FULO 22
22
JAJJA AMANDANNI GARA KULANNO SEERA
1«Mittu manchi booto woy ge'recho moore gorriro woy hiriro, bootu darga 5 bootta, ge'rechote darga 4 ge'reewo baatona. 2Mooraanchu mine umanna anfe shiniro, shii manchi dixa'mamanno; 3barra mooranna afe shiiro kayinni xa'mamanno. Aye mooraanchino moorinore qolona. Moorinore qola hoogiro, hakko darga umisi borojjimmatenni soqqamona. 4Moorino saada angasi amandiro kayinni, moorinoricho 2 anga asse qolona.
5«Ayee manchino manni jajjira woy woyinete kaashshira saada qole aguriro, itamino jajjira seyinoha umisi jajja riqiwona.
6«Mittu manchi gatesi qasino giira ishinu aanaanni higge sa'e wolu gate ataachinoonniha woy uurre noo gide itturo, giira qasino manchi itamino jajja riqiwona.
7«Mittu manchi wolu manchiwa wodhino woxe woy jajja mooraanchu adhironna adhino mooraanchino leelliro, hakko mooraanchi mooraminohu darga 2 anga asse qolona. 8Mooraanchu leella hoogiro kayinni, jajja maaxara uyinoonni manchi, magansi'nanniwa shiqe jajja isi umisi adhinokkita xaare egensiisona. 9Bootu, harrichu, ge'rechu, imaanu woy wolurichi baeenna 2 manni coyi'rame, ‹Kuni aneho› yitanni mimmitinsawa moromamanturo, magansi'nanniwa martona. Maganu, ‹Sayisino!› yaannosihu ku'unnira 2 anga asse oona.
10«Mittu manchi jaalisiwa harricho, booto, ge'recho, woy wole saada wodhiro, hatte saadano reyituro, gawajjanturo woy anfikkinni adhanturo, 11wodhinoonni manchi kayinni adhinokkita ane albaanni xaare egensiisona. Saadate annino xaaro macciishshe agurona. Ku'u manchino ba'ino saada riqiwoonke. 12Saada wodhinoonnihu anganni adhantinoha ikkiro kayinni, wodhinoonni manchi annaho saadasi riqiwona. 13Saada moyichu itinoha ikkiro, cage abbe leellishona; itantino saada kayinni riqiwoonke.
14«Mittu manchi woluwiinni argi'riro saada annu mule nookkiha gawajjanturo woy reyituro, saadate annino ledo nookkiha ikkiro argi'rinohu annaho qole riqiwona. 15Argi'noonnirichi bai yannara annu ledo nooha ikkiro kayinni riqiwoonke. Kiraho uyinoha ikkirono adhino kirinni gatona.
AMANYAATUNNA AMMA'NOTE SEERA
16«Mittu manchi mitte huucci'noonnikki beetto xagare macca huniro, mii'ne adhe galtesi assi'rona. 17Beettote anni adhannota giwiro kayinni, seemo beettora miinnanni geeshshi woxe annisera oona.
18«Bittanno mancho lubbotenni heedhannokki gede shinona.
19«Saadate ledo siimu xaadooshshe assannoha shinona.
20«Ane Kaaliiqi ka'a wolu maganira kakkalannohu lubbotenni hee'roonke. 21Ki'ne umi'ne Gibitsete gobbara heedhinoonni yannara, manni gobba manna ikkitine heedhinoonni daafira, manni gobba manna okkitinoonte. 22Gunnootanna buxo gadadissinoonte. 23Qarrissineennansa anewa higge raarturo, ani raarensa macciishshe kaa'leemmonsa; 24ki'nerano lowo geeshsha hanqe, bagadunni gooffinanni gede asseemmo'ne; meenti'ne gunnoota, ooso'neno anniweeloota ikkitanno.
25«Manni'ya giddonni ledo'ne hee'ranno buxichira liqiissitiniro, qallo adhitinoonte. 26Mittu manchi imaanasi amadisiisi'nero, arrishsho e'ukkinni qollesi. 27Woliri noosikki daafira, diphe galannore diafi'rino; anewa hige raariro, ani marareemmoha ikkoommo daafira raaresi macciishsheemmo.
28«Magano xontinoonte; gashshanno'neha runtinoonte. 29Gidunniha, woyinennihanna ejersu zayite laalcho anera aa habbinoonte. Ooso'ne giddonnino bayira beetto anera uuyye"e. 30Lali'nenna ge'reewi'ne giddonnino umo qalaminoha anera uyitinannie. Qalaminohu 7 barra amasi ledo keeshsheenna settikki barra abbitine uyitinannie. 31Ki'ne anera qullaawa manna ikkitinoonnie daafira, moyichu shiino saada maala woshshaho uuyye ikkinnina ittinoonte.
