Ichedendik 21
21
Ẹmmaana ch'Isaak
1Wa Ọvaar Ubinọkpaabyi odo Sara oche kw'uwa kk'ochekha. 2Sara ukwu utima ifhạr, ọmaan Abraham ujunung-nwa k'atạm. Nnwa nwọ wa ọmmaan otor k'okpe kw'uwa Ubinọkpaabyi kk'ochekha bẹ́, m'ọmmaana. 3Abraham okpe nnwa nwọ Isaak, kw'Sara ọmaanẹ. 4Masẹ Isaak okke iwu isenọttaan, Abraham ọkpaar-ẹ ọnạm otor k'oche kw'Ubinọkpaabyi kk'ẹ ọtọhna. 5Wa Abraham ode icho arạbh asen k'okpe kw'nnwa kwẹ Isaak, ọmmaan.
6Ma wọ Sara obeni bẹ́, “Ubinọkpaabyi kk'aam usia bẹ́, mma asa. Ọnạng kwidede kw'ọbhaang udik ngwa kw'Ubinọkpaabyi usi ọnạng-m, m'otor-m ẹsamma.” 7Ofona ororo oben bẹ́, “Anẹwọ wạra ọkpaakhẹ Abraham bẹ́, amma Sara m'mbạra nnạk nnwa? Okhenka, amma kk'ujunungnwa mmaana nnạng Abraham k'atạm.”
8Nnwa nwọ o ukwu ọbạr, ọkka ukum-ẹ ẹba. Ma iwu njọ ch'ọkka ukum Isaak ẹba, Abraham usi erobha chididen.
Abraham ukhubhu Hagar ọttạra Ishimayẹl
9Iwu jạnẹ, Sara ose s'nnwa kw'Hagar kw'uIjip-kwanạng ọmaanẹ ọnạng Abraham, n'usi edera-pyibha ọttạra Isaak. 10Ma wọ, Sara obeni Abraham bẹ́, “Khubh ubira-kwanạng nwa ọttạra nnwa kwẹ, abẹ asọhng afona. Nnwa kw'ubira-kwanạng nọ́baana bẹ́ ọkhaama okhebh k'ẹkhaama chọ ch'nnwa kwaam Isaak m'uchi obo.” 11Udik ngwọ ọphyaangẹ Abraham ẹmma mororo, ukwuru bẹ́, Ishimayẹl ọgba ode nnwa kwẹ. 12Okhenka, Ubinọkpaabyi obeni Abraham bẹ́, “Ettem nạng-ọ ẹmma ẹphyaangẹ ukwuru nnwa nwọ ọttạra ubira-kwanạng nwọ. Si oche kwidede kw'Sara oben-ọ bẹ́, asi, ukwuru bẹ́, m'osenga ma Isaak iva p'iva pọ asaabh ator k'echekha ch'uwa kk'ntạkha. 13Amma m'nsi nnwa kw'ubira-kwanạng nwọ ọbạra ọkhaama ẹkhạma chẹ, ukwuru bẹ́, ẹma ọgba ode nnwa kwọ.”
14Ma o, Abraham ubina k'ekpekpebha, ọtạkha uchiattọhk, ọttạra asi, oge k'ẹkpa ch'ede etenkpa-etenkpa, ọnạng Hagar. Abraham ọtạkha pyẹ ọnạn-ẹ k'nkkaang, ukhubh-ẹ ọttạra nnwa. Ma wọ, Hagar ubin ofona k'ibyi s'anạng nạnárukha, k'ukhubha kw'Beershẹba.
15K'okpe kw'asi mbọ n'asa o, Hagar ọtạkha nnwa ururu k'uchikpok gwạnọ. 16Ọtwạkhọ sạsạkhẹ ọta uninga ẹyạr, oben k'ettem bẹ́, “Amma ettem mạ́nkhaama nninga maa nse oche nnwa kwaam m'ope.” Masẹ utim uning ẹyạr ọbaanga ma, ọtạma asen fạfhobh.
