मोत्ती 5
5
ईशूए धारा प्रैंदै शिक्षा
1ईशू भाल़अ कि खास्सै मणछ आऐ, सह डेऊअ उझै धारठी प्रैंदा लै। संघा बेठअ तिधी अर च़ेल्लै बी बेठै तेऊ फेर शूणैं। 2तेखअ लागअ सह तिन्नां सोभी लै इहअ बोली शिक्षा दैंदअ,
3 “परमेशर दैआ तिन्नां लै बर्गत, ज़ुंण परमेशरे आसरै रहा,
स्वर्गो राज़ आसा तिन्नां लै।
4 परमेशर दैआ तिन्नां लै बर्गत ज़हा एभै शोग आसा पल़अ द,
तिन्नां लै भेटणीं शांती।
5 परमेशर दैआ तिन्नां लै बर्गत ज़ुंण शरेरै निं फिरदै,
तिंयां हणैं ऐहा पृथूईए मालक।
6 परमेशर दैआ तिन्नां लै बर्गत ज़ुंण
धर्म करने भुख हआ, तिंयां रज़ैऊंणै।
7 परमेशर दैआ तिन्नां लै बर्गत ज़ुंण झींण करा,
तिन्नां लै हणअ परमेशर झणैल़ू।
8 परमेशर दैआ तिन्नां लै बर्गत ज़सरै मन्नैं खोट निं आथी,
तिन्नां भेटणअ परमेशर।
9 परमेशर दैआ तिन्नां लै बर्गत ज़ुंण मेल़-ज़ोल़ करा,
तिंयां हणैं परमेशरे लुआद।
10 परमेशर दैआ तिन्नां लै बर्गत ज़हा लै धर्म करी लोग दुख दैआ,
स्वर्गो राज़ आसा तिन्नां लै।
11 “परमेशरा दैणीं तम्हां लै बर्गत ज़ेभै तम्हां लै लोग मुंह पिछ़ू झ़ुठअ बोली थारै खलाफ हर रंगो बूरअ बर्ताअ करे। 12तेभै हऐ तम्हैं खास्सै खुशी। तम्हां लै आसा स्वर्गै बडअ फल़। किल्हैकि ज़ुंण तम्हां का पैहलै भलै मणछ, परमेशरे गूर थिऐ, तिन्नैं किअ त तिन्नां लै बी इहअ ई ज़ुल्म।
लूंण अर लाटू
(मार्कुस 9:50; लूका 14:34,35)
13 “ज़िहअ रोटी लै लूंण पाआ तिहै हणैं तम्हैं बी संसारा लै। पर ज़ै लूंणो सुआद लूंणअ नांईं होए, तै सह किज़ू करै करनअ लूंणअ? तेखअ निं तेता ढेक्का शोटणै का सुआई किछ़ै काम रहंदअ।
14 “तम्हैं आसा संसारा लै प्रैश्शअ, ज़ुंण गराअं धारा प्रैंदै हआ बस्सअ द, सह शुझिआ सोभी का। 15इहअ निं कोह आथी ज़ुंण दीअ ज़ाल़ी दरोठू भितरी डाहा पाई तेता डाहा दीअदानी दी उछ़टै ताकि सारै घअरै प्रैश्शअ होए। 16ठीक इहअ लोल़ी ई थारअ प्रैश्शअ बी होरी लोगा नदरी च़मकअ। ताकि तिंयां थारै भलै कामां भाल़ी परमेशरे बड़ैई करे ज़ुंण थारअ बाब स्वर्गै आसा।
शास्त्रे शिक्षा
17 “इहअ निं समझ़ा कि हुंह आसा परमेशरे गूरे बधाना अर शास्त्रा खतम करदअ आअ द, पर हुंह आसा तिन्नां पूरै करदअ आअ द।#5:17 रोम. 10:4 18हुंह खोज़ा तम्हां का सत्त कि ज़ेभै तैणीं अह सरग अर पृथूई खतम नां होए, तेभै तैणीं निं बधाना दी लिखी दी एक मात्रा अर एक बिंदू बी पूरअ हणैं बाझ़ी टल़णअ।
19 “तैही बोला हुंह कि ज़ुंण बी इना होछ़ै का होछ़ै हुकमा मनणा लै एकी दी बी गलती करे अर तिहअ ई होरी का बी सखाओए सह हणअ स्वर्ग राज़ा दी सोभी का होछ़अ। पर ज़ुंण बी तिन्नां हुकमा मने अर तिन्नां होरी का बी सखाओए, सह हणअ स्वर्ग राज़ा दी सोभी का महान।
