रोमी 13
13
सरकारए ठिमए न्होंर टिब
1ताँन् म्हिमैं सरकारए ठिमए न्होंर टिल् त्हुम्, तलेबिस्याँ परमेश्वरए इच्छा आरेस्याँ सरकार तल् आखाँ। ताँन् सरकारलाइ परमेश्वरजीन् खटिदिब् ग। 2छतसि खाबइ सरकारए बिरोध लमुँ चइ परमेश्वरजी खटिदिबै म्हिलाइ बिरोध लम्। छ लब्मैंइ सजैं योंब्मुँ, 3तलेबिस्याँ थेब-थेबै पद मुँब्मैं म्रोंसि ठिक के लब्मैं ङ्हिंल् आत्हु, दिलेया आछ्याँबै के लब्मैं बिस्याँ ङ्हिंल् त्हुम्। क्हेमैं सरकारने आङ्हिंल्ले टिदा ङ्हाँइमुँ वा? छ बिस्याँ ठिक के लद्, झाइले क्हेमैंइ सरकारउँइँले स्याबासि योंम्, 4तलेबिस्याँ क्हेमैंए फायदाए ल्हागिर परमेश्वरजी सरकारलाइ ह्रोंसए सेवा लब्मैं खटिदिब् ग। दिलेया पाप लस्याँ सरकार म्रोंसि ङ्हिंल् त्हुम्, तलेबिस्याँ सरकारने सजैं पिंबै शक्ति नेरो हग मुँ। पाप लब्मैंलाइ सजैं पिंबै ल्हागिर परमेश्वरजी सरकारलाइ खटिदिब् ग। 5छतसि खीउँइँले सजैं आयोंरिगे बिसि मत्त्रे आङिं, दिलेया ह्रोंसए सैंज्यै या “छ लब ठिक मुँ” बिब् मैंसि सरकारए ठिमए न्होंर टिलन् त्हुम्।
6छतसि ङ्योइ बालि फोल् त्हुम् तलेबिस्याँ सरकारज्यै या लल् त्हुबै केमैं लमा परमेश्वरए सेवा लरिम्। 7छतसि क्हेमैंइ सरकारलाइ फोल् त्हुबै सैमैं ताँन् फोद्। धै मान लल् त्हुब्मैंलाइ मान लद्।#मत्ती २२:२१; मर्क १२:१७; लूक २०:२५
घ्रिइ घ्रिने लल् त्हुबै कर्तब्य
8घ्रिइ घ्रिने म्हाँया लब बाहेक अरू तो सैरै या भारा आनोद्। तलेबिस्याँ ह्रोंसए ङ्हेब् ट्हुब्मैंए फिर म्हाँया लब्मैंइ परमेश्वरजी पिंबै ठिम पूरा लम्। 9मोशाइ प्ह्रिबै ठिममैं न्होंरि “ब्यभिचार आलदु, म्हि आसैदु, आह्योदु, लोब आलदु,” बिबै ताँमैं मुँ। दिलेया “ह्रोंसलाइ धोंले ङ्हेब् ट्हुब्मैंलाज्यै या म्हाँया लद्” बिबै ताँ ङिंस्याँ ठिमर बिबै ताँन् ताँ लब् धोंन् तम्।#प्रस २०:१३-१५,१७; व्य ५:१७-१९,२१; लेबी १९:१८ 10ह्रोंसए ङ्हेब् ट्हुब्मैं म्हाँया लबै म्हिइ चमैंए फिर तोइ न्होह्रों आल। छतसि म्हाँया लब्मैंइ मोशाइ पिंबै ठिम पूराले म्हाँदिम्।
11मैंन्दि, खैबै जुग खबर होंइमुँ बिसि क्हेमैंज्यै सेइमुँ। तारे क्हेमैं न्हरुउँइँले छोरसि न्ह क्रों मि क्रोंले टिद्। थेद्, ओंसोंबै बिश्वास लबै त्हिंइ भन्दा तिंजोरो ङ्योलाइ जोगेमिंबै त्हिंइ झन् चेंदो तखइमुँ। 12म्हुँइँस ह्याल् खाँइ, तारे त्हिंयाँ प्रेबर होंइमुँ। छतसि मिछु खैबर लबै केमैं पिवाद्। बरु परमेश्वरए ह्वेर टिसि छ्याँबै के लद्, हत्यारमैं छेसि पापने नेद्। 13त्हिंर्बै ह्वेर टिब्मैं धोंले छ्याँबै छ्ह थोले। सयल लप्रब, प्हा को तब, ब्यभिचार लब, तो लदा ङ्हाँमुँ चन् लब, प्होंगि मिब नेरो ह्रिस लब छाबै केमैं ताँन् पिवाद्। 14बरु येशू ख्रीष्ट धोंन् तबर भों लद्, धै ह्रोंसए सैंउँइँले खबै आछ्याँबै इच्छामैं पिवाद्।
دیاریکراوەکانی ئێستا:
रोमी 13: GCMB
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2020, Wycliffe Bible Translators, Inc. All rights reserved.
