Marko 2
2
Hí wur shì vsv̀ng dvba:nò we
Mat. 9:1-8; Luk. 5:17-26
1Kadv́ng ni màlé dvgvp Yesu nø Kapernum mvrìng sv̀ng vrá gòngá:mì. Àng nø chø̀mø vle wa kà vsv̀ngrìí tá bǿà kvt, 2wela:ngí ni àngmaq gvzà kø̀m ráì. Wervt bv́ngkà chit yv́ng gø rúngrà mvchǿng høq íá:mì. Wekvt À:ngí àngmaq sv̀ng mòngkà dvsha:ngòe. 3Wela:ngí vsv̀ng tiqpèla dìa:tni we, vbìpèí nø hí wur shì vsv̀ng tiqgǿ baqa:tnà. 4Vsv̀ng loksok rvt Yesu yv́ngsv̀ng tvp baq mvlúnò. Wekvt Yesu tvnudang àngmaqí rv́gùng jaqò nø̀, hí wur shì gǿ sv̀ng àng vyà:lò we chà nv̀ng tvpwa la daqà. 5Àngmaq kv́mnøt sv̀ng Yesuí yv̀ng bǿà kvt, hí wur shì pè sv̀ng, “Ngàcèá, nà mvrà chutnang bǿngà,” a:lòe.
6Íwe, weyv́ng rung we dvrá svrarì tiqmaq nø àngmaq nøt vdòngø dvda:mò nø̀, 7“Yapè nø pàwá yadø shø̀ne má? Àng nø Gvray kaq shvyǿm kà shø̀ne lé! Gvray tiqpè wa mø̀í nìnø, kagǿí mvrà chutna lú:nòe má?” wae. #Esa. 43:25
8Àngmaq nøt taq wedø dvda:mò we Yesuí chàng dǿ:mò rvt, “Nàmaq nøt taq pàwá wedø dèdvmnø̀nge má? 9Hí wur shì gǿ sv̀ng, ‘Nà mvrà chutnang bǿngà,’ mø̀íni, ‘Èkungshì, nà pvlu èlvngshì nø̀ èdivm,’ wa we yakàní kèní, kakà té shǿn yùle má? 10Íwe, Vsv̀ng Àngcèpè nø rvgaqtø̀mø mvrà chutnalv́m vmíng vkv́ng vl we nàmaqí shálv́m dvpvt,” À:ngí hí wur shì pè kaq, 11“Ngàí vlvtnø̀ng, èkungshì, nà pvlu èlvngshì nø̀ chø̀m sv̀ng èlovm,” a:lòe.
12Wekvt wepè søt kungshì nø̀ chàng pvlu lòng lvngshì sórí, shvngbe mv́rdv̀ng kèní tv̀m búngá:mì. Wervt àngmaq shvngbe dàá:mì nø̀, Gvray kaq shvri:ngò sórí, “Yadø í we nø, kadvgvp gø mvyv̀ng dá:rì,” wae.
Lewi goò we
Mat. 9:9-13; Luk. 2:14; 5:27-32
13Yesu nø rá tiqkvt tìnúngmè shvnvng sv̀ng dìá:mì ke, vsv̀ng loksok lokga nø Àng yv́ngsv̀ng dvkǿmshì ráì nø̀, À:ngí àngmaq sv̀ng mvshǿl shvngø:tnòe. 14Yesu nø weyv́ng kèní dìá:mì ke, Alpiu àngcè Lewi nø kùyà gúnrà yv́ng rung da we yv̀ng bǿà kvt, “Ngà mèpvng ècv̀n ra,” a:lòe. Wekvt Lewi tv̀m búng nø̀ Yesu mèpvng cv̀n bǿà.
