Matayo MBULI ZA ULONGOZI
MBULI ZA ULONGOZI
Usenga Unogile vija viyandikigwe na Matayo ni umwe mwa vitabu vine vili mdi Lagano da Sambi vija vifambula ugima wa Yesu Kilisito. Chila chimwe chokemigwa, “Injili,” manake, “Usenga unogile.” Vitabu vandikigwa na Matayo na Maluko na Luka na Yohana, haja viyadanganike Yesu. Weli na ilimu hawamanyile talehe ilihi hasa usenga unogile wa Matayo wandikigwa, mbali yodahika kua yandikigwa mmilao 60 haja viyavumbuke Kilisito. Ivija, hanhu hawandikile usenga uno hahamanyika bule, mbali wanhu wengi wagesa wandikila muisi ya Palesitina na ivija muikae ya Yelusalemu.
Yandike chitabu chino Matayo, yakalile mgoga kodi kabula ya Yesu hamkemile kua mwaluko wake. Matayo ivija kakala komanyika kwa zina da Lawi. Matayo imwe mwa waja Watumigwa kumi na waidi na kawandikila wasomaji wa kiyahudi. Gano gaoneka kweli gaja gandikigwe mmayandiko sitini na Lagano da Mwaka. Matayo kalonda kulonga kua Yesu iyo ija Masia, Mlohozi yasaguligwe na Mulungu, kakala kalagusiligwa mbuli zake. Matayo ivija kandika mbuli nyingi za ufaume wa Mulungu. Wayahudi wagesa Masia kokwiza kua mfaume wa ulongozi wa isi. Matayo kaitiganya ng'hani kuwalongelela mbuli iyo kwa kuhinduka gaja gawatogole kwa muhe wa ufaume wa Mulungu.
Usenga unogile vija viwandikigwe na Matayo ni chitabu chinogile chifaya kusonga Lagano da Sambi kwavija mbuli nyingi za kusondelela mbuli nyingi zilawa mdi Lagano da Mwaka. Zolumba ma Lagano maidi. Weli na ilimu ivija wotonga kua Matayo kakoleleza wandikaji wa viitabu va Musa,” ni vitabu vitano vilongole va Lagano da Mwaka.
Geliumo
Matayo kausonga Usenga Unogile kwa kulongelela mbuli za kuvumbuka kwa Yesu Kilisito na kusonga sang'hano yake, muisula za 1-4.
Amala Matayo kosimulila sang'hano za Yesu na mafundo gake mengi, muisula 5-25.
Hachikomelezo mwasula za Matayo zolongelela mbuli ng'hulu ng'hani ya sang'hano ya Yesu yooneka muiifa na uzilibuko wa Yesu, muisula za 26-28.
دیاریکراوەکانی ئێستا:
Matayo MBULI ZA ULONGOZI: KBV
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The New Testament in Kami @The Word for The World International and Kami Language translation. All rights reserved.