KALAQAMA 43
43
YOOSEEFI RODUUWI BIINIYAAMI HAADHE LAYINKIMEESHSHO GIBITSE HADHU
1Hude Kana"aani gobbora lowo geeshsha batidhu. 2Gibitsetenni abbitino gide itte gudduhu gedensaanni anninsa, «Galagaltine hadhine shiima gide hirtine abbenke» yiinsa.
3Yihudi kayinni, «Hakku manchi, ‹Rodii'ne ki'ne ledo daa hoogiro anewa daa didandiitinanni› yee jawaatu qaalinni coyi'rinonke. 4Rodoonke ledonke ha'ranno gede assittoro ha'neemmo; gideno hirre abbineemmohe. 5Iso hoolittoro ninkeno diha'neemmo; manchu, ‹Rodoo'ne abba hoogginiro anewa dagginoonte› yiinonke» yiisi.
6Yaiqoobino, « ‹Wolu rodii noonke› yitine kultine konne qarra mayira abbitinie?» yiinsa.
7Insano, «Hakku manchi ninkerenna fiixinkere duu're xa'manni, ‹Anni'ne xaa geeshsha lubbotenni nooni? Wolu rodiino noo'neni?› yiinonke. Ninkeno xa'mosi garinni dawarroommosi. ‹Rodoo'ne haadhine abbe› yaannonketa balanxe anfoommoni?» yitusi.
8Yihudino annisira, «Ninke, ate maatenkeno hude guddannonkekki gede, ha'neemmona beetto anera uyi. 9Ani isira waase ikkeemmo; mittore ikkiro ane anganni adhatto; galagalche atewa haa're abba hoogummoro, hegere geeshsha sao ane aana kiiranto. 10Kawoote lameenge ha'ne hingeemmoha keeshshanke huntino» yii.
11Anninsa Israeeli, «Maahoyye hatto ikkannoha ikkiro yitinoonnita asse; dancha gobbanke laalcho: Shiima buudhinanniha belesaani xagicho, shiima malawo, shitto, kaarbe, hawaawenna ocholoone haadhine ogorra'nera wortine massitine hakko manchira afansha assitine uuyye. 12Kunni albaanni ogorra'ne giddo worreenna galagale higino birri ledo 2 anga assitine haadhine hadhe; miteekke so'rotenni dayinoha ikkannona. 13Rodoo'neno haadhine rakkine manchunniwa hadhe. 14Wo'manka Dandaanno Magani ko'onne rodoo'nenna Biiniyaami ledo'ne soyannoe gede hakko manchi wodana shaqqisho'ne; ilaweelo ikke gatummorono, hige ma"asseemmo abbinoere adheemmo» yiinsa.
15Kunnira, Yooseefi roduuwi hakkonne afansha, birrano lame anga assite Biiniyaamino haadhe hadhu; marte Gibitse iillite, Yooseefi albaanni uurritu. 16Yooseefi Biiniyaami ledonsa noota afe, minisi hajajaanchira, «Konne manna haadhe minira massi; kuni manni barri sagale ane ledo itannona, saada gorrite qixxeessi» yiisi.
17Manchuno Yooseefi yiino gede insa haa're minira massi. 18Insa kayinni Yooseefi minira e'inohura waajjite, «Alba ogorrankera worreenna galagale higino birrira gawajjankera, ninkeno wolqatenni borojje assi'rankeranna harrenkeno adhara yee kawiira eessinonke» yitu.
19Yooseefi mini waalchiwa shiqqi yite hajajaanchoho, 20«Mootichanke, alba gide hidhinammora dangoommo; 21hinganni hee'ne doogote gallammora e'noommowa ogorranke fannummo woyite, wo'munku birri ogorranke afiira gurdame nooha anfoommo; hakkonne woxe xaa kune haa'ne abbinoommo. 22Gide hidhinammora wole birra adhine dangoommo; alba birranke ogorrankera qole worinohu ayetiro dianfoommo» yitusi.
23Isino, «Qarru dinona, waajjitinoonte! Ki'nenna anni'ne Magani ogorra'nera maaxamino woxe uyino'ne; albihu ki'ne birri iillinoe» yiinsa. Hakkunni gedensaanni Simiooni haa're insawa abbi.
24Manchuno Yooseefi roduuwa minira eesse, lekka hayishshidhanno waa uyinsa; harrensarano ittannore uyi. 25Sagale hakkiicho ittannota kulloonninsa daafira, Yooseefi minira daa geeshsha insa afanshansa qixxeessidhanni agartu.
26Yooseefi minisira dayita, angansa noo afansha uyitusi; albinsanni baatto kissanni heeshshi yite keere haadhusi. 27Isino keere haa're kae, «Kultiniehu geerchu anni'ne keere no? Lubbotenni no?» yee xa'minsa.
28Insano, «Soqqamaanchikki anninke keerella no» yite, ayirrisse umo heeshshi yitu.
29Yooseefino amasi beetti Biiniyaamiwa hige lae, «Kultiniehu maa'nu rodii'ne konneetini?» yiinsa. Biiniyaamino, «Beetto'ya, Maganu maassi'rohe» yiisi. 30Yooseefi rodoosi afino daafira cinca hooge, muddame albinsanni shawwu yee holgira sae wi'li.
31Alba hayishshi'rihu gedensaanni isonoo jawaachishi're hige, sagale sayinsanni gede hajaji.
32Sagaleno Yooseefiranna roduuwisira addi addinni shiqinshi; ledosi ittannorira Gibitsete mannirano addinni shiqinshi; hatto assinoonnihu Ibiraawootu ledo ita insara lago ikkitinohuraati. 33Yooseefi roduuwasi ilamansa deerri garinni ofoltanno gede assi; insano ofollansa gara la'e masse mimmito la'u. 34Yooseefira shiqqino sagale aaninni haa'ne insara beenki; Biiniyaamira kayinni baalunkuhunni roorsine onte anga assine uyinisi. Kunni garinni Yooseefi ledo ittanninna agganni hagiidhitu.
دیاریکراوەکانی ئێستا:
KALAQAMA 43: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
KALAQAMA 43
43
YOOSEEFI RODUUWI BIINIYAAMI HAADHE LAYINKIMEESHSHO GIBITSE HADHU
1Hude Kana"aani gobbora lowo geeshsha batidhu. 2Gibitsetenni abbitino gide itte gudduhu gedensaanni anninsa, «Galagaltine hadhine shiima gide hirtine abbenke» yiinsa.
3Yihudi kayinni, «Hakku manchi, ‹Rodii'ne ki'ne ledo daa hoogiro anewa daa didandiitinanni› yee jawaatu qaalinni coyi'rinonke. 4Rodoonke ledonke ha'ranno gede assittoro ha'neemmo; gideno hirre abbineemmohe. 5Iso hoolittoro ninkeno diha'neemmo; manchu, ‹Rodoo'ne abba hoogginiro anewa dagginoonte› yiinonke» yiisi.
6Yaiqoobino, « ‹Wolu rodii noonke› yitine kultine konne qarra mayira abbitinie?» yiinsa.
7Insano, «Hakku manchi ninkerenna fiixinkere duu're xa'manni, ‹Anni'ne xaa geeshsha lubbotenni nooni? Wolu rodiino noo'neni?› yiinonke. Ninkeno xa'mosi garinni dawarroommosi. ‹Rodoo'ne haadhine abbe› yaannonketa balanxe anfoommoni?» yitusi.
8Yihudino annisira, «Ninke, ate maatenkeno hude guddannonkekki gede, ha'neemmona beetto anera uyi. 9Ani isira waase ikkeemmo; mittore ikkiro ane anganni adhatto; galagalche atewa haa're abba hoogummoro, hegere geeshsha sao ane aana kiiranto. 10Kawoote lameenge ha'ne hingeemmoha keeshshanke huntino» yii.
