Psalms 6
6
1အို ဘုရားရှင်၊ ကိုယ်တော်၏ အမျက်တော်ဖြင့် အကျွန်ုပ်အား ဆုံးမတော်မူခြင်း မပြုပါနှင့်။ ကိုယ်တော်၏ အမျက်ဒေါသဖြင့် အကျွန်ုပ်အား ဆုံးမပဲ့ပြင်တော်မူခြင်း မပြုပါနှင့်။ 2အို ဘုရားရှင်၊ အကျွန်ုပ်သည် မောပန်းနွမ်းနယ်လျက်ရှိသည်ဖြစ်၍ အကျွန်ုပ်အား သနားသရုဏာထားတော်မူပါ။ အကျွန်ုပ်သည် အားအင်ချည့်နဲ့နေသည်ဖြစ်၍ အကျွန်ုပ်အား ပြန်လည်၍ အားအင်ပြည့်စေတော်မူပါ။ 3အကျွန်ုပ်၏ စိတ်နှလုံးသည် ထိတ်လန့်နေရပါ၏။ အို ဘုရားရှင်၊ မည်သည့်အချိန်တွင်မှ အကျွန်ပ်အား ကူညီမစတော်မူပါမည်နည်း။ 4အို ဘုရားရှင်၊ ကြွလာတော်မူ၍ အကျွန်ုပ်၏ စိတ်နှလုံးအား ကယ်တင်တော်မူပါ။ ကိုယ်တော်၏ မေတ္တာကရုဏာတော်နာတော်ကို ထောက်ရှု၍ အကျွန်ုပ်အား သေဘေးမှ ကယ်တင်တော်မူပါ။ 5အကြောင်းမူ မရဏနိုင်ငံရှိ သေလွန်ပြီးသောသူတို့သည် ကိုယ်တော်အား အောက်မေ့သတိရခြင်း မရှိကြပေ။ ထိုအရပ်၌ ကိုယ်တော်အား မည်သူကမျှ ချီးမွမ်းနိုင်ကြမည်မဟုတ်ပေ။ 6အကျွန်ုပ်သည် ညည်းတွားရသဖြင့် ပင်ပန်းနေပြီဖြစ်ပါ၏။ ညစဉ်ညတိုင်း ငိုကြွေးရသဖြင့် အကျွန်ုပ်၏ခေါင်းအုံးသည် မျက်ရည်များဖြင့် စိုရွှဲလျက်ရှိပြီး အကျွန်ုပ်၏ အိပ်ရာသည်လည်း စိုစွတ်လျက်ရှိပါ၏။ 7အကျွန်ုပ်၏ ရန်သူများကြောင့် ငိုကြွေးရသဖြင့် အကျွန်ုပ်၏ မျက်စိများသည် ရောင်ရမ်းလျက်ရှိပြီး အမြင်အာရုံသည် မှုန်ဝါးလျက်ရှိပါ၏။ 8အပြစ်ဒုစရိုက်ပြုသူအပေါင်းတို့၊ ငါ့ထံမှ ထွက်သွားကြလော့။ အကြောင်းမူကား ဘုရားရှင် ငါ၏ငိုကြွေးသံကို ကြားတော်မူပြီဖြစ်၏။ 9ဘုရားရှင်သည် ငါအသနားခံ၍ လျှောက်တင်ခြင်းကို ကြားတော်မူပြီဖြစ်၏။ ဘုရားရှင်သည် ငါ၏ဆုတောင်းချက်အား လက်ခံတော်မူပြီဖြစ်၏။ 10ငါ၏ ရန်သူအပေါင်းတို့သည် အရှက်ကွဲကြ၍ လွန်စွာထိတ်လန့်နေကြမည်ဖြစ်။ သူတို့သည် ကစဉ့်ကလျားဖြစ်လျက် ထွက်ပြေးကြရလိမ့်မည်ဖြစ်၏။
دیاریکراوەکانی ئێستا:
Psalms 6: TPV-RV
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Psalms 6
6
1အို ဘုရားရှင်၊ ကိုယ်တော်၏ အမျက်တော်ဖြင့် အကျွန်ုပ်အား ဆုံးမတော်မူခြင်း မပြုပါနှင့်။ ကိုယ်တော်၏ အမျက်ဒေါသဖြင့် အကျွန်ုပ်အား ဆုံးမပဲ့ပြင်တော်မူခြင်း မပြုပါနှင့်။ 2အို ဘုရားရှင်၊ အကျွန်ုပ်သည် မောပန်းနွမ်းနယ်လျက်ရှိသည်ဖြစ်၍ အကျွန်ုပ်အား သနားသရုဏာထားတော်မူပါ။ အကျွန်ုပ်သည် အားအင်ချည့်နဲ့နေသည်ဖြစ်၍ အကျွန်ုပ်အား ပြန်လည်၍ အားအင်ပြည့်စေတော်မူပါ။ 3အကျွန်ုပ်၏ စိတ်နှလုံးသည် ထိတ်လန့်နေရပါ၏။ အို ဘုရားရှင်၊ မည်သည့်အချိန်တွင်မှ အကျွန်ပ်အား ကူညီမစတော်မူပါမည်နည်း။ 4အို ဘုရားရှင်၊ ကြွလာတော်မူ၍ အကျွန်ုပ်၏ စိတ်နှလုံးအား ကယ်တင်တော်မူပါ။ ကိုယ်တော်၏ မေတ္တာကရုဏာတော်နာတော်ကို ထောက်ရှု၍ အကျွန်ုပ်အား သေဘေးမှ ကယ်တင်တော်မူပါ။ 5အကြောင်းမူ မရဏနိုင်ငံရှိ သေလွန်ပြီးသောသူတို့သည် ကိုယ်တော်အား အောက်မေ့သတိရခြင်း မရှိကြပေ။ ထိုအရပ်၌ ကိုယ်တော်အား မည်သူကမျှ ချီးမွမ်းနိုင်ကြမည်မဟုတ်ပေ။ 6အကျွန်ုပ်သည် ညည်းတွားရသဖြင့် ပင်ပန်းနေပြီဖြစ်ပါ၏။ ညစဉ်ညတိုင်း ငိုကြွေးရသဖြင့် အကျွန်ုပ်၏ခေါင်းအုံးသည် မျက်ရည်များဖြင့် စိုရွှဲလျက်ရှိပြီး အကျွန်ုပ်၏ အိပ်ရာသည်လည်း စိုစွတ်လျက်ရှိပါ၏။ 7အကျွန်ုပ်၏ ရန်သူများကြောင့် ငိုကြွေးရသဖြင့် အကျွန်ုပ်၏ မျက်စိများသည် ရောင်ရမ်းလျက်ရှိပြီး အမြင်အာရုံသည် မှုန်ဝါးလျက်ရှိပါ၏။ 8အပြစ်ဒုစရိုက်ပြုသူအပေါင်းတို့၊ ငါ့ထံမှ ထွက်သွားကြလော့။ အကြောင်းမူကား ဘုရားရှင် ငါ၏ငိုကြွေးသံကို ကြားတော်မူပြီဖြစ်၏။ 9ဘုရားရှင်သည် ငါအသနားခံ၍ လျှောက်တင်ခြင်းကို ကြားတော်မူပြီဖြစ်၏။ ဘုရားရှင်သည် ငါ၏ဆုတောင်းချက်အား လက်ခံတော်မူပြီဖြစ်၏။ 10ငါ၏ ရန်သူအပေါင်းတို့သည် အရှက်ကွဲကြ၍ လွန်စွာထိတ်လန့်နေကြမည်ဖြစ်။ သူတို့သည် ကစဉ့်ကလျားဖြစ်လျက် ထွက်ပြေးကြရလိမ့်မည်ဖြစ်၏။
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.