LEEWAAWOOTA 3
3
MITTIMMATE KAKKALO
1«Aye manchino saadasi giddonni mittimmate kakkalo Ane Kaaliiqira shiqishanno woyite, muso afi'rinokki booto woy saa doore abbona. 2Shiqishanno saada aana angasi worona; Xaadu Dukkani xullichira masse gorrona; qeesootu mundee haadhe kakkallanni darga shoolente maddera wixxona. 3-4Mittimmate kakkalo giddonni, godowiru coomi baalu, mulunna aanasi noo coomi, hattono qaccete afale ane Kaaliiqite. 5Qeesootu konne baala wole shilqinshanni kakkalo ledo kakkallanni darga massite shilqishshona; tenne kakkalo fooli anera tashshi yaannoha ikkanno.
6«Mittimmate kakkalora lalu darga, meu woy ge'reewu giddonni muso afi'rinokki goco woy meicho shiqishshinanni. 7Ge'recho kakkaltinanniha ikkiro, haadhine Xaadu Dukkani xullichira abbe; 8shiqishannohu ge'rechu umi aana angasi worona; hakkunni gedensaanni gorrona; qeesootu mundee haadhe kakkallanni darga shoolente maddera wixxona. 9-10Mittimmate kakkalo giddonni coomu, dugugguru mule noohu farru coomi, godowiru coomi baalu, mulunna aanasi noo coomi, hattono qaccete afale anete. 11Qeesichu konne baala ane Kaaliiqira sagalete fushshaate asse kakkallanni darga masse shilqishona.
12«Mittu manchi kakkalote meicho uyiro, haa're Xaadu Dukkani xullichira abbona. 13Angasi meichote umi aana worihu gedensaanni, Dukkanu albaanni gorrona; qeesootuno mundee haadhe kakkallanni darga shoolente maddera wixxona. 14-15Shiqishanno kakkalo giddonni, godowiru coomi baalu, lamunku mulinna aanaho noo coomi, hattono qaccete afale ane Kaaliiqite. 16Qeesichu konne baala sagalete kakkalo asse shilqishoena; tenne kakkalo foolino anera tashshi yaannoha ikkanno. Coomu baalunku aneho. 17Hee'riwano hee'riha ikkiro, Israeelete sirchi baalu mundeete ledo noo maala woy cooma itoonke. Tinino hegere geeshsha agarranni wogaati» yii.
دیاریکراوەکانی ئێستا:
LEEWAAWOOTA 3: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
LEEWAAWOOTA 3
3
MITTIMMATE KAKKALO
1«Aye manchino saadasi giddonni mittimmate kakkalo Ane Kaaliiqira shiqishanno woyite, muso afi'rinokki booto woy saa doore abbona. 2Shiqishanno saada aana angasi worona; Xaadu Dukkani xullichira masse gorrona; qeesootu mundee haadhe kakkallanni darga shoolente maddera wixxona. 3-4Mittimmate kakkalo giddonni, godowiru coomi baalu, mulunna aanasi noo coomi, hattono qaccete afale ane Kaaliiqite. 5Qeesootu konne baala wole shilqinshanni kakkalo ledo kakkallanni darga massite shilqishshona; tenne kakkalo fooli anera tashshi yaannoha ikkanno.
6«Mittimmate kakkalora lalu darga, meu woy ge'reewu giddonni muso afi'rinokki goco woy meicho shiqishshinanni. 7Ge'recho kakkaltinanniha ikkiro, haadhine Xaadu Dukkani xullichira abbe; 8shiqishannohu ge'rechu umi aana angasi worona; hakkunni gedensaanni gorrona; qeesootu mundee haadhe kakkallanni darga shoolente maddera wixxona. 9-10Mittimmate kakkalo giddonni coomu, dugugguru mule noohu farru coomi, godowiru coomi baalu, mulunna aanasi noo coomi, hattono qaccete afale anete. 11Qeesichu konne baala ane Kaaliiqira sagalete fushshaate asse kakkallanni darga masse shilqishona.
12«Mittu manchi kakkalote meicho uyiro, haa're Xaadu Dukkani xullichira abbona. 13Angasi meichote umi aana worihu gedensaanni, Dukkanu albaanni gorrona; qeesootuno mundee haadhe kakkallanni darga shoolente maddera wixxona. 14-15Shiqishanno kakkalo giddonni, godowiru coomi baalu, lamunku mulinna aanaho noo coomi, hattono qaccete afale ane Kaaliiqite. 16Qeesichu konne baala sagalete kakkalo asse shilqishoena; tenne kakkalo foolino anera tashshi yaannoha ikkanno. Coomu baalunku aneho. 17Hee'riwano hee'riha ikkiro, Israeelete sirchi baalu mundeete ledo noo maala woy cooma itoonke. Tinino hegere geeshsha agarranni wogaati» yii.
© The Bible Society of Ethiopia; Sidama Holy Bible BSE-UBS 262 P 2014