20 “पर हुंह खोज़ा तम्हां का सत्त, ज़ै तम्हैं परमेशरे हर गल्ला मनणा लै इना यहूदी शास्त्री अर फरीसी पंथे लोगा का खास्सै धर्मीं होए तै सका तम्हैं स्वर्ग राज़ा दी डेऊई।
रोश्श अर हत्या
21 “तम्हैं आसा ईंयां गल्ला शूणीं दी कि बधाना दी आसा इहअ लिखअ द, ‘हत्या निं करनी अर ज़ुंण हत्या करे, तेऊ भेटणीं दालता दी सज़ा।’”#5:21 लुआ. 20:13
22 “पर हुंह खोज़ा तम्हां का सत्त, ज़ुंण बी आपणैं भाई लै रोश्श करे, सह आसा हत्या करनै आल़अ अर तेऊ भेटणीं दालता दी सज़ा। ज़ुंण आपणैं भाई लै निक्कअ बोले, तेऊ भेटणीं माहा सभा सज़ा। ज़ुंण इहअ बोले, ‘आरा ऐडै मणछा,’ तेऊ भेटणीं जम्परीए आगी जैंदरी सज़ा।
23 “तैही बोला हुंह ज़ै तूह परमेशरा लै आपणीं भैंट बेदी दी आणे, अर तिधी फिरे ताह आद कि मेरै भाई-बैहण मन्नैं आसा मुल्है बरोध! तै छ़ाड तूह आपणीं भैंट तिधी बेदी आजू। 24आपणैं भाई-बैहणी संघै कर पैहलै मेल़-ज़ोल़ अर तेखअ दै आपणीं भैंट बेदी दी।
25 “ज़ेभै तैणीं तूह आपणैं दुशमणा संघा बाता आसा, तेभी कर तेऊ संघै मेल़-ज़ोल़। इहअ निं हआ कि सह निंए ताह पांच़ा सेटा अर पांच़ दैए ताह सपाही का अर सपाही पाए ताह कैद खानै दी। 26ऐहा गल्ला लऐ तूह समझ़ी कि ज़ेभै तैणीं तूह पाई-पाई निं भरी मुक्के, तेभै तैणीं निं तूह तिधा का छ़ुटणअ।
कंज़रैई
27 “तम्हैं आसा ईंयां गल्ला शूणीं दी कि परमेशरै आसा म्हारै दादा-बाबा लै बोलअ द, ‘कंज़रै निं हणअ।’#5:27 बधा. 5:18; लुआ. 20:14 28पर हुंह बोला तम्हां लै इहअ, ज़ुंण कहा बेटल़ी लै कंज़री नदर बी दैए, सह गअ मन्नैं ई मन्नैं तैहा संघै कंझ़रूई।
29 “ज़ै तूह आपणीं आछी कई गल्ला भाल़ी पाप करा, तिन्नां पापा दी पाप कराऊंणै आल़ी च़िज़ा भाल़णैं का रह दूर, च़ाऐ ताह सह आछ पोर्ही किल्है निं पल़े काढणीं। किल्हैकि ताल्है आसा अह ई भलअ कि तेरी देही का हणअ एक्कै आंग ज़ांऐं, तेता पिछ़ू तेरी सारी देही ता निं जम्परी डेऊणी।
30 “ज़ै तेरै हाथा करै पाप हआ, तेता करै पाप करने पाऐ छ़ाड। च़ाऐ ताह सह हाथ काटणअ किल्है निं पल़े। ताल्है आसा इहअ ई भलअ कि तेरअ एक्कै हाथ हणअ तेरी देही का ज़ांऐं, तेता पिछ़ू तेरी सारी देही ता निं जम्परी डेऊणी।
बैईदाऊअ
31 “तम्हैं इहअ बी आसा शूणअ द कि ज़ुंण आपणीं लाल़ी छ़ाडणअ च़ाहा, सह दैऐ तैहा लै बैईदाऊअ लिखी।#5:31 बधा. 24:1-4 32पर हुंह बोला तम्हां लै इहअ कि ज़ुंण बी आपणीं बेटल़ी कंज़रै कामां का सुआई थोघै बाझ़ी किज़ू होरी कामां पिछ़ू छ़ाडे, सह कराऊआ तैहा का कंज़रैई, अर ज़ुंण तैहा छ़ाडी दी बेटल़ी संघै बैह करे, सह बी करा कंज़रैई।
