مەتا 31:26-35 - Compare All Versions
مەتا 31:26-35 KSS (كوردی سۆرانی ستاندهرد)
ئینجا عیسا پێی فەرموون: «ئەمشەو بەهۆی ئەوەی بەسەرم دێت هەمووتان پشتم تێ دەکەن، چونکە نووسراوە: «﴿لە شوانەکە دەدەم، مەڕی مێگەلەکە پەرت دەبن.﴾ بەڵام دوای هەستانەوەم، پێشتان دەکەوم بۆ جەلیل.» پەترۆس وەڵامی دایەوە: «ئەگەر لەوەی بەسەرت بێت هەموو پشتت لێ بکەن، من قەت پشتت لێ ناکەم.» عیسا پێی فەرموو: «ڕاستیت پێ دەڵێم، ئەمشەو پێش خوێندنی کەڵەشێر، سێ جار نکۆڵی لە ناسینی من دەکەیت.» پەترۆسیش پێی گوت: «تەنانەت ئەگەر پێویست بکات لەگەڵیشت بمرم، هەرگیز نکۆڵیت لێ ناکەم.» هەموو قوتابییەکانی دیکەش وایان گوت.
مەتا 31:26-35 PNTZS (پەیمانی نوێ و زەبوورەکان بە سۆرانی)
ئینجا ئیشۆع پێی فهرموون: “ئهمشهو ههمووتان گومانم لێدهكهن، چونكه نووسراوه: {له شوانهكه دهدهم، مێگهلهكه پهرت دهبێت} . بهڵام دوای ههستانهوهم، پێشتان دهكهوم بۆ گلیلا”. پهتڕۆس وهڵامی دایهوه و پێی وت: “ئهگهر ههموو گومانت لێ بكهن، من ههرگیز گومانت لێ ناكهم”. ئیشۆع پێی فهرموو: “ڕهوات پێ دهڵێم: ئهمشهو پێش ئهوهی كهڵهشێر بقوولێنێت، تۆ سێ جار نكۆڵیم لێ دهكهیت”. پهتڕۆس پێی وت: “ئهگهر ناچاریش بووم لهگهڵت بمرم، نكۆڵیت لێ ناكهم!” قوتابییهكانیش ههموو وایان وت.