KALAQAMA 41
41
YOOSEEFI FERIOONI HAAQEE TIRI
1Lamu diri gedensaanni Ferioonino haaqee haaqii'ri. Isino haaqeete Abbayi Wayi gama uurre hee'reenna, 2dana biifinorinna misinori 7 lali wayi giddonni fule gamaho hayisso itanni no. 3Insa gedensaanni dana xu'minokkirinna yaraddu 7 lali wayi giddonni fule, balaxe fuliri mule uurre no. 4Dana xu'minokkirinna yaraddu, dana biifinorenna misinore egemmi. Hatte yannara Feriooni goxanotenni baqqi yii. 5Galagale goxe layinkimeeshsho wole haaqee haaqii'ri. Mittu agashshi aana biiffinotinna dancha 7 shoye fultu. 6Hakkuri gedensaanni ciiggitinotinna halalli bubbe qoorsitinoti wole 7 shoye fultu. 7Lamala ciiggitino shoye danchanna biiffinota lamalanta shoye egemmitu. Feriooni goxanotenni baqqi yaanno woyite, kuni coyi hada haaqeete. 8Lowo geeshsha yaadino daafira, soodita kiilaanonna masaalaano baala soye woshshiishe, haaqee kulinsa; kayinnilla insa giddonni Ferioonira haaqeete tiro kula dandiinohu dino.
9Hatte yannara woyinete xajje xorshannohu Ferioonira, «Ani hambe'ya techolla qaagummo. 10Ati soqqamaanokkira hanqite, anenna sagalete mini murricha agaraasinete roorrichi mine usurammeemmo gede assoottonke. 11Ninkeno mitto hashsha haaqee haaqii'noommo; lamunku haaqee addi addi tiro afidhinote. 12Hakkiicho agaraasinete roorrichira soqqamannohu mittu Ibiraawichu wedellichi ninke ledo no; isira kullummota, lamunku haaqee haaqii'noommo garinni tirinonke. 13Tirinonkente gede, ani darga'ya higoommo; ko'onne kayinni suntoonni» yiisi.
14Feriooni Yooseefi soye woshshiisheenna, hakkawoyintenni usuru mininni fushshine abbini; isino umonna ereeda meexxe imaanasino soorri're Feriooniwa ei. 15Ferioonino Yooseefira, «Haaqee haaqii're tirannoeha hoogoommo; ati kayinni haaqee tira dandaattota macciishshoommo» yiisi.
16Yooseefino Ferioonira, «Ani tira didandeemmo; Maganu kayinni atera woyyitanno tiro aannohe» yee dawarisi.
17Feriooni Yooseefira, «Haaqeete Abbayi Wayi gama uurre hee'reenna, 18dana biifinorinna misinori 7 lali fule, gamaho hayisso itanni no; 19hakkurira gedensaanni, dana xu'minokkirinna yaraddu wolu 7 lali fuli; Gibitsete baatto baalate hattoota dana bushshino saada horonta afe diegennoommo. 20Dana xu'minokkirinna yaraddu lali, umire lamalanka misino lalo egemmi. 21Egemmihu gedensaannino albiwiinni lexxinori dino; daninsano albi gedee bushaantilla. Hatte giddo ani goxanotenni baqqi yoommo. 22Xaano haaqeete biiffinoti 7 shoye mittu agashshi aana fultanna afoommo. 23Hakkurira gedensaannino ciigginorinna halalli bubbe qoorsitinoti 7 shoye fultu. 24Lamalanti ciiggitino shoye biiffinota lamalanta shoye egemmitu. Kiilaano woshshiishe haaqee kuloommo; insa giddonni tiro kulaera dandiinohu mittuno dino» yiisi.
25Yooseefino Ferioonira, «Lamente haaqee tiro mittete; Maganu assara hedinore kulinohe. 26Lamalu biifadu lali, lamala dirooti; lamala biifado shoyeno lamala dirooti; haaqeete tirono mittete. 27Hakkurira gedensaanni fuliri 7 dana xu'minokkirinna yaraddu lali, 7 dirooti; ciigginorinna halalli bubbe qoorsitinori 7 shoye, 7 hudete dirooti. 28Balaxe yuummonte gede, Maganu assara hedinore atera kulinohe. 29Kune Gibitsete baatto baalantera, lowo geeshsha duuwunnihu 7 diri daanno. 30Hakkunni gedensaanni kayinni, 7 hudete diri daanno; Gibitsete gobbara noo duuwi baalunku hawameenna, baattote aana lowo hude ubbanno. 31Aane noohu hudete diri lowo geeshsha shettonniha ikkanno daafira, albi duuwi diqaagamanno. 32Atera haaqee lamu daninni leeltinohehu, kuni coyi Maganu yiinohanna mulenni wo'mannoha ikkino daafiraati.
