Matáyoso 9
9
Giéŋugie gá ginsúgule
(Mál 2.1-12; Lúk 5.17-25)
1Yésu gubɔ́lɛ́g gɔg agá gilu, uwand guyɔɔg negúné wa manáŋ abɔ́sa. Uwɔb agág gá tísɔn bábɛ́laná ká Kapɛlɛnahúm. 2Obólónin wɔ́ ginsúgule gɛbɛ́dɛmánán aga gɛbɛka. Anyɛ́ Yésu máan giondi gɔ́b, uwɔyɛd gá ginsúgule ká: «Mɔɔn, bɛ́kányɛ́nán, amábiá gɛnɛnɛna gá bɛfal bɔ́w.» 3Gɛdam gá bóŋ bisele gudúm gubiɔ́yɔɔn bɔ́bɔ́ muát gɔg ká: «Mɔnd ewe gúsiga Gɔdányá.» 4Anyɛ́ Yésu máalɛnsán ɛmbɛ́dágɛ́dɛ́n sɔ́b, uganyɛ ká: «Giág nubiananá biád bá ɛmbɛ́dágɛ́dɛ́n agán gá ɛdɛm e? 5Giág gínyá fiaŋ guɔyɛd ká: “Amábiá gɛnɛnɛna gá bɛfal bɔ́w”, ɔ́gɔ ká, “adɔ́g andá e”? 6Banuá gɔg nguámbá ká núlɛns ká Mɔ́ɔn wa mɔnd gúbianan bugaga egegus bágúnɛnanɛn bɛfal.» Uganyɛ gɔg gá ginsúgule ká: «Adɔ́g, gɔ́l gɛbɛka gɔ́w, ɛmbɛ́ ɔgɔ́w gá nuyá.» 7Mɔnd uwaány guadɔg, guond agág gá nuyá. 8Giŋi gá band máal na guán anaány, igiábia buwa. Igiébúlígenyi Gɔdányá umeéŋín band nɛnama na bugaga iniány.
Yésu gúbɛ́laan Matáyoso
(Mál 2.13-17; Lúk 5.27-32)
9Anyɛ́ Yésu máabá udúmbaan, uwaán mɔnd bábɛ́laná ká Matáyoso elukúménén kɔɔ́m bánámaná tás. Uganyɛ gág ká: «Ɛ́lad.» Matáyoso uwadɔg, uwalád wɔ́. 10Gɛsɛgɛl Yésu na bafɔ́nɔfɔ́n bág mányánán agá nuyá na Matáyoso, bédús tás giod na bafalafal ɔbɔ́sibiɔ́yɛ́kɛ́nɛ́n bɔ́. 11Bafalisiɛ́ŋ máal na guán anaány, bágányɛ gá bafɔ́nɔfɔ́n bág ká: «Gá giág ofúnyifúny nyánaná na band bá tás na bafalafal e?» 12Yésu máal nɔguɔ́b gugál gɔ́b gɔ́gɔ, uganyɛ ká: «Saá band bádiánúmáná bámbaná aŋanyány, ebe gɔg bánúmaná bámbaná. 13Ánɔ́b gɔ́g nuáfɔ́nɔfɔ́n gugál gá Gɔdányá guɔ́yɔnɔ́ ká: Ngúbíléne ɔdɛm wá gɔsɔ́g, gɔdɔ́mb bɛbiág bá manyam. Agá meliŋítas, ndimoól gá ebe bányá besi, gá ebe gɔg bányá bafalafal.»