11Anninsa Israeeli, «Maahoyye hatto ikkannoha ikkiro yitinoonnita asse; dancha gobbanke laalcho: Shiima buudhinanniha belesaani xagicho, shiima malawo, shitto, kaarbe, hawaawenna ocholoone haadhine ogorra'nera wortine massitine hakko manchira afansha assitine uuyye. 12Kunni albaanni ogorra'ne giddo worreenna galagale higino birri ledo 2 anga assitine haadhine hadhe; miteekke so'rotenni dayinoha ikkannona. 13Rodoo'neno haadhine rakkine manchunniwa hadhe. 14Wo'manka Dandaanno Magani ko'onne rodoo'nenna Biiniyaami ledo'ne soyannoe gede hakko manchi wodana shaqqisho'ne; ilaweelo ikke gatummorono, hige ma"asseemmo abbinoere adheemmo» yiinsa.
15Kunnira, Yooseefi roduuwi hakkonne afansha, birrano lame anga assite Biiniyaamino haadhe hadhu; marte Gibitse iillite, Yooseefi albaanni uurritu. 16Yooseefi Biiniyaami ledonsa noota afe, minisi hajajaanchira, «Konne manna haadhe minira massi; kuni manni barri sagale ane ledo itannona, saada gorrite qixxeessi» yiisi.
17Manchuno Yooseefi yiino gede insa haa're minira massi. 18Insa kayinni Yooseefi minira e'inohura waajjite, «Alba ogorrankera worreenna galagale higino birrira gawajjankera, ninkeno wolqatenni borojje assi'rankeranna harrenkeno adhara yee kawiira eessinonke» yitu.
19Yooseefi mini waalchiwa shiqqi yite hajajaanchoho, 20«Mootichanke, alba gide hidhinammora dangoommo; 21hinganni hee'ne doogote gallammora e'noommowa ogorranke fannummo woyite, wo'munku birri ogorranke afiira gurdame nooha anfoommo; hakkonne woxe xaa kune haa'ne abbinoommo. 22Gide hidhinammora wole birra adhine dangoommo; alba birranke ogorrankera qole worinohu ayetiro dianfoommo» yitusi.
23Isino, «Qarru dinona, waajjitinoonte! Ki'nenna anni'ne Magani ogorra'nera maaxamino woxe uyino'ne; albihu ki'ne birri iillinoe» yiinsa. Hakkunni gedensaanni Simiooni haa're insawa abbi.
24Manchuno Yooseefi roduuwa minira eesse, lekka hayishshidhanno waa uyinsa; harrensarano ittannore uyi. 25Sagale hakkiicho ittannota kulloonninsa daafira, Yooseefi minira daa geeshsha insa afanshansa qixxeessidhanni agartu.
26Yooseefi minisira dayita, angansa noo afansha uyitusi; albinsanni baatto kissanni heeshshi yite keere haadhusi. 27Isino keere haa're kae, «Kultiniehu geerchu anni'ne keere no? Lubbotenni no?» yee xa'minsa.
28Insano, «Soqqamaanchikki anninke keerella no» yite, ayirrisse umo heeshshi yitu.
29Yooseefino amasi beetti Biiniyaamiwa hige lae, «Kultiniehu maa'nu rodii'ne konneetini?» yiinsa. Biiniyaamino, «Beetto'ya, Maganu maassi'rohe» yiisi. 30Yooseefi rodoosi afino daafira cinca hooge, muddame albinsanni shawwu yee holgira sae wi'li.
31Alba hayishshi'rihu gedensaanni isonoo jawaachishi're hige, sagale sayinsanni gede hajaji.
32Sagaleno Yooseefiranna roduuwisira addi addinni shiqinshi; ledosi ittannorira Gibitsete mannirano addinni shiqinshi; hatto assinoonnihu Ibiraawootu ledo ita insara lago ikkitinohuraati. 33Yooseefi roduuwasi ilamansa deerri garinni ofoltanno gede assi; insano ofollansa gara la'e masse mimmito la'u. 34Yooseefira shiqqino sagale aaninni haa'ne insara beenki; Biiniyaamira kayinni baalunkuhunni roorsine onte anga assine uyinisi. Kunni garinni Yooseefi ledo ittanninna agganni hagiidhitu.
© The Bible Society of Ethiopia; Sidama Holy Bible BSE-UBS 262 P 2014