Maluko 11
11
Yesu kokwingila Yelusalem kwa ndeng'helelo
Matayo 21:1-11; Luka 19:28-40; Yohana 12:12-19
1Viwawile behi na Yelusalemu, wavika mvijiji va Betifage na Betania kuulugongo lwa Mizeituni, Yesu kawalagiza waluko wake waidi, 2na kawalongela, “Gendeni mbaka mchijiji chili haulongozi yenu na mhengila tu mchijiji, momvika mwana mhunda kafungigwa, habule munhu yoyose yampapile. Mfunguleni, mngalile hano. 3Kama munhu yoyose yonda yawauze, ‘Habali momfungula?’ Mlongeleni, ‘Mndewa komlonda na kombweleza hano vino sambi.’ ”
4Wagenda, wamvika mwana mhunda kafungigwa mumgwazo mwa nzila, habehi na lwivi lwa ng'anda. Viwakalile womfungula, 5wanhu wamwenga wakalile wema habehi wawauza, mwehe motenda choni baho? “Habali momfungula mwana mhunda iyo?”
6Waja waluko wawedika kama vija Yesu viyawalagize, nawaja wanhu wawaleka wamsole. 7Amala wamgala ija mwana mhunda kwa Yesu na kumwikila vivalo vao mumgongo, nayo Yesu kakwela uchanha yake. 8Wanhu wengi wayanzanza vivalo vao mnzila na wamwenga wayanzanza makwamvi gawakanhile mmigunda. 9Amala wanhu wose waja wakalile walongole haulongozi na waja wakalile wokwiza hachisogo wenula dizi, walonga, “Mulungu yatogoligwe! Kamweda ija yokwiza kwa zina da Mndewa! 10“Umweda Ufaume ukwiza wa Tata yetu Daudi!” “Mulungu yeli kuchanha yatogoligwe ng'hani!”
11Yesu kengila Yelusalemu na kuita hai ng'anda ya Mulungu. Nakalola chila chinhu chiliumo. Mbali kwavija ikala chigulogulo, kaita mchijiji cha Betania yeli hamwe na waja waluko kumi na waidi.
Yesu kawinukila mbiki ukemigwa mtini
Matayo 21:18-19
12Igolo yake viwakalile wosegela mchijiji cha Betania kuita Yelusalem, Yesu kaona nzala. 13Yesu kauona mtini kwa kutali, kaita yalole kama una manhunda. Viyauvikile, kauvika una mayani muhala, kwavija hauwile msimo wa manhunda. 14Yesu kawinukila kaulongela mtini, “Tangia sambi hulela manhunda mbee.”
Na waluko wake wamuhulika viyalongile ivo.
Yesu koita hai ng'anda ya Mulungu
Matayo 21:12-17; Luka 19:45-48; Yohana 2:13-22
15Viwavikile Yelusalemu, Yesu kengila halubuga lwa ng'anda ya Mulungu na kusonga kuwawinga waja wakala wogula vinhu va wayao na kugulila ivao umo mng'anda. Kazihindula meza za waja wakalile wovunja sente na vigoda va waja wakalile wogula hua, 16hebu hamwing'ile munhu yoyose nyafasi ya kusola chinhu muja haluhelengo lwa ng'anda ya Mulungu. 17Nayo viyakalile yowafunda, Mulungu kalonga,” Hayandikigwe kua, ‘Ng'anda yangu yokua ng'anda ya kufugamila Mulungu kwa wanhu wa isi zose?’ Mbali mweye muitenda kua mhango ya wabavi.”
18Vilongozi wa walava nhambiko na wafunda ndagizi za Musa wahulika mbuli izo, nao watanda ubala wa kumkoma. Mbali wamdumba, kwavija wanhu wengi wakala wokanganyika kwa gaja gayokala yowafunda.
19Hadiswele zua, Yesu na waja waluko wake wahalawa muikae ija.
Hala kulawa mbiki wa Mtini unyalile
Matayo 21:20-22
20Imitondo yake, viwakalile wobita mnzila, wauona uja mbiki wamtini unyala wose mbaka mmazizi gake. 21Petulo kakumbuka na kamlongela Yesu, “Mfundaji, ulole! Uja mtini uwinukile unyala!”
22Yesu kawedika kawalongela, “Mtogoleni Mulungu. 23Nomlongeleni ukweli, munhu yoyose yonda yaulongele lugongo luno, ‘Somoka ukasigwe mwibahali,’ na seke yagele shaka mmoyo, mbali yatogole tu kua gago gayalongile golawila, Mulungu komtendela ivo. 24Kwaivo nowalongeleni, gogose gampula na mhamfugamila Mulungu, tumanileni kua mgabokela nago gawa genu. 25Namweye mwahampula Mulungu, munhu yahawa na mbuli na miage yemlekese mmoyo nayo Tata yeli kuulanga yamlekeseleni na mweye malozo genu. 26Mbali kama mweye hamwalekesela wayenu ubananzi wao, na Tata yenu yeli kuulanga hawalekesela na mweye malozo genu.” #11:26 26 Mayandiko gamwenga gaumwaka gabule msitali uno
Wanhu wouza udaho wa Yesu
Matayo 21:23-27; Luka 20:1-8
27Yesu na waluko wake wavika kaidi muikae ya Yelusalemu. Yesu viyakalile yogenda hai ng'anda ya Mulungu, walongozi wa walava nhambiko, na wafunda ndagizi za Musa na wavele vilongozi wamwizila hamwe. 28Wamuuza, “Chilongele kosang'hana mbuli zino kwa udaho gani? Na yelihi yakudahize kusang'hana mbuli zino?”
29Yesu kawedika, “Namweye nowauza mbuli imwe. Mhanidika, nanie nowalongela nosang'hana mbuli zino kwa udaho gani. 30Nongeleni, udaho wa Yohana kubatiza ulawa kwa Mulungu hebu kwa wanhu?”
31Wailongela wenyego kwa wenyego, amala walonga, “Kama chihalonga, ‘Ulawa kwa Mulungu, kochiuza, ‘Habali hamumtogole?’ 32Mbali chahalonga, ‘Ulawa kwa wanhu,’ wanhu wogevuzika.” Wawadumba wanhu, manake chila munhu kavimanya Yohana kakala kweli Mlagusi wa Mulungu. 33Kwaivo wamlongela Yesu, “Hachimanyile.”
Nayo Yesu kawalongela, “Nanie ivija siwalongela nosang'hana mbuli zino kwa udaho gani.”
دیاریکراوەکانی ئێستا:
Maluko 11: KBV
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The New Testament in Kami @The Word for The World International and Kami Language translation. All rights reserved.
Maluko 11
11
Yesu kokwingila Yelusalem kwa ndeng'helelo
Matayo 21:1-11; Luka 19:28-40; Yohana 12:12-19
1Viwawile behi na Yelusalemu, wavika mvijiji va Betifage na Betania kuulugongo lwa Mizeituni, Yesu kawalagiza waluko wake waidi, 2na kawalongela, “Gendeni mbaka mchijiji chili haulongozi yenu na mhengila tu mchijiji, momvika mwana mhunda kafungigwa, habule munhu yoyose yampapile. Mfunguleni, mngalile hano. 3Kama munhu yoyose yonda yawauze, ‘Habali momfungula?’ Mlongeleni, ‘Mndewa komlonda na kombweleza hano vino sambi.’ ”
4Wagenda, wamvika mwana mhunda kafungigwa mumgwazo mwa nzila, habehi na lwivi lwa ng'anda. Viwakalile womfungula, 5wanhu wamwenga wakalile wema habehi wawauza, mwehe motenda choni baho? “Habali momfungula mwana mhunda iyo?”
6Waja waluko wawedika kama vija Yesu viyawalagize, nawaja wanhu wawaleka wamsole. 7Amala wamgala ija mwana mhunda kwa Yesu na kumwikila vivalo vao mumgongo, nayo Yesu kakwela uchanha yake. 8Wanhu wengi wayanzanza vivalo vao mnzila na wamwenga wayanzanza makwamvi gawakanhile mmigunda. 9Amala wanhu wose waja wakalile walongole haulongozi na waja wakalile wokwiza hachisogo wenula dizi, walonga, “Mulungu yatogoligwe! Kamweda ija yokwiza kwa zina da Mndewa! 10“Umweda Ufaume ukwiza wa Tata yetu Daudi!” “Mulungu yeli kuchanha yatogoligwe ng'hani!”
11Yesu kengila Yelusalemu na kuita hai ng'anda ya Mulungu. Nakalola chila chinhu chiliumo. Mbali kwavija ikala chigulogulo, kaita mchijiji cha Betania yeli hamwe na waja waluko kumi na waidi.
