Mark 7
7
Sa Tinawid Da Judyu Atta Danaḵḵoḻda
(Mat. 15:1-9)
1Sin-aḻgawan ḵad, ummoy nadagup ḵan Jesus da Pharisee ya da mimistulun ni lintoge naḻpu'd Jerusalem. 2Innilada da udume disipulunae nangan yaḵon adidapun inunud ugali si inondae ambuḻu we intuttudun da Pharisee aḵ mibelang aḵ ampoḻḵas. 3Te da Pharisee ya da udume Judyu, unudonda ugali ye tinawidda'tta danaḵḵoḻdae adidapun angan nu adidapun ambuḻu. 4Ḵad nu maḻpuda'tte nginginnaan, adidapun angan nu adida umuna ambuḻu. Adu bos da udume ugali ye tinawidda'tta danaḵḵoḻda, isun da ugalida si ḵiwasanda da tasa, da ḵaḵappiyan ya da ḵanting. 5Pun da Pharisee ya da mimistulun ni lintog, ḵananda ḵan Jesus, “Ngaipan da disipulum adi unudon ugali si inondae ambuḻu we tinawid taḵu'tta danaḵḵoḻ taḵu? Ngaipada angane adidapun inunud inondae ambuḻu?”
6Ḵanan Jesus, “Tuttuwa imbagan Apudyus ḵan Profeta Isaiah atte inggilina'tte Ugud Apudyus we mipanggob ḵan diḵayu we ḵapappailae ḵanana,
“ ‘Da annae tagu, andayawda ḵan saḵon atta sungadda,
yaḵon adayu da somsomoḵda ḵan saḵon.
7Ippun paat daḻat ni andayawanda ḵan saḵon
te sa ituttududa abus da ugali ye ḵingwan da tagu
ḵad ibagadae bilinḵu.’#7:6-7 Isaiah 29:13.
8Ḵaḵnat ḵoonyu te nan-awidanyu bilin Apudyus ta siya unudonyu ugalin da tagu.”
9Pune sadi pinagatupan Jesus woḵ ḵanana, “Aginlalaing ḵayu! An-awidanyu bilin Apudyus ta unudonyu ugaliyu. 10Te sa inggilin Moses atte Ugud Apudyus, ḵanana, ‘Dayawom da amam ḵan inam,’ ya ‘Ngaimane an-ugud aḵ lawweng atte amana ḵan inana, aaddi ye magongat.’#7:10 Exodus 20:12; 21:17; Deuteronomy 5:16; Leviticus 20:9. 11Yaḵon sa ituttuduyu sabali. Te ituttuduyu we miyunud nu adipun tagu bumadang atta amana ḵan inana nu ittona badangna ḵan Apudyus. Iyunudyu we ibagana'tta amana ḵan inana ḵanane, ‘Sa ittoḵ oḵyan ḵan diḵayu, inkariḵe idatun ḵan Apudyus.’ 12Ḵad nu imbagana ḵaḵnat, adiyupun ogon iyunude bumadang ḵan amana ya aḵ inana. 13Gapu'tte sadi ye ugali ye ituttuduyu'tta adu we tagu, an-awidanyu Ugud Apudyus. Ḵad ḵoonyu bos da adu we ḵaḵna.”
Sa Angaissaw Atte Tagu
(Mat. 15:10-20)
14Pun inayagan os Jesus da tagu woḵ ḵanana ḵan dida, “Diḵayu losan, dongngonyu anna ta igammuwonyu. 15Sa mibelang aḵ angaissaw atte tagu si antotollong Apudyus, daḵampun atte ngaimane lumnoḵ si sungadna yaḵon sa tumoḵwaḻ atte sungadna. 16Diḵayu ḵad, gogomgomanyu da dingngoḻyu.”
17Tinenan ḵad Jesus da tagu woḵ nillumnoḵ atte boḻoy, inimus da disipuluna nu ngai pion ni impanina ḵanan. 18Ḵanan Jesus, “Pun taḵon ay os diḵayu, daanyupun os ay maawatan da ituttuduḵ? Adiyupun ḵamman igammu we ngaimane lumnoḵ si sungad ni tagu, daḵampun aḵ mibelang aḵ angaissaw ḵan siya si antotollong Apudyus? 19Te adidapun umoy atte somsomoḵna. Umoy atte buwangna ya niyattayda.” Imbagan ḵad Jesus sadi, piona ugudone losane maḵan ampoḻḵas, maḵwa ḵanon da tagu te daḵampun aḵ siya angaissaw ḵan siya si antotollong Apudyus.
