Génesis 7
7
Nishuta para paramusqanmanta
1Chaymantan Señor Diosqa Noeyta nirqa:
—Qanllatan kay pachapi llapallan runakunamantaqa rikuyki allin ruwaq runa kasqaykita. Chayraykuyá chay hatun barco ruwasqaykiman famillaykikunapiwan yaykuy. 2Chay barcomanya apayunki ch'uya kaq animalkunamanta qanchis orqota hinallataq qanchis china animalkunatawan. Ichaqa qelli animalkunamantaqa orqo chinantinta huk paresllata barcoman apayunki. 3Hinallataqyá chay barcomanqa apaykullankitaq alto cielopi phawaq animalkunamantapas qanchis orqo animalkunata hinallataq qanchis china animalkunatawan, shaynapi kay hallp'a pachapi chay phawaq animalkunapas ama chinkanankupaq. 4Noqaqa qanchis p'unchawmantan nishu parata parachimusaq tawa chunka p'unchaw hinallataq tawa chunka tuta ima. Shaynapin kay hallp'a pachapi llapallan ruwasqay tukuy kawsaqkunataqa chinkachisaq, nispa.
5Hinaqtinmi Noeyqa Diospa kamachisqanman hina llapallanta ruwarqa.
6Noé soqta pachak (600) watayoq kashaqtinmi nishuta paramurqa. Hinaspan kay pachaqa yakuwan hunt'asqa karqa. 7Hinaqtinmi Noeyqa chayraq para-parayta qallarimushaqtin chay barcoman yaykurqa warmintin, qari wawakunantin hinallataq qachunninkunapiwan ima, chay nishu paramanta ayqekunankupaq. 8Chay barcopiqa kashallarqataqmi mikunapaq kaq animalkunapas, mana mikunapaq kaq animalkunapas, alton phawaq animalkunapas hinallataq kay hallp'a pachapi puriq animalkunapas. 9Diospa kamachisqanman hinan, chay llapallan animalkunaqa Noeywan kuska barcoman yaykurqaku orqo chinantin.
10Qanchis p'unchawmantañan nishuta para-parayta qallarimurqa. Hinaspan kay pachata p'ampayta qallaykurqa. 11Soqta pachak watayoq (600) Noé kashaqtinmi, iskay kaq killapi, chunka qanchisniyoq p'unchawpi uku hallp'a pachamanta yaku t'oqyamurqa; hinallataqmi alto cielopi kaq yakukunaqpa punkunkunapas kicharikurqa. 12Chaymi nishuta para paramurqa tawa chunka p'unchaw hinallataq tawa chunka tuta ima. 13Chay p'unchawpi manaraq para-parayta qallarishaqtinmi, Noeyqa chay barcoman yaykurqa warmintin hinallataq kimsantin qari wawankunapiwan ima. Chay wawankunan karqaku: Sem, Cam hinallataq Jafet. Hinaspapas chay barcomanqa yaykullarankutaqmi Noeypa kimsantin qachunninkunapas. 14Shaynallataqmi chay barcomanqa yaykullarqakutaq tukuy animalkunapas layanman hina: shallqa animalkuna, uywana animalkuna, pampallanta suchuspa puriq animalkuna hinallataq alton phawaq animalkunapas. 15Noeypa chay barco ruwasqanmanqa llapallan kawsaq animalkunamantan, orqo chinantin paresnintinkama yaykurqaku. 16Diospa kamachisqanman hinan, chay barcomanqa tukuy laya animalkuna orqo chinantin yaykurqaku. Chaymantan Diosqa chay barcoqpa punkunta wishq'arqa.
17Kay pachapiqa tawa chunka p'unchawmi nishuta para paramurqa. Hinaqtinmi yakuqa kay enteron hallp'a pachaman hunt'aykurqa. Chaymi yakuqa wanturirqa chay barcota. 18Kay hallp'a pachapiqa ratollan yakuqa hunt'ayta qallarirqa. Hinaqtinmi chay barcoqa yaku hawapi tuyturqa. 19Yakuqa kay pachaman nishuta hunt'aspanmi, hatun kaq orqokunatapas p'amparqa. 20Hinaspan yakuqa astawan hunt'aspa, hatun kaq orqokunata tapaspa, qanchis metro mastaraq pasarqa. 21Chaymi kay pachapi llapallan kawsaqkunaqa wañurqaku: alton phawaq animalkuna, shallqa animalkuna, uywana animalkuna, pampallanta suchuspa puriq animalkuna hinallataq llapallan runakunapas. 22Chaymi kay hallp'a pachapi llapallan samaywan kawsaqkunaqa wañurqaku. 23Diosqa shaynatan chinkachirqa kay pachapi llapallan runakunata, animalkunata, pampallanta suchuspa puriq animalkunata hinallataq alton phawaq llapallan animalkunatapas. Ichaqa Noeywan barcopi kaqkunallañan mana wañurqakuchu. 24Yakuqa kay pachatan tapaykurqa pachak pishqa chunka (150) p'unchawkama.
