EPHESUS-TE 1
1
Hopina
1Pasien’ deina ziehin Khris Jesu’ sawltahpi Paul in,
Ephesus khuo-a om misiengthote, Khris Jesu sunga mi muonhuoite tungah:#Sawl 18:19-21; 19:1
2I Pa Pasien le Topa Jesu Khris tung pan hepina le kilemna om taheh.
Khris Sunga Hlagau Thuphate
3Khris sungah vantung munte sunga om hlagau thupha namcin tawh eite thupha ei pie, i Topa Jesu Khris’ Pa Pasien in thupha nga ta hinlen, 4eite in ama mai-ah itna hang tawh siengtho-in paubanna i nei lo nadingin leitung pien masangin ama in Khris sungah ei teel zo hi. 5Ama’ hoisah le ama’ dei dan tawh kizui-in ama in Jesu Khris tungtawnin ama’ tate ahi dinga tapa za nga dingin ei na laitan kholsa ahi a, 6tua khu a Itpa sungah eite ei hlawnpieh ahi, a minthang ama’ hepina i patawi thei nading uh ahi hi. 7Eite in ama’ sisan tungtawnin ama sungah tatkhietna i nga vua, ama’ hepina zieha haunate tawh kizui-in i thupalsatnate uh tungah ngaidamna i nga vua,#Col 1:14 8ama in pilna namcin le thuthuh theina tawh eite tungah a dimlet a ei pieh ahi hi. 9Ama in Khris sunga a koisa ama’ hoisah dan tawh kizui-in ama’ deina thuthuhpi zong ei theisah zo ta hi. 10Tua thuthuhpi i ci pen in, a hun a cin ciengin vantung le leitunga a om sil bangkim Khris sunga gawmtuo ding gelna ahi hi. 11A ngaisutna le a deina tawh kituoha sil bangkim a muolsuo pa in ama’ ngimna tawh kituohin a laitansa bangin kote in zong Khris sungah gouluo za ka nga vua, 12Khris tungah lametna a koi masa kote a minthanna a patawi dinga ka nuntat thei nading uh ahi hi. 13Note in ang kihutdamna lungdamna thu ahi thuman thutah za-in ama na up zaw ciengun, nohaw zong ama sungah kamciemna tawh kipawl Hlagau Siengtho tawh ang kiciemtesa na hi ta uhi; 14tua khu ama’ minthanna patawi nadingin Pasien neisa mite’ tatkhietna dongin i luo ding ei khamkholna gou ahi hi.
Paul’ Thungetna
15Keima in Topa Jesu sunga na upna ule misiengthote zosie tunga na itna uh#1:15 Adang tang laibute ah “ule na itna uh” ci om lo hi. ka na za zo ta a, tua thu ziehin 16ka thungetnate-ah hing phawh kawmin note adingin khawl hun nei loin lungdam ka ko den hi. 17Note in ama na thei ziehun i Topa Jesu Khris Pasien, a minthang Pa in note lungpilna le kilahna ang pieh thei nading, 18na lungsim mitte uh vahsahin note ang hlatna tawh kipawl lametna, misiengthote lahah a minthang ama’ gouluo zieha haunate, 19le a lien ama’ vanglietna nasep thupite dung zui-in a um eite adingin tezawh ahi lo ama’ vanglietna lienpite bang ahei ci note in na thei nadingun thu kang ngetpieh hi. 20Pasien in sina panin ama thosahin, vantung munte sunga ama’ zietlamah a tosah lai-in Khris sungah na sem dingin tami vanglietna guonpieh a,#Late 110:1 21vaihawmna le thuneina, vanglietna le uhna vannuoite tungah hile, tu khanghun beh ah hi loin, ang tung ding khanghun ah zong hile a kiphuo min zosie tungah a tosah hi. 22Pasien in ama’ keng nei-ah sil bangkim koi a, a hlattuom pawlpi adingin a lutangin ama a bawl zo hi.#Late 8:6 23Tua hlattuom pawlpi pen ama’ pumpi ahi a, bangkimah bangkim a kicingsah pa’ kicinna ahi hi.#Col 1:18
دیاریکراوەکانی ئێستا:
EPHESUS-TE 1: ZBOTF01
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Zo Bible © Bible Society of Myanmar, 2018.
