Bola - 2011 WBT (NT) Non Drama

<div class="version vid333 iso6393bnp" data-vid="333" data-iso6393="bnp">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">A Habu na Parangia o Kana</div><div class="p"> 1Muri na parava i rua, a habu na parangia ni rata o Kana na tabeke ne Galili. E kinane Isu i lokovonga ge masia a habu. 2E Isu turane huriki a murimuri vona, ria ranga ni taki ri gi lakea na habu iea. 3Na tahuna a vain i lobo, lakea e kinana i takia e Isu, i ta maea, &#8220;A vain ne huriki nga i lobo.&#8221;</div><div class="p"> 4 # 
 Ion 7:30; 8:20 Pali e Isu i koli, i ta maea, &#8220;Naha ni vakuku iau. A parava nau i tabana.&#8221;</div><div class="p"> 5Lakea e kinana i taki e huriki a vora, i ta maea, &#8220;A ra ngava ge taki mua vona mu muri mai kunana.&#8221;</div><div class="p"> 6A ruma iea i tahoka a ulo na naru i polo&#173;tara. A ulo nga ne vona e huriki a Iuda bara ri rata a leho ni hilolo, ri gi mala&#173;mala na matana Vure. Ra ulo nga, ni rata na kedo. A lita i 100 bara ni guru dili vona a ulo i taku.</div><div class="p"> 7Lakea e Isu i taki e huriki a vora, i ta maea, &#8220;Mu kiru a maka ulo.&#8221; Lakea ri kiru a maka ulo, ri vonu.</div><div class="p"> 8Muri e Isu i taki ria, i ta maea, &#8220;Mu vidiru tala ranga, mu bole lakea na vora i matakari e huriki a vora na habu.&#8221; Lakea ri muri mai a ngava i taki, 9ri vidiru tala a lingena popote, ri bole lakea na matakari. A matakari ne huriki a vora i dame kilangana ra naru ni pulo lakea na vain. I uka ma i lohoka vona i valai vai a vain iea, pali e huriki a vora ri lohoka vona a hini ri kiru a naru vona. Muri a matakari ne huriki a vora i galea a bakovi i parangi karaba, 10i ta maea, &#8220;E huriki ri rata a habu, bara ri habi taro a vain kamumu hateka. Muri, na tahuna e huriki ri ninu hateka pali, bara ni habi a vain i uka ma i nami kamumu hateka. Pali ioe, i uka ma o rata mavonga. Ioe o habi muga a vain i uka ma i nami kamumu. Pali ngane kunana o habi tala a vain i nami kamumu hateka.&#8221;</div><div class="p"> 11Ra nivakasiri iea e Isu i ratea na tanga e Kana, o Galili. Ia a mugana niva&#173;kasiri ne Isu, i vakasiri a bagetua vona, lakea e huriki a murimuri ri luhoi tora ia.</div><div class="s1">E Isu i Lili Tala e Huriki na Roho</div><div class="r">(Mateo 21:12-13; Markus 11:15-17; Lukas 19:45-46)</div><div class="p"> 12 # 
 Mat 4:13
 Muri na habu, e Isu i puru o Kaper&#173;naum turana e kinana, e tarina mai, e huriki a murimuri vona. Ri made vonga na parava ranga.</div><div class="p"> 13 # 
 Nim 12:1-27
 Na tahuna a Habu na Nipagepolo ne huriki a Iuda i tabukoi, lakea e Isu i sike o Ierusalem. 14Na tahuna i bele na roho na Vure, i matai e huriki a bakovi ri vahabi ri vakona a bulmakau, a sipsip, a balu. E huriki a bakovi ranga ri made na dede ri vangoli a moni. 15Lakea e Isu i bole rikea a mota, i ratea lebo vona, i lili tala e huriki na roho na Vure. I hotu a maka sipsip a bulmakau, i lili tala ria. Muri i guru viliha a moni ne huriki ri vangoli a moni, i pulo ngalatudu a maka dede ne ria. 16Muri i taki e huriki ri vahabi a balu, i ta maea, &#8220;Mu bole ha koea a maka balu ne mua! Naha ni ratea a roho ne Tata ge manga a roho na ni vahabi ni vakona a maki!&#8221;</div><div class="p"> 17 # 
 Sng 69:9
 Na tahuna e huriki a murimuri ne Isu ri longoa a ngavana, ri longovisi a ngava ni here puru hosi na Hinere i ta maea, &#8220;A luhoi hatekea a roho vomu, i rata&#173;pile iau.&#8221;</div><div class="p"> 18Muri e huriki a Iuda ri nanea, &#8220;A ra nivakasiri go vakasiri mia vona, o tahoka a nitora ni rata a maka naro nga?&#8221;</div><div class="p"> 19 # 
 Mat 26:61; 27:40 Lakea e Isu i taki ria, i ta maea, &#8220;Mu pukea a roho na Vure iea, pali na parava i tolu bara vakapesi mulea.&#8221;</div><div class="p"> 20E huriki a Iuda ri koli, ri ta maea, &#8220;A roho na Vure iea, ni hae na pida i ravulu va a polona i polotara. Pali ioe o taki ta go hae tabua na parava ge tolu kunana?&#8221; 21#1Ko 6:19Pali e Isu i uka ma i taki a roho ni rata na kedo. A roho na Vure e Isu i takia, i ta vakakika vona a kakaina. 22#Luk 24:6-8; Ion 12:16Muri, na tahuna e Isu i pesi rike mule na matenga lakea e huriki a murimuri vona ri longovisia ra ngava iea. Lakea ri luhoi tora a Hinere turana maka ngava e Isu i taki.</div><div class="p"> 23 # 
 Ion 7:31
 Na tahuna e Isu i made o Ierusalem na Habu na Nipagepolo, e huriki ri matai a maka nivakasiri i rata, lakea ri luhoi torea a rana. 24Pali e Isu i uka ma i luhoi tora ria, a vuhuna i lohoka vona a vilo ne huriki a bakovi lobo. 25I uka ma i ngaru a bakovi tara ge vakalongoa vona a naro na bakovi, a vuhuna i lohoka vona pali a niluhoi ne huriki a bakovi lobo.</div>
 </div>
 </div>
</div>