Nŋófúny gá gubílég manyán
(Mál 2.18-22; Lúk 5.33-39)
14Kányɛ bafɔ́nɔfɔ́n bá Sáŋa Batísit mábɛ́sɛ́dɛ́nɛ́n Yésu, obófún wɔ́ ká: «Gágiág gɔg nasɔ, na Bafalisiɛ́ŋ díbílégené manyán, bafɔ́nɔfɔ́n bɔ́w dibílég e?» 15Yésu guondinyi bɔ́ ká: «Nugúbɛ́dága ká bégúl bá muát gigiŋ nyɛ bágubá anyɛ band bányá agá nigú gigúl muát gigiŋ nyá nɔbɔ e? Mɔ́ɔs gúleen ɔmɔ́ bénuélenyé muát gigiŋ, buɔ́s ubuány bégenúbílég manyán. 16Bédigúgíde gilunu gá gɛla na giéns gá gɛla gɛgɔ́s, ámál anaány, giéns ɛgɛ́ ɔsɔ́guɔ́yɛ́kɛnɛn gɔgɔ́gɛ́d gilunu gá gɛla, gilefié biɔ́yɛ́kɛnɛn. 17Anaány sɔ́n bádiáfɛgáná magɛ́b ɔmɔgɔ́s agá bilunu bá mubeŋe má bɛɛmf. Ámál anaány magɛ́b guáda mú, esúgúdenyi guáyɛ́n na magɛ́b na mubeŋe. Buád buanda magɛ́b ɔmɔgɔ́s ófonó mubeŋe mugɔ́s. Ány, adiguáyɛ́naan ta magɛ́b, ta mubeŋe.»
Giéŋugie gá agánd na gá mɔ́nɔmbɔ
(Mál 5.21-43; Lúk 8.40-56)
18Umáal umányá gúgála gɔ́b anaány, ɔgɔn wá gɛdɔŋ uwagɔɔn wɔ́ agá ambana, uganyɛ gág ká: «Ɔmbúlɔ wam mégú nɛ́nuán, sígol gasídál wɔ́ ɛmbɔ́g ká úsiónd agá gusɔ́d.» 19Ɔgɔ́n wa gidɔŋ uwaány máal wadugana, Yésu na bafɔ́nɔfɔ́n bág ebédúmbi gulád wɔ́. 20Agánd mabá kɔ́ umábiánán manɔŋ búgány duɔŋ duát na duándɛ. Uwabɛ́sɛdɛn agá gélem gá Yésu, uwebísíd odú wá gɛla gá Yésu. 21Umɔbiɔ́yɔ́n ká: «Ímámɛ́nɛn ká imébísíd gɛla gág, ngegúeŋúg.» 22Anyɛ́ Yésu máabɛ́guágálɛ́d, uwaán wɔ́, uganyɛ ká: «Ɔmbúlɔ wam, abɛ́kányɛ́n, giondi gɔ́w mógusódí.» Agánd uwéŋúg agá giád gɛsɛgɛl igiány. 23Anyɛ́ Yésu máab guám agá nuyá ná ɔgɔn uwaány, uwaán band bámáabá bɔ́dɔ́ŋɔ nselu na giŋi gá band gímáabá gíbíyɔ́kaan, 24uganyɛ gɔ́b ká: «Ɔ́nubɛ́gɔ́gɛd; gágual ká ɔmbúlɔ dimégú, ugúbɛ́dɛ́maan.» Ebédúm guɔnɔ wɔ́. 25Giŋi gá band máal gímáama, uwebíŋín, uwɔgɔ́l ɔmbɔ́g wá mɔ́nɔmbɔ, ibúbúlá iyányɔg. 26Buóny ubuásálámand agá giéns gá gus igiány gidigid.
Giéŋugie gá bebúdebude bándɛ
27Anyɛ́ Yésu máadɔ́g ány, bebúdebude bándɛ ebédúm guládaan wɔ́ boól bánsá bɔ́yɔ ká: «Dián gɔsɔ́g mɔɔn wá Défide!» 28Umáal úmébíŋín agá gians, bebúdebude abaány abábɛ́nyɛkɛnɛn wɔ́, uganyɛ gɔ́b ká: «Nugúadában ká nnyɛ bágual bɔ́ a?» Obóndinyi ká: «Ɛɛ́ŋ Ɔgúnɔ́» 29Uwebísíd gɔg eŋís yɔ́b, uganyɛ ká: «Nsɛ́ búbiál agá giond ɔdɛ́mɔ gán.» 30Eŋís yɔ́b eyébífuun. Yésu uwasásɛ́d bɔ́, uganyɛ ká: «Ɔ́nugɔ́l gɛsɛgɛl ká mɔnd dɛlɛnsɛ bɔ́!» 31Ta anaány, bámáal bámaan, ebédúm gúul bɔ́yɔ́ ɔfɛ́n wág agá giéns gá gus gidigid igiány.
