Génesis 3
3
Adán Evapiwan Diosta mana kasukusqankumanta
1Señor Diospa ruwasqan llapallan shallqa animalkunamantaqa mach'aqwaymi aswan más yachaysapa karqa. Hinaspan chay mach'aqwayqa warmita khaynata nirqa:
—¿Cheqaqtapunichu Diosri nisurqankichis, huertapi llapallan yurakunaqpa rurunta ama mikunaykichispaq? nispa.
2Chaymi warmiqa mach'aqwayta contestarqa khaynata:
—Manan. Aswanmi huertapi llapallan yurakunaqpa rurunkunata mikuyta atiykuman. 3Ichaqa Diosmi niwarqaku: “Huertaqpa chawpinpi kaq yuraqpa ruruntaqa aman mikunkichishchu nitaq tupayunkichispashchu, shaynapi ama wañunaykichispaq”, nispa.
4Ichaqa mach'aqwayñataqmi warmita nirqa:
—¡Chayqa manan cheqaqchu! ¡Qankunaqa manan wañunkichishchu! 5Aswanmi Diosqa yachan chay yuraqpa rurunta mikuqtiykichisqa, qankunaqpa ñawiykichis kicharikunanta. Shaynallataqmi Diosqa yachan, allin kaqkunata hinallataq mana allin kaqkunatapas yachaspa, Dios hina kanaykichista, nispa.
6Hinaqtinmi warmiqa chay yuraqpa rurunta rikurqa, chay yuraqpa rurun mikunapaq sumaq munayllaña kasqanta hinallataq allin yachayniyoq kanapaq ima. Chaymi warmiqa chay yuraqpa rurunta pallaspa mikurqa. Hinallataq qosanmanpas haywaykurqa mikunanpaq. Chaymi qosanpas mikurqa. 7Hinaqtinmi chay yuraqpa rurunta mikuruqtinku hinalla iskayninkuqpa ñawinku kicharirukurqa. Chaymi cuentata qokurqaku q'alalla kasqankuta. Chayraykun paykunaqa higos yuraqpa raphinta sirarqaku, q'alalla kasqankumanta tapakunankupaq.
8Chaymantan runaqa warminpiwan wayra wayramusqan tarde horasta, Dios huertapi purisqanta uyarirqaku. Hinaqtinmi paykunaqa utqayllamanña yura-yura ukupi pakakurqaku, shaynapi paykunata Dios ama rikunanpaq. 9Ichaqa Señor Diosmi runata waqyamurqa khaynata:
—¿Maypitaq qanri kashankí? nispa.
10Chaymi runaqa khaynata contestarqa:
—Huertapi purisqaykitan uyarini. Hinaspan q'alalla kasqayrayku manchakuymanta pakakurqani, nispa.
11Hinaqtinmi Diosqa khaynata tapurqa:
—¿Pitaq q'alalla kasqaykitari nisurqankí? ¿Icha qanqa “aman mikunkichu” nisqay yuraqpa rurunta mikururqankí? nispa.
12Chaymi runaqa contestarqa:
—Warmiy kananpaq qowasqayki warmin, chay yuraqpa rurunta mikunaypaq qoykuwarqa; chaymi noqaqa mikururqani, nispa.
13Hinaqtinmi Señor Diosqa warmita khaynata tapurqa:
—Qanri, ¿imatataq ruwarurqankí? nispa.
Chaymi warmiqa khaynata contestarqa:
—Mach'aqwaymi engañaruwarqa. Chaymi chay yuraqpa rurunta mikurqani, nispa.
14Chaymi Señor Diosqa mach'aqwayta khaynata nirqa:
—Kay ruwasqaykiraykun,
llapallan tukuy laya animalkunamanta, ñakasqa kanki.
Kunanmantapachaqa suchuspallañan purinki,
polvo hallp'atataqmi mikunkipas.
15Hinaspan qantawan warmitawan cheqninachisqaykichis, contrantin kanaykichispaq.
Qanpa mirayniykipas warmiqpa mirayninwanmi cheqninakunqaku.
Chay warmiqpa mirayninmi umaykipi saruspa k'irisunki.
Ichaqa qantaqmi chaki talonninpi kaninki, nispa.
16Warmitataqmi Diosqa khaynata nirqa:
—Wiksayoq rikuriqtiykin nanayta yapasayki.
Wawaykikunata onqokuspaykin nishu ñak'ariywan onqokunki.
Ichaqa munakuyniykin qosaykipaq kanqa.
Paytaqmi hinallataq dominasunkipas, nispa.
