano anuga ngkov muno apa ana dave mamai dave. Yusup opamo ato siso Anugano Akari Akokoe Yahudi mansai, weramu arono wo mangke rapatimugo Yesus ai, opamo tavondi awa ana wo rapatimuge umaso raije ramu. Opamo po masyoto Amisye de be akarive no mine vone so raije ranyuto ndei. 52Yusup umaso de no Pilatusa nui indamu po Yesus anasino kopa ranajo ai. 53Umba Yusup po Yesus anasino kopa raugaje umba po raugav, po ansuno mpopero nsauman veano akepan. Umba po antuna no aipapo oramo ratotove rai. Aipapo namije mamo vatano kaijinta antuna raive rainy. 54Masyoto napije pamo vatano Yahudi awa masyoto wanakangkanive irati awa masyoto sambaya rai.</div><div class="p"> 55Wanya utavondijo Yesus ai no munijo Galilea wo Yusup arijat ti wo Yesus apa aipapo raen, muno wo anasino kopa ama tami raije raen tavon. 56Umba wanya umaso unajiv wo manino mbovove ratayao indamu wo rauvaro Yesus anasino kopa rai. Umba siso irati masyoto sambaya rai ti umainda una vayave, mamaisyo ananyao Yahudi rai.</div>
 </div>
 </div>
</div>

© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)

Anugano Akari Akokoe Yahudi umawe usea usayai, umba wo Yesus augaveta no Gubernur Pilatus amun. Umba naije wo Yesus angkivan ware, “Reamo Vatane so aenamo Po vatano Yahudi wanuije manuga raugabe indamu umarovave pemerinta Roma ai, muno Po mansopi inda vemo wo pajak ravae nanto Akarijo Titi Roma ai nora. Muno Po raura pare Opamo Mesias, vatano Yahudi reama Akarijo Titi pije.”
Umba Pilatus po Yesus anajo pare, “Winyirati Akarijo Titi Yahudije pi Win dako?”
Umba Yesus po raura akananto ai pare, “Risy ivae, mamaisyo nya ana ndaura wato rai.”
Umba Pilatus po raura nanto syeno akokoe muno vatano wanuije mansai pare, “Rinanto ayao kakai inta rai Vatane so ai ramu.”
Weramu akarijo Yahudi umawe wo antitidi jakato ware, “Vatane sopamo Apa ayao nsiso irati vatano wanui mansai no Yudea so raita tenambe. Manasyimbe pananyaube no Galilea rai umba de no naiso, Po vatane manuga raugabe indamu ube marovave vatano Roma wasai.”
Arono Pilatus po awa ayao umaso ranaun, naije po manajo pare, “Sopamo vatano Galilea pa e?”
Akarijo Yahudi wo raura akananto ai ware, “Tugae, Opamo vatano Galilea pa.”
Weti Pilatus po apa naite matutir indamu wo Yesus augaveta no Herodesa nui, weye Herodes opirati be akarive propinsijo Galilea rai. Muno arono naije Herodes opamo de no Yerusalem rai to.

Herodes anayanambe rave po Yesus aen, weye nugoenta rave to po Yesus apa ana dave muno Apa ananyaowe ranaun, weramu po aen dainy. Muno beke dave pare po Apa anapaporainye inta raen. Weti Herodes po Yesus anajobe manui, weramu Yesus po ana inta raura nakatoe ramu. Syeno akokoe nawe, kuruno makari mbaro Ananyao Musa raije nawe usai no naije, wo Yesus aura tantunawi rave. Umba Herodesa pe apa naite nawe wanaikebe Yesus ai muno wo akaajian. Wo ansuno manawadi ngko dave inta raugasyo Ai ra po rave, mamaisyo ansuno akarijo titi po rave ramaisy, indamu wo ambaon. Umba Herodes apa naite wo auga ti wakare no Pilatusa nui. Masyoto naije Herodesa pe Pilatusa pe ibe arakobe. Wusyinoe ibe marovave irati yai.