Giéŋugie gá gimúke gímáabiánán giád gá gíliíndié
(Lúk 11.14-15)
32Bebúdebude máal bámáadɔ́mb, obólónin Yésu mɔnd umáabiánán giád gá gíliíndié, umabá gimúke. 33Yésu máal úméemi giád gá gíliíndié agá nuɔ́l na mɔnd uwaány, uwedúm gugálá. Biŋi ibiéméŋeméŋ ta bɔ́guɔyɔ, ibiábanyɛg guɔyɔ ká: «Dɛmabása didián buanda ana Ísalayɛ́la ta buɔ́s!» 34Ta anaány, Bafalisiɛ́ŋ mɔyɔ́ ká: «Na bugaga bá ɔgɔn wa biád bá bíliíndié ukɔ́ŋaná biád bá bíliíndié.»
Yésu na biŋi bá band bídiábiánáná ogiíg
(Mál 6.6,34; Lúk 10.2)
35Yésu móol wándánd agá bɛdɔŋ na bɔtísɔn gidigid, wuúl údúmbényí ndág ya nsɔ́m ya Bufuŋ bá muana, ufúnyifunyi ɔgɔ́b gá bians bá mbísógól, wond wéŋúgenyi ɛgɔnɔ gidigid na bióŋ gidigid.
Yésu na biŋi bá band
(Mál 6.6,34; Lúk 10.2)
36Anyɛ́ umáan giŋi gá band, mahan amádɛgɛn wɔ́ gá busió bá band abaány, gágual ká, gidɔmbɔ na masɔ́lɔ́gɔgɔ́ mabá mámámán guadɛgɛn bɔ́ anyɛ bɛdɔ́mba bídiábá na ogiíg. 37Uganyɛ gá bafɔ́nɔfɔ́n bág gɔg ká: «Magaya nyɛ giod, bél buol siɔdɛd; 38Ónubísógólónyí gɔg muát magaya ká údɔ́m bél buol gá magaya.»
دیاریکراوەکانی ئێستا:
Matáyoso 9: MMU2
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Matáyoso 9
9
Giéŋugie gá ginsúgule
(Mál 2.1-12; Lúk 5.17-25)
1Yésu gubɔ́lɛ́g gɔg agá gilu, uwand guyɔɔg negúné wa manáŋ abɔ́sa. Uwɔb agág gá tísɔn bábɛ́laná ká Kapɛlɛnahúm. 2Obólónin wɔ́ ginsúgule gɛbɛ́dɛmánán aga gɛbɛka. Anyɛ́ Yésu máan giondi gɔ́b, uwɔyɛd gá ginsúgule ká: «Mɔɔn, bɛ́kányɛ́nán, amábiá gɛnɛnɛna gá bɛfal bɔ́w.» 3Gɛdam gá bóŋ bisele gudúm gubiɔ́yɔɔn bɔ́bɔ́ muát gɔg ká: «Mɔnd ewe gúsiga Gɔdányá.» 4Anyɛ́ Yésu máalɛnsán ɛmbɛ́dágɛ́dɛ́n sɔ́b, uganyɛ ká: «Giág nubiananá biád bá ɛmbɛ́dágɛ́dɛ́n agán gá ɛdɛm e? 5Giág gínyá fiaŋ guɔyɛd ká: “Amábiá gɛnɛnɛna gá bɛfal bɔ́w”, ɔ́gɔ ká, “adɔ́g andá e”? 6Banuá gɔg nguámbá ká núlɛns ká Mɔ́ɔn wa mɔnd gúbianan bugaga egegus bágúnɛnanɛn bɛfal.» Uganyɛ gɔg gá ginsúgule ká: «Adɔ́g, gɔ́l gɛbɛka gɔ́w, ɛmbɛ́ ɔgɔ́w gá nuyá.» 7Mɔnd uwaány guadɔg, guond agág gá nuyá. 8Giŋi gá band máal na guán anaány, igiábia buwa. Igiébúlígenyi Gɔdányá umeéŋín band nɛnama na bugaga iniány.