सोह निं काढणैं
33 “तम्हैं इहअ बी आसा हेरअ द शूणीं कि थारै दाद-बाब बोला तै तिन्नें ज़मानै, ‘झ़ुठै सोह निं काढणैं पर प्रभू लै करनै आपणैं सोह पूरै।’#5:33 बधा. 23:1
34 “पर हुंह बोला तम्हां लै इहअ कि सोह निं कधि काढणैं, नांईं ता स्वर्गे, किल्हैकि सह आसा परमेशरे राज़गाद्दी।#5:34 ईशा. 66:1 35नां पृथूईए, किल्हैकि सह आसा तेऊए च़रणा बशैल़णे च़ौकी। नां एरुशलेम नगरीए, किल्हैकि सह आसा माहा राज़ेए नगरी। 36आपणैं मुंडे सोह बी निं काढी। किल्हैकि तूह नां एक शराल़ काल़अ अर नां तूह शेतअ करी सकदअ।
37 “पर थारी ‘हाँ’ करनैओ मतलब लोल़ी ‘हाँ’ अर थारी ‘नांह’ करनैओ मतलब लोल़ी ‘नांह’ हुअ। किल्हैकि ज़ुंण बी एता का खास्सअ हआ सह हआ राख्सा बाखा।
बदल़अ
(लूका 6:29,30)
38 “तम्हैं आसा आपणैं दादा-बाबा का इहअ बी शूणअ द कि बधाना दी बोला इहअ, ‘आछिए बदल़ै आछ, अर दांदे बदल़ै दांद।’#5:38 बधा. 19:21
39 “पर हुंह बोला तम्हां लै इहअ, ‘बूरै करने बदल़ै बूरअ निं करी। पर ज़ुंण तेरै दैहणै गलेटै च़ैंडै बाहे, तेऊ बाखा फरेओऐ बाऊंअ गलेटअ बी।’ 40ज़ै कुंण तेरअ दाऊअ करी तेरी सज़ा भुगतणे बदल़ै कुर्तै आप्पू लै निंणअ च़ाहे, तेऊ लै दैऐ आपणअ च़ोल़अ बी खोल्ही च़ाऐ तेते ताह खास्सी ज़रुरत किल्है निं होए।
41 “ज़ुंण ताह थोघै बाझ़ी एक मील दूर निंए, तेऊ संघै डेओऐ दूई मील तूह तैणीं बी। 42ज़ुंण ताखा किज़ै मांगे, तेऊ लै दैऐ, अर ज़ुंण ताखा किज़ै ऋण मांगे, तेऊ लै निं आपणीं पिठ फरेऊई।
दुशमणा संघै झ़ूरी
(लूका 6:27,28,32-36)
43 “तम्हैं आसा इहअ बी शूणअ द कि इहअ बी बोला तै कि आपणैं लोगा संघै डाहै झ़ूरी अर आपणैं दुशमणा संघै डाहै ज़ीद। #
लेब. 19:18
44 “पर हुंह बोला तम्हां लै इहअ कि आपणैं दुशमणा संघै डाहै झ़ूरी। ज़ुंण ताल्है ज़ुल्म करा, तेऊ लै करै प्राथणां।
45 “इहअ करै हणैं तम्हैं आपणैं स्वर्गे बाब परमेशरे लुआद। किल्हैकि सह दैआ भलै अर बूरै दुही लै सुरज़ो धुप्पअ, अर धर्मीं अर पापी दुही लै बरशाऊआ पाणीं। 46किल्हैकि, ज़ै तम्हैं आप्पू लै झ़ूरनै आल़ै संघै ई झ़ूरी डाहा, तै तम्हां लै किज़ै फाईदअ हणअ? होर लोग बी कै इहअ निं करदै?
47 “ज़ै तम्हैं आपणैं ई भाई-बंधा लै अदर करा, सह कै तम्हैं बेघै बडअ काम करा? इहअ कै होर लोग बी करदै निं आथी? 48तैही बोला हुंह कि तम्हैं हआ सिध्द, ज़िहअ थारअ स्वर्गो बाब परमेशर सिध्द आसा।”#5:48 लेब. 19:2
دیاریکراوەکانی ئێستا:
मोत्ती 5: OSJ
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
This work is licensed under Creative Commons Attribution-ShareAlike 4.0 License.
