FULO 6
6
1Kaaliiqino Musera, «Feriooni asseemmota la"attona agari; manna'ya baxikkinni aguranno; iso giddeesse, manna'ya gobbasinni rahe ha'risanno gede asseemmo» yiisi.
MAGANU MUSE HAARO ASSE WOSHSHI
2Maganu Musera, «Ani Kaaliiqaati. 3Wo'manka Dandeemmo Magano ikka'yanni Abirihaamira, Yisihaaqiranna Yaiqoobira leelloommo; ‹Kaaliiqa›#6:3 Kaaliiqa yinanni su'mi kuni Ibiraawootu afiinni Yaahiwe yinannihu ledo mittoho; hatto yaano, Ani Aneeti yaate (Ful 3:14-15 lai). yinannihunni qullaawu su'mi'yanni kayinni dileelloommonsa. 4Manni gobba manni gede ikkite heedhinota Kana"aani gobba ragisiiseemmonsa gede hexxo oommonsa. 5Qoleno Gibitsootu borojjimmatenni qarrisseennansa raartino raare macciishshoommo; oommonsa hexxono qaagoommo. 6Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne. 7Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni. 8Abirihaamira, Yisihaaqiranna Yaiqoobira ragisiisammora xaaroommo baatto haa're masseemmo'ne; umi'nera iqqa asse eemmo'ne; ani Kaaliiqaati› yiino yite kulinsa» yii. 9Museno konne coye Israeelete kulinsa; insa kayinni borojjimmate gadadi hiiqqinonsa daafira, yiinota dimacciishshitino.
10Kaaliiqi qole Musera, 11«Israeelete manna gobbasinni ha'rissanno gede, marte Gibitsete mootera kulisi» yii.
12Muse kayinni, «Israeelete manni nafa yoommota dimacciishshinoena, Feriooni macciishshannoe? Afittonte gede ani coye biifisi're diafeemmoho» yee dawari.
13Kunni garinni, Kaaliiqi Musenna Aarooni, «Israeele Gibitsetenni haadhine fushshitinanni gede hajajoommota Israeeletenna Gibitsete mootera kullensa» yiino.
MUSENNA AAROONI ILAMA KIIRO
14Bayiru Yaiqoobi beetti Roobeelira Hanooki, Faalu, Hetsirooninna Kariimi yinanniri 4 labballi ooso noosi. Insano su'mi su'minsa garinni Roobeeli ga're annuwaati. 15Simioonira Yimueeli, Yamiini, Ohaadi, Yakiini, Tsohaarinna Kana"aanitte iltinosihu Shauuli yinannihu ledo 6 labballi ooso noosi. Insano su'mi su'minsa garinni Simiooni ga're annuwaati. 16Leewira Gershooni, Qehaatinna Meraari yinanniri 3 labballi ooso noosi; insano su'mi su'minsa garinni Leewi ga're annuwaati; Leewi 137 diro hee'rino. 17Gershoonira Libinanna Shimi"i yinanniri mininsara umo ikkitinori 2 labballi ooso noosi. 18Qehaatira Amiraami, Yitsihaari, Kebirooninna Uzieeli yinanniri 4 labballi ooso noosi; Qehaati 133 diro hee'rino. 19Meraarira Mahilinna Muushi yinanniri 2 labballi ooso noosi; ilamansa garinni kurino Leewi sirchooti.
20Amiraami Yokebiidi yinannita annisi rodoo adhino; iseno Aarooninna Muse iltu. Amiraami 137 diro hee'rino. 21Yitsihaarira Qorahi, Nefeeginna Ziikiri yinanniri 3 labballi ooso noosi. 22Uzieelirano Mishaeeli, Eltsafaaninna Sitiri yinanniri 3 labballi ooso noosi.
23Aarooni Ne"esooni rodoo Aminaadaabi beetto Elisheba adhi; iseno Naadaabi, Abihu, Aliaazaarinna Itaamaari yinannire iltu. 24Qorahira Asiiri, Elqaananna Abiyaasaafi yinanni ooso noosi; insa Qorahi sirchooti. 25Aarooni beetti Aliaazaari Putieeli beetto adhino; iseno Finihaasi yinanniha iltusi; kuri baalunku Leewi ga'rera annuwatenna umiidireeti.
26Kaaliiqi, «Israeelete manna ga're ga'rensa garinni Gibitsete gobbanni haadhine fushshe» yiinonsari Aarooninna Muse insaati. 27«Israeelete manna ha'rona aguri» yite Gibitsete moote ledo hasaabbinorino insaati.
KAALIIQI MUSERANNA AAROONIRA UYINO HAJAJO
28Muse Gibitsete gobbara hee'reenna Kaaliiqi, 29«Ani Kaaliiqaati; kuleemmohere baala Gibitsete mootera Ferioonira kuli» yiisi.
30Muse kayinni daware, «Ani coye biifisi're diafeemmohona, Feriooni macciishshannoeni?» yii.
