FULO 14
14
DUUMO BAARA TAYISE SA"A
1Hakkunni gedensaanni Kaaliiqi Musera, 2«Israeele galagalte higge Migidoolinna Baaru mereero Pihahirooti albaanni Baalitsefooni mule baxxisidhanno gede kulinsa. 3Ferioonira, Israeelete manni raataawanni halalla shete nooha lawannosi. 4Anino wodanasi dilleesseemmo daafira shorranno'ne; Feriooninna olantosi baala qeela kayinni, anera ayirrinye uyitannoe; hatte yannara, Gibitsootu ani Kaaliiqa ikkoommota affanno» yiisi. Israeeleno kulloonninsa gede assitu.
5Gibitsete moote mannu fule ha'rinota afihu gedensaanni, isinna ledosi gashshaano hedonsa soorrite, «Konne manna isi mayira agurrummo? Israeelootu fulte hadhanno gede assine soqqamannonkeha dihoogankeetiyya!» yitu. 6Feriooni faradu gaare biddi assiise, olantosino kayisi'ri. 7Lee xibbe jawaata faradu gaare ledo, Gibitsete noo faradi gaare baala koorsiise, mitte mittentera hajajannoha wori. 8Kaaliiqi Feriooni wodana dilleessino daafira, bashshi assitukkinni hadhanni noo Israeele hordofi. 9Gibitsete olanto faradonna faradi gaare goluffe faana gantu. Baaru mule Pihahirooti albaanni Baalitsefooni mule baxxisidhe noowa iillitunsa.
10Israeelootu Feriooninna olantosi hordoffanni noonsata affe, lowo geeshsha waajjitu; kunnira, kaa'lannonsa gede Kaaliiqiwa higge raartu. 11Museno qolte, «Gibitsete waammate dargi hoogeennaatini halalla reyinammora fushshittonkehu? Gibitsetenni haadhe fushshiteennanke dayinonke coye lai! 12Kuni coyi ikkannota Gibitsete hee'nenni dikulloommohe? ‹Halalla marre reyinammontenni angansa galloommoro woyyannona agurinke› diyinoommohe?» yitusi. 13Museno mannaho, «Waajjitinoontena heedhinoonniwa uurre; kore techo affinanni Gibitsoota layinkita diaffinannina, Kaaliiqi ki'ne gatisate assannore la'inannina agarre. 14Kaaliiqi gaaramanno'nena, ki'ne sammi yitinella la'e» yiinsa.
15Kaaliiqino Muse, «Anewa higge mayira raaratto? Israeelete mannira ha'rona kuli. 16Atino siqqokki haadhe, baaru aanira qolte diriirsi; wayino lamewa beehamanno; Israeeleno moola baatto kaxxitanni giddoonni higge sa'anno. 17Anino Gibitsootu wodana dilleesseemmo; insano hoode'ne e'anno; Feriooninna olantosi, faradi gaaresino qeele ayirrinye adheemmo. 18Qeeleemmonsa yannara Gibitsootu ani Kaaliiqa ikkoommota affanno» yiisi.
19Israeelete olantora albaanni ha'ranni noohu Maganu sokkaasinchi badhensaanni sai; gomichu heelliichono badhensaanni sa'e, 20Gibitsootunna Israeelete mereero uurritu; gomichuno Gibitsootaho tunsiisi; Israeelete widoonni kayinni xawi; kunnira hashsha wo'ma Gibitsete olanto Israeelootunniwa gamba yitukkinni galtu.
21Museno angasi baaru aana diriirsi; Kaaliiqino wolqaataame soojjaati bubbe abbeenna hashsha wo'ma bubbissanni galte baara lamewa badde baatto mooshshitu. 22Israeelete mannino baaru giddoonni moola baatto kaxxanni sai; wayino guraanninna qiniiteenni gammalu gede ikke uurri. 23Gibitsootu, Feriooni faradinna faradi gaare, faradaasine baalu shorritanni hoodensa baaru giddora e'u. 24Duu'mo saaqqukkinni Kaaliiqi giiratenna gomichu heelliicho iima hee're Gibitsete olanto lae, garu ba"annonsa gede assi. 25Faradi gaarete qale amadeenna milli yaa hooggu; Gibitsootuno, «Kaaliiqi Israeelootaho gaaramanni noo daafira, kawiinni xoonqo» yitu.
26Kaaliiqi Muse, «Wayi Gibitsootu, faradi gaarensanna faradaasinensa aana kamballi yaanno gede, angakki baaru aana diriirsi» yii. 27Muse angasi baaru aana diriirseenna, baaru soodita dargisira higi; Gibitsootuno fulte xooqqara wo'naa'liturono, Kaaliiqi kayinni baaru giddo huninsa. 28Wayino dargisira hige hoodensa e'inore faradi gaare, faradaasinenna Feriooni olanto baala mittu nafa gattukkinni egemmi. 29Israeelete manni kayinni, baaru giddoonni moola baatto kaxxe sa"anno yannara, wayi guransaanninna qiniitensaanni gammalu gede ikke uurri.
30Kaaliiqi hakko barra Israeele kunni garinni Gibitsootu anganni gatise fushshinsa. Insano wayi fushshe tuginoha Gibitsootu reeshsha baaru gama affu. 31Israeeleno Kaaliiqi Gibitsootu aana leellishinota jawaata wolqasi affe waajjitu; Kaaliiqanna soqqamaanchosi Museno ammantu.