17Wa Ubinọkpaabyi ọbhaang ẹmạng ch'nnwa nwọ n'ọgạma. Itọhmọ s'Ubinọkpaabyi ininga kha ẹrạng iyeri Hagar oben-ẹ bẹ́, “Hagar, ode yạn? Nạng-ọ ojor s'nnwa kwọ uyim mạma, khiri Ubinọkpaabyi kk'ẹmạng chẹ ch'ọgạm, ọbhaanga. 18Bina ata adira nnwa kwọ, khiri m'nsi-ẹ ode otte kw'ẹkhạma chididen.”
19Ma wọ, Ubinọkpaabyi usi Hagar ose isipe. Ọtạkha ẹkpa njọ ch'otenkpa ọta ọkhaabha asi tạrr achẹ ifu, ọnạng nnwa ogwo.
20Wa Ubinọkpaabyi uning nnwa nwọ abẹ s'n'ọbạr ukwu. Wa nnwa nwọ urukhu k'ibyi s'anạng nạnárukha, ukwu ode ọgbajinạng. 21Masẹ s'uwa urukhu k'ibyi s'owór k'Paran, ọkka ọta ọtạkha ikwanạng k'Ijip, ọnạng-ẹ k'ọbada.
Abraham ọttạra Abimẹlẹk asi ẹgbạkha
22K'okpe ngwọ, Abimẹlẹk utim Phikol, kw'ode ocho kw'akpongnạng pẹ, ọta oben Abraham bẹ́, “Ubinọkpaabyi uning abọ k'ọttọhk fidede f'n'asi. 23Chekhi nạng-m ma ititikha s'Ubinọkpaabyi bẹ́, amma ọttạra iva paam, ọttạra iva p'iva paam mábọhra. M'asi ẹmmaana ọkkachẹ atima ator-m, ọttạra ẹkhạma nja ch'arukhu masẹ ukhikhennạng, ator k'oche kw'kk'nsia nnạng-ọ.”
24Abraham oben bẹ́, “Amma kk'nchekha.”
25Ma wọ, Abraham ọkpaakhẹ Abimẹlẹk udik otena isipe chẹ ch'atọhmnạng p'ẹma Abimẹlẹk kk'ẹ avạkha ana. 26Okhenka, Abimẹlẹk ubhin-ẹ bẹ́, “Amma ọnạng kw'usi udik ngwa kạ́nsong, ọma khaam udik demakwẹ ngwa tạm nákpaakha, chemma wọ n'mmaang kwẹ.”
27Ma wọ, Abraham ọtạk arạkhạmaan ọttạra mmaam ọnạng Abimẹlẹk, abẹma anạng afa atạkha echekha anạng ayok. 28Abraham otekha arạkhạmaan-pa asenọfa k'itirakpo pẹ, ọkhạmọ ochok. 29Abimẹlẹk n'ọbạbhọ Abraham bẹ́, “Arạkhạmaan-pa mbọ asenọfa p'akhạmọ achok kha, iyini yạn?” 30Abraham ubhin-ẹ bẹ́, “Ọma chera bẹ́, atạkha arạkhạmaan-pa mba asenọfa p'amma nnạng-ọ, ma wọ m'ọkhọhkha bẹ, ọma kk'achera bẹ́, amma wọ ntumu isipe nja.” 31Ma wọ, anạng ayeri ibyi nnọ Beershẹba, ukwuru bẹ, ma wọ kw'anạng mbọ afa aning atạkha echekha anạng ayok. 32Masẹ abẹ kk'echekha njọ asia k'Beershẹba, Abimẹlẹk utima Phikol nwọ kw'ode ochonạng kw'akpongnạng pẹ, ọkpa nnạm ọbhạna k'Philistiya. 33Wa, Abraham okponu ichi ch'tamarisk k'Beershẹba. Ma ibyi nnọ rọ s'ẹma Abraham n'uninga okpobha Ọvaar Ubinọkpaabyi kw'ipimmanitor. 34Wa Abraham urukhu ma ẹkhạma njọ ch'Philistiya eden ibhir.