20Pun pinagatupan Jesus woḵ ḵanana, “Sa maḻpu'tte somsomoḵ ni tagu, siya mibelang aḵ angaissaw ḵan siya si antotollong Apudyus. 21Te sadi puun ni isun da sanae ḵasomsomḵan, adaḻugona daḵampun aḵ asawana, an-aḵaw, pumatoy, maḵadagdagas, 22andomos atta ḵuḵuwan da udum, ḵoona da lawweng atta asintataguna, umallelaw, ḵoona da ḵababbain, maapos, an-amsew, ansoḵaḻ, ḵad andongdong-og. 23Da sadi ye maḻpu'tte somsomoḵ ni tagu mibelang aḵ angaissaw ḵan siya si antotollong Apudyus.”
Sa Pammatin Ni Bubai Ye Gentil
(Mat. 15:21-28)
24Pun ḵesan aḵ Jesus woḵ ummoy atta saḵubna'd Tyre ya ad Sidon. Inniinggaw atte boḻoye indasana ḵad adinapun pione igammuwon da tagu we awad sidi. Yaḵon taḵon ay nu ḵatti, inigammuda. 25Inninggaw bubai ye naaḻanan abengnae babaḻasang. Dingngoḻna ḵade awad aḵ Jesus, daguse ummoy ḵan siya. Dummatong ḵad, nanalluḵu si sinagung Jesus, 26woḵ nandagdagu ḵan siya ta paḻyawona oḵyan aḻan atte abengna. Sa bubai ye sadi, niyanaḵ ad Phoenicia we saḵubna'd Syria ya sa ugudna ḵad Grineek. 27Pun ḵanan Jesus we nangipani, “Unniyan ta umuna massug da abeng te daḵampun aḵ ambaḻu nu ipaḵanta ḵanon da abeng atta asu.”
28Ḵanan ni bubai, “On Apu yaḵon da asu ḵad, ḵanonda da dadaḵon da abenge angan.”
29Ḵanan Jesus, “Gapu'tte sanate insongbatnu, maḵwae inḵan. Tinenan ni aḻan abengnu.” 30Pun ummoyon bubai woḵ indasana abengnae innumbog atte ḵama. Ḵad tuttuwae tummoḵwaḻ aḻan ḵan siya.
Sa Natuḻong Ya Naumoḻ
31Pun tinenan Jesus ad Tyre woḵ nangoy ad Sidon ya da saḵubna'd Decapolis ta mipauli'tte Baybay ad Galilee. 32Inninggaw da nangiyoy si tagu we natuḻong ya naumoḻ. Pun nandagdaguda ḵan Jesus ta ipatayna oḵyan imana ḵan siya ta maḵaginga ḵan maḵadongoḻ.
33Imbattawan Jesus atta amoamode tagu woḵ ummabusdae duwa. Pun insuḻuḵna tammuduna si ingan ni laḻaḵi woḵ tinuppaana tammuduna pun intodoḵna bos atte delan ni laḻaḵi. 34Pun nantangad ḵad aḵ Jesus ad langit, ummag-os woḵ ḵanana, “Ephphatha,” we sa piona ḵanan, “Mabuḵatanḵa.” 35Pun daguse naḵadongoḻ ya naḵaan umoḻna woḵ anggodong an-uugudna.
36Imbilin Jesus ḵan didae adida paat ug-uggudon atta ngaiman. Yaḵon taḵon ay nu binilibilinna dida, amo inuguugudda. 37Pun gattoḵe nataag da tagu woḵ ḵananda, “Ambaḻu da losane ḵingwana! Te maḵwae ḵaanona tuḻong ya umoḻ da tagu ta maḵadongoḻda ḵan maḵagingada.”
دیاریکراوەکانی ئێستا:
Mark 7: kml
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2019 Translators Association of the Philippines (TAP), All rights reserved.
