FULO 29
29
QEESIMMATE SOQQANSHORA BANDANNI GARA
(Lew 8:1-36)
1«Anera qeesimmatenni soqqantanno gede badatto yannara, muso afidhinokkire 1 middichanna 2 ge'rechu goco qixxeessi. 2Dancha qamade bullee liinse shiishshukkinni zayitetenni, zayite nookkihanna zayite aanaho worroonniha shaalado tima qixxeessinona. 3Kore haadhe saffeho worte, 1 middichanna 2 ge'rechu gocca shiqishi. 4Aarooninna oososino Dukkanu xullichira haadhe abbite bisonsa hayishshi. 5Aaroonira qeesimmate imaana shamise, gagasu uddanora giddoyidi qamise, gagasu uddanonna gagasu kiiseno uddisiisse, goonde seekkinoonnita hallo usudhinanni uddano qodhisiisi. 6Xaanxoonni koffiyano umoho worisi; qullaawa ba'lattono koffiyu aana wori. 7Buurranni zayite haadhe umisira dunte buuri. 8Oososino abbite shamissa uddisiisinsa. 9Hallu uddano xaaxxe, seeda koffiyano umoho worinsa; qeesimmano geedonnita ikkitannonsa; kunni garinni Aarooninna oososi qeese assatto.
10«Ati middicha Xaadu Dukkani albira haadhe shiqishsheenna, Aarooninna oososi angansa middichu umi aana wortona. 11Middicha Dukkanu xullichira ane albaanni gorri. 12Mundee angichunni haadhe kakkallanni buudda aana gani; gattinota kakkallanni dargira woroonni duni. 13Godowiru cooma, qaccete afalenna lamenka mule coomunku ledo mitteenni kakkallanni darga massite shilqishi. 14Middichu maala, goganna cuma kayinni qachaho gobbaanni fushshite xiniinsi; kuni qeesootu cubbo agursiisate kakkalo ikkanno.
15«Mitto ge'rechu goco qixxeessiteenna, Aarooninna oososi gocu umi aana angansa wortona. 16Gocono gorrite mundee kakkallanni darga shoolunku midaadira wixi. 17Maalano fiixi fiixisi garinni murmuri; godowirenna dadubba hayishshite murmurootto maali ledonna umu ledo mitteenni wori. 18Ge'rechu goco gudisse kakkallanni darga shilqishi; tini kakkalo su'niitannotenna anera tashshi yitannote.
19«Layinki gocono abbiteenna Aarooninna oososi angansa gocu umi aana wortona. 20Gocono gorrite, mundee haadhe Aarooni oosora, qiniiticho macca qaccera, qiniiticho angaranna qiniiticho lekkahura lowiidi qubbichira gani. 21Kakkallanni darga noo mundeenna buurranni zayite haadhe, Aarooninna imaanisi aana, hattono oososinna imaaninsa aana wixi. Hakkunni gedensaanni, Aarooni, oososinna imaaninsano anera baxxinoha ikkanno.
22«Kuni goci qeesimmanniha ikkino daafira, gocunniha cooma, farro, godowiru cooma, qaccete afale, coomunku ledo lamenka mulenna qiniiticho tafa haa'ri. 23Anera albaanni saffeho worroonniha mitto tima, mitto zayitete timanna mitto shaalado tima haadhe, 24wo'manka Aarooninna oososi anga worteenna, addi fushshaate assite#29:24 addi fushshaate woy raansanni kakkalo yaa dandiinanni. shiqishshannoe gede assi. 25Angansanni haadhe kakkallanni darga shilqinshanni kakkalo ledo anera su'niitanno gede assite shilqishi; kuni anera shilqote fushshaateeti.
26«Aarooni qeesimmara gorrinoonni goci racho haadhe, addi fushshaate assite ane albira shiqishi; kuni ate qeechaati. 27Qeesimmate seerira shiqinshoonni goci giddonni fushshinoonni rachonna qiniiticho tafa, anera addi fushshaate assite shiqishi; kunino Aarooninna oososi qeecha ikkona. 28Israeele mittimmate kakkalo shiqishidhanno woyite, rachonna qiniitichu tafi hegere geeshsha qeesootu qeechaati. Kuni, Israeele ane Kaaliiqira uyidhanno fushshaateeti.
29«Qullaawu Aarooni imaani isi gedensaanni oososi bande qeesimmate buurranni yannara insaha ikkona. 30Oososi giddonni isi darga qeesimmate buuramannohu Aarooni beetti soqqamaera Qullaawu Dukkani giddora Qullaawu Dargira eanno yannara, konne imaana 7 barra uddi'rona.