Pilatus po syeno akokoe nawe, akarijo Yahudije nawe, vatano wanuije nawe mawainde. Umba po raura nanto mai pare, “Wapo Vatane so augavere rinai, wapare Opamo po vatano Yahudi wanuije manuga raugabe indamu ube marovave pemerinta Roma ai. Syo anajobe no wasamune rai to, weramu wapa ana wapo rangkivano Ai umaso mamo mamaisye ramu. Inanto ayao kakaije inta raijo Aije ramu. Maisyare omai tavon, Herodes nanto ana ngkakai inta rai no Vatane so ai tavone ramu, weye po auga ti pakare irati rinai yara po mangke raugaje Aije ramu. Vatane sopamo po ana ngkakai inta rave ramu, weti mangke raugaje Ai indamu kakai weamo mamaisye ramu. Weti syare syo naite inta matutir indamu wo anepati umba syo apaya vayave.” Pilatus po raura tai maisy weye arono Ono Paska ndea mamaisy, po vatano Yahudi tuna no tanoano makova raije intabo apaya irati apa mangke rai, mamaisyo Yahudi awa koano Ono Paska raive rai.
Weramu soamo vatano Yahudi wanugan no naije ugwain tenambe ware, “Weinya! Reamare nyo Yesus aubaisy, yara nyo Barabas apaya irati reansai.” Barabas umaso pamo makova no tanoano makova rai weye tavondijo vatano wo marova rave pemerinta Roma aije mai no Yerusalem, ti po vatane inta maubaibeve to.
Pilatus pare po Yesus apaya, weti po ayao inta raura vatano wanuije mansai jakato. Weramu vatano wanuije umawe ugwain akato ware, “Auseo sawa inyo kapite rai! Auseo sawa inyo kapite rai!”
Pilatus po raura maive mandei jakato pare, “Weramu ayao kakaije rui mirati Vatane so po raveti ngkakai Ai? Inanto inta raije ramu, weti syare syo mangke raugaje Ai indamu kakai omamo mamaisye ramu. Indati syo naite inta matutir indamu wo anepati umba syo apaya vayave.”
Weramu vatano wanuije umaso ugwain akoeve akato indamu Yesus auseo sawa inyo kapite rai. Ugwain kekebe tutir, weti wo Pilatus antitidi tavondi awa bekere rai. Weti Pilatus po mangke rapatimugo Yesus ai indamu kakai, mamaisyo vatano wanuije umaso awa bekere rai. Muno po Barabas apaya mansai, mamaisyo awa ana wo ranajoe rai. Wepirati tuna no tanoano makova rai weye tavondijo vatano wo marova rave pemerinta Roma aije mai muno opamo po vatane inta maubaibeve to. Umba Pilatus po Yesus aunanta irati vatano wanuije mansai indamu wo aveare awa bekere omaisy.