रोमी 13
13
सरकारए ठिमए न्होंर टिब
1ताँन् म्हिमैं सरकारए ठिमए न्होंर टिल् त्हुम्, तलेबिस्याँ परमेश्वरए इच्छा आरेस्याँ सरकार तल् आखाँ। ताँन् सरकारलाइ परमेश्वरजीन् खटिदिब् ग। 2छतसि खाबइ सरकारए बिरोध लमुँ चइ परमेश्वरजी खटिदिबै म्हिलाइ बिरोध लम्। छ लब्मैंइ सजैं योंब्मुँ, 3तलेबिस्याँ थेब-थेबै पद मुँब्मैं म्रोंसि ठिक के लब्मैं ङ्हिंल् आत्हु, दिलेया आछ्याँबै के लब्मैं बिस्याँ ङ्हिंल् त्हुम्। क्हेमैं सरकारने आङ्हिंल्ले टिदा ङ्हाँइमुँ वा? छ बिस्याँ ठिक के लद्, झाइले क्हेमैंइ सरकारउँइँले स्याबासि योंम्, 4तलेबिस्याँ क्हेमैंए फायदाए ल्हागिर परमेश्वरजी सरकारलाइ ह्रोंसए सेवा लब्मैं खटिदिब् ग। दिलेया पाप लस्याँ सरकार म्रोंसि ङ्हिंल् त्हुम्, तलेबिस्याँ सरकारने सजैं पिंबै शक्ति नेरो हग मुँ। पाप लब्मैंलाइ सजैं पिंबै ल्हागिर परमेश्वरजी सरकारलाइ खटिदिब् ग। 5छतसि खीउँइँले सजैं आयोंरिगे बिसि मत्त्रे आङिं, दिलेया ह्रोंसए सैंज्यै या “छ लब ठिक मुँ” बिब् मैंसि सरकारए ठिमए न्होंर टिलन् त्हुम्।
6छतसि ङ्योइ बालि फोल् त्हुम् तलेबिस्याँ सरकारज्यै या लल् त्हुबै केमैं लमा परमेश्वरए सेवा लरिम्। 7छतसि क्हेमैंइ सरकारलाइ फोल् त्हुबै सैमैं ताँन् फोद्। धै मान लल् त्हुब्मैंलाइ मान लद्।#मत्ती २२:२१; मर्क १२:१७; लूक २०:२५
घ्रिइ घ्रिने लल् त्हुबै कर्तब्य
8घ्रिइ घ्रिने म्हाँया लब बाहेक अरू तो सैरै या भारा आनोद्। तलेबिस्याँ ह्रोंसए ङ्हेब् ट्हुब्मैंए फिर म्हाँया लब्मैंइ परमेश्वरजी पिंबै ठिम पूरा लम्। 9मोशाइ प्ह्रिबै ठिममैं न्होंरि “ब्यभिचार आलदु, म्हि आसैदु, आह्योदु, लोब आलदु,” बिबै ताँमैं मुँ। दिलेया “ह्रोंसलाइ धोंले ङ्हेब् ट्हुब्मैंलाज्यै या म्हाँया लद्” बिबै ताँ ङिंस्याँ ठिमर बिबै ताँन् ताँ लब् धोंन् तम्।#प्रस २०:१३-१५,१७; व्य ५:१७-१९,२१; लेबी १९:१८ 10ह्रोंसए ङ्हेब् ट्हुब्मैं म्हाँया लबै म्हिइ चमैंए फिर तोइ न्होह्रों आल। छतसि म्हाँया लब्मैंइ मोशाइ पिंबै ठिम पूराले म्हाँदिम्।
11मैंन्दि, खैबै जुग खबर होंइमुँ बिसि क्हेमैंज्यै सेइमुँ। तारे क्हेमैं न्हरुउँइँले छोरसि न्ह क्रों मि क्रोंले टिद्। थेद्, ओंसोंबै बिश्वास लबै त्हिंइ भन्दा तिंजोरो ङ्योलाइ जोगेमिंबै त्हिंइ झन् चेंदो तखइमुँ। 12म्हुँइँस ह्याल् खाँइ, तारे त्हिंयाँ प्रेबर होंइमुँ। छतसि मिछु खैबर लबै केमैं पिवाद्। बरु परमेश्वरए ह्वेर टिसि छ्याँबै के लद्, हत्यारमैं छेसि पापने नेद्। 13त्हिंर्बै ह्वेर टिब्मैं धोंले छ्याँबै छ्ह थोले। सयल लप्रब, प्हा को तब, ब्यभिचार लब, तो लदा ङ्हाँमुँ चन् लब, प्होंगि मिब नेरो ह्रिस लब छाबै केमैं ताँन् पिवाद्। 14बरु येशू ख्रीष्ट धोंन् तबर भों लद्, धै ह्रोंसए सैंउँइँले खबै आछ्याँबै इच्छामैं पिवाद्।
© 2020, Wycliffe Bible Translators, Inc. All rights reserved.