33«Xa Gibitsete gobbara egennaamonna hayyicha mancho doorte wori. 34Gibitsete gobba baalantera anfanni gide ontunni mitte anga gamba assitannore wori. 35Duuwu diri giddo gamba assinanni gide katamma baalate duunneenna insa agartanno gede hajaji. 36Gibitsete gobbara ubbannotera 7 diri hudera gide duunne agarrona; hatto assiniro gobba hude digawajjitanno» yiisi.
YOOSEEFI GIBITSETE GOBBARA GASHSHAANCHO IKKE SHOOMAMI
37Kuni coyi dancha ikkinota Feriooninna ledosi gashshaano affu. 38Ferioonino ledosi gashshaanora, «Maganu ayyaana afi'rinoha togoo mancho wole diafi'neemmo» yiinsa. 39Feriooni Yooseefira, «Konne coye Maganu atera leellishinohena, ate gedeehu egennaamunna hayyichu manchi wolu dino. 40Ate gashshooti'yara shoomoommohe; manni'ya baalunku atera hajajamo; ani ate ayirrinyu barcimi'ya callunni rooreemmo. 41Kunnira ani ate, Gibitsete baatto baalate aana moohisoommohe» yiisi. 42Feriooni mootete attami aanaho noo cuuicho angasinni fushshe Yooseefi angara wori; waajjo shaalado uddanono uddisiisisi; goowisirano culku cagaage worisi. 43Moote layinki faradi gaaresira ofoshshiisheennasi agaraasinesi, «Ayirradoho doogo fanne!» yitanni lallabbu. Yooseefi Gibitsete gobbara shoominohu kunni garinniiti. 44Ferioonino Yooseefira, «Ani moote ikkummorono, Gibitsete gobbara ati fajjittokkinni ayino milli yoonke» yiisi. 45Qoleno Yooseefira su'ma, «Tsaafinaati Peinaahi» yee fushshisi. Heliyopoliisi Katami qeesichi Phoxifeera beetto Asinaati galte ikkitannosi gede haa'risi. Yooseefi Gibitsete baatto baalate egennami.
46Yooseefi Gibitsete moote Ferioonira soqqama hanafi yannara dirisi sajjooho. Isino mootete mininni fule, Gibitsete baatto baala ha're towati. 47Lamalunku duuwu diri giddo baatto lowo geeshsha bati'ra gide laashshitu. 48Gibitsete baattora nooha lamalunku diri gide baala gamba asse katammate duuni; katammate gamba assine duunnoonni gidi qooxeessaho noo baattora loonsoonniho. 49Yooseefi baaru gami gede lowo geeshsha bati'ra gide gamba assi; gidu lowo geeshsha bati'rino daafira dikeennoonni.
50Yooseefira Heliyopoliisi Katami qeesichi Phoxifeera beetto Asinaati hudete diri daara albaanni lame labballi ooso iltusi. 51Yooseefino, «Maganu qarra'ya baalankanna fiixa'ya qaageemmokki gede assinoe» yee bayiru beettisira su'ma Minaase yee fushshi. 52Qoleno, «Qarramoommo gobbara Maganu ila uyinoe» yee layinki beettira su'ma Efireemi yii.
53Gibitsete gobbara duuwunnihu lamalunku diri saeenna, 54Yooseefi coyi'rinonte gede lamalu hudete diri hanafi. Gobba baalantera hude ubbu. Gibitsete gobba baalantera kayinni sagale no. 55Gibitsete gobbarano hude batidhuta mannu Feriooniwa daye, «Gide uyinonke» yee raari.
Ferioonino Gibitsete manni baalunkura, «Yooseefiwa martine, isi yaanno'nere asse» yiinsa.
56Baatto baalate aana hude ubbu yannara, Yooseefi gidu noo minna baalanta fane Gibitsete mannira hiri; hudeno Gibitsete baattora lowo geeshsha batidhu. 57Baatto baalate aana hude lowo geeshsha batidhinohura, wole gobba mannino gide hidhara Gibitse Yooseefiwa dayi.
دیاریکراوەکانی ئێستا:
KALAQAMA 41: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
KALAQAMA 41
41
YOOSEEFI FERIOONI HAAQEE TIRI
1Lamu diri gedensaanni Ferioonino haaqee haaqii'ri. Isino haaqeete Abbayi Wayi gama uurre hee'reenna, 2dana biifinorinna misinori 7 lali wayi giddonni fule gamaho hayisso itanni no. 3Insa gedensaanni dana xu'minokkirinna yaraddu 7 lali wayi giddonni fule, balaxe fuliri mule uurre no. 4Dana xu'minokkirinna yaraddu, dana biifinorenna misinore egemmi. Hatte yannara Feriooni goxanotenni baqqi yii. 5Galagale goxe layinkimeeshsho wole haaqee haaqii'ri. Mittu agashshi aana biiffinotinna dancha 7 shoye fultu. 6Hakkuri gedensaanni ciiggitinotinna halalli bubbe qoorsitinoti wole 7 shoye fultu. 7Lamala ciiggitino shoye danchanna biiffinota lamalanta shoye egemmitu. Feriooni goxanotenni baqqi yaanno woyite, kuni coyi hada haaqeete. 8Lowo geeshsha yaadino daafira, soodita kiilaanonna masaalaano baala soye woshshiishe, haaqee kulinsa; kayinnilla insa giddonni Ferioonira haaqeete tiro kula dandiinohu dino.
9Hatte yannara woyinete xajje xorshannohu Ferioonira, «Ani hambe'ya techolla qaagummo. 10Ati soqqamaanokkira hanqite, anenna sagalete mini murricha agaraasinete roorrichi mine usurammeemmo gede assoottonke. 11Ninkeno mitto hashsha haaqee haaqii'noommo; lamunku haaqee addi addi tiro afidhinote. 12Hakkiicho agaraasinete roorrichira soqqamannohu mittu Ibiraawichu wedellichi ninke ledo no; isira kullummota, lamunku haaqee haaqii'noommo garinni tirinonke. 13Tirinonkente gede, ani darga'ya higoommo; ko'onne kayinni suntoonni» yiisi.
14Feriooni Yooseefi soye woshshiisheenna, hakkawoyintenni usuru mininni fushshine abbini; isino umonna ereeda meexxe imaanasino soorri're Feriooniwa ei. 15Ferioonino Yooseefira, «Haaqee haaqii're tirannoeha hoogoommo; ati kayinni haaqee tira dandaattota macciishshoommo» yiisi.
16Yooseefino Ferioonira, «Ani tira didandeemmo; Maganu kayinni atera woyyitanno tiro aannohe» yee dawarisi.
17Feriooni Yooseefira, «Haaqeete Abbayi Wayi gama uurre hee'reenna, 18dana biifinorinna misinori 7 lali fule, gamaho hayisso itanni no; 19hakkurira gedensaanni, dana xu'minokkirinna yaraddu wolu 7 lali fuli; Gibitsete baatto baalate hattoota dana bushshino saada horonta afe diegennoommo. 20Dana xu'minokkirinna yaraddu lali, umire lamalanka misino lalo egemmi. 21Egemmihu gedensaannino albiwiinni lexxinori dino; daninsano albi gedee bushaantilla. Hatte giddo ani goxanotenni baqqi yoommo. 22Xaano haaqeete biiffinoti 7 shoye mittu agashshi aana fultanna afoommo. 23Hakkurira gedensaannino ciigginorinna halalli bubbe qoorsitinoti 7 shoye fultu. 24Lamalanti ciiggitino shoye biiffinota lamalanta shoye egemmitu. Kiilaano woshshiishe haaqee kuloommo; insa giddonni tiro kulaera dandiinohu mittuno dino» yiisi.
25Yooseefino Ferioonira, «Lamente haaqee tiro mittete; Maganu assara hedinore kulinohe. 26Lamalu biifadu lali, lamala dirooti; lamala biifado shoyeno lamala dirooti; haaqeete tirono mittete. 27Hakkurira gedensaanni fuliri 7 dana xu'minokkirinna yaraddu lali, 7 dirooti; ciigginorinna halalli bubbe qoorsitinori 7 shoye, 7 hudete dirooti. 28Balaxe yuummonte gede, Maganu assara hedinore atera kulinohe. 29Kune Gibitsete baatto baalantera, lowo geeshsha duuwunnihu 7 diri daanno. 30Hakkunni gedensaanni kayinni, 7 hudete diri daanno; Gibitsete gobbara noo duuwi baalunku hawameenna, baattote aana lowo hude ubbanno. 31Aane noohu hudete diri lowo geeshsha shettonniha ikkanno daafira, albi duuwi diqaagamanno. 32Atera haaqee lamu daninni leeltinohehu, kuni coyi Maganu yiinohanna mulenni wo'mannoha ikkino daafiraati.