دیاریکراوەکانی ئێستا:
Ichedendik 21: mfn-x-os
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
©️2025 West Africa Christian Mission
Ichedendik 21
21
Ẹmmaana ch'Isaak
1Wa Ọvaar Ubinọkpaabyi odo Sara oche kw'uwa kk'ochekha. 2Sara ukwu utima ifhạr, ọmaan Abraham ujunung-nwa k'atạm. Nnwa nwọ wa ọmmaan otor k'okpe kw'uwa Ubinọkpaabyi kk'ochekha bẹ́, m'ọmmaana. 3Abraham okpe nnwa nwọ Isaak, kw'Sara ọmaanẹ. 4Masẹ Isaak okke iwu isenọttaan, Abraham ọkpaar-ẹ ọnạm otor k'oche kw'Ubinọkpaabyi kk'ẹ ọtọhna. 5Wa Abraham ode icho arạbh asen k'okpe kw'nnwa kwẹ Isaak, ọmmaan.
6Ma wọ Sara obeni bẹ́, “Ubinọkpaabyi kk'aam usia bẹ́, mma asa. Ọnạng kwidede kw'ọbhaang udik ngwa kw'Ubinọkpaabyi usi ọnạng-m, m'otor-m ẹsamma.” 7Ofona ororo oben bẹ́, “Anẹwọ wạra ọkpaakhẹ Abraham bẹ́, amma Sara m'mbạra nnạk nnwa? Okhenka, amma kk'ujunungnwa mmaana nnạng Abraham k'atạm.”
8Nnwa nwọ o ukwu ọbạr, ọkka ukum-ẹ ẹba. Ma iwu njọ ch'ọkka ukum Isaak ẹba, Abraham usi erobha chididen.
Abraham ukhubhu Hagar ọttạra Ishimayẹl
9Iwu jạnẹ, Sara ose s'nnwa kw'Hagar kw'uIjip-kwanạng ọmaanẹ ọnạng Abraham, n'usi edera-pyibha ọttạra Isaak. 10Ma wọ, Sara obeni Abraham bẹ́, “Khubh ubira-kwanạng nwa ọttạra nnwa kwẹ, abẹ asọhng afona. Nnwa kw'ubira-kwanạng nọ́baana bẹ́ ọkhaama okhebh k'ẹkhaama chọ ch'nnwa kwaam Isaak m'uchi obo.” 11Udik ngwọ ọphyaangẹ Abraham ẹmma mororo, ukwuru bẹ́, Ishimayẹl ọgba ode nnwa kwẹ. 12Okhenka, Ubinọkpaabyi obeni Abraham bẹ́, “Ettem nạng-ọ ẹmma ẹphyaangẹ ukwuru nnwa nwọ ọttạra ubira-kwanạng nwọ. Si oche kwidede kw'Sara oben-ọ bẹ́, asi, ukwuru bẹ́, m'osenga ma Isaak iva p'iva pọ asaabh ator k'echekha ch'uwa kk'ntạkha. 13Amma m'nsi nnwa kw'ubira-kwanạng nwọ ọbạra ọkhaama ẹkhạma chẹ, ukwuru bẹ́, ẹma ọgba ode nnwa kwọ.”
14Ma o, Abraham ubina k'ekpekpebha, ọtạkha uchiattọhk, ọttạra asi, oge k'ẹkpa ch'ede etenkpa-etenkpa, ọnạng Hagar. Abraham ọtạkha pyẹ ọnạn-ẹ k'nkkaang, ukhubh-ẹ ọttạra nnwa. Ma wọ, Hagar ubin ofona k'ibyi s'anạng nạnárukha, k'ukhubha kw'Beershẹba.
15K'okpe kw'asi mbọ n'asa o, Hagar ọtạkha nnwa ururu k'uchikpok gwạnọ. 16Ọtwạkhọ sạsạkhẹ ọta uninga ẹyạr, oben k'ettem bẹ́, “Amma ettem mạ́nkhaama nninga maa nse oche nnwa kwaam m'ope.” Masẹ utim uning ẹyạr ọbaanga ma, ọtạma asen fạfhobh.