Umba wo Yesus auga ti wusya indamu wo auseo sawa inyo kapite rai. Wanyana unanuije ama yasyin umba unanta irati vatano Kirene inta ai, apa tame mi Simon. Vatane umaso pamo to no unat umba pakare no munijo Yerusalem. Wo Yesus apa inyo kapite raunanto Simon ai ti po ranawan ti dija no Yesus akiri.
Vatano wanuije wo Yesus arijat no akiri, muno wanya inta woyov wo arijat muno manimaumbe Ai. Yesus sarirae, umba Po raura nanto mai pare, “Wanya Yerusalem weap, vemo wapoyovo Rinai nora, yara syare wapoyovo taune wasai muno wapa arikainye mansai tavon. Weye masyoto makareye umba siurijo manakoe nande vatano Yerusalem wasai. Arono naije vatane wo raura ware, ‘Wanya wo arikainye inta mavaki ramu muno wo ukame raunanto arikainye inta mai ramu indati awaura kove rai weye awa arikainye meweno mai.’ Masyoto naije vatane inta wo raura nanto pukame inta rai ware, ‘Pukame! Ngkipu ra nde ra nyo reansatatuv, indamu vemo reananta irati siurije so rai jinya.’ Risyamo ayao kakaije meweno Rinai weramu wo siurijo manakoe so raunande Rinai, weti tugae rave wapa siurije indati miridi nseowa manakoe kobe weye weapirati wapa ayao kakaije ntapekano wasai.”
Naito Roma wo vatano mamune jiruma yauga tavon indamu wo yaubaisyo Yesus atavon. Umba unanta no pukame inta rai, ama tame mirati Akari Pae. Umba wo Yesus auseo sawa inyo kapite rai, muno wo vatano mamune jirume umawe yauseo syawa atavon, inta sawa no anem ngkov muno inta sawa no anem ngkakai. Umba Yesus be sambayambe pare, “Injae, syare nyo vatane so awa ayao kakaije so rapaya mansai, weye wantatukambe awa ana udave so rai.”
Naite umawe wo aikarae rapatin indamu wo Apa ansune ratodijo taune mansai. Vatano wanuije usai no naije wo aen, muno akarijo Yahudi wanaikebe Ai ware, “Opamo po vatano kaijinta mapaya kakaije rai. Ranivara Opamo Mesias Amisye po apatimuge pije, veanimaibe Po taune anasine rapaya kakaije so raije jewen?”
Naito Roma umawe wanaikebe Yesus ai tavon, muno wo anggurijo nsaisyine raunanto Ai indamu po ramanam. Umba wo raura ware, “Ranivara Winyirati Akarijo Titi Yahudije pi Winy, weamo Nyo taune nanasine wato rapaya kakaije rai.”
Ayao wo ratoe no Apa inyo kapite ama von no taiso: SOPAMO AKARIJO TITI YAHUDI.
Umba vatano mamune inta sawa atavone po akaajian pare, “Winyamo Mesiasa pi Winy e? Wea indati Nyo taune nanasine rapaya kakaije rai, muno Nyo irinsapaya tavon!”
Weramu vatano mamuno kaijinta po raura apa arakove umawe ai pare, “Mbeanimaibe nyo Amisye asyanive jewen? Weye winyamo mangke raugaje nai indamu ngkakai, maisyare muno Vatane so apa mangke ramaisy. Winye risye rima mangke mamo mamaisy irati rima ana ngkakai rindave rai. Yara Vatane sopamo apa ayao kakaije meweno Ai.” Umba po raura nanto Yesus ai pare, “Yesus, syare naemeno rinai arono Winy naijaseo wimbe akarive.”
Umba Yesus po raura nakananto ai pare, “Tugae, masyoto unumeso wintavondijo Rinai no munijo ntiti.”


Masyote yasyin, uma ami abusyinara eane jirum, ananamane nande ntamijo munijo we rai tenambe yava uma amije mandei, weye uma kaumudi ti bare ramu. Kavuratawe kaene nsawa unsanda Yavaro Amisye rai nsaram no warae maje ti mbe rurumbe. Naije umba Yesus gwain akoeve pare, “Injae, Syo inanawayoe augore no naneme uga rai.” Umba anawayo karimu, kakai kobe.
Nait akari Roma po ana umaso raen, umba po Amisye ararimbe pare, “Tugae rave, Vatane sopamo ayao kakaije meweno Ai.”
Arono vatano wanuijo wanugan no naije wo Yesus apa kakaije umaso raen, naije manimaumbe rave umba unajiv. Muno Yesus apa arakove nawe, wanya utavondijo Ai no arono puje no Galilea nawe, usaiyo gwaravaimbe muno wo ana umaso raen tavon.


Umba vatane inta de, apa tame mi Yusup, vatano munijo Arimatea no no Yudea. Opamo vatano anuga ngkov muno apa ana dave mamai dave. Yusup opamo ato siso Anugano Akari Akokoe Yahudi mansai, weramu arono wo mangke rapatimugo Yesus ai, opamo tavondi awa ana wo rapatimuge umaso raije ramu. Opamo po masyoto Amisye de be akarive no mine vone so raije ranyuto ndei. Yusup umaso de no Pilatusa nui indamu po Yesus anasino kopa ranajo ai. Umba Yusup po Yesus anasino kopa raugaje umba po raugav, po ansuno mpopero nsauman veano akepan. Umba po antuna no aipapo oramo ratotove rai. Aipapo namije mamo vatano kaijinta antuna raive rainy. Masyoto napije pamo vatano Yahudi awa masyoto wanakangkanive irati awa masyoto sambaya rai.
Wanya utavondijo Yesus ai no munijo Galilea wo Yusup arijat ti wo Yesus apa aipapo raen, muno wo anasino kopa ama tami raije raen tavon. Umba wanya umaso unajiv wo manino mbovove ratayao indamu wo rauvaro Yesus anasino kopa rai. Umba siso irati masyoto sambaya rai ti umainda una vayave, mamaisyo ananyao Yahudi rai.

Poslouchat LUKAS 23