15Vrá, Àng mèpvng cà:nò we kùyà gúnshúrì nv̀ng dvgá dø mvrà vl rì mvme luqe. Wervt Yesu nø Lewi chø̀m yv́ng rung nø̀ shvbóy taq vm dvgvp, àngmaq gø Yesu nv̀ng Àng coqcv́nrì ó tiqdø vme. 16Àng nø mvrà vl rì nv̀ng kùyà gúnshúrì ó tiqdø vm we sv̀ng Parisirì kèní dvrá svrarìí yv̀ng bǿà. Wekvt àngmaqí Àng coqcv́nrì sv̀ng, “Àng nø kùyà gúnshúrì nv̀ng mvrà vl rì ó tiqdø pàwálv́m vme má?” wa rø:tnòe.
17Yesuí tá bǿà kvt, àngmaq sv̀ng, “Shiqshàn rì nø cìsvra zǿm mvdv̀ng, za rì lè zǿmdv̀nge. Ngà nø døngman rì kaq golv́m dø̀ng dakngà we mø̀í, mvrà vl rì sv̀ng lè golv́m dø̀ng dakngà,” a:lòe.
Màv́m vnatshì dang
Mat. 9:14-17; Luk. 5:33-39
18Yohan coqcv́nrì nv̀ng Parisirì nø màv́m vnatshì yàe. Wervt vsv̀ng tiqmaq dì ráì nø̀ Àng sv̀ng, “Yohan coqcv́nrì nv̀ng Parisirìò coqcv́nrì nø màv́m vnatshìe. Íwe, Nà coqcv́nrì nø pàwá v́m mànatshì má?” wa rø:tnòe.
19Yesuí àngmaq sv̀ng vtá:nò nø̀, “Lvngàshv́rpè shini vl dvgvp, zvmì lé bóy zaqlèrì nø màv́m vnatshì vdu má? Àngmaq nø lvngàshv́rpè nv̀ng v́l dv́ngte, màv́m vnatshì mvrà. 20Ínìgø, lvngàshv́rpè sv̀ng àngmaq yv́ngkèní lù bǿò we àngni tuq rae. Wenila taq mv̀ng, àngmaq màv́m vnatshì longe.
21Bèlaq bøt taq sømban àngshá:rí dvceshì vsv̀ng màvl. Wedø dèceò nìnø, sømban àngshá:rí bèlaq bøt sv̀ng rv́nkéò nø̀ dvshàshà díngvme. 22Vrá, bìmtì shv́r nø shace yǿngkoq bøt taq zá:ngò vsv̀ng màvl. Wedø èzá:ngò nìnø, bìmtì rvt shace yǿngkoq díngvm nø̀, bìmtì nv̀ng shace yǿngkoq gø gvyaqvme. Bìmtì shv́r nø shace yǿngkoq shv́r taq mv̀ng zá:ngòe,” a:lòe.
Yesu nø Narni Àngkàng í we
Mat. 12:1-8; Luk. 6:1-5
23Narni tiqni taq, Yesu nø zong rvmárì dangdang léshì ke, Àng coqcv́nrì nø di sórí zongshí rvtnvme. 24Wekvt Parisirìí Àng sv̀ng, “Ku, Narni taq wá mvdaq pv̀n àngmaqí pàwá wàò má?” a:lòe.
25Yesuí, “Dawi nv̀ng àng lamboqrì svríshì nø̀ zǿmdv̀ng lú:ngí kvt, Dawií kadø wà yà:ngà we mèrø dv́rnø̀ng má? 26Shvrúngshú vgo Abiatar vl nila taq, Dawi nø Gvray chø̀m sv̀ng gòng nø̀, shvrúngshúrìí wa v́m daq we Shvgaqshaq Zidòng á:mò nø̀, àng lamboqrì sv̀ng gø zí yà:ngà,” a:lòe. #1Sm. 21:1-6; Lew. 24:9
27Vrá, À:ngí àngmaq sv̀ng, “Vsv̀ng nø Narni dvpvt mv́n yà:ngà we mø̀í, Narni lè vsv̀ng dvpvt íe. #Drd. 5:14 28Wervtnø̀ Vsv̀ng Àngcèpè nø Narni Àngkàngpè gø íe,” a:lòe.