17Qaritataqmi Señor Diosqa khaynata nirqa:
—“Aman mikunkichu kay yuraqpa rurunta”, nisqayta mana kasukuspaykin, qanqa warmiykita kasukuspa, chay yuraqpa rurunta mikurqanki.
Chayraykun mana kasukusqaykirayku enteron hallp'aqa ñakasqa kanqa.
Chaymi kay hallp'api imata tarpuspapas, sayk'uywan hinallataq hump'iywan
llank'asqaykiqpa rurusqanta mikunki, kay pachapi kawsanayki p'unchawkama.
18Kay hallp'apin kishkakuna, kisakuna wiñapusunki.
Campopi wiñaq qorakunatan mikunkipas.
19Hump'iywan llank'aspan mikunata tarinki,
hallp'aman kutinaykikama.
Qanqa hallp'amanta ruwasqan kanki;
hallp'allamantaqmi kutipunkipas, nispa.
20Chaymantan Adanqa warminpa sutinta churarqa Eva sutiwan, payqa llapallan kawsaq runakunaqpa maman kasqanrayku. 21Señor Diosmi Adanpaq hinallataq Evapaqwan ima, animalpa qaranmanta p'achata ruwapurqa. Hinaspan paykunata p'achachirqa. 22Hinaspan Senor Diosqa nirqa:
—Runaqa noqanchis hinan kashan, allin kaqta hinallataq mana allin kaqtapas yachasqanrayku. Hinaspapas payqa hukmantañataq wiñaypaq kawsay qokuq yuraqpa rurunta pallaruspa mikurunman. Hinaspan wiñay kawsayniyoq karqapunman, nispa.
23Chaymi Señor Diosqa Edén nisqa huertamanta runata qarqomurqa hallp'api llank'ananpaq; chay hallp'amantan runaqa ruwasqa karqa. 24Chay Edén nisqa huertamantan Diosqa runata qarqomurqa. Hinaspan chay huertaqpa intiq lloqsimunan ladopi querubín sutiyoq angelkunata churarqa. Hinaspapas churallarqataqmi huk rawrashaq *espadatapas tukuy ladoman muyuriqta, shaynapi wiñay kawsay qokuq yuraman riq ñanta hark'ananpaq kamachisunki.
دیاریکراوەکانی ئێستا:
Génesis 3: QXU
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2025 AIDIA
© 2025 Seed Company
Génesis 3
3
Adán Evapiwan Diosta mana kasukusqankumanta
1Señor Diospa ruwasqan llapallan shallqa animalkunamantaqa mach'aqwaymi aswan más yachaysapa karqa. Hinaspan chay mach'aqwayqa warmita khaynata nirqa:
—¿Cheqaqtapunichu Diosri nisurqankichis, huertapi llapallan yurakunaqpa rurunta ama mikunaykichispaq? nispa.
2Chaymi warmiqa mach'aqwayta contestarqa khaynata:
—Manan. Aswanmi huertapi llapallan yurakunaqpa rurunkunata mikuyta atiykuman. 3Ichaqa Diosmi niwarqaku: “Huertaqpa chawpinpi kaq yuraqpa ruruntaqa aman mikunkichishchu nitaq tupayunkichispashchu, shaynapi ama wañunaykichispaq”, nispa.
4Ichaqa mach'aqwayñataqmi warmita nirqa:
—¡Chayqa manan cheqaqchu! ¡Qankunaqa manan wañunkichishchu! 5Aswanmi Diosqa yachan chay yuraqpa rurunta mikuqtiykichisqa, qankunaqpa ñawiykichis kicharikunanta. Shaynallataqmi Diosqa yachan, allin kaqkunata hinallataq mana allin kaqkunatapas yachaspa, Dios hina kanaykichista, nispa.
6Hinaqtinmi warmiqa chay yuraqpa rurunta rikurqa, chay yuraqpa rurun mikunapaq sumaq munayllaña kasqanta hinallataq allin yachayniyoq kanapaq ima. Chaymi warmiqa chay yuraqpa rurunta pallaspa mikurqa. Hinallataq qosanmanpas haywaykurqa mikunanpaq. Chaymi qosanpas mikurqa. 7Hinaqtinmi chay yuraqpa rurunta mikuruqtinku hinalla iskayninkuqpa ñawinku kicharirukurqa. Chaymi cuentata qokurqaku q'alalla kasqankuta. Chayraykun paykunaqa higos yuraqpa raphinta sirarqaku, q'alalla kasqankumanta tapakunankupaq.
