KALAQAMA 38
38
YIHUDANNA TAAMAARI
1Hatte yannara Yihudi roduuwisiwiinni baxxe Hiira Katamira Adulaami mare hee'ri. 2Hakkiicho Yihudi Kana"aanichu Shua beetto lae baxe adhi. 3Iseno godobbe labbaa beetto iltu; su'mano Eeri yee fushshisi. 4Layinkimeeshshono godobbe labbaa beetto iltu; su'mano Onaani yite fushshitusi. 5Xaano godobbe labbaa beetto iltu; su'mano Sheela yite fushshitusi; iso iltinohu Yihudi Akiziibi yinanni katamira hee'reennaati.
6Yihudu bayiru beettisi Eerira Taamaari yinanni beetto haa'risi. 7Eeri Kaaliiqi giwanno coye assino; kunnira Kaaliiqi qoome shiinosi. 8Yihudi Eeri rodoo Onaani, «Marte rodiikki galte gashshi; rodiikkirano sircho sayisisi» yiisi. 9Onaani kayinni ilamanno beetti isiha ikkannokkita afe, rodiisi galte ledo galanno yanna baalantera sircho ikkannoricho uulla dunanno. 10Kaaliiqi konne coye giwino daafira, isono qoome shii. 11Hakkunni gedensaanni, Yihudi beettisi galte Taamaarira, «Beetti'ya Sheela lopha geeshsha hadhe annikki mine ofolli» yiise. Hatto yiinohu isino roduuwisi gede reyannoe yee waajjinohuraati. Taamaarino hadhe annise mine ofoltu.
12Shiima yanna gedensaanni Shua beetto Yihudi galte reyitu. Yihudino jawaatihu gedensaanni jaalisi Adulaamichu Hiira ledo ge'reewu orda haxxannosiriwa Temina Katama ha'ri. 13Mannu Taamaarira, «Ballikki ge'reewu orda haxi'rara Temina ha'ranni no» yee kulise. 14Kunnira, Taamaari gunnimmate uddano soorridhe alba uddanotenni diphite Temina massitanno doogo gama Enayimi Katama e'nanniwa marte ofoltu. Hatto assitinohu Sheela adhate iille hee'reennanni Yihudi adhannota hasi'rinokkita affinohuraati.
15Alba uddanotenni diphite noo daafira, Yihudi afi yannara foortanno mancho labbusi. 16Beettisi galte ikkitinota afikkinni ofoltinowa doogote gamira shiqqi yee, «Eeggatena ballo ate ledo galoni?» yee huucci'ri.
Iseno, «Hedoottore wonshummahero maricho aattoe?» yitusi.
17Isino, «Saada'ya giddonni meu wilii'licho soyemmohe» yiise.
Iseno, «Soyattoe geeshsha maricho amadisiisattoeyya?» yitusi.
18Isino, «Maricho amadisiisohe?» yee xa'mise.
Iseno qolte, «Su'makki aanaho borreessinoonnita goowikki qalawatenna angakki noo siqqicho uyie» yitusi. Isino yitinore ee ledose gali; iseno isira godobbu. 19Hakkiinnino ka'e hadhe, uddano albisenni hoo'lite gunnimmate uddano uddidhu.
20Shiima yanna gedensaanni, Yihudi amadisiisinore manchotewiinni haa're abbannosi gede, jaalasi Hiira meu wilii'licho anga wore soyi. Hiira kayinni ise afara didandiino. 21Isino gobbate mannira, «Enayimi Katama e'nanni doogo gama ofoltannoti foora mancho hiikka higgu?» yee xa'mi.
Mannuno, «Kawiicho foora mancho dino» yiisi.
22Kunnira, manchu galagale Yihudiwa mare, «Mancho hoogoommo; gobbate mannino, ‹Hattoo mancho konne dino› yiinoe» yee kulisi.
23Yihudino, «Kune meu wilii'licho soommose; ati kayinni ise diafootto; mannu oso'lannonkena amadote adhitinori gatosena aguri» yii.
24Sasu agani gedensaanni Yihudira, «Beettikki galte Taamaari foortannota ikkitino; foorretennino godobbino» yine kullisi.
Yihudino, «Gobbaanni fushshitine giirre» yii.
25Iseno haa'ne gobbaanni fushshinanni hee'neenna, «Godowoommahu konni uduunni anniraati; tini qalawatenna tini siqqicho ayetero lai» yite ballisera sokku.
26Yihudino uduunnu umisiha ikkinota afe, «Beettiya Sheela adhannosekki gede hooloommo daafira, so'ro anete; ise halaalaanchotena agurrese» yii. Isino hakkunni ka'a ise ledo digalino.
27Iltanno yanna iillituta godobbe noohu lakkuwa ikkinota anfi. 28Iltanni heedheenna mittu balaxe anga fushshi; ilshiishshannotino duumo heqicha haadhe angasira gurdite, «Kuni balaxe ilamanno» yitu. 29Ikkollana, anga giddora qo'leenna, rodiisi balaxe ilami. Ilshiishshannotino, «Mayira hiiqqite fulitto?» yite su'ma, «Faareesi»#38:29 Faareesi yaa Ibiraawootu afiinni hiiqqate yaate. yite fushshitusi. 30Isi gedensaanni, angate duumo heqicha usurroonnihu rodiisi ilami. Isira su'ma, Zaara#38:30 Zaara yaa Ibiraawootu afiinni saaqqino duu'mo yaate. yite fushshitusi.