31«Qeesimmate maassora gorrinoonni goci maala massite qullaawa darga gafi. 32Aarooninna oososi gocu maalanna saffeho noo sagale Dukkanu xullichira ofolte ittona. 33Qeesimmate maasso yannara cubbo agursiisate seerira shiqinshanniha ittona; qoromboonnita ikkitino daafira wolu manni itoonke. 34Qeesimmate maassora gorrinoonni maali woy sagale galturo giiri; qoromboonnita ikkitino daafira ita dihasiissanno.
35«Hajajoommohe garinni Aarooninna oososi qeesimmate 7 barra maassi'ratto. 36Cubbo agursiisate, barru barrunkunni middicha kakkali; tini kakkalo kakkallanni darga keereensitanno; zayite buurte kakkallanni dargano qullaawa assi. 37Lamalanka barra kakkallanni darga keereensite qullaawa assi; kakkallanni darga kisannohu baalu lagaawanno.
38«Barru barrunkunni 2 mittu dirita ge'reewu gocca abbite kakkallanni darga kakkalatto. 39Mitto goco soodo fushshaate assite shiqishatto; layinkiha hawarro fushshaate assite shiqishatto. 40Mittu goci ledo mitte kiilo ikkitannota fila qamadete bullee mitte litire xalala zayitenni liinsoonnitanna anganniri fushshaatira mitte litire woyinete xajje shiqishi. 41Layinki goco hawarro shiqishi; soodoha shiqishatto garinni gidunna anganniri fushshaati ledo shiqishi; kuni ane Kaaliiqira su'naannoha sagalete fushshaate ikkanno. 42Xaadu Dukkani xullichira manni'yanni xaade ate ledo hasaaweemmo yannara, ane albira shiqinshanniti shilqote kakkalo ilamate ilamara roso ikkito'ne. 43Israeelete manni ledo hakkiicho xaadeemmo; Dukkanuno ani hakko heera'yanni keeraa'minoha ikkanno. 44Dukkananna kakkallanni darga qullaawa asseemmo; Aarooninna oososino qeesimmate baxxitinore asseemmo. 45Israeelete manni mereero hee'reemmo; insarano Maganonsa ikkeemmo. 46Insano mereeronsa hee'reemmo gede Gibitsetenni fushshoommonsahu Maganinsa Kaaliiqi ane ikkoommota affanno. Ani Kaaliiqi Maganonsaati.
دیاریکراوەکانی ئێستا:
FULO 29: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 29
29
QEESIMMATE SOQQANSHORA BANDANNI GARA
(Lew 8:1-36)
1«Anera qeesimmatenni soqqantanno gede badatto yannara, muso afidhinokkire 1 middichanna 2 ge'rechu goco qixxeessi. 2Dancha qamade bullee liinse shiishshukkinni zayitetenni, zayite nookkihanna zayite aanaho worroonniha shaalado tima qixxeessinona. 3Kore haadhe saffeho worte, 1 middichanna 2 ge'rechu gocca shiqishi. 4Aarooninna oososino Dukkanu xullichira haadhe abbite bisonsa hayishshi. 5Aaroonira qeesimmate imaana shamise, gagasu uddanora giddoyidi qamise, gagasu uddanonna gagasu kiiseno uddisiisse, goonde seekkinoonnita hallo usudhinanni uddano qodhisiisi. 6Xaanxoonni koffiyano umoho worisi; qullaawa ba'lattono koffiyu aana wori. 7Buurranni zayite haadhe umisira dunte buuri. 8Oososino abbite shamissa uddisiisinsa. 9Hallu uddano xaaxxe, seeda koffiyano umoho worinsa; qeesimmano geedonnita ikkitannonsa; kunni garinni Aarooninna oososi qeese assatto.
10«Ati middicha Xaadu Dukkani albira haadhe shiqishsheenna, Aarooninna oososi angansa middichu umi aana wortona. 11Middicha Dukkanu xullichira ane albaanni gorri. 12Mundee angichunni haadhe kakkallanni buudda aana gani; gattinota kakkallanni dargira woroonni duni. 13Godowiru cooma, qaccete afalenna lamenka mule coomunku ledo mitteenni kakkallanni darga massite shilqishi. 14Middichu maala, goganna cuma kayinni qachaho gobbaanni fushshite xiniinsi; kuni qeesootu cubbo agursiisate kakkalo ikkanno.
15«Mitto ge'rechu goco qixxeessiteenna, Aarooninna oososi gocu umi aana angansa wortona. 16Gocono gorrite mundee kakkallanni darga shoolunku midaadira wixi. 17Maalano fiixi fiixisi garinni murmuri; godowirenna dadubba hayishshite murmurootto maali ledonna umu ledo mitteenni wori. 18Ge'rechu goco gudisse kakkallanni darga shilqishi; tini kakkalo su'niitannotenna anera tashshi yitannote.