EPHESUS-TE 1
1
Hopina
1Pasien’ deina ziehin Khris Jesu’ sawltahpi Paul in,
Ephesus khuo-a om misiengthote, Khris Jesu sunga mi muonhuoite tungah:#Sawl 18:19-21; 19:1
2I Pa Pasien le Topa Jesu Khris tung pan hepina le kilemna om taheh.
Khris Sunga Hlagau Thuphate
3Khris sungah vantung munte sunga om hlagau thupha namcin tawh eite thupha ei pie, i Topa Jesu Khris’ Pa Pasien in thupha nga ta hinlen, 4eite in ama mai-ah itna hang tawh siengtho-in paubanna i nei lo nadingin leitung pien masangin ama in Khris sungah ei teel zo hi. 5Ama’ hoisah le ama’ dei dan tawh kizui-in ama in Jesu Khris tungtawnin ama’ tate ahi dinga tapa za nga dingin ei na laitan kholsa ahi a, 6tua khu a Itpa sungah eite ei hlawnpieh ahi, a minthang ama’ hepina i patawi thei nading uh ahi hi. 7Eite in ama’ sisan tungtawnin ama sungah tatkhietna i nga vua, ama’ hepina zieha haunate tawh kizui-in i thupalsatnate uh tungah ngaidamna i nga vua,#Col 1:14 8ama in pilna namcin le thuthuh theina tawh eite tungah a dimlet a ei pieh ahi hi. 9Ama in Khris sunga a koisa ama’ hoisah dan tawh kizui-in ama’ deina thuthuhpi zong ei theisah zo ta hi. 10Tua thuthuhpi i ci pen in, a hun a cin ciengin vantung le leitunga a om sil bangkim Khris sunga gawmtuo ding gelna ahi hi. 11A ngaisutna le a deina tawh kituoha sil bangkim a muolsuo pa in ama’ ngimna tawh kituohin a laitansa bangin kote in zong Khris sungah gouluo za ka nga vua, 12Khris tungah lametna a koi masa kote a minthanna a patawi dinga ka nuntat thei nading uh ahi hi. 13Note in ang kihutdamna lungdamna thu ahi thuman thutah za-in ama na up zaw ciengun, nohaw zong ama sungah kamciemna tawh kipawl Hlagau Siengtho tawh ang kiciemtesa na hi ta uhi; 14tua khu ama’ minthanna patawi nadingin Pasien neisa mite’ tatkhietna dongin i luo ding ei khamkholna gou ahi hi.
Paul’ Thungetna
15Keima in Topa Jesu sunga na upna ule misiengthote zosie tunga na itna uh#1:15 Adang tang laibute ah “ule na itna uh” ci om lo hi. ka na za zo ta a, tua thu ziehin 16ka thungetnate-ah hing phawh kawmin note adingin khawl hun nei loin lungdam ka ko den hi. 17Note in ama na thei ziehun i Topa Jesu Khris Pasien, a minthang Pa in note lungpilna le kilahna ang pieh thei nading, 18na lungsim mitte uh vahsahin note ang hlatna tawh kipawl lametna, misiengthote lahah a minthang ama’ gouluo zieha haunate, 19le a lien ama’ vanglietna nasep thupite dung zui-in a um eite adingin tezawh ahi lo ama’ vanglietna lienpite bang ahei ci note in na thei nadingun thu kang ngetpieh hi. 20Pasien in sina panin ama thosahin, vantung munte sunga ama’ zietlamah a tosah lai-in Khris sungah na sem dingin tami vanglietna guonpieh a,#Late 110:1 21vaihawmna le thuneina, vanglietna le uhna vannuoite tungah hile, tu khanghun beh ah hi loin, ang tung ding khanghun ah zong hile a kiphuo min zosie tungah a tosah hi. 22Pasien in ama’ keng nei-ah sil bangkim koi a, a hlattuom pawlpi adingin a lutangin ama a bawl zo hi.#Late 8:6 23Tua hlattuom pawlpi pen ama’ pumpi ahi a, bangkimah bangkim a kicingsah pa’ kicinna ahi hi.#Col 1:18
Zo Bible © Bible Society of Myanmar, 2018.