زەبوورەکان 37:18-45
زەبوورەکان 37:18-45 پەیمانی نوێ و زەبوورەکان بە سۆرانی (PNTZS)
دوژمنه‌كانم ڕاونا و پێشم لێ گرتن، تا له‌ناوم نه‌بردن نه‌گه‌ڕامه‌وه. وردوخاشیان ده‌كه‌م كه نه‌توانن هه‌ستنه‌وه، له ژێر پێم ده‌كه‌ون. كه‌مه‌رم به هێز ده‌به‌ستیت بۆ جه‌نگ، وا له دوژمنه‌كانم ده‌كه‌ی له‌به‌ر پێم بكه‌ون. دوژمنه‌كانم پشتم تێده‌كه‌ن، ناحه‌زانم له‌ناوده‌به‌م. هاواریان كرد، به‌ڵام كه‌س به هاواریانه‌وه نه‌چوو. هاواری په‌روه‌ردگاریان كرد به‌ڵام به ده‌نگیانه‌وه نه‌چوو. وه‌ک تۆزی به‌ر با وردیان ده‌كه‌م. وه‌ک قوڕی سه‌ر ڕێگا فڕێیان ده‌ده‌م. له هێرشی گه‌ل ڕزگارت كردم، منت كرد به سه‌رۆكی نه‌ته‌وه‌كان، گه‌لێک كه نه‌مده‌ناسین ڕاژه‌م ده‌كه‌ن. هه‌ر كه ده‌نگم ده‌بیستن یه‌كسه‌ر گوێڕایه‌ڵم ده‌بن. بێگانه‌كان لێم ده‌پاڕێنه‌وه. بێگانه‌كان وره‌یان به‌ردا و به له‌رزه‌وه له قه‌ڵاكانیان هاتنه ده‌ره‌وه.
زەبوورەکان 37:18-45 كوردی سۆرانی ستانده‌رد (KSS)
دوژمنەکانم ڕاونا و پێشم لێ گرتن، هەتا لەناوم نەبردن نەگەڕامەوە. وردوخاشم کردن، ئیتر نەیانتوانی هەستنەوە، لەژێر پێم کەوتن. کەمەری منت توند کرد بۆ جەنگ، وات لە بەرهەڵستکارانی من کرد لەبەر پێم کڕنۆش ببەن. دوژمنەکانم پشتیان تێ کردم و ڕایانکرد، من ناحەزەکانی خۆمم لەناوبرد. هاواریان هێنا، بەڵام ڕزگارکەر نەبوو، هاواریان بۆ یەزدان برد، بەڵام بە دەنگیانەوە نەچوو. وەک تۆزی بەر با منیان هاڕی، وەک قوڕی سەر ڕێگا پێشێلم کردن. لە هێرشی گەل ڕزگارت کردم، تۆ منت کرد بە سەرۆکی نەتەوەکان، گەلێک کە نەمدەناسین خزمەتم دەکەن. هەرکە دەنگم دەبیستن گوێڕایەڵم دەبن، بێگانەکان ملکەچیم بۆ دەنوێنن. بێگانەکان ورە بەر دەدەن و بە لەرزەوە لە قەڵاکانیان دێنە دەرەوە.