मोत्ती 5
5
ईशूए धारा प्रैंदै शिक्षा
1ईशू भाल़अ कि खास्सै मणछ आऐ, सह डेऊअ उझै धारठी प्रैंदा लै। संघा बेठअ तिधी अर च़ेल्लै बी बेठै तेऊ फेर शूणैं। 2तेखअ लागअ सह तिन्नां सोभी लै इहअ बोली शिक्षा दैंदअ,
3 “परमेशर दैआ तिन्नां लै बर्गत, ज़ुंण परमेशरे आसरै रहा,
स्वर्गो राज़ आसा तिन्नां लै।
4 परमेशर दैआ तिन्नां लै बर्गत ज़हा एभै शोग आसा पल़अ द,
तिन्नां लै भेटणीं शांती।
5 परमेशर दैआ तिन्नां लै बर्गत ज़ुंण शरेरै निं फिरदै,
तिंयां हणैं ऐहा पृथूईए मालक।
6 परमेशर दैआ तिन्नां लै बर्गत ज़ुंण
धर्म करने भुख हआ, तिंयां रज़ैऊंणै।
7 परमेशर दैआ तिन्नां लै बर्गत ज़ुंण झींण करा,
तिन्नां लै हणअ परमेशर झणैल़ू।
8 परमेशर दैआ तिन्नां लै बर्गत ज़सरै मन्नैं खोट निं आथी,
तिन्नां भेटणअ परमेशर।
9 परमेशर दैआ तिन्नां लै बर्गत ज़ुंण मेल़-ज़ोल़ करा,
तिंयां हणैं परमेशरे लुआद।
10 परमेशर दैआ तिन्नां लै बर्गत ज़हा लै धर्म करी लोग दुख दैआ,
स्वर्गो राज़ आसा तिन्नां लै।
11 “परमेशरा दैणीं तम्हां लै बर्गत ज़ेभै तम्हां लै लोग मुंह पिछ़ू झ़ुठअ बोली थारै खलाफ हर रंगो बूरअ बर्ताअ करे। 12तेभै हऐ तम्हैं खास्सै खुशी। तम्हां लै आसा स्वर्गै बडअ फल़। किल्हैकि ज़ुंण तम्हां का पैहलै भलै मणछ, परमेशरे गूर थिऐ, तिन्नैं किअ त तिन्नां लै बी इहअ ई ज़ुल्म।
लूंण अर लाटू
(मार्कुस 9:50; लूका 14:34,35)
13 “ज़िहअ रोटी लै लूंण पाआ तिहै हणैं तम्हैं बी संसारा लै। पर ज़ै लूंणो सुआद लूंणअ नांईं होए, तै सह किज़ू करै करनअ लूंणअ? तेखअ निं तेता ढेक्का शोटणै का सुआई किछ़ै काम रहंदअ।
14 “तम्हैं आसा संसारा लै प्रैश्शअ, ज़ुंण गराअं धारा प्रैंदै हआ बस्सअ द, सह शुझिआ सोभी का। 15इहअ निं कोह आथी ज़ुंण दीअ ज़ाल़ी दरोठू भितरी डाहा पाई तेता डाहा दीअदानी दी उछ़टै ताकि सारै घअरै प्रैश्शअ होए। 16ठीक इहअ लोल़ी ई थारअ प्रैश्शअ बी होरी लोगा नदरी च़मकअ। ताकि तिंयां थारै भलै कामां भाल़ी परमेशरे बड़ैई करे ज़ुंण थारअ बाब स्वर्गै आसा।
शास्त्रे शिक्षा
17 “इहअ निं समझ़ा कि हुंह आसा परमेशरे गूरे बधाना अर शास्त्रा खतम करदअ आअ द, पर हुंह आसा तिन्नां पूरै करदअ आअ द।#5:17 रोम. 10:4 18हुंह खोज़ा तम्हां का सत्त कि ज़ेभै तैणीं अह सरग अर पृथूई खतम नां होए, तेभै तैणीं निं बधाना दी लिखी दी एक मात्रा अर एक बिंदू बी पूरअ हणैं बाझ़ी टल़णअ।
19 “तैही बोला हुंह कि ज़ुंण बी इना होछ़ै का होछ़ै हुकमा मनणा लै एकी दी बी गलती करे अर तिहअ ई होरी का बी सखाओए सह हणअ स्वर्ग राज़ा दी सोभी का होछ़अ। पर ज़ुंण बी तिन्नां हुकमा मने अर तिन्नां होरी का बी सखाओए, सह हणअ स्वर्ग राज़ा दी सोभी का महान।