Mark 7
7
Sa Tinawid Da Judyu Atta Danaḵḵoḻda
(Mat. 15:1-9)
1Sin-aḻgawan ḵad, ummoy nadagup ḵan Jesus da Pharisee ya da mimistulun ni lintoge naḻpu'd Jerusalem. 2Innilada da udume disipulunae nangan yaḵon adidapun inunud ugali si inondae ambuḻu we intuttudun da Pharisee aḵ mibelang aḵ ampoḻḵas. 3Te da Pharisee ya da udume Judyu, unudonda ugali ye tinawidda'tta danaḵḵoḻdae adidapun angan nu adidapun ambuḻu. 4Ḵad nu maḻpuda'tte nginginnaan, adidapun angan nu adida umuna ambuḻu. Adu bos da udume ugali ye tinawidda'tta danaḵḵoḻda, isun da ugalida si ḵiwasanda da tasa, da ḵaḵappiyan ya da ḵanting. 5Pun da Pharisee ya da mimistulun ni lintog, ḵananda ḵan Jesus, “Ngaipan da disipulum adi unudon ugali si inondae ambuḻu we tinawid taḵu'tta danaḵḵoḻ taḵu? Ngaipada angane adidapun inunud inondae ambuḻu?”
6Ḵanan Jesus, “Tuttuwa imbagan Apudyus ḵan Profeta Isaiah atte inggilina'tte Ugud Apudyus we mipanggob ḵan diḵayu we ḵapappailae ḵanana,
“ ‘Da annae tagu, andayawda ḵan saḵon atta sungadda,
yaḵon adayu da somsomoḵda ḵan saḵon.
7Ippun paat daḻat ni andayawanda ḵan saḵon
te sa ituttududa abus da ugali ye ḵingwan da tagu
ḵad ibagadae bilinḵu.’#7:6-7 Isaiah 29:13.
8Ḵaḵnat ḵoonyu te nan-awidanyu bilin Apudyus ta siya unudonyu ugalin da tagu.”
9Pune sadi pinagatupan Jesus woḵ ḵanana, “Aginlalaing ḵayu! An-awidanyu bilin Apudyus ta unudonyu ugaliyu. 10Te sa inggilin Moses atte Ugud Apudyus, ḵanana, ‘Dayawom da amam ḵan inam,’ ya ‘Ngaimane an-ugud aḵ lawweng atte amana ḵan inana, aaddi ye magongat.’#7:10 Exodus 20:12; 21:17; Deuteronomy 5:16; Leviticus 20:9. 11Yaḵon sa ituttuduyu sabali. Te ituttuduyu we miyunud nu adipun tagu bumadang atta amana ḵan inana nu ittona badangna ḵan Apudyus. Iyunudyu we ibagana'tta amana ḵan inana ḵanane, ‘Sa ittoḵ oḵyan ḵan diḵayu, inkariḵe idatun ḵan Apudyus.’ 12Ḵad nu imbagana ḵaḵnat, adiyupun ogon iyunude bumadang ḵan amana ya aḵ inana. 13Gapu'tte sadi ye ugali ye ituttuduyu'tta adu we tagu, an-awidanyu Ugud Apudyus. Ḵad ḵoonyu bos da adu we ḵaḵna.”
Sa Angaissaw Atte Tagu
(Mat. 15:10-20)
14Pun inayagan os Jesus da tagu woḵ ḵanana ḵan dida, “Diḵayu losan, dongngonyu anna ta igammuwonyu. 15Sa mibelang aḵ angaissaw atte tagu si antotollong Apudyus, daḵampun atte ngaimane lumnoḵ si sungadna yaḵon sa tumoḵwaḻ atte sungadna. 16Diḵayu ḵad, gogomgomanyu da dingngoḻyu.”
