مەتا 1:11-6 - Compare All Versions
مەتا 1:11-6 KSS (كوردی سۆرانی ستاندهرد)
پاش ئەوەی عیسا لە ڕێنمایی دوازدە قوتابییەکەی تەواو بوو، لەوێ ڕۆیشت و چوو بۆ فێرکردن و ڕاگەیاندنی پەیامی خودا لە شارۆچکەکانیان. کاتێک یەحیا لە زینداندا کارەکانی مەسیحی بیست، قوتابییەکانی خۆی ناردە لای، لێیان پرسی: «ئایا تۆی ئەوەی کە دێت، یان چاوەڕێی یەکێکی دیکە بکەین؟» عیساش لە وەڵامدا پێی فەرموون: «بڕۆن، ئەوەی دەیبیستن و دەیبینن بە یەحیای ڕابگەیەنن: کوێر دەبینێت، شەل دەڕوات، گەڕوگول پاک دەبێتەوە، کەڕ دەبیستێت، مردوو هەڵدەستێتەوە و هەژار مزگێنی پێدەدرێت. خۆزگە دەخوازرێ بەوەی گومانم لێ ناکات.»
مەتا 1:11-6 PNTZS (پەیمانی نوێ و زەبوورەکان بە سۆرانی)
پاش ئهوهی ئیشۆع له ڕێنمایی دوازده قوتابییهكهی تهواو بوو، لهوێ ڕۆیشت و چوو بۆ فێركردن و موژدهدان له شارهكانیان. كاتێ یوخهننهن له زیندانهكهدا كارهكانی مهسیحی بیست، دوو له قوتابییهكانی خۆی نارد و پێی وت: “تۆی ئهوهی دێت، یان چاوهڕێی یهكێكی دیكه بكهین؟” ئیشۆعیش وهڵامی دانهوه و پێی فهرموون: “بڕۆن، ئهوهی دهیبیستن و دهیبینن به یوخهننهنی ڕابگهیهنن: كوێرهكان دهبینن، شهلهكان ڕێ دهكهن، گولهكان بێگهرد دهبنهوه، كهڕهكان دهبیستن، مردووان ههڵدهستنهوه و ههژاران موژدهیان پێ دهدرێت”. بهختهوهریش بهوهی ساتمهم لێ ناكات.