2 CORINTH 12
12
Paul Mangmunate le Kilahnate
1Bangma phattuom nading om sih nanle ka kisiel ding a kisam ahi hi; hinanle ka mangmunate le Topa’ ang kilahnate ka gengen ding hi. 2Tu masang kum sawm le kum li lai-in Khris sunga a om mi khat vantung dawl thumna-ah a kilahto lam ka thei a, a pumpi tawh amah, a pumpi lo tawh ahei ci ka thei sih hi; Pasien in a thei hi. 3Tua mipa, a pumpi tawh amah, a pumpi lo tawh ahei ci zong ka thei sih hi; Pasien in a thei hi. 4Paradise ah a kilato a, gen lo ding thute, mihing koima khat beh in a genkia dinga a kiphal lo thute a za hi. 5Tua bang mi pa khat ziehin ka kisiel ding a, hizongle ka thanemnate ah ci simlo ka kisiel sih ding hi. 6Ahi vangin thutah gen ding ka hi ziehin kisiel nuom leng mimaw ka hi tuon sih ding hi, a zieh pen keima sunga a mu ule keima tung pana a zahte uh sangin a thupizaw-a koima in ei ngaisut lo nadingin kisiel ding ka kidawm a, 7tua a lamdang kilahna dante nangawn ngaisutin ka nei sih hi. Tua ahi ziehin ka kisahthei luot lo nadingin#12:7 Adang tang laibute ah “ka kisahthei behseh lo nadingin” ci om lo hi. ka tahsa sungah ei bawlsie ding Satan’ kamtai ahi ling khat ei kipie hi. 8Kei tung panin tua lingtang a kilahkhiet nadingin Topa tungah thumvei thu ka ngen a, 9hinanle ama in keima kungah, “Nangma dingin ka hepina a kicing hi, azieh pen thanemna sungah ka vanglietna a kicing hi,” ei ci hi. Tuaci’n ka sungah Khris’ vanglietna a ten thei nadingin kipahtahin ka thanemnate ka kisielpi ding hi. 10Tua ahi tah ziehin Khris hangin thanemnate, zakonate, hahsatnate tungah ka lung a kim hi; azieh pen ka thanem ciengin ka tha a hat hi.
Corinth Hlattuomte ading Paul’ Deisahna
11Kei mimaw ka hi ta hi! Tua dinga nei paubawl uh ahi hi. A tahtahin kei pen nei pahtah lawm uh ka hi hi, bangzieh ahei cile bangma ka hi lo vangin tami sawltahpi lien pente sangin ka neuzaw tuon sih hi. 12Note lahah sawltahpi man khat’ hina a lah ahi limte, sil lamdangte, le vanglietna nasepnate kibawl zo hi. 13Kei mama in note vangih kang suon lo ci simlo hlattuom pawlpi dangte sangin bangci-in a siezaw-in na om ngai ta uh ahei? Tami ka khiel khahna ei ngaidam un!
14Na kung vua ang haw dinga ka kiginna tami khu a thumveina vawt ahi ta hi. Na neisate uh a deigaw ka hi sih a, noma mama ang dei ka hi zawh ziehin note’ vangih ka suoh sih ding hi; bangzieh ahei cile tate in nu le pate dingin nei le lam kholpieh loin, nu le pate in tate adingin a kholpieh ding hizaw hi. 15Note adingin ka neisate kipahtahin ka zang ding a, keima ma zong ka kipumpieh nuom hi. Note hing it semsem leng ei tawm it semsem ding na hi uh amah? 16Note vangih ang suon loin ei kingaisun taheh. Ahi vangin note in kei mi ngiansiem ka hi ziehin solna tawh ang manin nei gen uhi. 17Na kung vua kang sawl mi khatpo tungtawnin a met lahna-in kang nei uh amah? 18Na kung vua haw dingin Titus ka kun a, i sanggam pa kang zuisah hi. Titus in note a met lahna-in ang nei sih hi, hi lo amah? Lungsim kibanga a semton hi lo uh ka mah? Ka kalsuonzie uh kibang hi lo amah?
19Note mai-ah koma le koma a kiphelphelin ei ngaisun na hi uh amah? Kote pen Khris sunga omte bangin Pasien mai-a thugengen ka hi uhi. Ka itte aw, ka sepna zosie uh pen note kilamkip nading ahi hi. 20Bangzieh ahei cile kang tun ciengin ka dei banga kang mu lo khah ding ule note in zong na dei bang vua nei mu lo khah ding uh ka zau hi; note lahah kihauna, hazatna, lungthahna, huoihamna, kidaisahna, kigensietna, kihisahna, le buoinate a op khah ding ka zau hi. 21Kang hawkia ciengin ka Pasien in na mai vuah ei niemkhiehin nidanga na khielnasa uh mawnate ahi, siengtho lona, nulepa mawna, thangtatnate vang tawh maw napi a kisia lo ziehun mi tampi ziehin da le kapin ka op khah ding ka zau hi.
دیاریکراوەکانی ئێستا:
2 CORINTH 12: ZBOTF01
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Zo Bible © Bible Society of Myanmar, 2018.
