FULO 40
40
DUKKANA QANSOONNI GARA
1Hakkunni gedensaanni Kaaliiqi Musera, 2«Xaadu Dukkana umi agani eihunni umi barra qasi. 3Tonnenta hajajo amadinoha Gondooru Taabootano Dukkanu giddo worte, dukkotenni goli. 4Xarapheezza giddora eessite uduunne aanaho diri; caabbicho worranni uduunnichono eessite caabbiyye base basensara wori. 5Hixaana giirranniha culku uduunnicho holgi dukkora gobbaanni Taabootaho albaanni uurrisi; dukkono Dukkanu xullichira suti.
6«Shilqote kakkalo kakkallanni uduunnichono Dukkanu xullichira albaanni wori. 7Hayishshi'nanni saane Dukkanunna kakkalote uduunnichi mereero worte waa wonshi. 8Dukkanu gaangaawira nafara worte, e'nanni xullichira dukko wori.
9«Hakkunni gedensaanni, buurranni zayite haadhe, Dukkanahonna giddosi noo uduunni baalaho buurte, qullaawoota assi; insano qullaawoota ikkannona. 10Shilqote kakkalo uduunnichonna ledo noore baala buurte, qullaawoota assi; qullaawoota ikkannona. 11Hayishshi'nanni saanenna shaeseno kunni garinni buurte, qullaawa assi. 12Aarooninna oososi Qullaawu Dukkani xullichira abbite seeru garinni bisonsa hayishshi. 13Aaroonira qullaawa imaana uddisiisse qeesimmatenni soqqamannoe gede zayite buurte anera qullaawa assi. 14Oososino abbite shamise uddisiisinsa. 15Qeese ikkite soqqantannoe gede annansa buuritto gede assite insano buuri; tini qeesimmate buurama ilamate ilamara woga ikkitanno» yiisi.
16Museno wo'manka coye Kaaliiqi hajajinosi gede assi. 17Hakkunni garinni, Israeele Gibitsetenni fultuhunni layinki diro, umi agani eihunni umi barra, Qullaawa Dukkana qasi. 18Muse Qullaawa Dukkana qasi yannara, lekkuwa wore, waalchuwanna tuuqqa uurrise, waawanna waawansi. 19Kaaliiqi Muse hajajino garinni, guggushshinanniha Qullaawu Dukkani aana diriirse, gobbayidihano aanaho diwi.
20Muse boncoonni kinna masse Taabootu giddo wori; dawaayyeno Taabootu kassa giddora eesse wori; maarote barcimano Taabootu aana wori. 21Taabootano Qullaawu Dukkani giddora eessi. Kunni garinni Kaaliiqi Muse hajajino gede Taaboota dukko goltu.
22Xarapheezzano Qullaawu Dukkani giddo holgi dukkora gobbaanni aliyye ragaanni wori; 23Kaaliiqi Muse hajajino garinni, Kaaliiqiha qullaawa timano aanaho wori.
24Caabbicho worranni uduunnichono Dukkanu giddo xarapheezzaho alba qole, Dukkanaho wodiidi ragaanni wori. 25Kaaliiqi hajajino garinni, caabbiyye albasiinni qasi.
26Culkunniha kakkalote uduunnicho Qullaawu Dukkani giddo dukkote albaanni wore, 27Kaaliiqi hajajino garinni, aanaho tanni yee su'naanno hixaana giiri.
28Qullaawa Dukkana e'nanni xullichira dukko wori. 29Kaaliiqi hajajinosi garinni Muse, shilqote kakkalo kakkallanni uduunnicho, Qullaawu Dukkanira albaanni e'nanniwa wore, shilqonnihanna gidu fushshaate shiqishi.
30Hayishshi'nanni saane Dukkanunna kakkalote uduunnichi mereero wore, waa wonshi. 31Hakkunni wayinni Muse, Aarooninna oososi angansanna lekkansa hayishshidhu. 32Kaaliiqi hajajino garinni, Dukkanu giddora e'anno woyitenna kakkalote uduunnichiwa shiqqanno yanna baalantera hayishshidhanno.
33Qullaawu Dukkaninna kakkalote uduunnichi gaangaawira nafara wori; xullichohono dukko wori. Kunni garinni Muse looso baalanka gudi.
KAALIIQI AYIRRINYI QULLAAWA DUKKANA WO'MI
(Kir 9:15-23)
34Hakkunni gedensaanni, Qullaawa Dukkana gomichu guggushshi; Kaaliiqi ayirrinyino Dukkana wo'mi. 35Dukkana gomichu guggushshinohuranna giddosino Kaaliiqi ayirrinyi wo'mino daafira, Muse Dukkanu giddora ea didandiino. 36Israeele noowiinni ka'e ha'ra dandiitannohu gomichu Dukkanu aaninni ho'lanno woyiteeti. 37Gomichu kae ho'la geeshsha kayinni, noowiinni dika'anno. 38Halallitte doogo hadhu yanna baalantera, Israeele Kaaliiqi ayirrinyi barra Dukkana guggushshanna, hashsha gomichu giddo giira bubbanna la'ino.
دیاریکراوەکانی ئێستا:
FULO 40: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 40
40
DUKKANA QANSOONNI GARA
1Hakkunni gedensaanni Kaaliiqi Musera, 2«Xaadu Dukkana umi agani eihunni umi barra qasi. 3Tonnenta hajajo amadinoha Gondooru Taabootano Dukkanu giddo worte, dukkotenni goli. 4Xarapheezza giddora eessite uduunne aanaho diri; caabbicho worranni uduunnichono eessite caabbiyye base basensara wori. 5Hixaana giirranniha culku uduunnicho holgi dukkora gobbaanni Taabootaho albaanni uurrisi; dukkono Dukkanu xullichira suti.
6«Shilqote kakkalo kakkallanni uduunnichono Dukkanu xullichira albaanni wori. 7Hayishshi'nanni saane Dukkanunna kakkalote uduunnichi mereero worte waa wonshi. 8Dukkanu gaangaawira nafara worte, e'nanni xullichira dukko wori.
9«Hakkunni gedensaanni, buurranni zayite haadhe, Dukkanahonna giddosi noo uduunni baalaho buurte, qullaawoota assi; insano qullaawoota ikkannona. 10Shilqote kakkalo uduunnichonna ledo noore baala buurte, qullaawoota assi; qullaawoota ikkannona. 11Hayishshi'nanni saanenna shaeseno kunni garinni buurte, qullaawa assi. 12Aarooninna oososi Qullaawu Dukkani xullichira abbite seeru garinni bisonsa hayishshi. 13Aaroonira qullaawa imaana uddisiisse qeesimmatenni soqqamannoe gede zayite buurte anera qullaawa assi. 14Oososino abbite shamise uddisiisinsa. 15Qeese ikkite soqqantannoe gede annansa buuritto gede assite insano buuri; tini qeesimmate buurama ilamate ilamara woga ikkitanno» yiisi.
16Museno wo'manka coye Kaaliiqi hajajinosi gede assi. 17Hakkunni garinni, Israeele Gibitsetenni fultuhunni layinki diro, umi agani eihunni umi barra, Qullaawa Dukkana qasi. 18Muse Qullaawa Dukkana qasi yannara, lekkuwa wore, waalchuwanna tuuqqa uurrise, waawanna waawansi. 19Kaaliiqi Muse hajajino garinni, guggushshinanniha Qullaawu Dukkani aana diriirse, gobbayidihano aanaho diwi.
20Muse boncoonni kinna masse Taabootu giddo wori; dawaayyeno Taabootu kassa giddora eesse wori; maarote barcimano Taabootu aana wori. 21Taabootano Qullaawu Dukkani giddora eessi. Kunni garinni Kaaliiqi Muse hajajino gede Taaboota dukko goltu.
22Xarapheezzano Qullaawu Dukkani giddo holgi dukkora gobbaanni aliyye ragaanni wori; 23Kaaliiqi Muse hajajino garinni, Kaaliiqiha qullaawa timano aanaho wori.
24Caabbicho worranni uduunnichono Dukkanu giddo xarapheezzaho alba qole, Dukkanaho wodiidi ragaanni wori. 25Kaaliiqi hajajino garinni, caabbiyye albasiinni qasi.
26Culkunniha kakkalote uduunnicho Qullaawu Dukkani giddo dukkote albaanni wore, 27Kaaliiqi hajajino garinni, aanaho tanni yee su'naanno hixaana giiri.
28Qullaawa Dukkana e'nanni xullichira dukko wori. 29Kaaliiqi hajajinosi garinni Muse, shilqote kakkalo kakkallanni uduunnicho, Qullaawu Dukkanira albaanni e'nanniwa wore, shilqonnihanna gidu fushshaate shiqishi.
30Hayishshi'nanni saane Dukkanunna kakkalote uduunnichi mereero wore, waa wonshi. 31Hakkunni wayinni Muse, Aarooninna oososi angansanna lekkansa hayishshidhu. 32Kaaliiqi hajajino garinni, Dukkanu giddora e'anno woyitenna kakkalote uduunnichiwa shiqqanno yanna baalantera hayishshidhanno.
33Qullaawu Dukkaninna kakkalote uduunnichi gaangaawira nafara wori; xullichohono dukko wori. Kunni garinni Muse looso baalanka gudi.
KAALIIQI AYIRRINYI QULLAAWA DUKKANA WO'MI
(Kir 9:15-23)
34Hakkunni gedensaanni, Qullaawa Dukkana gomichu guggushshi; Kaaliiqi ayirrinyino Dukkana wo'mi. 35Dukkana gomichu guggushshinohuranna giddosino Kaaliiqi ayirrinyi wo'mino daafira, Muse Dukkanu giddora ea didandiino. 36Israeele noowiinni ka'e ha'ra dandiitannohu gomichu Dukkanu aaninni ho'lanno woyiteeti. 37Gomichu kae ho'la geeshsha kayinni, noowiinni dika'anno. 38Halallitte doogo hadhu yanna baalantera, Israeele Kaaliiqi ayirrinyi barra Dukkana guggushshanna, hashsha gomichu giddo giira bubbanna la'ino.
© The Bible Society of Ethiopia; Sidama Holy Bible BSE-UBS 262 P 2014