Romio 14
14
Eṭaʹ pâtyuoniʹ boihaoaʹ dos alo sabam
1Pâtyure eke boiha durbolgie ânido atangi, âniaʹ motamot laite âni saote alo torkoʹam. 2Jahe moneye ânido sanamgi jom dareʹe, kheʹ eke pâtyure durbolgie ânido eken nirâmisgi jome.#14:2 1 Korinthio 8:1-10 Aṛe nirâmis ar âmis bisoite ol menaʹa. 3Eke âdmi sanamaʹgi jome, ânite jate eke ana bang jome âni bang kâṭiʹ moneimane, ar eke âdmi sanamaʹgi bang jome, ânite jate eke ana jome âni bang bicârie, karon Issorte ânido atangkâdie. 4Amdo ekekanam, je eṭaʹuniʹren cakoraʹ bicâram? Ânido ṭhikkade se bhulkade anado âniren mâlikgi ṭhikheʹ. Karon Probhutigi ânido jituiheʹ.
5Jahe hoito moneyako niâ dindo ana din khoiʹ manjagiâ. Abar jahe moneyako sanam dingi somangiâ. Sanam âdmigi nije nijeyaʹ monre angkoaʹ pâtyure niscit tahanmanako. 6Bises jahan miṭiʹ din eke palone ânitedo Probhu sonmanei laʹtigi ana rikie. Eke sanamaʹgi jome ânido Probhu sonmanei laʹtigi jome, karon ânitedo Issor dhonnobad maie. Eke sanamaʹdo bang jome ânitedo Probhu sonmanei laʹtigi bang jome, ar âniteho Issor dhonnobad maie.
7Abo talare jahegi nije laʹtedo bang jiuitʹ tahenabo ar jahegi kebol nije laʹtedo bang gojoʹako. 8Abo judi bacoʹabo tahale Probhu laʹtigi baco tahenabo, ar judi gojoʹabo tahale Probhu laʹtigi gojoʹabo. Tahale abo jiuitʹ tahenabo se gojoʹabo, abodo Probhurengiâbo. 9Khrisṭodo goiʹlene ar arho jiuitʹ beretʹlene jate Ânido jiuitʹkoren ar goiʹkoren sanamkhoiʹrengi Probhu ho darene.
10Tahale eke kebol nirâmis jome, ceklaʹ amte âni boihaoaʹ dos sabeʹtayam? Ar ceklaʹ amren pâtyuiʹ boihako kâṭiʹ moneʹkoam? Bicâr laʹte abo sanamkhoiʹto Issoraʹ samnere tengonbohaʹ. 11Pobitro sastrore ol menaʹa,
"Issor mene, Ingdo Ingâʹ nutumketeʹ mending,
Ing samnere sanamkhoiʹgi ṭhimnâʹte ukrumoʹkohaʹ,
ar Inggi Issor mente atangikohaʹ."#Jisaio 45:23
12Tahale abo sanamkhoiʹgi nijeyaʹ bisoite Issorṭheʹ hisâb maʹlaʹ hoʹtabohaʹ.
Emon jahanaʹ alo rikiam jate amren boiha papre paṛoʹako
13Anate aboaʹ pâtyuoniʹ boihaoaʹ bicâraʹ ucit bang, ana badalte apeyaʹ siddhânto engeyaʹ ucit je jahanaʹ alo rikiape akaṭaʹtedo eṭaʹoniʹkhoiʹ badha se papre bang ujugoʹako. 14Probhu Jisute ing niscitkâdinge je, Issor sanam jomaʹgi upojukto mente moneye. Kheʹ jahe judi jahan jomaʹ jomdo upojukto bang moneye tahale anakodo âni laʹte upojukto bangkana.
15Jahan jomaʹ karonte judi amte amren boihaoaʹ monre duk maiam tahale amto ar dulârnaʹ monobhab laite bang caloʹkanam. Eke boiha laʹte Khrisṭo goiʹlene, jomlaʹtedo âniaʹ alo sorbonasam. 16Amaʹ akaṭaʹ manjaoa, ana jate eṭaʹonkhoiʹṭheʹ nindânaʹ karon bang hoʹa. 17Issoraʹ rajjore jom nudo marang katha bangkana, marang kathado hoʹkana, Pobitro Atta talate sâri ḍaharte calo, ekete abo sânti ar hub maboe. 18Amte judi nengkaketeʹ Khrisṭo seoaiam tahale amte Issor khusimahaʹ ar âdmikoṭheʹ amdo atang lakaniʹ hoʹmahaʹ.
19Niâlaʹte akaṭaʹ rikilekheʹ sânti hoʹa ar ekeoaʹ talate abo miʹhorte ar miʹhor suktisâliketeʹ rakap darekoabo, hijuʹpe, abodo sanam somai anagi rikiabo. 20Jahanaʹ jomaʹ laʹtedo Issoraʹ kâmi alo nosṭeyape. Sanam jomaʹgi sâfâgiâ, kheʹ jahe jahanaʹ jomketeʹ judi âni aiʹren boihaoaʹ monre badha maʹe tahale ana jomdo âniaʹ pokkhe onnaigitaia. 21Amaʹ ṭhik kâmi hona jil jom, ânggurnaʹ pâurâ nu se nangkanaʹ jahanaʹ rikâ khoiʹ sâhingre tahan akaṭaʹtedo amren jahe boihado tohodketeʹ monre badha name.
22Niâ bisoite am akaṭaʹ manja mente pâtyuʹam anado Issor ar am talarigi doheme. Amdo dhonnogiâm judi amaʹ kâmite am bang dusimeye. 23Kheʹ jahe judi sondehoketeʹ jahanaʹ jome tahale ânido dusigie, karon ânido aiaʹ pâtyu lakado bang kâmide. Pâtyuonaʹ biruddhe jahanaʹ rikâgi papgiâ.
دیاریکراوەکانی ئێستا:
Romio 14: EKL
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
©️2025 Bible Students Fellowship of Bangladesh