2 CORINTH 12
12
Paul Mangmunate le Kilahnate
1Bangma phattuom nading om sih nanle ka kisiel ding a kisam ahi hi; hinanle ka mangmunate le Topa’ ang kilahnate ka gengen ding hi. 2Tu masang kum sawm le kum li lai-in Khris sunga a om mi khat vantung dawl thumna-ah a kilahto lam ka thei a, a pumpi tawh amah, a pumpi lo tawh ahei ci ka thei sih hi; Pasien in a thei hi. 3Tua mipa, a pumpi tawh amah, a pumpi lo tawh ahei ci zong ka thei sih hi; Pasien in a thei hi. 4Paradise ah a kilato a, gen lo ding thute, mihing koima khat beh in a genkia dinga a kiphal lo thute a za hi. 5Tua bang mi pa khat ziehin ka kisiel ding a, hizongle ka thanemnate ah ci simlo ka kisiel sih ding hi. 6Ahi vangin thutah gen ding ka hi ziehin kisiel nuom leng mimaw ka hi tuon sih ding hi, a zieh pen keima sunga a mu ule keima tung pana a zahte uh sangin a thupizaw-a koima in ei ngaisut lo nadingin kisiel ding ka kidawm a, 7tua a lamdang kilahna dante nangawn ngaisutin ka nei sih hi. Tua ahi ziehin ka kisahthei luot lo nadingin#12:7 Adang tang laibute ah “ka kisahthei behseh lo nadingin” ci om lo hi. ka tahsa sungah ei bawlsie ding Satan’ kamtai ahi ling khat ei kipie hi. 8Kei tung panin tua lingtang a kilahkhiet nadingin Topa tungah thumvei thu ka ngen a, 9hinanle ama in keima kungah, “Nangma dingin ka hepina a kicing hi, azieh pen thanemna sungah ka vanglietna a kicing hi,” ei ci hi. Tuaci’n ka sungah Khris’ vanglietna a ten thei nadingin kipahtahin ka thanemnate ka kisielpi ding hi. 10Tua ahi tah ziehin Khris hangin thanemnate, zakonate, hahsatnate tungah ka lung a kim hi; azieh pen ka thanem ciengin ka tha a hat hi.
Corinth Hlattuomte ading Paul’ Deisahna
11Kei mimaw ka hi ta hi! Tua dinga nei paubawl uh ahi hi. A tahtahin kei pen nei pahtah lawm uh ka hi hi, bangzieh ahei cile bangma ka hi lo vangin tami sawltahpi lien pente sangin ka neuzaw tuon sih hi. 12Note lahah sawltahpi man khat’ hina a lah ahi limte, sil lamdangte, le vanglietna nasepnate kibawl zo hi. 13Kei mama in note vangih kang suon lo ci simlo hlattuom pawlpi dangte sangin bangci-in a siezaw-in na om ngai ta uh ahei? Tami ka khiel khahna ei ngaidam un!
14Na kung vua ang haw dinga ka kiginna tami khu a thumveina vawt ahi ta hi. Na neisate uh a deigaw ka hi sih a, noma mama ang dei ka hi zawh ziehin note’ vangih ka suoh sih ding hi; bangzieh ahei cile tate in nu le pate dingin nei le lam kholpieh loin, nu le pate in tate adingin a kholpieh ding hizaw hi. 15Note adingin ka neisate kipahtahin ka zang ding a, keima ma zong ka kipumpieh nuom hi. Note hing it semsem leng ei tawm it semsem ding na hi uh amah? 16Note vangih ang suon loin ei kingaisun taheh. Ahi vangin note in kei mi ngiansiem ka hi ziehin solna tawh ang manin nei gen uhi. 17Na kung vua kang sawl mi khatpo tungtawnin a met lahna-in kang nei uh amah? 18Na kung vua haw dingin Titus ka kun a, i sanggam pa kang zuisah hi. Titus in note a met lahna-in ang nei sih hi, hi lo amah? Lungsim kibanga a semton hi lo uh ka mah? Ka kalsuonzie uh kibang hi lo amah?
19Note mai-ah koma le koma a kiphelphelin ei ngaisun na hi uh amah? Kote pen Khris sunga omte bangin Pasien mai-a thugengen ka hi uhi. Ka itte aw, ka sepna zosie uh pen note kilamkip nading ahi hi. 20Bangzieh ahei cile kang tun ciengin ka dei banga kang mu lo khah ding ule note in zong na dei bang vua nei mu lo khah ding uh ka zau hi; note lahah kihauna, hazatna, lungthahna, huoihamna, kidaisahna, kigensietna, kihisahna, le buoinate a op khah ding ka zau hi. 21Kang hawkia ciengin ka Pasien in na mai vuah ei niemkhiehin nidanga na khielnasa uh mawnate ahi, siengtho lona, nulepa mawna, thangtatnate vang tawh maw napi a kisia lo ziehun mi tampi ziehin da le kapin ka op khah ding ka zau hi.
Zo Bible © Bible Society of Myanmar, 2018.