دیاریکراوەکانی ئێستا:
Marko 2: GSM
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 2
2
Hí wur shì vsv̀ng dvba:nò we
Mat. 9:1-8; Luk. 5:17-26
1Kadv́ng ni màlé dvgvp Yesu nø Kapernum mvrìng sv̀ng vrá gòngá:mì. Àng nø chø̀mø vle wa kà vsv̀ngrìí tá bǿà kvt, 2wela:ngí ni àngmaq gvzà kø̀m ráì. Wervt bv́ngkà chit yv́ng gø rúngrà mvchǿng høq íá:mì. Wekvt À:ngí àngmaq sv̀ng mòngkà dvsha:ngòe. 3Wela:ngí vsv̀ng tiqpèla dìa:tni we, vbìpèí nø hí wur shì vsv̀ng tiqgǿ baqa:tnà. 4Vsv̀ng loksok rvt Yesu yv́ngsv̀ng tvp baq mvlúnò. Wekvt Yesu tvnudang àngmaqí rv́gùng jaqò nø̀, hí wur shì gǿ sv̀ng àng vyà:lò we chà nv̀ng tvpwa la daqà. 5Àngmaq kv́mnøt sv̀ng Yesuí yv̀ng bǿà kvt, hí wur shì pè sv̀ng, “Ngàcèá, nà mvrà chutnang bǿngà,” a:lòe.
6Íwe, weyv́ng rung we dvrá svrarì tiqmaq nø àngmaq nøt vdòngø dvda:mò nø̀, 7“Yapè nø pàwá yadø shø̀ne má? Àng nø Gvray kaq shvyǿm kà shø̀ne lé! Gvray tiqpè wa mø̀í nìnø, kagǿí mvrà chutna lú:nòe má?” wae. #Esa. 43:25
8Àngmaq nøt taq wedø dvda:mò we Yesuí chàng dǿ:mò rvt, “Nàmaq nøt taq pàwá wedø dèdvmnø̀nge má? 9Hí wur shì gǿ sv̀ng, ‘Nà mvrà chutnang bǿngà,’ mø̀íni, ‘Èkungshì, nà pvlu èlvngshì nø̀ èdivm,’ wa we yakàní kèní, kakà té shǿn yùle má? 10Íwe, Vsv̀ng Àngcèpè nø rvgaqtø̀mø mvrà chutnalv́m vmíng vkv́ng vl we nàmaqí shálv́m dvpvt,” À:ngí hí wur shì pè kaq, 11“Ngàí vlvtnø̀ng, èkungshì, nà pvlu èlvngshì nø̀ chø̀m sv̀ng èlovm,” a:lòe.
12Wekvt wepè søt kungshì nø̀ chàng pvlu lòng lvngshì sórí, shvngbe mv́rdv̀ng kèní tv̀m búngá:mì. Wervt àngmaq shvngbe dàá:mì nø̀, Gvray kaq shvri:ngò sórí, “Yadø í we nø, kadvgvp gø mvyv̀ng dá:rì,” wae.
Lewi goò we
Mat. 9:9-13; Luk. 2:14; 5:27-32
13Yesu nø rá tiqkvt tìnúngmè shvnvng sv̀ng dìá:mì ke, vsv̀ng loksok lokga nø Àng yv́ngsv̀ng dvkǿmshì ráì nø̀, À:ngí àngmaq sv̀ng mvshǿl shvngø:tnòe. 14Yesu nø weyv́ng kèní dìá:mì ke, Alpiu àngcè Lewi nø kùyà gúnrà yv́ng rung da we yv̀ng bǿà kvt, “Ngà mèpvng ècv̀n ra,” a:lòe. Wekvt Lewi tv̀m búng nø̀ Yesu mèpvng cv̀n bǿà.
