ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ ꠙꠞꠤꠌꠤꠔꠤ
ꠙꠞꠤꠌꠤꠔꠤ
ꠅꠃ ꠍꠢꠤꠚꠣꠔ ꠀꠝꠞꠣ ꠈꠥꠛ ꠛꠠ ꠛꠠ ꠘꠣꠘꠣꠘ ꠇꠥꠖꠞꠔꠤ ꠊꠐꠘꠣꠞ ꠇꠕꠣ ꠙꠣꠁꠝꠥ। ꠙꠄꠟꠣ, ꠀꠟ꠆ꠟꠣ ꠙꠣꠇꠞ ꠄꠇꠎꠘ ꠘꠛꠤꠄ ꠀꠟ꠆ꠟꠣꠞ ꠢꠥꠇꠥꠝ ꠝꠣꠘꠔꠦ ꠞꠣꠎꠤ ꠅꠁꠟꠣ ꠘꠣ। ꠖꠥꠍꠞꠣ, ꠝꠣꠍꠞ ꠙꠦꠐꠅ ꠄꠇ ꠝꠣꠘꠥꠡ ꠔꠤꠘ ꠖꠤꠘ, ꠔꠤꠘ ꠞꠣꠁꠔ ꠎꠤꠘ꠆ꠖꠣ ꠞꠁꠟꠣ। ꠔꠤꠘ ꠘꠝ꠆ꠛꠞ, ꠅꠃ ꠘꠛꠤ ꠎꠔ ꠎꠣꠉꠣꠔꠃ ꠉꠦꠟꠣ ꠘꠣ ꠇꠦꠘꠦ, ꠉꠤꠀ ꠖꠦꠈꠟꠣ, ꠇꠣꠚꠤꠞ-ꠝꠥꠡꠞꠤꠇ ꠅꠇꠟꠦ, ꠝꠥꠞ꠆ꠔꠤꠙꠥꠎꠣꠞꠤ ꠝꠣꠘꠡꠦ, ꠔꠣꠘ ꠌꠣꠁꠔꠦꠅ ꠛꠦꠡꠤ ꠀꠟ꠆ꠟꠣꠞꠦ ꠝꠣꠘꠦ, ꠀꠞ ꠀꠟ꠆ꠟꠣꠞ ꠝꠞ꠆ꠎꠤ-ꠝꠥꠘꠡꠣ ꠔꠣꠞꠣ ꠀꠞꠅ ꠜꠣꠟꠣꠝꠘ꠆ꠔꠦ ꠛꠥꠎꠦ। ꠅꠃ ꠘꠛꠤ ꠅꠁꠟꠣ ꠢꠎꠞꠔ ꠁꠃꠘꠥꠍ (ꠀ꠩)। ꠀꠍꠟꠦ, ꠔꠣꠁꠘ ꠀꠟ꠆ꠟꠣꠞ ꠢꠥꠇꠥꠝ ꠘꠣ ꠝꠣꠘꠣꠞ ꠙꠤꠍꠘꠦ ꠛꠠ ꠄꠇ ꠇꠣꠞꠘꠅ ꠀꠍꠤꠟ, ꠇꠣꠞꠘ ꠅꠁꠟ, ꠀꠟ꠆ꠟꠣꠄ ꠔ ꠔꠣꠘꠞꠦ ꠘꠤꠘꠜ ꠐꠣꠃꠘꠅ ꠔꠛꠟꠤꠉ ꠇꠞꠣꠞ ꠟꠣꠉꠤ ꠙꠣꠑꠣꠁꠔꠣ ꠌꠣꠁꠟꠣ, ꠀꠞ ꠁ ꠘꠤꠘꠜꠞ ꠝꠣꠘꠥꠡ ꠀꠍꠟꠣ ꠢꠃ ꠎꠝꠣꠘꠣꠞ ꠢꠇꠟ ꠕꠣꠇꠤ ꠘꠤꠡ꠆ꠐꠥꠞ ꠀꠞ ꠎꠥꠟꠥꠝꠛꠣꠎ ꠎꠣꠔꠤ। ꠈꠣꠟꠤ ꠁꠈꠣꠘ ꠘꠣꠄ, ꠔꠣꠞꠣ ꠢꠣꠝꠦꠡꠣ ꠁꠃꠘꠥꠍ ꠘꠛꠤꠞ ꠘꠤꠎꠞ ꠎꠣꠔꠤ ꠛꠘꠤ ꠁꠍꠞꠣꠁꠟꠞ ꠟꠉꠦ ꠟꠣꠠꠣꠁ-ꠎꠥꠖ꠆ꠖ ꠇꠞꠔꠣ।
