کردار 16:13-25 - Compare All Versions
کردار 16:13-25 PNTZS (پەیمانی نوێ و زەبوورەکان بە سۆرانی)
پۆڵۆس ههستا و به دهست ئاماژهی كرد، وتی: “پیاوانی ئیسڕائیل و ئهوانهی له خودا دهترسن، گوێبگرن! خودای ئهم گهلهی ئیسڕائیل باوكانمانی ههڵبژارد و له كاتی ئاوارهبوونیان له خاكی میسڕدا گهلی پایه بهرز كرد، به بازووێكی بهرزیشهوه لهوێ دهریهێنان. نزیكهی چل ساڵیش له چۆڵهوانی بهرگهی گرتن. ئینجا حهوت نهتهوهی له زهویی كهنعان لهناوبرد و زهوییهكهیانی به تیروپشک دابهش كردن. ئهمه ههمووی نزیكهی چوار سهد و پهنجا ساڵی خایاند. دوای ئهمه خودا دادوهری بۆ دانان تاكو شمووئێل پێغهمبهر. ئینجا داوای پاشایان كرد، خوداش شاوولی كوڕی قیشی پێدان، پیاوێكه له تیرهی بنیامین، بۆ ماوهی چل ساڵ فهرمانڕهوایی كردن. پاشان لایبرد و داویدی كرده پاشایان، ئهوهی گهواهیی بۆ دا و فهرمووی: {دهبینم داویدی كوڕی ئیشهی، پیاوێكه به دڵی خۆمه، ئهوهی ههموو خواستی من جێبهجێ دهكات} . له نهوهی ئهمهوه، خودا بهگوێرهی بهڵێنهكهی ئیشۆعی ڕزگاریدهری بۆ ئیسڕائیل هێنا. پێش هاتنی ئیشۆع، یوخهننهن بانگهوازی عهمادكردنی تۆبهی بۆ ههموو گهلی ئیسڕائیلی كرد. كاتێ یوخهننهن كۆششهكهی تهواو دهكرد، وتی: وادهزانن من كێم؟ من ئهو نیم. ئهوهتا ئهوهی دوای من دێت، ئهوهی من شایانی ئهوه نیم سۆلهكانی پێی بكهمهوه.
کردار 16:13-25 KSS (كوردی سۆرانی ستاندهرد)
پۆڵس هەستا و بە دەست ئاماژەی کرد و گوتی: «پیاوانی ئیسرائیل و ئەو ناجولەکانەی کە لە خودا دەترسن، گوێ بگرن: خودای ئەم گەلەی ئیسرائیل باوباپیرانی ئێمەی هەڵبژارد و لە کاتی ئاوارەبوونیان لە خاکی میسردا کردنی بە گەلێکی مەزن، ئینجا بە بازووێکی بەهێز لەوێ دەریهێنان. نزیکەی چل ساڵیش لە چۆڵەوانی بەرگەی ڕەفتاری ئەوانی گرت، ئینجا حەوت نەتەوەی لە خاکی کەنعان لەناوبرد و خاکەکەیانی بە میرات پێدان. ئەمە هەمووی نزیکەی چوار سەد و پەنجا ساڵی خایاند. «لەدوای ئەمە خودا دادوەری بۆ دانان هەتا سەردەمی ساموئێل پێغەمبەر. ئینجا نەوەی ئیسرائیل داوای پاشایان کرد، خوداش لە تیرەی بنیامین، شاولی کوڕی قیشی پێدان، کە بۆ ماوەی چل ساڵ پاشایەتی کردن. پاشان لایبرد و داودی کردە پاشایان، ئەوەی شایەتی بۆ دا و فەرمووی: ﴿داودی کوڕی یەسام دۆزییەوە، پیاوێکە بە دڵی خۆم، ئەوەی هەموو خواستی من جێبەجێ دەکات.﴾ «خودا بەگوێرەی بەڵێنەکەی، عیسای ڕزگارکەری لە نەوەی ئەوەوە بۆ ئیسرائیل هێنا. پێش هاتنی عیسا، یەحیا لەئاوهەڵکێشانی تۆبەی بۆ هەموو گەلی ئیسرائیل ڕاگەیاند. کاتێک یەحیا خەریک بوو ئەرکەکەی تەواو دەکرد، گوتی: ”وا دەزانن من کێم؟ ئەو نیم. ئەوەتا ئەوەی لەدوای من دێت، ئەوەی من شایانی ئەوە نیم کە قەیتانی پێڵاوەکانی بکەمەوە.“