20 “पर हुंह खोज़ा तम्हां का सत्त, ज़ै तम्हैं परमेशरे हर गल्ला मनणा लै इना यहूदी शास्त्री अर फरीसी पंथे लोगा का खास्सै धर्मीं होए तै सका तम्हैं स्वर्ग राज़ा दी डेऊई।
रोश्श अर हत्या
21 “तम्हैं आसा ईंयां गल्ला शूणीं दी कि बधाना दी आसा इहअ लिखअ द, ‘हत्या निं करनी अर ज़ुंण हत्या करे, तेऊ भेटणीं दालता दी सज़ा।’”#5:21 लुआ. 20:13
22 “पर हुंह खोज़ा तम्हां का सत्त, ज़ुंण बी आपणैं भाई लै रोश्श करे, सह आसा हत्या करनै आल़अ अर तेऊ भेटणीं दालता दी सज़ा। ज़ुंण आपणैं भाई लै निक्कअ बोले, तेऊ भेटणीं माहा सभा सज़ा। ज़ुंण इहअ बोले, ‘आरा ऐडै मणछा,’ तेऊ भेटणीं जम्परीए आगी जैंदरी सज़ा।
23 “तैही बोला हुंह ज़ै तूह परमेशरा लै आपणीं भैंट बेदी दी आणे, अर तिधी फिरे ताह आद कि मेरै भाई-बैहण मन्नैं आसा मुल्है बरोध! तै छ़ाड तूह आपणीं भैंट तिधी बेदी आजू। 24आपणैं भाई-बैहणी संघै कर पैहलै मेल़-ज़ोल़ अर तेखअ दै आपणीं भैंट बेदी दी।
25 “ज़ेभै तैणीं तूह आपणैं दुशमणा संघा बाता आसा, तेभी कर तेऊ संघै मेल़-ज़ोल़। इहअ निं हआ कि सह निंए ताह पांच़ा सेटा अर पांच़ दैए ताह सपाही का अर सपाही पाए ताह कैद खानै दी। 26ऐहा गल्ला लऐ तूह समझ़ी कि ज़ेभै तैणीं तूह पाई-पाई निं भरी मुक्के, तेभै तैणीं निं तूह तिधा का छ़ुटणअ।
कंज़रैई
27 “तम्हैं आसा ईंयां गल्ला शूणीं दी कि परमेशरै आसा म्हारै दादा-बाबा लै बोलअ द, ‘कंज़रै निं हणअ।’#5:27 बधा. 5:18; लुआ. 20:14 28पर हुंह बोला तम्हां लै इहअ, ज़ुंण कहा बेटल़ी लै कंज़री नदर बी दैए, सह गअ मन्नैं ई मन्नैं तैहा संघै कंझ़रूई।
29 “ज़ै तूह आपणीं आछी कई गल्ला भाल़ी पाप करा, तिन्नां पापा दी पाप कराऊंणै आल़ी च़िज़ा भाल़णैं का रह दूर, च़ाऐ ताह सह आछ पोर्ही किल्है निं पल़े काढणीं। किल्हैकि ताल्है आसा अह ई भलअ कि तेरी देही का हणअ एक्कै आंग ज़ांऐं, तेता पिछ़ू तेरी सारी देही ता निं जम्परी डेऊणी।
30 “ज़ै तेरै हाथा करै पाप हआ, तेता करै पाप करने पाऐ छ़ाड। च़ाऐ ताह सह हाथ काटणअ किल्है निं पल़े। ताल्है आसा इहअ ई भलअ कि तेरअ एक्कै हाथ हणअ तेरी देही का ज़ांऐं, तेता पिछ़ू तेरी सारी देही ता निं जम्परी डेऊणी।
बैईदाऊअ
31 “तम्हैं इहअ बी आसा शूणअ द कि ज़ुंण आपणीं लाल़ी छ़ाडणअ च़ाहा, सह दैऐ तैहा लै बैईदाऊअ लिखी।#5:31 बधा. 24:1-4 32पर हुंह बोला तम्हां लै इहअ कि ज़ुंण बी आपणीं बेटल़ी कंज़रै कामां का सुआई थोघै बाझ़ी किज़ू होरी कामां पिछ़ू छ़ाडे, सह कराऊआ तैहा का कंज़रैई, अर ज़ुंण तैहा छ़ाडी दी बेटल़ी संघै बैह करे, सह बी करा कंज़रैई।