ꠀꠍꠝꠣꠘꠤ ꠇꠤꠔꠣꠛ ꠙꠛꠤꠔ꠆ꠞ ꠁꠘ꠆ꠎꠤꠟ ꠡꠞꠤꠚꠅ, ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔꠣꠘ ꠘꠤꠎꠞ ꠎꠣꠔꠤꠞ ꠝꠣꠘꠡꠞ ꠖꠥꠡ ꠖꠦꠈꠣꠁꠀ ꠇꠁꠟꠣ, “ꠁꠃꠘꠥꠍ ꠘꠛꠤ ꠎꠦꠟꠣ ꠝꠣꠍꠞ ꠙꠦꠐꠅ ꠔꠤꠘ ꠖꠤꠘ, ꠔꠤꠘ ꠞꠣꠁꠔ ꠀꠍꠟꠣ, ꠀꠝꠤꠅ ꠅꠃꠟꠣ ꠔꠤꠘ ꠖꠤꠘ, ꠔꠤꠘ ꠞꠣꠁꠔ ꠝꠣꠐꠤꠞ ꠔꠟꠦ ꠞꠁꠝꠥ। ꠇꠤꠀꠝꠔꠞ ꠖꠤꠘ ꠢꠃ ꠘꠤꠘꠜ ꠐꠣꠃꠘꠞ ꠝꠥꠞ꠆ꠖꠣ ꠅꠇꠟ ꠃꠑꠤꠀ ꠢꠣꠞꠤ, ꠁ ꠎꠝꠣꠘꠣꠞ ꠝꠣꠘꠡꠞ ꠖꠥꠡ ꠎꠣꠁꠞ ꠇꠞꠛꠣ। ꠇꠣꠞꠘ ꠁꠃꠘꠥꠍ ꠘꠛꠤꠞ ꠔꠛꠟꠤꠉ ꠢꠥꠘꠤꠀ ꠔꠣꠞꠣ ꠔꠃꠛꠣ ꠇꠞꠍꠤꠟꠣ। ꠅꠁꠟꠦ ꠅꠈꠘ ꠔ ꠁꠃꠘꠥꠍ ꠕꠣꠇꠤꠅ ꠀꠞꠅ ꠝꠢꠣꠘ ꠄꠇꠎꠘ ꠁꠘꠅ ꠀꠍꠂꠘ, ꠔꠣ-ꠅ ꠝꠣꠘꠡꠦ ꠔꠃꠛꠣ ꠇꠞꠦꠞ ꠘꠣ।”
ꠝꠥꠟ ꠇꠕꠣ ꠅꠁꠟ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠎꠝꠣꠘꠣꠞ ꠝꠣꠘꠡꠦ ꠄꠇ ꠀꠟ꠆ꠟꠣꠞꠦ ꠑꠤꠇꠃ ꠝꠣꠘꠔꠣ, ꠔꠣꠞꠣ ꠈꠥꠛ ꠀꠟ꠆ꠟꠣ-ꠛꠤꠟ꠆ꠟꠣ ꠇꠞꠔꠣ, ꠅꠁꠟꠦ ꠔꠣꠞꠣ ꠉꠥꠘꠣ-ꠘꠣꠚꠞꠝꠣꠘꠤꠞ ꠇꠣꠝ ꠛꠣꠖ ꠘꠣ ꠖꠦꠅꠀꠄ, ꠉꠥꠘꠣꠞ ꠟꠣꠉꠤ ꠔꠃꠛꠣ ꠘꠣ ꠇꠞꠣꠄ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠡꠤ ꠞꠁꠟꠣ। ꠅꠁꠟꠦ ꠘꠤꠘꠜ ꠐꠣꠃꠘꠞ ꠢꠃ ꠘꠣꠚꠞꠝꠣꠘ ꠎꠥꠟꠥꠝꠛꠣꠎ ꠀꠞ ꠝꠥꠞ꠆ꠔꠤꠙꠥꠎꠣꠞꠤ ꠝꠣꠘꠡꠦ ꠎꠦꠛꠟꠣ ꠔꠃꠛꠣ ꠇꠞꠟꠣ, ꠔꠣꠞꠣ ꠟꠉꠦ ꠟꠉꠦ ꠀꠟ꠆ꠟꠣꠞ ꠖꠞꠛꠣꠞꠅ ꠖꠄꠀ-ꠝꠦꠢꠦꠞꠛꠣꠘꠤ ꠙꠣꠁꠟꠣ, ꠀꠞ ꠘꠤꠌ꠆ꠌꠤꠔ ꠉꠎꠛ ꠕꠣꠇꠤ ꠛꠣꠌꠤꠉꠦꠟꠣ। ꠀꠟ꠆ꠟꠣ ꠔ ꠞꠢꠝꠣꠘꠥꠞ ꠞꠢꠤꠝ, ꠔꠣꠁꠘ ꠘꠤꠎꠞ ꠛꠘ꠆ꠖꠣꠞ ꠈꠣꠍ ꠖꠥꠡꠝꠘꠞꠦꠅ ꠝꠣꠄꠀ ꠇꠞꠂꠘ, ꠅꠁꠟꠦ ꠀꠟ꠆ꠟꠣ ꠙꠣꠇꠞ ꠅꠃ ꠖꠄꠀ-ꠝꠣꠄꠀꠞ ꠟꠣꠉꠤ ꠁꠃꠘꠥꠍ (ꠀ꠩) ꠘꠛꠤꠄ ꠙꠄꠟꠣ ꠉꠥꠍꠣ ꠇꠞꠟꠣ, ꠎꠥꠖꠤꠅ ꠢꠦꠡꠦ ꠔꠣꠁꠘ ꠛꠥꠎ ꠙꠣꠁꠟꠣ।
ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠎꠘꠝꠞ ৭৫০-৮০০ ꠛꠍꠞ ꠀꠉꠦ ꠅꠃ ꠍꠢꠤꠚꠣ ꠟꠦꠈꠣ ꠅꠁꠍꠦ।
ꠄꠞꠝꠣꠎꠦ ꠀꠍꠦ:
(ꠇ) ꠢꠎꠞꠔ ꠁꠃꠘꠥꠍ (ꠀ꠩) ꠜꠣꠉꠤ ꠎꠣꠅꠀ ১ ꠞꠥꠇꠥ
(ꠈ) ꠝꠣꠍꠞ ꠙꠦꠐꠅ ꠢꠎꠞꠔ ꠁꠃꠘꠥꠍꠞ ꠔꠃꠛꠣ ২ ꠞꠥꠇꠥ
(ꠉ) ꠘꠤꠘꠜ ꠐꠣꠃꠘꠅ ꠔꠛꠟꠤꠉ ꠇꠞꠣ ৩ ꠞꠥꠇꠥ
(ꠊ) ꠁꠃꠘꠥꠍꠞ ꠉꠥꠍꠣ ꠀꠞ ꠀꠟ꠆ꠟꠣꠞ ꠝꠣꠄꠀ-ꠝꠝꠔꠣ ৪ ꠞꠥꠇꠥ
دیاریکراوەکانی ئێستا:
ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ ꠙꠞꠤꠌꠤꠔꠤ: sylN
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© Ahle Kitab Society. All rights reserved.
ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ ꠙꠞꠤꠌꠤꠔꠤ
ꠙꠞꠤꠌꠤꠔꠤ
ꠅꠃ ꠍꠢꠤꠚꠣꠔ ꠀꠝꠞꠣ ꠈꠥꠛ ꠛꠠ ꠛꠠ ꠘꠣꠘꠣꠘ ꠇꠥꠖꠞꠔꠤ ꠊꠐꠘꠣꠞ ꠇꠕꠣ ꠙꠣꠁꠝꠥ। ꠙꠄꠟꠣ, ꠀꠟ꠆ꠟꠣ ꠙꠣꠇꠞ ꠄꠇꠎꠘ ꠘꠛꠤꠄ ꠀꠟ꠆ꠟꠣꠞ ꠢꠥꠇꠥꠝ ꠝꠣꠘꠔꠦ ꠞꠣꠎꠤ ꠅꠁꠟꠣ ꠘꠣ। ꠖꠥꠍꠞꠣ, ꠝꠣꠍꠞ ꠙꠦꠐꠅ ꠄꠇ ꠝꠣꠘꠥꠡ ꠔꠤꠘ ꠖꠤꠘ, ꠔꠤꠘ ꠞꠣꠁꠔ ꠎꠤꠘ꠆ꠖꠣ ꠞꠁꠟꠣ। ꠔꠤꠘ ꠘꠝ꠆ꠛꠞ, ꠅꠃ ꠘꠛꠤ ꠎꠔ ꠎꠣꠉꠣꠔꠃ ꠉꠦꠟꠣ ꠘꠣ ꠇꠦꠘꠦ, ꠉꠤꠀ ꠖꠦꠈꠟꠣ, ꠇꠣꠚꠤꠞ-ꠝꠥꠡꠞꠤꠇ ꠅꠇꠟꠦ, ꠝꠥꠞ꠆ꠔꠤꠙꠥꠎꠣꠞꠤ ꠝꠣꠘꠡꠦ, ꠔꠣꠘ ꠌꠣꠁꠔꠦꠅ ꠛꠦꠡꠤ ꠀꠟ꠆ꠟꠣꠞꠦ ꠝꠣꠘꠦ, ꠀꠞ ꠀꠟ꠆ꠟꠣꠞ ꠝꠞ꠆ꠎꠤ-ꠝꠥꠘꠡꠣ ꠔꠣꠞꠣ ꠀꠞꠅ ꠜꠣꠟꠣꠝꠘ꠆ꠔꠦ ꠛꠥꠎꠦ। ꠅꠃ ꠘꠛꠤ ꠅꠁꠟꠣ ꠢꠎꠞꠔ ꠁꠃꠘꠥꠍ (ꠀ꠩)। ꠀꠍꠟꠦ, ꠔꠣꠁꠘ ꠀꠟ꠆ꠟꠣꠞ ꠢꠥꠇꠥꠝ ꠘꠣ ꠝꠣꠘꠣꠞ ꠙꠤꠍꠘꠦ ꠛꠠ ꠄꠇ ꠇꠣꠞꠘꠅ ꠀꠍꠤꠟ, ꠇꠣꠞꠘ ꠅꠁꠟ, ꠀꠟ꠆ꠟꠣꠄ ꠔ ꠔꠣꠘꠞꠦ ꠘꠤꠘꠜ ꠐꠣꠃꠘꠅ ꠔꠛꠟꠤꠉ ꠇꠞꠣꠞ ꠟꠣꠉꠤ ꠙꠣꠑꠣꠁꠔꠣ ꠌꠣꠁꠟꠣ, ꠀꠞ ꠁ ꠘꠤꠘꠜꠞ ꠝꠣꠘꠥꠡ ꠀꠍꠟꠣ ꠢꠃ ꠎꠝꠣꠘꠣꠞ ꠢꠇꠟ ꠕꠣꠇꠤ ꠘꠤꠡ꠆ꠐꠥꠞ ꠀꠞ ꠎꠥꠟꠥꠝꠛꠣꠎ ꠎꠣꠔꠤ। ꠈꠣꠟꠤ ꠁꠈꠣꠘ ꠘꠣꠄ, ꠔꠣꠞꠣ ꠢꠣꠝꠦꠡꠣ ꠁꠃꠘꠥꠍ ꠘꠛꠤꠞ ꠘꠤꠎꠞ ꠎꠣꠔꠤ ꠛꠘꠤ ꠁꠍꠞꠣꠁꠟꠞ ꠟꠉꠦ ꠟꠣꠠꠣꠁ-ꠎꠥꠖ꠆ꠖ ꠇꠞꠔꠣ।