Yésu gúbɛ́laan Matáyoso
(Mál 2.13-17; Lúk 5.27-32)
9Anyɛ́ Yésu máabá udúmbaan, uwaán mɔnd bábɛ́laná ká Matáyoso elukúménén kɔɔ́m bánámaná tás. Uganyɛ gág ká: «Ɛ́lad.» Matáyoso uwadɔg, uwalád wɔ́. 10Gɛsɛgɛl Yésu na bafɔ́nɔfɔ́n bág mányánán agá nuyá na Matáyoso, bédús tás giod na bafalafal ɔbɔ́sibiɔ́yɛ́kɛ́nɛ́n bɔ́. 11Bafalisiɛ́ŋ máal na guán anaány, bágányɛ gá bafɔ́nɔfɔ́n bág ká: «Gá giág ofúnyifúny nyánaná na band bá tás na bafalafal e?» 12Yésu máal nɔguɔ́b gugál gɔ́b gɔ́gɔ, uganyɛ ká: «Saá band bádiánúmáná bámbaná aŋanyány, ebe gɔg bánúmaná bámbaná. 13Ánɔ́b gɔ́g nuáfɔ́nɔfɔ́n gugál gá Gɔdányá guɔ́yɔnɔ́ ká: Ngúbíléne ɔdɛm wá gɔsɔ́g, gɔdɔ́mb bɛbiág bá manyam. Agá meliŋítas, ndimoól gá ebe bányá besi, gá ebe gɔg bányá bafalafal.»
Nŋófúny gá gubílég manyán
(Mál 2.18-22; Lúk 5.33-39)
14Kányɛ bafɔ́nɔfɔ́n bá Sáŋa Batísit mábɛ́sɛ́dɛ́nɛ́n Yésu, obófún wɔ́ ká: «Gágiág gɔg nasɔ, na Bafalisiɛ́ŋ díbílégené manyán, bafɔ́nɔfɔ́n bɔ́w dibílég e?» 15Yésu guondinyi bɔ́ ká: «Nugúbɛ́dága ká bégúl bá muát gigiŋ nyɛ bágubá anyɛ band bányá agá nigú gigúl muát gigiŋ nyá nɔbɔ e? Mɔ́ɔs gúleen ɔmɔ́ bénuélenyé muát gigiŋ, buɔ́s ubuány bégenúbílég manyán. 16Bédigúgíde gilunu gá gɛla na giéns gá gɛla gɛgɔ́s, ámál anaány, giéns ɛgɛ́ ɔsɔ́guɔ́yɛ́kɛnɛn gɔgɔ́gɛ́d gilunu gá gɛla, gilefié biɔ́yɛ́kɛnɛn. 17Anaány sɔ́n bádiáfɛgáná magɛ́b ɔmɔgɔ́s agá bilunu bá mubeŋe má bɛɛmf. Ámál anaány magɛ́b guáda mú, esúgúdenyi guáyɛ́n na magɛ́b na mubeŋe. Buád buanda magɛ́b ɔmɔgɔ́s ófonó mubeŋe mugɔ́s. Ány, adiguáyɛ́naan ta magɛ́b, ta mubeŋe.»
Giéŋugie gá agánd na gá mɔ́nɔmbɔ
(Mál 5.21-43; Lúk 8.40-56)
18Umáal umányá gúgála gɔ́b anaány, ɔgɔn wá gɛdɔŋ uwagɔɔn wɔ́ agá ambana, uganyɛ gág ká: «Ɔmbúlɔ wam mégú nɛ́nuán, sígol gasídál wɔ́ ɛmbɔ́g ká úsiónd agá gusɔ́d.» 19Ɔgɔ́n wa gidɔŋ uwaány máal wadugana, Yésu na bafɔ́nɔfɔ́n bág ebédúmbi gulád wɔ́. 20Agánd mabá kɔ́ umábiánán manɔŋ búgány duɔŋ duát na duándɛ. Uwabɛ́sɛdɛn agá gélem gá Yésu, uwebísíd odú wá gɛla gá Yésu. 21Umɔbiɔ́yɔ́n ká: «Ímámɛ́nɛn ká imébísíd gɛla gág, ngegúeŋúg.» 22Anyɛ́ Yésu máabɛ́guágálɛ́d, uwaán wɔ́, uganyɛ ká: «Ɔmbúlɔ wam, abɛ́kányɛ́n, giondi gɔ́w mógusódí.» Agánd uwéŋúg agá giád gɛsɛgɛl igiány. 23Anyɛ́ Yésu máab guám agá nuyá ná ɔgɔn uwaány, uwaán band bámáabá bɔ́dɔ́ŋɔ nselu na giŋi gá band gímáabá gíbíyɔ́kaan, 24uganyɛ gɔ́b ká: «Ɔ́nubɛ́gɔ́gɛd; gágual ká ɔmbúlɔ dimégú, ugúbɛ́dɛ́maan.» Ebédúm guɔnɔ wɔ́. 25Giŋi gá band máal gímáama, uwebíŋín, uwɔgɔ́l ɔmbɔ́g wá mɔ́nɔmbɔ, ibúbúlá iyányɔg. 26Buóny ubuásálámand agá giéns gá gus igiány gidigid.
