Mataafa Dikoota 2
2
Kitadda safara a kaffa Isira'eeli
1Yaahiwwe iMuuse isho Arooni' haasawade ka kide, 2“Samayta Isira'eeli a paantira kitaassoti isho milikkita kaffaassoti kela' safaro; ka tukkaniyyo kapaadesa shakkayta heeqqen ka kapandesa safaren.
3Samayta a kafa Yihuta kela kitaame a qinda piirtotatin pora letta piirrittonne a milikkitaadi kela kita kitaan safaro; a samayta kafa Yihuta qara saarummo nefo Ne'asooni inna Aminataapi. 4Kitaadi kara orra co lekumaasso, nama kuma kunda tappa afuri ka dippa lehi kayni. 5A kafa Yihuta'e safaraaw, kafa Yisaakoori; a samayta kafa Yisaakoori qara saarummo, nefo Natina'eli inna So'ari. 6Akkima dikamen qara'e lekuma a nama kitaadi kara cooti, nama kuma kunda keni afuri ka dippa afuri kayni. 7Kapaadesaw kafa Saapilooni safara; a saara kafa Saapilooni kodde, Eliyaapi inna Helooni. 8Akkima dikamen qara'e lekuma a nama kitaadi kara cooti, nama kuma kunda keni tappa ka dippa afuri. 9A kitaassotin safara a kafa Yihuta kara dikame piisa lekumaasso, namaa kuma dippa ka kunda setteeti lehi ka dippa afuri kayni. A paayyota tuula paayya ishootta.
10Xela kafa Roopeeli a qinda tupattatin milikkitaaysho kela'e kita kitan safaro; a samayta kafa Ropeeli qara saarummo nefo Elissuuri inna Shede'uri. 11Akkima dikamen qara'e, lekuma a nama kitaadi kara cooti, kuma kunda afuri lehi ka dippa keni kayni. 12A kafa Roopeeli kammadesa safara'ew kafa Simooni; saaraaysho nefo Shelumi'eeli inna Surishadaayi. 13Akkima dikamen qara'e lekuma a nama kitaadi kara cooti, kuma kunda keni sakali ka dippa sessa. 14Kapadesaaw kafa Kaati safara; saara a samayta kafa Kaati Eliyasaafi inna Te'u'eli. 15Akka dikamen qara'e lekuma a nama kitaadi kara cooti; kuma kunda afuri keni ka dippa lehi kunda keni. 16A safara Ropeelippa kitaassotin dikame piisa lekumaasso, kuma dippa kunda keni takka ka dippa afuri kunda keni. A lammattati tuula xa'a ishootta.
17Kammadesa tukkanase a Yaahiwwe safaroose a Lewaata olliiyyi xa'a; ka safaraddaayye otantoppa' qata; ishootta ka akka safaren qara'e paantira paantiranne olkamma qatan ka aanan.
18xela kafa Efreemi a qinda dumaatatin milikkitaaysho kela'e kita kitan safaro, a samayta kafa Efreemi qara saarummo nefo, Elishama'i inna Amihuuti. 19Akkima dikamen qara'e lekuma nama a kitaadi kara cooti, nama kuma kunda afuri ka dippa keni kayni.
20A isha kamma qato kafa Minaase; a samayta kafa Minaase qara saarummo, Kemaali'eli inna Petassuuri. 21Akkima dikamen qara'e lekuma nama a kitaadi kara cooti, nama kuma kunda sessa lakki ka dippa lakki. 22A isha kamma qato kafa Piiniyaami; a samayta kafa Piiniyaami qara saarummo, Apitaani inna Kidi'oni. 23Akkima dikamen qara'e lekuma nama a kitaadi kara cooti, nama kuma kunda sessa keni ka dippa afuri kayni. 24A safara Efreemi kara kitaassotin dikame piisa lekumaasso, nama kuma dippa ka sette ka dippa takka kayni; a sessattati tuula ishootta.
25Xela safara Taani a qinda qutattatin paantiraaysho kela'e kita kitaan safaro; a samayta kafa Taani qara saarummo nefo Ahi'eseri inna Amishataayi. 26Akkima dikamen qara'e lekuma nama a kitaadi kara cooti, nama kuma kunda lehi lakki ka dippa tappa kayni. 27A kafa Taani kammadesa safara'ew kafa Aseeri. a samayta kafa Aseeri qara saarummo, Faki'eli inna Okiraani. 28Akkima dikamen qara'e lekuma nama a kitaadi kara cooti, nama kuma kunda afuri takka ka dippa keni kayni. 29Kamma desaaw kafa Niftaalemi qataaw; a samayta kafa Niftaalemi qara saarummo nefo Ahira'i inna Enaani. 30Akkima dikamen qara'e lekuma nama a kitaadi kara cooti, nama kuma kunda keni sessa ka dippa afuri kayni. 31A safara Taani kara dikame lekumaasso, nama kuma dippa kunda keni tappa ka dippa lehi kayni. A paantiraddaasso qapada ka piraampira qaraayye tuula ishootta. 32Sede tooy samayta lekuma Isira'eeli a toollaassotin ka safara karaayye kitaddaassootin dikame piisa; lekumaasso kuma dippa lehi sessa ka dippa keni kunda keni. 33Ma xoori akka Yaahiwwe Muuse ajaje qara'e Lawaata samayta Isira'eeli oppa'en dikamme.
34Samayta Isira'eeli ka akka Yaahiwwe Muuse ajaje qara'e kode; ka saantosetinni paantiraddaasso kela safare; ka matta mattaanne, kaffaasso ka toollaasso kela kitaame ka aane.
دیاریکراوەکانی ئێستا:
Mataafa Dikoota 2: MaQu
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە