FULO 33
33
KAALIIQI ISRAEELE SIINA ILAALINNI KA'E HADHANNO GEDE HAJAJI
1Kaaliiqi Musera, «Gibitsetenni haadhe fushshootto manni ledo, Abirihaamira, Yisihaaqiranna Yaiqoobira, ‹Sirchi'nera eemmo› yee xaaroommo baatto ka'ine hadhe. 2Sokkaasincho'ya alba'neenni ha'ranno gede soye, Kana"aanoota, Amooraawoota, Hitoota, Ferizoota, Hiwootanna Iyaabuusoota shorre huneemmo. 3Adonna malawu lolakkanno gobba hadhe. Kayinnilla, ki'ne mokkookku wodanire ikkitinoonni daafira doogote aana gudeemmo'nekki gede, ani ledo'ne diha'reemmo» yii.
4-5Kaaliiqi qole Musera, « ‹Ki'ne mokkookku wodanire ikkitinoonnihura, mitte hige fulummoro ki'ne gudeemmo; hanni xa asseemmore malammo geeshsha seesu uduunne'ne baala fushshe› yiino yite mannaho kulinsa» yii. Mannuno konne dadillisanno coye macciishshe wi'li; hatte yannanni kayise mittono seesu uduunne aanaho diwodhino. 6Kunnira, Siina Ilaalinni ka'e hadhunkunni kayisse Israeele seesu uduunne aanaho diwodhitino.
XAADU DUKKANA
7Muse dukkana qachu giddonni xeertise qase, «Xaadu Dukkanaati» yii. Kaaliiqi ledo xaadara hasi'rannohu baalu hakkiira maranno. 8Muse Xaadu Dukkaniwa maranno yannara, mannu baalunku kae uurranno; mittu mittunku Muse mare ea geeshsha dukkanisi xullichira uurre agaranno. 9Muse Dukkanu giddora eanno yannara gomichu heelliicho dirrite, Dukkanu xullichira uurritanno; Kaaliiqino gomichu giddo hee're Muse ledo hasaawanno. 10Mannu baalunku xullichi xullichisira hee're, gomichu heelliicho Dukkanu xullichira afanno yannara, kae uurre umo heeshshi yee kumbuuli. 11Kaaliiqi jaalu ledo hasaambannihu gede ikke alba Musewa hige hasaawanno; hakkunni gedensaanni Muse galagale qacha higanno; wedellichu kaa'laanchisi Newe beetti Iyyaasu kayinni Dukkanu mulinni difafanno.
KAALIIQI MANNUWIINNI BAXXANNOKKI GEDE UYINO HEXXO
12Muse Kaaliiqa, «Ati konne manna haa're fushsheemmo gede hajajoottoe; ledo'ya soyattohu ayetiro kayinni dikuloottoe; egennoottoetanna baxattoeta kuloottoe. 13Baxattoeha ikkiro, hedoottori maatiro kulie; konne mannano ateha assite doodhoottota qaagi» yii. 14Kaaliiqino, «Ani ledokki ha'reemmo; qeelleno eemmohe» yiisi.
15Museno, «Ati ledonke fulattokkiha ikkiro ninkeno kawiinni fushshitootinke. 16Ledonke fulattokkiha ikkiro, anenna mannakki baxattota mayinni anfanni? Ninke baattote aana hee'ranno manniwiinni addire ikkinoommohu diati ledonke nootto daafiraati?» yii.
17Kaaliiqino Musera, «Seekke egennoommohe daafiranna baxeemmohe daafira yoottore asseemmo» yiisi.
18Muse Kaaliiqa, «Maahoyye hakkawoteetiro, ayirrinyikki gaamaarre leellishie» yii. 19Kaaliiqino, «Danchumma'ya leellisheemmoheta gaamaarreyya albakkiinni qole sayiseemmo; qullaawa su'ma'yano kuleemmohe; marareemmoha marareemmo; maareemmohano maareemmo. 20Kayinnilla mannu ane alba lae gatannokki daafira, alba'ya dileellisheemmohe. 21Kune ane mule kaxxite uurratto kinchi noona, 22ayirrinyi'ya gaamaarre albakkiinni sa'anno woyite, dadhamino kinchi giddo woreemmohe; sa"ammo geeshsha anga'yanni goleemmohe. 23Anga'ya hoolummohu gedensaanni, alba'ya ikkikkinni badhe'ya la"atto» yiisi.
دیاریکراوەکانی ئێستا:
FULO 33: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 33
33
KAALIIQI ISRAEELE SIINA ILAALINNI KA'E HADHANNO GEDE HAJAJI
1Kaaliiqi Musera, «Gibitsetenni haadhe fushshootto manni ledo, Abirihaamira, Yisihaaqiranna Yaiqoobira, ‹Sirchi'nera eemmo› yee xaaroommo baatto ka'ine hadhe. 2Sokkaasincho'ya alba'neenni ha'ranno gede soye, Kana"aanoota, Amooraawoota, Hitoota, Ferizoota, Hiwootanna Iyaabuusoota shorre huneemmo. 3Adonna malawu lolakkanno gobba hadhe. Kayinnilla, ki'ne mokkookku wodanire ikkitinoonni daafira doogote aana gudeemmo'nekki gede, ani ledo'ne diha'reemmo» yii.
4-5Kaaliiqi qole Musera, « ‹Ki'ne mokkookku wodanire ikkitinoonnihura, mitte hige fulummoro ki'ne gudeemmo; hanni xa asseemmore malammo geeshsha seesu uduunne'ne baala fushshe› yiino yite mannaho kulinsa» yii. Mannuno konne dadillisanno coye macciishshe wi'li; hatte yannanni kayise mittono seesu uduunne aanaho diwodhino. 6Kunnira, Siina Ilaalinni ka'e hadhunkunni kayisse Israeele seesu uduunne aanaho diwodhitino.
XAADU DUKKANA
7Muse dukkana qachu giddonni xeertise qase, «Xaadu Dukkanaati» yii. Kaaliiqi ledo xaadara hasi'rannohu baalu hakkiira maranno. 8Muse Xaadu Dukkaniwa maranno yannara, mannu baalunku kae uurranno; mittu mittunku Muse mare ea geeshsha dukkanisi xullichira uurre agaranno. 9Muse Dukkanu giddora eanno yannara gomichu heelliicho dirrite, Dukkanu xullichira uurritanno; Kaaliiqino gomichu giddo hee're Muse ledo hasaawanno. 10Mannu baalunku xullichi xullichisira hee're, gomichu heelliicho Dukkanu xullichira afanno yannara, kae uurre umo heeshshi yee kumbuuli. 11Kaaliiqi jaalu ledo hasaambannihu gede ikke alba Musewa hige hasaawanno; hakkunni gedensaanni Muse galagale qacha higanno; wedellichu kaa'laanchisi Newe beetti Iyyaasu kayinni Dukkanu mulinni difafanno.
KAALIIQI MANNUWIINNI BAXXANNOKKI GEDE UYINO HEXXO
12Muse Kaaliiqa, «Ati konne manna haa're fushsheemmo gede hajajoottoe; ledo'ya soyattohu ayetiro kayinni dikuloottoe; egennoottoetanna baxattoeta kuloottoe. 13Baxattoeha ikkiro, hedoottori maatiro kulie; konne mannano ateha assite doodhoottota qaagi» yii. 14Kaaliiqino, «Ani ledokki ha'reemmo; qeelleno eemmohe» yiisi.
15Museno, «Ati ledonke fulattokkiha ikkiro ninkeno kawiinni fushshitootinke. 16Ledonke fulattokkiha ikkiro, anenna mannakki baxattota mayinni anfanni? Ninke baattote aana hee'ranno manniwiinni addire ikkinoommohu diati ledonke nootto daafiraati?» yii.
17Kaaliiqino Musera, «Seekke egennoommohe daafiranna baxeemmohe daafira yoottore asseemmo» yiisi.
18Muse Kaaliiqa, «Maahoyye hakkawoteetiro, ayirrinyikki gaamaarre leellishie» yii. 19Kaaliiqino, «Danchumma'ya leellisheemmoheta gaamaarreyya albakkiinni qole sayiseemmo; qullaawa su'ma'yano kuleemmohe; marareemmoha marareemmo; maareemmohano maareemmo. 20Kayinnilla mannu ane alba lae gatannokki daafira, alba'ya dileellisheemmohe. 21Kune ane mule kaxxite uurratto kinchi noona, 22ayirrinyi'ya gaamaarre albakkiinni sa'anno woyite, dadhamino kinchi giddo woreemmohe; sa"ammo geeshsha anga'yanni goleemmohe. 23Anga'ya hoolummohu gedensaanni, alba'ya ikkikkinni badhe'ya la"atto» yiisi.
© The Bible Society of Ethiopia; Sidama Holy Bible BSE-UBS 262 P 2014