Muri na parava i rua, a habu na parangia ni rata o Kana na tabeke ne Galili. E kinane Isu i lokovonga ge masia a habu. E Isu turane huriki a murimuri vona, ria ranga ni taki ri gi lakea na habu iea. Na tahuna a vain i lobo, lakea e kinana i takia e Isu, i ta maea, “A vain ne huriki nga i lobo.”
Pali e Isu i koli, i ta maea, “Naha ni vakuku iau. A parava nau i tabana.”
Lakea e kinana i taki e huriki a vora, i ta maea, “A ra ngava ge taki mua vona mu muri mai kunana.”
A ruma iea i tahoka a ulo na naru i polo­tara. A ulo nga ne vona e huriki a Iuda bara ri rata a leho ni hilolo, ri gi mala­mala na matana Vure. Ra ulo nga, ni rata na kedo. A lita i 100 bara ni guru dili vona a ulo i taku.
Lakea e Isu i taki e huriki a vora, i ta maea, “Mu kiru a maka ulo.” Lakea ri kiru a maka ulo, ri vonu.
Muri e Isu i taki ria, i ta maea, “Mu vidiru tala ranga, mu bole lakea na vora i matakari e huriki a vora na habu.” Lakea ri muri mai a ngava i taki, ri vidiru tala a lingena popote, ri bole lakea na matakari. A matakari ne huriki a vora i dame kilangana ra naru ni pulo lakea na vain. I uka ma i lohoka vona i valai vai a vain iea, pali e huriki a vora ri lohoka vona a hini ri kiru a naru vona. Muri a matakari ne huriki a vora i galea a bakovi i parangi karaba, i ta maea, “E huriki ri rata a habu, bara ri habi taro a vain kamumu hateka. Muri, na tahuna e huriki ri ninu hateka pali, bara ni habi a vain i uka ma i nami kamumu hateka. Pali ioe, i uka ma o rata mavonga. Ioe o habi muga a vain i uka ma i nami kamumu. Pali ngane kunana o habi tala a vain i nami kamumu hateka.”
Ra nivakasiri iea e Isu i ratea na tanga e Kana, o Galili. Ia a mugana niva­kasiri ne Isu, i vakasiri a bagetua vona, lakea e huriki a murimuri ri luhoi tora ia.


Muri na habu, e Isu i puru o Kaper­naum turana e kinana, e tarina mai, e huriki a murimuri vona. Ri made vonga na parava ranga.
Na tahuna a Habu na Nipagepolo ne huriki a Iuda i tabukoi, lakea e Isu i sike o Ierusalem. Na tahuna i bele na roho na Vure, i matai e huriki a bakovi ri vahabi ri vakona a bulmakau, a sipsip, a balu. E huriki a bakovi ranga ri made na dede ri vangoli a moni. Lakea e Isu i bole rikea a mota, i ratea lebo vona, i lili tala e huriki na roho na Vure. I hotu a maka sipsip a bulmakau, i lili tala ria. Muri i guru viliha a moni ne huriki ri vangoli a moni, i pulo ngalatudu a maka dede ne ria. Muri i taki e huriki ri vahabi a balu, i ta maea, “Mu bole ha koea a maka balu ne mua! Naha ni ratea a roho ne Tata ge manga a roho na ni vahabi ni vakona a maki!”
Na tahuna e huriki a murimuri ne Isu ri longoa a ngavana, ri longovisi a ngava ni here puru hosi na Hinere i ta maea, “A luhoi hatekea a roho vomu, i rata­pile iau.”
Muri e huriki a Iuda ri nanea, “A ra nivakasiri go vakasiri mia vona, o tahoka a nitora ni rata a maka naro nga?”
Lakea e Isu i taki ria, i ta maea, “Mu pukea a roho na Vure iea, pali na parava i tolu bara vakapesi mulea.”
E huriki a Iuda ri koli, ri ta maea, “A roho na Vure iea, ni hae na pida i ravulu va a polona i polotara. Pali ioe o taki ta go hae tabua na parava ge tolu kunana?” Pali e Isu i uka ma i taki a roho ni rata na kedo. A roho na Vure e Isu i takia, i ta vakakika vona a kakaina. Muri, na tahuna e Isu i pesi rike mule na matenga lakea e huriki a murimuri vona ri longovisia ra ngava iea. Lakea ri luhoi tora a Hinere turana maka ngava e Isu i taki.
Na tahuna e Isu i made o Ierusalem na Habu na Nipagepolo, e huriki ri matai a maka nivakasiri i rata, lakea ri luhoi torea a rana. Pali e Isu i uka ma i luhoi tora ria, a vuhuna i lohoka vona a vilo ne huriki a bakovi lobo. I uka ma i ngaru a bakovi tara ge vakalongoa vona a naro na bakovi, a vuhuna i lohoka vona pali a niluhoi ne huriki a bakovi lobo.

Poslouchat Ioanes 2