17Wa Ubinọkpaabyi ọbhaang ẹmạng ch'nnwa nwọ n'ọgạma. Itọhmọ s'Ubinọkpaabyi ininga kha ẹrạng iyeri Hagar oben-ẹ bẹ́, “Hagar, ode yạn? Nạng-ọ ojor s'nnwa kwọ uyim mạma, khiri Ubinọkpaabyi kk'ẹmạng chẹ ch'ọgạm, ọbhaanga. 18Bina ata adira nnwa kwọ, khiri m'nsi-ẹ ode otte kw'ẹkhạma chididen.”
19Ma wọ, Ubinọkpaabyi usi Hagar ose isipe. Ọtạkha ẹkpa njọ ch'otenkpa ọta ọkhaabha asi tạrr achẹ ifu, ọnạng nnwa ogwo.
20Wa Ubinọkpaabyi uning nnwa nwọ abẹ s'n'ọbạr ukwu. Wa nnwa nwọ urukhu k'ibyi s'anạng nạnárukha, ukwu ode ọgbajinạng. 21Masẹ s'uwa urukhu k'ibyi s'owór k'Paran, ọkka ọta ọtạkha ikwanạng k'Ijip, ọnạng-ẹ k'ọbada.
Abraham ọttạra Abimẹlẹk asi ẹgbạkha
22K'okpe ngwọ, Abimẹlẹk utim Phikol, kw'ode ocho kw'akpongnạng pẹ, ọta oben Abraham bẹ́, “Ubinọkpaabyi uning abọ k'ọttọhk fidede f'n'asi. 23Chekhi nạng-m ma ititikha s'Ubinọkpaabyi bẹ́, amma ọttạra iva paam, ọttạra iva p'iva paam mábọhra. M'asi ẹmmaana ọkkachẹ atima ator-m, ọttạra ẹkhạma nja ch'arukhu masẹ ukhikhennạng, ator k'oche kw'kk'nsia nnạng-ọ.”
24Abraham oben bẹ́, “Amma kk'nchekha.”
25Ma wọ, Abraham ọkpaakhẹ Abimẹlẹk udik otena isipe chẹ ch'atọhmnạng p'ẹma Abimẹlẹk kk'ẹ avạkha ana. 26Okhenka, Abimẹlẹk ubhin-ẹ bẹ́, “Amma ọnạng kw'usi udik ngwa kạ́nsong, ọma khaam udik demakwẹ ngwa tạm nákpaakha, chemma wọ n'mmaang kwẹ.”
27Ma wọ, Abraham ọtạk arạkhạmaan ọttạra mmaam ọnạng Abimẹlẹk, abẹma anạng afa atạkha echekha anạng ayok. 28Abraham otekha arạkhạmaan-pa asenọfa k'itirakpo pẹ, ọkhạmọ ochok. 29Abimẹlẹk n'ọbạbhọ Abraham bẹ́, “Arạkhạmaan-pa mbọ asenọfa p'akhạmọ achok kha, iyini yạn?” 30Abraham ubhin-ẹ bẹ́, “Ọma chera bẹ́, atạkha arạkhạmaan-pa mba asenọfa p'amma nnạng-ọ, ma wọ m'ọkhọhkha bẹ, ọma kk'achera bẹ́, amma wọ ntumu isipe nja.” 31Ma wọ, anạng ayeri ibyi nnọ Beershẹba, ukwuru bẹ, ma wọ kw'anạng mbọ afa aning atạkha echekha anạng ayok. 32Masẹ abẹ kk'echekha njọ asia k'Beershẹba, Abimẹlẹk utima Phikol nwọ kw'ode ochonạng kw'akpongnạng pẹ, ọkpa nnạm ọbhạna k'Philistiya. 33Wa, Abraham okponu ichi ch'tamarisk k'Beershẹba. Ma ibyi nnọ rọ s'ẹma Abraham n'uninga okpobha Ọvaar Ubinọkpaabyi kw'ipimmanitor. 34Wa Abraham urukhu ma ẹkhạma njọ ch'Philistiya eden ibhir.
©️2025 West Africa Christian Mission