دیاریکراوەکانی ئێستا:
FULO 22: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 22
22
JAJJA AMANDANNI GARA KULANNO SEERA
1«Mittu manchi booto woy ge'recho moore gorriro woy hiriro, bootu darga 5 bootta, ge'rechote darga 4 ge'reewo baatona. 2Mooraanchu mine umanna anfe shiniro, shii manchi dixa'mamanno; 3barra mooranna afe shiiro kayinni xa'mamanno. Aye mooraanchino moorinore qolona. Moorinore qola hoogiro, hakko darga umisi borojjimmatenni soqqamona. 4Moorino saada angasi amandiro kayinni, moorinoricho 2 anga asse qolona.
5«Ayee manchino manni jajjira woy woyinete kaashshira saada qole aguriro, itamino jajjira seyinoha umisi jajja riqiwona.
6«Mittu manchi gatesi qasino giira ishinu aanaanni higge sa'e wolu gate ataachinoonniha woy uurre noo gide itturo, giira qasino manchi itamino jajja riqiwona.
7«Mittu manchi wolu manchiwa wodhino woxe woy jajja mooraanchu adhironna adhino mooraanchino leelliro, hakko mooraanchi mooraminohu darga 2 anga asse qolona. 8Mooraanchu leella hoogiro kayinni, jajja maaxara uyinoonni manchi, magansi'nanniwa shiqe jajja isi umisi adhinokkita xaare egensiisona. 9Bootu, harrichu, ge'rechu, imaanu woy wolurichi baeenna 2 manni coyi'rame, ‹Kuni aneho› yitanni mimmitinsawa moromamanturo, magansi'nanniwa martona. Maganu, ‹Sayisino!› yaannosihu ku'unnira 2 anga asse oona.
10«Mittu manchi jaalisiwa harricho, booto, ge'recho, woy wole saada wodhiro, hatte saadano reyituro, gawajjanturo woy anfikkinni adhanturo, 11wodhinoonni manchi kayinni adhinokkita ane albaanni xaare egensiisona. Saadate annino xaaro macciishshe agurona. Ku'u manchino ba'ino saada riqiwoonke. 12Saada wodhinoonnihu anganni adhantinoha ikkiro kayinni, wodhinoonni manchi annaho saadasi riqiwona. 13Saada moyichu itinoha ikkiro, cage abbe leellishona; itantino saada kayinni riqiwoonke.
14«Mittu manchi woluwiinni argi'riro saada annu mule nookkiha gawajjanturo woy reyituro, saadate annino ledo nookkiha ikkiro argi'rinohu annaho qole riqiwona. 15Argi'noonnirichi bai yannara annu ledo nooha ikkiro kayinni riqiwoonke. Kiraho uyinoha ikkirono adhino kirinni gatona.
AMANYAATUNNA AMMA'NOTE SEERA
16«Mittu manchi mitte huucci'noonnikki beetto xagare macca huniro, mii'ne adhe galtesi assi'rona. 17Beettote anni adhannota giwiro kayinni, seemo beettora miinnanni geeshshi woxe annisera oona.
18«Bittanno mancho lubbotenni heedhannokki gede shinona.
19«Saadate ledo siimu xaadooshshe assannoha shinona.
20«Ane Kaaliiqi ka'a wolu maganira kakkalannohu lubbotenni hee'roonke. 21Ki'ne umi'ne Gibitsete gobbara heedhinoonni yannara, manni gobba manna ikkitine heedhinoonni daafira, manni gobba manna okkitinoonte. 22Gunnootanna buxo gadadissinoonte. 23Qarrissineennansa anewa higge raarturo, ani raarensa macciishshe kaa'leemmonsa; 24ki'nerano lowo geeshsha hanqe, bagadunni gooffinanni gede asseemmo'ne; meenti'ne gunnoota, ooso'neno anniweeloota ikkitanno.
25«Manni'ya giddonni ledo'ne hee'ranno buxichira liqiissitiniro, qallo adhitinoonte. 26Mittu manchi imaanasi amadisiisi'nero, arrishsho e'ukkinni qollesi. 27Woliri noosikki daafira, diphe galannore diafi'rino; anewa hige raariro, ani marareemmoha ikkoommo daafira raaresi macciishsheemmo.
28«Magano xontinoonte; gashshanno'neha runtinoonte. 29Gidunniha, woyinennihanna ejersu zayite laalcho anera aa habbinoonte. Ooso'ne giddonnino bayira beetto anera uuyye"e. 30Lali'nenna ge'reewi'ne giddonnino umo qalaminoha anera uyitinannie. Qalaminohu 7 barra amasi ledo keeshsheenna settikki barra abbitine uyitinannie. 31Ki'ne anera qullaawa manna ikkitinoonnie daafira, moyichu shiino saada maala woshshaho uuyye ikkinnina ittinoonte.
© The Bible Society of Ethiopia; Sidama Holy Bible BSE-UBS 262 P 2014