دیاریکراوەکانی ئێستا:
FULO 6: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 6
6
1Kaaliiqino Musera, «Feriooni asseemmota la"attona agari; manna'ya baxikkinni aguranno; iso giddeesse, manna'ya gobbasinni rahe ha'risanno gede asseemmo» yiisi.
MAGANU MUSE HAARO ASSE WOSHSHI
2Maganu Musera, «Ani Kaaliiqaati. 3Wo'manka Dandeemmo Magano ikka'yanni Abirihaamira, Yisihaaqiranna Yaiqoobira leelloommo; ‹Kaaliiqa›#6:3 Kaaliiqa yinanni su'mi kuni Ibiraawootu afiinni Yaahiwe yinannihu ledo mittoho; hatto yaano, Ani Aneeti yaate (Ful 3:14-15 lai). yinannihunni qullaawu su'mi'yanni kayinni dileelloommonsa. 4Manni gobba manni gede ikkite heedhinota Kana"aani gobba ragisiiseemmonsa gede hexxo oommonsa. 5Qoleno Gibitsootu borojjimmatenni qarrisseennansa raartino raare macciishshoommo; oommonsa hexxono qaagoommo. 6Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne. 7Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni. 8Abirihaamira, Yisihaaqiranna Yaiqoobira ragisiisammora xaaroommo baatto haa're masseemmo'ne; umi'nera iqqa asse eemmo'ne; ani Kaaliiqaati› yiino yite kulinsa» yii. 9Museno konne coye Israeelete kulinsa; insa kayinni borojjimmate gadadi hiiqqinonsa daafira, yiinota dimacciishshitino.
10Kaaliiqi qole Musera, 11«Israeelete manna gobbasinni ha'rissanno gede, marte Gibitsete mootera kulisi» yii.
12Muse kayinni, «Israeelete manni nafa yoommota dimacciishshinoena, Feriooni macciishshannoe? Afittonte gede ani coye biifisi're diafeemmoho» yee dawari.
13Kunni garinni, Kaaliiqi Musenna Aarooni, «Israeele Gibitsetenni haadhine fushshitinanni gede hajajoommota Israeeletenna Gibitsete mootera kullensa» yiino.
MUSENNA AAROONI ILAMA KIIRO
14Bayiru Yaiqoobi beetti Roobeelira Hanooki, Faalu, Hetsirooninna Kariimi yinanniri 4 labballi ooso noosi. Insano su'mi su'minsa garinni Roobeeli ga're annuwaati. 15Simioonira Yimueeli, Yamiini, Ohaadi, Yakiini, Tsohaarinna Kana"aanitte iltinosihu Shauuli yinannihu ledo 6 labballi ooso noosi. Insano su'mi su'minsa garinni Simiooni ga're annuwaati. 16Leewira Gershooni, Qehaatinna Meraari yinanniri 3 labballi ooso noosi; insano su'mi su'minsa garinni Leewi ga're annuwaati; Leewi 137 diro hee'rino. 17Gershoonira Libinanna Shimi"i yinanniri mininsara umo ikkitinori 2 labballi ooso noosi. 18Qehaatira Amiraami, Yitsihaari, Kebirooninna Uzieeli yinanniri 4 labballi ooso noosi; Qehaati 133 diro hee'rino. 19Meraarira Mahilinna Muushi yinanniri 2 labballi ooso noosi; ilamansa garinni kurino Leewi sirchooti.
20Amiraami Yokebiidi yinannita annisi rodoo adhino; iseno Aarooninna Muse iltu. Amiraami 137 diro hee'rino. 21Yitsihaarira Qorahi, Nefeeginna Ziikiri yinanniri 3 labballi ooso noosi. 22Uzieelirano Mishaeeli, Eltsafaaninna Sitiri yinanniri 3 labballi ooso noosi.
23Aarooni Ne"esooni rodoo Aminaadaabi beetto Elisheba adhi; iseno Naadaabi, Abihu, Aliaazaarinna Itaamaari yinannire iltu. 24Qorahira Asiiri, Elqaananna Abiyaasaafi yinanni ooso noosi; insa Qorahi sirchooti. 25Aarooni beetti Aliaazaari Putieeli beetto adhino; iseno Finihaasi yinanniha iltusi; kuri baalunku Leewi ga'rera annuwatenna umiidireeti.
26Kaaliiqi, «Israeelete manna ga're ga'rensa garinni Gibitsete gobbanni haadhine fushshe» yiinonsari Aarooninna Muse insaati. 27«Israeelete manna ha'rona aguri» yite Gibitsete moote ledo hasaabbinorino insaati.
KAALIIQI MUSERANNA AAROONIRA UYINO HAJAJO
28Muse Gibitsete gobbara hee'reenna Kaaliiqi, 29«Ani Kaaliiqaati; kuleemmohere baala Gibitsete mootera Ferioonira kuli» yiisi.
30Muse kayinni daware, «Ani coye biifisi're diafeemmohona, Feriooni macciishshannoeni?» yii.
© The Bible Society of Ethiopia; Sidama Holy Bible BSE-UBS 262 P 2014