15Vrá, Àng mèpvng cà:nò we kùyà gúnshúrì nv̀ng dvgá dø mvrà vl rì mvme luqe. Wervt Yesu nø Lewi chø̀m yv́ng rung nø̀ shvbóy taq vm dvgvp, àngmaq gø Yesu nv̀ng Àng coqcv́nrì ó tiqdø vme. 16Àng nø mvrà vl rì nv̀ng kùyà gúnshúrì ó tiqdø vm we sv̀ng Parisirì kèní dvrá svrarìí yv̀ng bǿà. Wekvt àngmaqí Àng coqcv́nrì sv̀ng, “Àng nø kùyà gúnshúrì nv̀ng mvrà vl rì ó tiqdø pàwálv́m vme má?” wa rø:tnòe.
17Yesuí tá bǿà kvt, àngmaq sv̀ng, “Shiqshàn rì nø cìsvra zǿm mvdv̀ng, za rì lè zǿmdv̀nge. Ngà nø døngman rì kaq golv́m dø̀ng dakngà we mø̀í, mvrà vl rì sv̀ng lè golv́m dø̀ng dakngà,” a:lòe.
Màv́m vnatshì dang
Mat. 9:14-17; Luk. 5:33-39
18Yohan coqcv́nrì nv̀ng Parisirì nø màv́m vnatshì yàe. Wervt vsv̀ng tiqmaq dì ráì nø̀ Àng sv̀ng, “Yohan coqcv́nrì nv̀ng Parisirìò coqcv́nrì nø màv́m vnatshìe. Íwe, Nà coqcv́nrì nø pàwá v́m mànatshì má?” wa rø:tnòe.
19Yesuí àngmaq sv̀ng vtá:nò nø̀, “Lvngàshv́rpè shini vl dvgvp, zvmì lé bóy zaqlèrì nø màv́m vnatshì vdu má? Àngmaq nø lvngàshv́rpè nv̀ng v́l dv́ngte, màv́m vnatshì mvrà. 20Ínìgø, lvngàshv́rpè sv̀ng àngmaq yv́ngkèní lù bǿò we àngni tuq rae. Wenila taq mv̀ng, àngmaq màv́m vnatshì longe.
21Bèlaq bøt taq sømban àngshá:rí dvceshì vsv̀ng màvl. Wedø dèceò nìnø, sømban àngshá:rí bèlaq bøt sv̀ng rv́nkéò nø̀ dvshàshà díngvme. 22Vrá, bìmtì shv́r nø shace yǿngkoq bøt taq zá:ngò vsv̀ng màvl. Wedø èzá:ngò nìnø, bìmtì rvt shace yǿngkoq díngvm nø̀, bìmtì nv̀ng shace yǿngkoq gø gvyaqvme. Bìmtì shv́r nø shace yǿngkoq shv́r taq mv̀ng zá:ngòe,” a:lòe.
Yesu nø Narni Àngkàng í we
Mat. 12:1-8; Luk. 6:1-5
23Narni tiqni taq, Yesu nø zong rvmárì dangdang léshì ke, Àng coqcv́nrì nø di sórí zongshí rvtnvme. 24Wekvt Parisirìí Àng sv̀ng, “Ku, Narni taq wá mvdaq pv̀n àngmaqí pàwá wàò má?” a:lòe.
25Yesuí, “Dawi nv̀ng àng lamboqrì svríshì nø̀ zǿmdv̀ng lú:ngí kvt, Dawií kadø wà yà:ngà we mèrø dv́rnø̀ng má? 26Shvrúngshú vgo Abiatar vl nila taq, Dawi nø Gvray chø̀m sv̀ng gòng nø̀, shvrúngshúrìí wa v́m daq we Shvgaqshaq Zidòng á:mò nø̀, àng lamboqrì sv̀ng gø zí yà:ngà,” a:lòe. #1Sm. 21:1-6; Lew. 24:9
27Vrá, À:ngí àngmaq sv̀ng, “Vsv̀ng nø Narni dvpvt mv́n yà:ngà we mø̀í, Narni lè vsv̀ng dvpvt íe. #Drd. 5:14 28Wervtnø̀ Vsv̀ng Àngcèpè nø Narni Àngkàngpè gø íe,” a:lòe.
© 2025 Rvcv́ngcè Kàru Gomidi Kristu Shvngø̀mré. All Rights Reserved.