8Chaymantan runaqa warminpiwan wayra wayramusqan tarde horasta, Dios huertapi purisqanta uyarirqaku. Hinaqtinmi paykunaqa utqayllamanña yura-yura ukupi pakakurqaku, shaynapi paykunata Dios ama rikunanpaq. 9Ichaqa Señor Diosmi runata waqyamurqa khaynata:
—¿Maypitaq qanri kashankí? nispa.
10Chaymi runaqa khaynata contestarqa:
—Huertapi purisqaykitan uyarini. Hinaspan q'alalla kasqayrayku manchakuymanta pakakurqani, nispa.
11Hinaqtinmi Diosqa khaynata tapurqa:
—¿Pitaq q'alalla kasqaykitari nisurqankí? ¿Icha qanqa “aman mikunkichu” nisqay yuraqpa rurunta mikururqankí? nispa.
12Chaymi runaqa contestarqa:
—Warmiy kananpaq qowasqayki warmin, chay yuraqpa rurunta mikunaypaq qoykuwarqa; chaymi noqaqa mikururqani, nispa.
13Hinaqtinmi Señor Diosqa warmita khaynata tapurqa:
—Qanri, ¿imatataq ruwarurqankí? nispa.
Chaymi warmiqa khaynata contestarqa:
—Mach'aqwaymi engañaruwarqa. Chaymi chay yuraqpa rurunta mikurqani, nispa.
14Chaymi Señor Diosqa mach'aqwayta khaynata nirqa:
—Kay ruwasqaykiraykun,
llapallan tukuy laya animalkunamanta, ñakasqa kanki.
Kunanmantapachaqa suchuspallañan purinki,
polvo hallp'atataqmi mikunkipas.
15Hinaspan qantawan warmitawan cheqninachisqaykichis, contrantin kanaykichispaq.
Qanpa mirayniykipas warmiqpa mirayninwanmi cheqninakunqaku.
Chay warmiqpa mirayninmi umaykipi saruspa k'irisunki.
Ichaqa qantaqmi chaki talonninpi kaninki, nispa.
16Warmitataqmi Diosqa khaynata nirqa:
—Wiksayoq rikuriqtiykin nanayta yapasayki.
Wawaykikunata onqokuspaykin nishu ñak'ariywan onqokunki.
Ichaqa munakuyniykin qosaykipaq kanqa.
Paytaqmi hinallataq dominasunkipas, nispa.
17Qaritataqmi Señor Diosqa khaynata nirqa:
—“Aman mikunkichu kay yuraqpa rurunta”, nisqayta mana kasukuspaykin, qanqa warmiykita kasukuspa, chay yuraqpa rurunta mikurqanki.
Chayraykun mana kasukusqaykirayku enteron hallp'aqa ñakasqa kanqa.
Chaymi kay hallp'api imata tarpuspapas, sayk'uywan hinallataq hump'iywan
llank'asqaykiqpa rurusqanta mikunki, kay pachapi kawsanayki p'unchawkama.
18Kay hallp'apin kishkakuna, kisakuna wiñapusunki.
Campopi wiñaq qorakunatan mikunkipas.
19Hump'iywan llank'aspan mikunata tarinki,
hallp'aman kutinaykikama.
Qanqa hallp'amanta ruwasqan kanki;
hallp'allamantaqmi kutipunkipas, nispa.
20Chaymantan Adanqa warminpa sutinta churarqa Eva sutiwan, payqa llapallan kawsaq runakunaqpa maman kasqanrayku. 21Señor Diosmi Adanpaq hinallataq Evapaqwan ima, animalpa qaranmanta p'achata ruwapurqa. Hinaspan paykunata p'achachirqa. 22Hinaspan Senor Diosqa nirqa:
—Runaqa noqanchis hinan kashan, allin kaqta hinallataq mana allin kaqtapas yachasqanrayku. Hinaspapas payqa hukmantañataq wiñaypaq kawsay qokuq yuraqpa rurunta pallaruspa mikurunman. Hinaspan wiñay kawsayniyoq karqapunman, nispa.
23Chaymi Señor Diosqa Edén nisqa huertamanta runata qarqomurqa hallp'api llank'ananpaq; chay hallp'amantan runaqa ruwasqa karqa. 24Chay Edén nisqa huertamantan Diosqa runata qarqomurqa. Hinaspan chay huertaqpa intiq lloqsimunan ladopi querubín sutiyoq angelkunata churarqa. Hinaspapas churallarqataqmi huk rawrashaq *espadatapas tukuy ladoman muyuriqta, shaynapi wiñay kawsay qokuq yuraman riq ñanta hark'ananpaq kamachisunki.
© 2025 AIDIA
© 2025 Seed Company