सोह निं काढणैं
33 “तम्हैं इहअ बी आसा हेरअ द शूणीं कि थारै दाद-बाब बोला तै तिन्नें ज़मानै, ‘झ़ुठै सोह निं काढणैं पर प्रभू लै करनै आपणैं सोह पूरै।’#5:33 बधा. 23:1
34 “पर हुंह बोला तम्हां लै इहअ कि सोह निं कधि काढणैं, नांईं ता स्वर्गे, किल्हैकि सह आसा परमेशरे राज़गाद्दी।#5:34 ईशा. 66:1 35नां पृथूईए, किल्हैकि सह आसा तेऊए च़रणा बशैल़णे च़ौकी। नां एरुशलेम नगरीए, किल्हैकि सह आसा माहा राज़ेए नगरी। 36आपणैं मुंडे सोह बी निं काढी। किल्हैकि तूह नां एक शराल़ काल़अ अर नां तूह शेतअ करी सकदअ।
37 “पर थारी ‘हाँ’ करनैओ मतलब लोल़ी ‘हाँ’ अर थारी ‘नांह’ करनैओ मतलब लोल़ी ‘नांह’ हुअ। किल्हैकि ज़ुंण बी एता का खास्सअ हआ सह हआ राख्सा बाखा।
बदल़अ
(लूका 6:29,30)
38 “तम्हैं आसा आपणैं दादा-बाबा का इहअ बी शूणअ द कि बधाना दी बोला इहअ, ‘आछिए बदल़ै आछ, अर दांदे बदल़ै दांद।’#5:38 बधा. 19:21
39 “पर हुंह बोला तम्हां लै इहअ, ‘बूरै करने बदल़ै बूरअ निं करी। पर ज़ुंण तेरै दैहणै गलेटै च़ैंडै बाहे, तेऊ बाखा फरेओऐ बाऊंअ गलेटअ बी।’ 40ज़ै कुंण तेरअ दाऊअ करी तेरी सज़ा भुगतणे बदल़ै कुर्तै आप्पू लै निंणअ च़ाहे, तेऊ लै दैऐ आपणअ च़ोल़अ बी खोल्ही च़ाऐ तेते ताह खास्सी ज़रुरत किल्है निं होए।
41 “ज़ुंण ताह थोघै बाझ़ी एक मील दूर निंए, तेऊ संघै डेओऐ दूई मील तूह तैणीं बी। 42ज़ुंण ताखा किज़ै मांगे, तेऊ लै दैऐ, अर ज़ुंण ताखा किज़ै ऋण मांगे, तेऊ लै निं आपणीं पिठ फरेऊई।
दुशमणा संघै झ़ूरी
(लूका 6:27,28,32-36)
43 “तम्हैं आसा इहअ बी शूणअ द कि इहअ बी बोला तै कि आपणैं लोगा संघै डाहै झ़ूरी अर आपणैं दुशमणा संघै डाहै ज़ीद। #
लेब. 19:18
44 “पर हुंह बोला तम्हां लै इहअ कि आपणैं दुशमणा संघै डाहै झ़ूरी। ज़ुंण ताल्है ज़ुल्म करा, तेऊ लै करै प्राथणां।
45 “इहअ करै हणैं तम्हैं आपणैं स्वर्गे बाब परमेशरे लुआद। किल्हैकि सह दैआ भलै अर बूरै दुही लै सुरज़ो धुप्पअ, अर धर्मीं अर पापी दुही लै बरशाऊआ पाणीं। 46किल्हैकि, ज़ै तम्हैं आप्पू लै झ़ूरनै आल़ै संघै ई झ़ूरी डाहा, तै तम्हां लै किज़ै फाईदअ हणअ? होर लोग बी कै इहअ निं करदै?
47 “ज़ै तम्हैं आपणैं ई भाई-बंधा लै अदर करा, सह कै तम्हैं बेघै बडअ काम करा? इहअ कै होर लोग बी करदै निं आथी? 48तैही बोला हुंह कि तम्हैं हआ सिध्द, ज़िहअ थारअ स्वर्गो बाब परमेशर सिध्द आसा।”#5:48 लेब. 19:2
This work is licensed under Creative Commons Attribution-ShareAlike 4.0 License.