Kalangan 24

Kalangan si Da'ud

1Suku' PANGHŪꞋ dunya itu sampay kapanyapanna.

Suku'na alam itu sampay kabangsa-bangsahanna.

2Pinat'nna' e'na gintana'an ma t'ngnga' s'llang,

pinahogot he'na ma t'ngnga' kas'llogan.

3Sai bahā' makatukad ni būd PANGHŪꞋ?

Sai bahā' makat'ngge ma deyom luma' pangarapan ni iya?

4Luwal a'a ya asussi tanganna min dusa,

ya apote' deyom pangatayanna.

Luwal isab a'a ya mbal anumba ni ta'u-ta'u,

maka mbal magsapa pagputingan.

5Makasambut pahala' min PANGHŪꞋ bang a'a buwattē' kajarihanna.

Tinungbasan iya kabontolan itikad e' Tuhan Manglalappas.

6Buwattē' isab kahālan saga a'a ya angangut Tuhan,

ya atuyu' paharap ni ka'a, O Tuhan si Yakub.

7Bang pa'in paukab saga tambol!

Bang pa'in paukab saga lawang awal-jaman,

bo' supaya makasōd Sultan Sanglit-sahaya!

8Sai sa Sultan Sanglit-sahaya itu?

Si Yawe ko' itu, ya landu' akosog, landu' aesog.

PANGHŪꞋ ko' itu, ya makaga'os ma pagbono'.

9Bang pa'in paukab saga tambol!

Bang pa'in paukab saga lawang awal-jaman,

bo' supaya makasōd Sultan Sanglit-sahaya!

10Sai sa Sultan Sanglit-sahaya itu?

Si Yawe ko' itu, ya Sangat Kawasa.

Ya na Sultan Sanglit-sahaya!

دیاریکراوەکانی ئێستا:

Kalangan 24: sml

بەرچاوکردن

لەبەرگرتنەوە

بەراوردکردن

هاوبەشی بکە

دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە

ئایەتە بڵاوەکانی پەرتووکی پیرۆز لە
Kalangan 24