17Tinenan ḵad Jesus da tagu woḵ nillumnoḵ atte boḻoy, inimus da disipuluna nu ngai pion ni impanina ḵanan. 18Ḵanan Jesus, “Pun taḵon ay os diḵayu, daanyupun os ay maawatan da ituttuduḵ? Adiyupun ḵamman igammu we ngaimane lumnoḵ si sungad ni tagu, daḵampun aḵ mibelang aḵ angaissaw ḵan siya si antotollong Apudyus? 19Te adidapun umoy atte somsomoḵna. Umoy atte buwangna ya niyattayda.” Imbagan ḵad Jesus sadi, piona ugudone losane maḵan ampoḻḵas, maḵwa ḵanon da tagu te daḵampun aḵ siya angaissaw ḵan siya si antotollong Apudyus.
20Pun pinagatupan Jesus woḵ ḵanana, “Sa maḻpu'tte somsomoḵ ni tagu, siya mibelang aḵ angaissaw ḵan siya si antotollong Apudyus. 21Te sadi puun ni isun da sanae ḵasomsomḵan, adaḻugona daḵampun aḵ asawana, an-aḵaw, pumatoy, maḵadagdagas, 22andomos atta ḵuḵuwan da udum, ḵoona da lawweng atta asintataguna, umallelaw, ḵoona da ḵababbain, maapos, an-amsew, ansoḵaḻ, ḵad andongdong-og. 23Da sadi ye maḻpu'tte somsomoḵ ni tagu mibelang aḵ angaissaw ḵan siya si antotollong Apudyus.”
Sa Pammatin Ni Bubai Ye Gentil
(Mat. 15:21-28)
24Pun ḵesan aḵ Jesus woḵ ummoy atta saḵubna'd Tyre ya ad Sidon. Inniinggaw atte boḻoye indasana ḵad adinapun pione igammuwon da tagu we awad sidi. Yaḵon taḵon ay nu ḵatti, inigammuda. 25Inninggaw bubai ye naaḻanan abengnae babaḻasang. Dingngoḻna ḵade awad aḵ Jesus, daguse ummoy ḵan siya. Dummatong ḵad, nanalluḵu si sinagung Jesus, 26woḵ nandagdagu ḵan siya ta paḻyawona oḵyan aḻan atte abengna. Sa bubai ye sadi, niyanaḵ ad Phoenicia we saḵubna'd Syria ya sa ugudna ḵad Grineek. 27Pun ḵanan Jesus we nangipani, “Unniyan ta umuna massug da abeng te daḵampun aḵ ambaḻu nu ipaḵanta ḵanon da abeng atta asu.”
28Ḵanan ni bubai, “On Apu yaḵon da asu ḵad, ḵanonda da dadaḵon da abenge angan.”
29Ḵanan Jesus, “Gapu'tte sanate insongbatnu, maḵwae inḵan. Tinenan ni aḻan abengnu.” 30Pun ummoyon bubai woḵ indasana abengnae innumbog atte ḵama. Ḵad tuttuwae tummoḵwaḻ aḻan ḵan siya.
Sa Natuḻong Ya Naumoḻ
31Pun tinenan Jesus ad Tyre woḵ nangoy ad Sidon ya da saḵubna'd Decapolis ta mipauli'tte Baybay ad Galilee. 32Inninggaw da nangiyoy si tagu we natuḻong ya naumoḻ. Pun nandagdaguda ḵan Jesus ta ipatayna oḵyan imana ḵan siya ta maḵaginga ḵan maḵadongoḻ.
33Imbattawan Jesus atta amoamode tagu woḵ ummabusdae duwa. Pun insuḻuḵna tammuduna si ingan ni laḻaḵi woḵ tinuppaana tammuduna pun intodoḵna bos atte delan ni laḻaḵi. 34Pun nantangad ḵad aḵ Jesus ad langit, ummag-os woḵ ḵanana, “Ephphatha,” we sa piona ḵanan, “Mabuḵatanḵa.” 35Pun daguse naḵadongoḻ ya naḵaan umoḻna woḵ anggodong an-uugudna.
36Imbilin Jesus ḵan didae adida paat ug-uggudon atta ngaiman. Yaḵon taḵon ay nu binilibilinna dida, amo inuguugudda. 37Pun gattoḵe nataag da tagu woḵ ḵananda, “Ambaḻu da losane ḵingwana! Te maḵwae ḵaanona tuḻong ya umoḻ da tagu ta maḵadongoḻda ḵan maḵagingada.”
© 2019 Translators Association of the Philippines (TAP), All rights reserved.