ꠀꠍꠝꠣꠘꠤ ꠇꠤꠔꠣꠛ ꠙꠛꠤꠔ꠆ꠞ ꠁꠘ꠆ꠎꠤꠟ ꠡꠞꠤꠚꠅ, ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔꠣꠘ ꠘꠤꠎꠞ ꠎꠣꠔꠤꠞ ꠝꠣꠘꠡꠞ ꠖꠥꠡ ꠖꠦꠈꠣꠁꠀ ꠇꠁꠟꠣ, “ꠁꠃꠘꠥꠍ ꠘꠛꠤ ꠎꠦꠟꠣ ꠝꠣꠍꠞ ꠙꠦꠐꠅ ꠔꠤꠘ ꠖꠤꠘ, ꠔꠤꠘ ꠞꠣꠁꠔ ꠀꠍꠟꠣ, ꠀꠝꠤꠅ ꠅꠃꠟꠣ ꠔꠤꠘ ꠖꠤꠘ, ꠔꠤꠘ ꠞꠣꠁꠔ ꠝꠣꠐꠤꠞ ꠔꠟꠦ ꠞꠁꠝꠥ। ꠇꠤꠀꠝꠔꠞ ꠖꠤꠘ ꠢꠃ ꠘꠤꠘꠜ ꠐꠣꠃꠘꠞ ꠝꠥꠞ꠆ꠖꠣ ꠅꠇꠟ ꠃꠑꠤꠀ ꠢꠣꠞꠤ, ꠁ ꠎꠝꠣꠘꠣꠞ ꠝꠣꠘꠡꠞ ꠖꠥꠡ ꠎꠣꠁꠞ ꠇꠞꠛꠣ। ꠇꠣꠞꠘ ꠁꠃꠘꠥꠍ ꠘꠛꠤꠞ ꠔꠛꠟꠤꠉ ꠢꠥꠘꠤꠀ ꠔꠣꠞꠣ ꠔꠃꠛꠣ ꠇꠞꠍꠤꠟꠣ। ꠅꠁꠟꠦ ꠅꠈꠘ ꠔ ꠁꠃꠘꠥꠍ ꠕꠣꠇꠤꠅ ꠀꠞꠅ ꠝꠢꠣꠘ ꠄꠇꠎꠘ ꠁꠘꠅ ꠀꠍꠂꠘ, ꠔꠣ-ꠅ ꠝꠣꠘꠡꠦ ꠔꠃꠛꠣ ꠇꠞꠦꠞ ꠘꠣ।”
ꠝꠥꠟ ꠇꠕꠣ ꠅꠁꠟ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠎꠝꠣꠘꠣꠞ ꠝꠣꠘꠡꠦ ꠄꠇ ꠀꠟ꠆ꠟꠣꠞꠦ ꠑꠤꠇꠃ ꠝꠣꠘꠔꠣ, ꠔꠣꠞꠣ ꠈꠥꠛ ꠀꠟ꠆ꠟꠣ-ꠛꠤꠟ꠆ꠟꠣ ꠇꠞꠔꠣ, ꠅꠁꠟꠦ ꠔꠣꠞꠣ ꠉꠥꠘꠣ-ꠘꠣꠚꠞꠝꠣꠘꠤꠞ ꠇꠣꠝ ꠛꠣꠖ ꠘꠣ ꠖꠦꠅꠀꠄ, ꠉꠥꠘꠣꠞ ꠟꠣꠉꠤ ꠔꠃꠛꠣ ꠘꠣ ꠇꠞꠣꠄ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠡꠤ ꠞꠁꠟꠣ। ꠅꠁꠟꠦ ꠘꠤꠘꠜ ꠐꠣꠃꠘꠞ ꠢꠃ ꠘꠣꠚꠞꠝꠣꠘ ꠎꠥꠟꠥꠝꠛꠣꠎ ꠀꠞ ꠝꠥꠞ꠆ꠔꠤꠙꠥꠎꠣꠞꠤ ꠝꠣꠘꠡꠦ ꠎꠦꠛꠟꠣ ꠔꠃꠛꠣ ꠇꠞꠟꠣ, ꠔꠣꠞꠣ ꠟꠉꠦ ꠟꠉꠦ ꠀꠟ꠆ꠟꠣꠞ ꠖꠞꠛꠣꠞꠅ ꠖꠄꠀ-ꠝꠦꠢꠦꠞꠛꠣꠘꠤ ꠙꠣꠁꠟꠣ, ꠀꠞ ꠘꠤꠌ꠆ꠌꠤꠔ ꠉꠎꠛ ꠕꠣꠇꠤ ꠛꠣꠌꠤꠉꠦꠟꠣ। ꠀꠟ꠆ꠟꠣ ꠔ ꠞꠢꠝꠣꠘꠥꠞ ꠞꠢꠤꠝ, ꠔꠣꠁꠘ ꠘꠤꠎꠞ ꠛꠘ꠆ꠖꠣꠞ ꠈꠣꠍ ꠖꠥꠡꠝꠘꠞꠦꠅ ꠝꠣꠄꠀ ꠇꠞꠂꠘ, ꠅꠁꠟꠦ ꠀꠟ꠆ꠟꠣ ꠙꠣꠇꠞ ꠅꠃ ꠖꠄꠀ-ꠝꠣꠄꠀꠞ ꠟꠣꠉꠤ ꠁꠃꠘꠥꠍ (ꠀ꠩) ꠘꠛꠤꠄ ꠙꠄꠟꠣ ꠉꠥꠍꠣ ꠇꠞꠟꠣ, ꠎꠥꠖꠤꠅ ꠢꠦꠡꠦ ꠔꠣꠁꠘ ꠛꠥꠎ ꠙꠣꠁꠟꠣ।
ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠎꠘꠝꠞ ৭৫০-৮০০ ꠛꠍꠞ ꠀꠉꠦ ꠅꠃ ꠍꠢꠤꠚꠣ ꠟꠦꠈꠣ ꠅꠁꠍꠦ।
ꠄꠞꠝꠣꠎꠦ ꠀꠍꠦ:
(ꠇ) ꠢꠎꠞꠔ ꠁꠃꠘꠥꠍ (ꠀ꠩) ꠜꠣꠉꠤ ꠎꠣꠅꠀ ১ ꠞꠥꠇꠥ
(ꠈ) ꠝꠣꠍꠞ ꠙꠦꠐꠅ ꠢꠎꠞꠔ ꠁꠃꠘꠥꠍꠞ ꠔꠃꠛꠣ ২ ꠞꠥꠇꠥ
(ꠉ) ꠘꠤꠘꠜ ꠐꠣꠃꠘꠅ ꠔꠛꠟꠤꠉ ꠇꠞꠣ ৩ ꠞꠥꠇꠥ
(ꠊ) ꠁꠃꠘꠥꠍꠞ ꠉꠥꠍꠣ ꠀꠞ ꠀꠟ꠆ꠟꠣꠞ ꠝꠣꠄꠀ-ꠝꠝꠔꠣ ৪ ꠞꠥꠇꠥ
© Ahle Kitab Society. All rights reserved.