Yesu kawinukila mbiki ukemigwa mtini
Matayo 21:18-19
12Igolo yake viwakalile wosegela mchijiji cha Betania kuita Yelusalem, Yesu kaona nzala. 13Yesu kauona mtini kwa kutali, kaita yalole kama una manhunda. Viyauvikile, kauvika una mayani muhala, kwavija hauwile msimo wa manhunda. 14Yesu kawinukila kaulongela mtini, “Tangia sambi hulela manhunda mbee.”
Na waluko wake wamuhulika viyalongile ivo.
Yesu koita hai ng'anda ya Mulungu
Matayo 21:12-17; Luka 19:45-48; Yohana 2:13-22
15Viwavikile Yelusalemu, Yesu kengila halubuga lwa ng'anda ya Mulungu na kusonga kuwawinga waja wakala wogula vinhu va wayao na kugulila ivao umo mng'anda. Kazihindula meza za waja wakalile wovunja sente na vigoda va waja wakalile wogula hua, 16hebu hamwing'ile munhu yoyose nyafasi ya kusola chinhu muja haluhelengo lwa ng'anda ya Mulungu. 17Nayo viyakalile yowafunda, Mulungu kalonga,” Hayandikigwe kua, ‘Ng'anda yangu yokua ng'anda ya kufugamila Mulungu kwa wanhu wa isi zose?’ Mbali mweye muitenda kua mhango ya wabavi.”
18Vilongozi wa walava nhambiko na wafunda ndagizi za Musa wahulika mbuli izo, nao watanda ubala wa kumkoma. Mbali wamdumba, kwavija wanhu wengi wakala wokanganyika kwa gaja gayokala yowafunda.
19Hadiswele zua, Yesu na waja waluko wake wahalawa muikae ija.
Hala kulawa mbiki wa Mtini unyalile
Matayo 21:20-22
20Imitondo yake, viwakalile wobita mnzila, wauona uja mbiki wamtini unyala wose mbaka mmazizi gake. 21Petulo kakumbuka na kamlongela Yesu, “Mfundaji, ulole! Uja mtini uwinukile unyala!”
22Yesu kawedika kawalongela, “Mtogoleni Mulungu. 23Nomlongeleni ukweli, munhu yoyose yonda yaulongele lugongo luno, ‘Somoka ukasigwe mwibahali,’ na seke yagele shaka mmoyo, mbali yatogole tu kua gago gayalongile golawila, Mulungu komtendela ivo. 24Kwaivo nowalongeleni, gogose gampula na mhamfugamila Mulungu, tumanileni kua mgabokela nago gawa genu. 25Namweye mwahampula Mulungu, munhu yahawa na mbuli na miage yemlekese mmoyo nayo Tata yeli kuulanga yamlekeseleni na mweye malozo genu. 26Mbali kama mweye hamwalekesela wayenu ubananzi wao, na Tata yenu yeli kuulanga hawalekesela na mweye malozo genu.” #11:26 26 Mayandiko gamwenga gaumwaka gabule msitali uno
Wanhu wouza udaho wa Yesu
Matayo 21:23-27; Luka 20:1-8
27Yesu na waluko wake wavika kaidi muikae ya Yelusalemu. Yesu viyakalile yogenda hai ng'anda ya Mulungu, walongozi wa walava nhambiko, na wafunda ndagizi za Musa na wavele vilongozi wamwizila hamwe. 28Wamuuza, “Chilongele kosang'hana mbuli zino kwa udaho gani? Na yelihi yakudahize kusang'hana mbuli zino?”
29Yesu kawedika, “Namweye nowauza mbuli imwe. Mhanidika, nanie nowalongela nosang'hana mbuli zino kwa udaho gani. 30Nongeleni, udaho wa Yohana kubatiza ulawa kwa Mulungu hebu kwa wanhu?”
31Wailongela wenyego kwa wenyego, amala walonga, “Kama chihalonga, ‘Ulawa kwa Mulungu, kochiuza, ‘Habali hamumtogole?’ 32Mbali chahalonga, ‘Ulawa kwa wanhu,’ wanhu wogevuzika.” Wawadumba wanhu, manake chila munhu kavimanya Yohana kakala kweli Mlagusi wa Mulungu. 33Kwaivo wamlongela Yesu, “Hachimanyile.”
Nayo Yesu kawalongela, “Nanie ivija siwalongela nosang'hana mbuli zino kwa udaho gani.”
The New Testament in Kami @The Word for The World International and Kami Language translation. All rights reserved.