19«Layinki gocono abbiteenna Aarooninna oososi angansa gocu umi aana wortona. 20Gocono gorrite, mundee haadhe Aarooni oosora, qiniiticho macca qaccera, qiniiticho angaranna qiniiticho lekkahura lowiidi qubbichira gani. 21Kakkallanni darga noo mundeenna buurranni zayite haadhe, Aarooninna imaanisi aana, hattono oososinna imaaninsa aana wixi. Hakkunni gedensaanni, Aarooni, oososinna imaaninsano anera baxxinoha ikkanno.
22«Kuni goci qeesimmanniha ikkino daafira, gocunniha cooma, farro, godowiru cooma, qaccete afale, coomunku ledo lamenka mulenna qiniiticho tafa haa'ri. 23Anera albaanni saffeho worroonniha mitto tima, mitto zayitete timanna mitto shaalado tima haadhe, 24wo'manka Aarooninna oososi anga worteenna, addi fushshaate assite#29:24 addi fushshaate woy raansanni kakkalo yaa dandiinanni. shiqishshannoe gede assi. 25Angansanni haadhe kakkallanni darga shilqinshanni kakkalo ledo anera su'niitanno gede assite shilqishi; kuni anera shilqote fushshaateeti.
26«Aarooni qeesimmara gorrinoonni goci racho haadhe, addi fushshaate assite ane albira shiqishi; kuni ate qeechaati. 27Qeesimmate seerira shiqinshoonni goci giddonni fushshinoonni rachonna qiniiticho tafa, anera addi fushshaate assite shiqishi; kunino Aarooninna oososi qeecha ikkona. 28Israeele mittimmate kakkalo shiqishidhanno woyite, rachonna qiniitichu tafi hegere geeshsha qeesootu qeechaati. Kuni, Israeele ane Kaaliiqira uyidhanno fushshaateeti.
29«Qullaawu Aarooni imaani isi gedensaanni oososi bande qeesimmate buurranni yannara insaha ikkona. 30Oososi giddonni isi darga qeesimmate buuramannohu Aarooni beetti soqqamaera Qullaawu Dukkani giddora Qullaawu Dargira eanno yannara, konne imaana 7 barra uddi'rona.
31«Qeesimmate maassora gorrinoonni goci maala massite qullaawa darga gafi. 32Aarooninna oososi gocu maalanna saffeho noo sagale Dukkanu xullichira ofolte ittona. 33Qeesimmate maasso yannara cubbo agursiisate seerira shiqinshanniha ittona; qoromboonnita ikkitino daafira wolu manni itoonke. 34Qeesimmate maassora gorrinoonni maali woy sagale galturo giiri; qoromboonnita ikkitino daafira ita dihasiissanno.
35«Hajajoommohe garinni Aarooninna oososi qeesimmate 7 barra maassi'ratto. 36Cubbo agursiisate, barru barrunkunni middicha kakkali; tini kakkalo kakkallanni darga keereensitanno; zayite buurte kakkallanni dargano qullaawa assi. 37Lamalanka barra kakkallanni darga keereensite qullaawa assi; kakkallanni darga kisannohu baalu lagaawanno.
38«Barru barrunkunni 2 mittu dirita ge'reewu gocca abbite kakkallanni darga kakkalatto. 39Mitto goco soodo fushshaate assite shiqishatto; layinkiha hawarro fushshaate assite shiqishatto. 40Mittu goci ledo mitte kiilo ikkitannota fila qamadete bullee mitte litire xalala zayitenni liinsoonnitanna anganniri fushshaatira mitte litire woyinete xajje shiqishi. 41Layinki goco hawarro shiqishi; soodoha shiqishatto garinni gidunna anganniri fushshaati ledo shiqishi; kuni ane Kaaliiqira su'naannoha sagalete fushshaate ikkanno. 42Xaadu Dukkani xullichira manni'yanni xaade ate ledo hasaaweemmo yannara, ane albira shiqinshanniti shilqote kakkalo ilamate ilamara roso ikkito'ne. 43Israeelete manni ledo hakkiicho xaadeemmo; Dukkanuno ani hakko heera'yanni keeraa'minoha ikkanno. 44Dukkananna kakkallanni darga qullaawa asseemmo; Aarooninna oososino qeesimmate baxxitinore asseemmo. 45Israeelete manni mereero hee'reemmo; insarano Maganonsa ikkeemmo. 46Insano mereeronsa hee'reemmo gede Gibitsetenni fushshoommonsahu Maganinsa Kaaliiqi ane ikkoommota affanno. Ani Kaaliiqi Maganonsaati.
© The Bible Society of Ethiopia; Sidama Holy Bible BSE-UBS 262 P 2014