دیاریکراوەکانی ئێستا:
Génesis 7: QXU
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2025 AIDIA
© 2025 Seed Company
Génesis 7
7
Nishuta para paramusqanmanta
1Chaymantan Señor Diosqa Noeyta nirqa:
—Qanllatan kay pachapi llapallan runakunamantaqa rikuyki allin ruwaq runa kasqaykita. Chayraykuyá chay hatun barco ruwasqaykiman famillaykikunapiwan yaykuy. 2Chay barcomanya apayunki ch'uya kaq animalkunamanta qanchis orqota hinallataq qanchis china animalkunatawan. Ichaqa qelli animalkunamantaqa orqo chinantinta huk paresllata barcoman apayunki. 3Hinallataqyá chay barcomanqa apaykullankitaq alto cielopi phawaq animalkunamantapas qanchis orqo animalkunata hinallataq qanchis china animalkunatawan, shaynapi kay hallp'a pachapi chay phawaq animalkunapas ama chinkanankupaq. 4Noqaqa qanchis p'unchawmantan nishu parata parachimusaq tawa chunka p'unchaw hinallataq tawa chunka tuta ima. Shaynapin kay hallp'a pachapi llapallan ruwasqay tukuy kawsaqkunataqa chinkachisaq, nispa.
5Hinaqtinmi Noeyqa Diospa kamachisqanman hina llapallanta ruwarqa.
6Noé soqta pachak (600) watayoq kashaqtinmi nishuta paramurqa. Hinaspan kay pachaqa yakuwan hunt'asqa karqa. 7Hinaqtinmi Noeyqa chayraq para-parayta qallarimushaqtin chay barcoman yaykurqa warmintin, qari wawakunantin hinallataq qachunninkunapiwan ima, chay nishu paramanta ayqekunankupaq. 8Chay barcopiqa kashallarqataqmi mikunapaq kaq animalkunapas, mana mikunapaq kaq animalkunapas, alton phawaq animalkunapas hinallataq kay hallp'a pachapi puriq animalkunapas. 9Diospa kamachisqanman hinan, chay llapallan animalkunaqa Noeywan kuska barcoman yaykurqaku orqo chinantin.
10Qanchis p'unchawmantañan nishuta para-parayta qallarimurqa. Hinaspan kay pachata p'ampayta qallaykurqa. 11Soqta pachak watayoq (600) Noé kashaqtinmi, iskay kaq killapi, chunka qanchisniyoq p'unchawpi uku hallp'a pachamanta yaku t'oqyamurqa; hinallataqmi alto cielopi kaq yakukunaqpa punkunkunapas kicharikurqa. 12Chaymi nishuta para paramurqa tawa chunka p'unchaw hinallataq tawa chunka tuta ima. 13Chay p'unchawpi manaraq para-parayta qallarishaqtinmi, Noeyqa chay barcoman yaykurqa warmintin hinallataq kimsantin qari wawankunapiwan ima. Chay wawankunan karqaku: Sem, Cam hinallataq Jafet. Hinaspapas chay barcomanqa yaykullarankutaqmi Noeypa kimsantin qachunninkunapas. 14Shaynallataqmi chay barcomanqa yaykullarqakutaq tukuy animalkunapas layanman hina: shallqa animalkuna, uywana animalkuna, pampallanta suchuspa puriq animalkuna hinallataq alton phawaq animalkunapas. 15Noeypa chay barco ruwasqanmanqa llapallan kawsaq animalkunamantan, orqo chinantin paresnintinkama yaykurqaku. 16Diospa kamachisqanman hinan, chay barcomanqa tukuy laya animalkuna orqo chinantin yaykurqaku. Chaymantan Diosqa chay barcoqpa punkunta wishq'arqa.
17Kay pachapiqa tawa chunka p'unchawmi nishuta para paramurqa. Hinaqtinmi yakuqa kay enteron hallp'a pachaman hunt'aykurqa. Chaymi yakuqa wanturirqa chay barcota. 18Kay hallp'a pachapiqa ratollan yakuqa hunt'ayta qallarirqa. Hinaqtinmi chay barcoqa yaku hawapi tuyturqa. 19Yakuqa kay pachaman nishuta hunt'aspanmi, hatun kaq orqokunatapas p'amparqa. 20Hinaspan yakuqa astawan hunt'aspa, hatun kaq orqokunata tapaspa, qanchis metro mastaraq pasarqa. 21Chaymi kay pachapi llapallan kawsaqkunaqa wañurqaku: alton phawaq animalkuna, shallqa animalkuna, uywana animalkuna, pampallanta suchuspa puriq animalkuna hinallataq llapallan runakunapas. 22Chaymi kay hallp'a pachapi llapallan samaywan kawsaqkunaqa wañurqaku. 23Diosqa shaynatan chinkachirqa kay pachapi llapallan runakunata, animalkunata, pampallanta suchuspa puriq animalkunata hinallataq alton phawaq llapallan animalkunatapas. Ichaqa Noeywan barcopi kaqkunallañan mana wañurqakuchu. 24Yakuqa kay pachatan tapaykurqa pachak pishqa chunka (150) p'unchawkama.
© 2025 AIDIA
© 2025 Seed Company