Giéŋugie gá bebúdebude bándɛ
27Anyɛ́ Yésu máadɔ́g ány, bebúdebude bándɛ ebédúm guládaan wɔ́ boól bánsá bɔ́yɔ ká: «Dián gɔsɔ́g mɔɔn wá Défide!» 28Umáal úmébíŋín agá gians, bebúdebude abaány abábɛ́nyɛkɛnɛn wɔ́, uganyɛ gɔ́b ká: «Nugúadában ká nnyɛ bágual bɔ́ a?» Obóndinyi ká: «Ɛɛ́ŋ Ɔgúnɔ́» 29Uwebísíd gɔg eŋís yɔ́b, uganyɛ ká: «Nsɛ́ búbiál agá giond ɔdɛ́mɔ gán.» 30Eŋís yɔ́b eyébífuun. Yésu uwasásɛ́d bɔ́, uganyɛ ká: «Ɔ́nugɔ́l gɛsɛgɛl ká mɔnd dɛlɛnsɛ bɔ́!» 31Ta anaány, bámáal bámaan, ebédúm gúul bɔ́yɔ́ ɔfɛ́n wág agá giéns gá gus gidigid igiány.
Giéŋugie gá gimúke gímáabiánán giád gá gíliíndié
(Lúk 11.14-15)
32Bebúdebude máal bámáadɔ́mb, obólónin Yésu mɔnd umáabiánán giád gá gíliíndié, umabá gimúke. 33Yésu máal úméemi giád gá gíliíndié agá nuɔ́l na mɔnd uwaány, uwedúm gugálá. Biŋi ibiéméŋeméŋ ta bɔ́guɔyɔ, ibiábanyɛg guɔyɔ ká: «Dɛmabása didián buanda ana Ísalayɛ́la ta buɔ́s!» 34Ta anaány, Bafalisiɛ́ŋ mɔyɔ́ ká: «Na bugaga bá ɔgɔn wa biád bá bíliíndié ukɔ́ŋaná biád bá bíliíndié.»
Yésu na biŋi bá band bídiábiánáná ogiíg
(Mál 6.6,34; Lúk 10.2)
35Yésu móol wándánd agá bɛdɔŋ na bɔtísɔn gidigid, wuúl údúmbényí ndág ya nsɔ́m ya Bufuŋ bá muana, ufúnyifunyi ɔgɔ́b gá bians bá mbísógól, wond wéŋúgenyi ɛgɔnɔ gidigid na bióŋ gidigid.
Yésu na biŋi bá band
(Mál 6.6,34; Lúk 10.2)
36Anyɛ́ umáan giŋi gá band, mahan amádɛgɛn wɔ́ gá busió bá band abaány, gágual ká, gidɔmbɔ na masɔ́lɔ́gɔgɔ́ mabá mámámán guadɛgɛn bɔ́ anyɛ bɛdɔ́mba bídiábá na ogiíg. 37Uganyɛ gá bafɔ́nɔfɔ́n bág gɔg ká: «Magaya nyɛ giod, bél buol siɔdɛd; 38Ónubísógólónyí gɔg muát magaya ká údɔ́m bél buol gá magaya.»
