دووەم کۆرنسۆس 16:5-20 - Compare All Versions
دووەم کۆرنسۆس 16:5-20 KSS (كوردی سۆرانی ستاندهرد)
لەبەر ئەوە بە چاوی دنیاییەوە سەیری کەس ناکەین. ئەگەر پێشتر بە چاوی دنیاییەوە سەیری مەسیحمان کردبێت، ئیتر لەمەودوا بەو چاوە سەیری ناکەین. کەواتە ئەگەر هەرکەسێک لەگەڵ مەسیحدا ببێتە یەک، دەبێت بە بەدیهێنراوێکی نوێ، شتە کۆنەکان بەسەرچوون و شتی نوێ هاتووە! ئەمەش هەمووی لە خوداوەیە، کە لەگەڵ خۆی لە ڕێگەی مەسیحەوە ئاشتی کردینەوە و خزمەتی ئەم ئاشتبوونەوەی پێداین، واتا خودا بە یەکبوون لەگەڵ مەسیح جیهانی لەگەڵ خۆی ئاشت کردەوە، گوناهەکانیانی لەسەر نەنووسین و پەیامی ئاشتبوونەوەی بە ئێمە سپاردووە. کەواتە ئێمە باڵوێزی مەسیحین، خوداش لە ڕێگەی ئێمەوە جیهان بانگهێشت دەکات، لەبری مەسیح لێتان دەپاڕێینەوە: لەگەڵ خودا ئاشت بنەوە.
دووەم کۆرنسۆس 16:5-20 PNTZS (پەیمانی نوێ و زەبوورەکان بە سۆرانی)
كهواته لهمهولا كهس بهگوێرهی جهسته ناناسین. ئهگهر مهسیحمان بهگوێرهی جهسته ناسی، ئیتر لهمهولا نایناسین. كهواته ئهگهر یهكێک له مهسیحدا بێت، ئافریدهیهكی نوێیه: شته كۆنهكان بهسهرچوون، ئهوهتا ههمووی نوێ بووهوه. ئهمهش ههمووی له خوداوهیه، كه لهگهڵ خۆی به مهسیح ئاشتی كردینهوه و ڕاژهی ئهم ئاشتبوونهوهی پێداین، واتا خودا له مهسیحدا جیهانی لهگهڵ خۆی ئاشت كردهوه، گوناههكانیان لهسهر نانووسێت و پهیامی ئاشتبوونهوهی به ئێمه سپاردووه. كهواته ئێمه وهكو باڵوێزی مهسیحین تێدهكۆشین، خوداش بههۆی ئێمهوه بانگهێشت دهكات، لهجیاتی مهسیح داواتان لێ دهكهین: لهگهڵ خودا ئاشت بنهوه.