33«Xa Gibitsete gobbara egennaamonna hayyicha mancho doorte wori. 34Gibitsete gobba baalantera anfanni gide ontunni mitte anga gamba assitannore wori. 35Duuwu diri giddo gamba assinanni gide katamma baalate duunneenna insa agartanno gede hajaji. 36Gibitsete gobbara ubbannotera 7 diri hudera gide duunne agarrona; hatto assiniro gobba hude digawajjitanno» yiisi.
YOOSEEFI GIBITSETE GOBBARA GASHSHAANCHO IKKE SHOOMAMI
37Kuni coyi dancha ikkinota Feriooninna ledosi gashshaano affu. 38Ferioonino ledosi gashshaanora, «Maganu ayyaana afi'rinoha togoo mancho wole diafi'neemmo» yiinsa. 39Feriooni Yooseefira, «Konne coye Maganu atera leellishinohena, ate gedeehu egennaamunna hayyichu manchi wolu dino. 40Ate gashshooti'yara shoomoommohe; manni'ya baalunku atera hajajamo; ani ate ayirrinyu barcimi'ya callunni rooreemmo. 41Kunnira ani ate, Gibitsete baatto baalate aana moohisoommohe» yiisi. 42Feriooni mootete attami aanaho noo cuuicho angasinni fushshe Yooseefi angara wori; waajjo shaalado uddanono uddisiisisi; goowisirano culku cagaage worisi. 43Moote layinki faradi gaaresira ofoshshiisheennasi agaraasinesi, «Ayirradoho doogo fanne!» yitanni lallabbu. Yooseefi Gibitsete gobbara shoominohu kunni garinniiti. 44Ferioonino Yooseefira, «Ani moote ikkummorono, Gibitsete gobbara ati fajjittokkinni ayino milli yoonke» yiisi. 45Qoleno Yooseefira su'ma, «Tsaafinaati Peinaahi» yee fushshisi. Heliyopoliisi Katami qeesichi Phoxifeera beetto Asinaati galte ikkitannosi gede haa'risi. Yooseefi Gibitsete baatto baalate egennami.
46Yooseefi Gibitsete moote Ferioonira soqqama hanafi yannara dirisi sajjooho. Isino mootete mininni fule, Gibitsete baatto baala ha're towati. 47Lamalunku duuwu diri giddo baatto lowo geeshsha bati'ra gide laashshitu. 48Gibitsete baattora nooha lamalunku diri gide baala gamba asse katammate duuni; katammate gamba assine duunnoonni gidi qooxeessaho noo baattora loonsoonniho. 49Yooseefi baaru gami gede lowo geeshsha bati'ra gide gamba assi; gidu lowo geeshsha bati'rino daafira dikeennoonni.
50Yooseefira Heliyopoliisi Katami qeesichi Phoxifeera beetto Asinaati hudete diri daara albaanni lame labballi ooso iltusi. 51Yooseefino, «Maganu qarra'ya baalankanna fiixa'ya qaageemmokki gede assinoe» yee bayiru beettisira su'ma Minaase yee fushshi. 52Qoleno, «Qarramoommo gobbara Maganu ila uyinoe» yee layinki beettira su'ma Efireemi yii.
53Gibitsete gobbara duuwunnihu lamalunku diri saeenna, 54Yooseefi coyi'rinonte gede lamalu hudete diri hanafi. Gobba baalantera hude ubbu. Gibitsete gobba baalantera kayinni sagale no. 55Gibitsete gobbarano hude batidhuta mannu Feriooniwa daye, «Gide uyinonke» yee raari.
Ferioonino Gibitsete manni baalunkura, «Yooseefiwa martine, isi yaanno'nere asse» yiinsa.
56Baatto baalate aana hude ubbu yannara, Yooseefi gidu noo minna baalanta fane Gibitsete mannira hiri; hudeno Gibitsete baattora lowo geeshsha batidhu. 57Baatto baalate aana hude lowo geeshsha batidhinohura, wole gobba mannino gide hidhara Gibitse Yooseefiwa dayi.
© The Bible Society of Ethiopia; Sidama Holy Bible BSE-UBS 262 P 2014