دیاریکراوەکانی ئێستا:
KALAQAMA 38: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
KALAQAMA 38
38
YIHUDANNA TAAMAARI
1Hatte yannara Yihudi roduuwisiwiinni baxxe Hiira Katamira Adulaami mare hee'ri. 2Hakkiicho Yihudi Kana"aanichu Shua beetto lae baxe adhi. 3Iseno godobbe labbaa beetto iltu; su'mano Eeri yee fushshisi. 4Layinkimeeshshono godobbe labbaa beetto iltu; su'mano Onaani yite fushshitusi. 5Xaano godobbe labbaa beetto iltu; su'mano Sheela yite fushshitusi; iso iltinohu Yihudi Akiziibi yinanni katamira hee'reennaati.
6Yihudu bayiru beettisi Eerira Taamaari yinanni beetto haa'risi. 7Eeri Kaaliiqi giwanno coye assino; kunnira Kaaliiqi qoome shiinosi. 8Yihudi Eeri rodoo Onaani, «Marte rodiikki galte gashshi; rodiikkirano sircho sayisisi» yiisi. 9Onaani kayinni ilamanno beetti isiha ikkannokkita afe, rodiisi galte ledo galanno yanna baalantera sircho ikkannoricho uulla dunanno. 10Kaaliiqi konne coye giwino daafira, isono qoome shii. 11Hakkunni gedensaanni, Yihudi beettisi galte Taamaarira, «Beetti'ya Sheela lopha geeshsha hadhe annikki mine ofolli» yiise. Hatto yiinohu isino roduuwisi gede reyannoe yee waajjinohuraati. Taamaarino hadhe annise mine ofoltu.
12Shiima yanna gedensaanni Shua beetto Yihudi galte reyitu. Yihudino jawaatihu gedensaanni jaalisi Adulaamichu Hiira ledo ge'reewu orda haxxannosiriwa Temina Katama ha'ri. 13Mannu Taamaarira, «Ballikki ge'reewu orda haxi'rara Temina ha'ranni no» yee kulise. 14Kunnira, Taamaari gunnimmate uddano soorridhe alba uddanotenni diphite Temina massitanno doogo gama Enayimi Katama e'nanniwa marte ofoltu. Hatto assitinohu Sheela adhate iille hee'reennanni Yihudi adhannota hasi'rinokkita affinohuraati.
15Alba uddanotenni diphite noo daafira, Yihudi afi yannara foortanno mancho labbusi. 16Beettisi galte ikkitinota afikkinni ofoltinowa doogote gamira shiqqi yee, «Eeggatena ballo ate ledo galoni?» yee huucci'ri.
Iseno, «Hedoottore wonshummahero maricho aattoe?» yitusi.
17Isino, «Saada'ya giddonni meu wilii'licho soyemmohe» yiise.
Iseno, «Soyattoe geeshsha maricho amadisiisattoeyya?» yitusi.
18Isino, «Maricho amadisiisohe?» yee xa'mise.
Iseno qolte, «Su'makki aanaho borreessinoonnita goowikki qalawatenna angakki noo siqqicho uyie» yitusi. Isino yitinore ee ledose gali; iseno isira godobbu. 19Hakkiinnino ka'e hadhe, uddano albisenni hoo'lite gunnimmate uddano uddidhu.
20Shiima yanna gedensaanni, Yihudi amadisiisinore manchotewiinni haa're abbannosi gede, jaalasi Hiira meu wilii'licho anga wore soyi. Hiira kayinni ise afara didandiino. 21Isino gobbate mannira, «Enayimi Katama e'nanni doogo gama ofoltannoti foora mancho hiikka higgu?» yee xa'mi.
Mannuno, «Kawiicho foora mancho dino» yiisi.
22Kunnira, manchu galagale Yihudiwa mare, «Mancho hoogoommo; gobbate mannino, ‹Hattoo mancho konne dino› yiinoe» yee kulisi.
23Yihudino, «Kune meu wilii'licho soommose; ati kayinni ise diafootto; mannu oso'lannonkena amadote adhitinori gatosena aguri» yii.
24Sasu agani gedensaanni Yihudira, «Beettikki galte Taamaari foortannota ikkitino; foorretennino godobbino» yine kullisi.
Yihudino, «Gobbaanni fushshitine giirre» yii.
25Iseno haa'ne gobbaanni fushshinanni hee'neenna, «Godowoommahu konni uduunni anniraati; tini qalawatenna tini siqqicho ayetero lai» yite ballisera sokku.
26Yihudino uduunnu umisiha ikkinota afe, «Beettiya Sheela adhannosekki gede hooloommo daafira, so'ro anete; ise halaalaanchotena agurrese» yii. Isino hakkunni ka'a ise ledo digalino.
27Iltanno yanna iillituta godobbe noohu lakkuwa ikkinota anfi. 28Iltanni heedheenna mittu balaxe anga fushshi; ilshiishshannotino duumo heqicha haadhe angasira gurdite, «Kuni balaxe ilamanno» yitu. 29Ikkollana, anga giddora qo'leenna, rodiisi balaxe ilami. Ilshiishshannotino, «Mayira hiiqqite fulitto?» yite su'ma, «Faareesi»#38:29 Faareesi yaa Ibiraawootu afiinni hiiqqate yaate. yite fushshitusi. 30Isi gedensaanni, angate duumo heqicha usurroonnihu rodiisi ilami. Isira su'ma, Zaara#38:30 Zaara yaa Ibiraawootu afiinni saaqqino duu'mo yaate. yite fushshitusi.
© The Bible Society of Ethiopia; Sidama Holy Bible BSE-UBS 262 P 2014