زەبوورەکان 6:34-10
زەبوورەکان 6:34-10 پەیمانی نوێ و زەبوورەکان بە سۆرانی (PNTZS)
ئه‌م هه‌ژاره هاواری بۆ كرد، په‌روه‌ردگار گوێی لێ بوو، له هه‌موو ته‌نگانه‌كانی ڕزگاری كرد. فریشته‌ی په‌روه‌ردگار له ده‌وری ئه‌و كه‌سانه ده‌گرێت كه لێی ده‌ترسن، ده‌ربازیان ده‌كات. تامی بكه‌ن و ببینن كه په‌روه‌ردگار چاكه، به‌خته‌وه‌ری بۆ ئه‌و كه‌سه‌ی په‌نای بۆ ده‌بات. له په‌روه‌ردگار بترسن ئه‌ی پارساكراوانی، چونكه ئه‌وانه‌ی لێی ده‌ترسن پێویستیان به هیچ نابێت. به‌چكه‌شێره‌كان پێویستیان بوو برسییان بوو، به‌ڵام ئه‌وانه‌ی به‌دوای په‌روه‌ردگار ده‌گه‌ڕێن پێویستیان به شتی چاک نابێت.
زەبوورەکان 6:34-10 كوردی سۆرانی ستانده‌رد (KSS)
ئەم پیاوە ستەملێکراوە هاواری بۆ کرد، یەزدان گوێی لێ بوو، لە هەموو گرفتەکانی ڕزگاری کرد. فریشتەی یەزدان دەوری ئەو کەسانە دەگرێت کە لێی دەترسن، دەربازیان دەکات. تامی بکەن و ببینن کە یەزدان چاکە! خۆزگە دەخوازرێ بەو کەسەی پەنای بۆ دەبات. لە یەزدان بترسن ئەی گەلە پیرۆزەکەی، چونکە ئەوانەی لێی دەترسن پێویستیان بە هیچ نابێت. ڕەنگە شێرەکان تووشی برسیێتی و لاوازی بن، بەڵام ئەوانەی ڕوو لە یەزدان دەکەن پێویستیان بە شتی چاک نابێت.