دیاریکراوەکانی ئێستا:
FULO 14: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 14
14
DUUMO BAARA TAYISE SA"A
1Hakkunni gedensaanni Kaaliiqi Musera, 2«Israeele galagalte higge Migidoolinna Baaru mereero Pihahirooti albaanni Baalitsefooni mule baxxisidhanno gede kulinsa. 3Ferioonira, Israeelete manni raataawanni halalla shete nooha lawannosi. 4Anino wodanasi dilleesseemmo daafira shorranno'ne; Feriooninna olantosi baala qeela kayinni, anera ayirrinye uyitannoe; hatte yannara, Gibitsootu ani Kaaliiqa ikkoommota affanno» yiisi. Israeeleno kulloonninsa gede assitu.
5Gibitsete moote mannu fule ha'rinota afihu gedensaanni, isinna ledosi gashshaano hedonsa soorrite, «Konne manna isi mayira agurrummo? Israeelootu fulte hadhanno gede assine soqqamannonkeha dihoogankeetiyya!» yitu. 6Feriooni faradu gaare biddi assiise, olantosino kayisi'ri. 7Lee xibbe jawaata faradu gaare ledo, Gibitsete noo faradi gaare baala koorsiise, mitte mittentera hajajannoha wori. 8Kaaliiqi Feriooni wodana dilleessino daafira, bashshi assitukkinni hadhanni noo Israeele hordofi. 9Gibitsete olanto faradonna faradi gaare goluffe faana gantu. Baaru mule Pihahirooti albaanni Baalitsefooni mule baxxisidhe noowa iillitunsa.
10Israeelootu Feriooninna olantosi hordoffanni noonsata affe, lowo geeshsha waajjitu; kunnira, kaa'lannonsa gede Kaaliiqiwa higge raartu. 11Museno qolte, «Gibitsete waammate dargi hoogeennaatini halalla reyinammora fushshittonkehu? Gibitsetenni haadhe fushshiteennanke dayinonke coye lai! 12Kuni coyi ikkannota Gibitsete hee'nenni dikulloommohe? ‹Halalla marre reyinammontenni angansa galloommoro woyyannona agurinke› diyinoommohe?» yitusi. 13Museno mannaho, «Waajjitinoontena heedhinoonniwa uurre; kore techo affinanni Gibitsoota layinkita diaffinannina, Kaaliiqi ki'ne gatisate assannore la'inannina agarre. 14Kaaliiqi gaaramanno'nena, ki'ne sammi yitinella la'e» yiinsa.
15Kaaliiqino Muse, «Anewa higge mayira raaratto? Israeelete mannira ha'rona kuli. 16Atino siqqokki haadhe, baaru aanira qolte diriirsi; wayino lamewa beehamanno; Israeeleno moola baatto kaxxitanni giddoonni higge sa'anno. 17Anino Gibitsootu wodana dilleesseemmo; insano hoode'ne e'anno; Feriooninna olantosi, faradi gaaresino qeele ayirrinye adheemmo. 18Qeeleemmonsa yannara Gibitsootu ani Kaaliiqa ikkoommota affanno» yiisi.
19Israeelete olantora albaanni ha'ranni noohu Maganu sokkaasinchi badhensaanni sai; gomichu heelliichono badhensaanni sa'e, 20Gibitsootunna Israeelete mereero uurritu; gomichuno Gibitsootaho tunsiisi; Israeelete widoonni kayinni xawi; kunnira hashsha wo'ma Gibitsete olanto Israeelootunniwa gamba yitukkinni galtu.
21Museno angasi baaru aana diriirsi; Kaaliiqino wolqaataame soojjaati bubbe abbeenna hashsha wo'ma bubbissanni galte baara lamewa badde baatto mooshshitu. 22Israeelete mannino baaru giddoonni moola baatto kaxxanni sai; wayino guraanninna qiniiteenni gammalu gede ikke uurri. 23Gibitsootu, Feriooni faradinna faradi gaare, faradaasine baalu shorritanni hoodensa baaru giddora e'u. 24Duu'mo saaqqukkinni Kaaliiqi giiratenna gomichu heelliicho iima hee're Gibitsete olanto lae, garu ba"annonsa gede assi. 25Faradi gaarete qale amadeenna milli yaa hooggu; Gibitsootuno, «Kaaliiqi Israeelootaho gaaramanni noo daafira, kawiinni xoonqo» yitu.
26Kaaliiqi Muse, «Wayi Gibitsootu, faradi gaarensanna faradaasinensa aana kamballi yaanno gede, angakki baaru aana diriirsi» yii. 27Muse angasi baaru aana diriirseenna, baaru soodita dargisira higi; Gibitsootuno fulte xooqqara wo'naa'liturono, Kaaliiqi kayinni baaru giddo huninsa. 28Wayino dargisira hige hoodensa e'inore faradi gaare, faradaasinenna Feriooni olanto baala mittu nafa gattukkinni egemmi. 29Israeelete manni kayinni, baaru giddoonni moola baatto kaxxe sa"anno yannara, wayi guransaanninna qiniitensaanni gammalu gede ikke uurri.
30Kaaliiqi hakko barra Israeele kunni garinni Gibitsootu anganni gatise fushshinsa. Insano wayi fushshe tuginoha Gibitsootu reeshsha baaru gama affu. 31Israeeleno Kaaliiqi Gibitsootu aana leellishinota jawaata wolqasi affe waajjitu; Kaaliiqanna soqqamaanchosi Museno ammantu.
© The Bible Society of Ethiopia; Sidama Holy Bible BSE-UBS 262 P 2014